антонио милошоски

Кинеската амбасада во Македонија остро реагира за средбата на Антонијо Милошоски со претставници од Тајван

Кинеската амбасада во Македонија, преку отворено писмо, упати остра реакција до потпретседателот на Собранието, Антонијо Милошоски. Во отвореното писмо се потенцира дека „овој тежок погрешен чин го крши принципот „Една Кина“, политичка обврска што Северна Македонија ја презеде при воспоставувањето дипломатски односи со Кина“. Во продолжение ви го пренесуваме интегрално писмото на амбасадата до Милошоски.Отворено писмо до г-дин Антонијо Милошоски потпретседател на Собранието на Република Северна МакедонијаЗабележавме дека потпретседателот  на Собранието на Република Северна Македонија Антонијо Милошоски, заедно со двајца пратеници, вчера се состана со делегација на таканареченото „Претставништво на Тајпеј во Италија“ во зградата на Собранието. Овој тежок погрешен чин го крши принципот „Една Кина“, политичка обврска што Северна Македонија ја презеде при воспоставувањето дипломатски односи со Кина и став што го потврдија претседателката Сиљановска-Давкова и претседателот на Владата на Северна Македонија Мицкоски, со што ја поткопува политичката основа на нашите билатерални односи. Исто така, испраќа погрешен сигнал до сепаратистичките сили кои се залагаат за „независност на Тајван“. Амбасадата на Народна Република Кина во Република Северна Македонија го изразува своето силно незадоволство и категорично противење.Тајван е дел од Кина. Тоа е историја и реалност. Оваа година се одбележува 80-годишнината од враќањето на Тајван. Пред осум децении, победата на Кинеската Народна Војна на отпорот против јапонската агресија го врати Тајван под суверена јурисдикција на Кина.  Каирската декларација и Потсдамската прокламација, и двете објавени од страна на главните победнички нации во Втората светска војна, го потврдија суверенитетот на Кина над Тајван, што претставува составен дел од повоениот меѓународен поредок. Резолуцијата 2758  беше усвоена подоцна во 1971 година од страна на Генералното собрание на ОН со огромно мнозинство, одлучувајќи да ги врати сите законски права на Народна Република Кина во ОН. Тоа го реши прашањето за претставувањето на Кина во целост, вклучително и Тајван, во ОН, еднаш засекогаш. Единствената референца за регионот Тајван во ОН е „Тајван, провинција на Кина“. Тајван никогаш не бил држава, ниту во минатото, ниту во никој случај ќе биде во иднина.Во 1993 година беше потпишано Заедничко коминике за воспоставување дипломатски односи меѓу Народна Република Кина и Република Македонија. Во него експлицитно е наведено дека „Владата на Република Македонија ја признава Владата на Народна Република Кина како единствена легитимна влада на Кина, а Тајван како неотуѓив дел од кинеската територија. Владата на Република Македонија потврдува дека нема да воспостави никаква форма на официјални односи со Тајван“. Во 2001 година, горенаведените обврски беа свечено потврдени во Заедничкото коминике меѓу Народна Република Кина и Република Македонија за нормализација на односите.Принципот на суверенитет претставува камен-темелник на Повелбата на ОН. Принципот „една Кина“ одамна стана универзално признат консензус на меѓународната заедница. Билатералните политички обврски и меѓународните обврски мора искрено и во целост да се почитуваат. Откако долго време беше министер за надворешни работи и претседаваше со Комисијата за надворешна политика, потпретседателот на Собранието Милошоски требаше да биде апсолутно свесен за исклучителната важност и чувствителност на прашањето за Тајван, целосно почитувајќи го суверенитетот на која било друга држава и почитувајќи го меѓународното право. Сепак, она што неодамна го видовме е несфатливо - инсистираната посета на Тајван во официјален капацитет, игнорирајќи ги постојаните силни приговори на Кина минатата година, и овој пат средбата со таканаречените претставници на  тајванските власти во зградата на Собранието, национално законодавно тело – обезбедува платформа за политичка театралност на сепаратистичките сили кои се залагаат за „независност на Тајван“. Имаме доволно причини да се запрашаме во кој правец потпретседателот на Собранието има намера да ги насочи нашите билатерални односи?Господинот потпретседател често се фали дека е избран претставник, тврдејќи дека ја претставува волјата на македонскиот народ. Тогаш Ве молам внимателно слушајте го гласот на народот. Дали грубото кршење на политичките ветувања и договорните обврски е во корист во заштита на меѓународниот имиџ на Северна Македонија? Дали последиците од отвореното поткопување на основните интереси, територијалниот интегритет и националното достоинство на голема сила – додека се повредуваат чувствата на над 1,4 милијарди на пријателски кинески народ – се темелно проценети? Дали напуштањето на огромен пазар, идните можности за развој и ветувачките перспективи за соработка - овој кратковид чин на „штеди на ситно, губи на крупно“ – е навистина во согласност со фундаменталните и долгорочни интереси на македонскиот народ?Кинеската амбасада сака да повтори дека прашањето за Тајван е јадрото на фундаменталните интереси на Кина и претставува црвена линија што не може да се премине. Неодамна, националното законодавно собрание на Кина гласаше за прогласување на 25 октомври за Ден на комеморација на ослободувањето на Тајван. Тајван конечно ќе се врати во прегратката на татковината, а двете страни од Тајванскиот теснец сигурно ќе постигнат повторно обединување. Никој, ниедна сила, не треба да ја потценува решителноста, цврстата волја и силната способност на кинескиот народ да го заштити сопствениот национален суверенитет и територијален интегритет.

Македонија | пред 1 месец

Милошоски зборува за две тајни коалиции: Левица со ДУИ за Струга и Тетово, во Карпош, Заев и Филипче со Јакимовски за маркици и тендери

Членот на ИК на ВМРО-ДПМНЕ, Антонијо Милошоски денеска на прес-конференција изјави дека за претстојните избори постојат две „не толку видливи, но проѕирни коалиции“, чија цел е заштита на бизнис интереси.– Овие избори ги сојузија едни од најголемите манипуланти и штетници во Македонија против ВМРО-ДПМНЕ во две не толку видливи но сепак проѕирни коалиции, коишто имаат за цел да зашитат два бизнис интереси – рече Милошоски.Тој како прва ја посочи коалицијата помеѓу ДУИ и Левица, при што, како што рече, Левица извадила „прокси кандидати“ во Струга и Тетово за да го спасат ДУИ од пораз во прв круг во овие две општини.– Тоа е истата онаа Левица и истиот Апасиев, кои го помагаа СЈО за дебели хонорари. Апасиев нема кандидат во Штип, каде што има пратеник Крмов, затоа што знае дека ќе изгуби. Апасиев нема кандидат во родниот Велес, затоа што знае дека ќе биде поразен, но во Струга и во Тетово, каде што на сите им е јасно дека немаат ниту теоретски шанси, Левица има кандидати за градоначалници коишто треба да служат како гума за спасување на кандидатите на Али Ахмети – изјави Милошоски.Тој додаде дека пратеничката Јована Мојсоска имала средба со висок претставник на коалицијата на Ахмети, неколку дена пред да ја поднесе својата кандидатура за Струга.– Дали се работи за истата Левица којашто за СЈО работеше за хонорари, и сега продолжуваат да шуруваат со Ахмети за одредени хонорари, времето набрзо ќе покаже – рече Милошоски.Тој потсети дека и поранешниот премиер Зоран Заев зборувал за заедничка цел со Левица на парламентарните избори.– И оваа коалиција е коалиција за заштита на бизнисите на ДУИ. А Левица повторно е тука за нечии туѓи интереси, за некоја позиција, и за одреден паушал – изјави Милошоски.Како втора, Милошоски ја посочи коалицијата помеѓу Венко Филипче и Стевчо Јакимовски, која, според него, ја правел лично Зоран Заев во име на Филипче.– Зоран Заев и Стевчо Јакимовски се стари другари од едни претходни локални избори, имаат добро разработена шема со градежната мафија и со доделувањето на маркици во општина Карпош. Во оваа коалиција гледаме дека кандидатката на СДСМ е кандидирана само ради реда, не се ни појавува на одредени митинзи, не се ни појавува ниту во јавност. Кандидатката на СДСМ е буквално пуштена низ вода, да фигурира на гласачкото ливче, но насоката на Заев преку Венко Филипче е членовите и симпатизерите на СДСМ во општина Карпош, да гласаат за Стевчо Јакимовски, при што ниту на Заев ниту на Венко Филипче не им пречи што Стевчо Јакимовски има првостепена осуда, ниту им пречи што е на црната листа на САД – рече Милошоски.Тој обвини дека соработката е базирана на „шема на маркици“ и поддршка од урбаната мафија.– Стевчо Јакимовски го има усовршено методот на бетонизација за профит и тоа го спојува со Заев и Филипче, она што претходно долго време го правеа на ниво на општина Струмица. Планот е во иднина Карпош да му послужи и на Заев и на Филипче, но исто така и на Стевчо Јакимовски, да биде базата од каде што ќе се финансираат овие поединци, групи и нивните политички опции – наведе Милошоски.Според него, оваа коалиција е „проѕирна“, бидејќи „маркиците за градба, тендерите и корупцијата им се побитни од владеењето на правото и почитувањето на црната листа на САД“.– Во секој случај, ВМРО-ДПМНЕ и коалицијата има доволно силен потенцијал, граѓаните на Карпош се свесни и зрели и сметам дека овие политичари, особено оние коишто се на црната листа, а и Зоран Заев којшто се обидува во Карпош да наметне и да определи кој ќе биде градоначалник, ќе ги испратиме во политичка пензија – изјави Милошоски.

Македонија | пред 3 месеци

Милошоски: Пожарите не се случајни, сторителите ќе одговараат за своето дело

Пратеникот од ВМРО-ДПМНЕ, Антонио Милошоски, истакна дека пожарите не се случајност со оглед на тоа што директорот на Дрисла е од ДУИ и смета дека овие намерно предизвикани пожари се со цел да се предизвика страв и паника кај граѓаните и да одредени поединци постигнат политички ефект.„Во однос на пожарите и интензитетот по кој што се случуваат а последниот имаше и одредена видео снимка не би рекол дека пожарите се случајни, особено не пожарот во Дрисла, значи Дрисла е институција која има стандарди и норми на одлагање на смет на негово согорување ако има потреба, директорот на Дрисла е од ДУИ знам дека бил повикан на информативен разговор и ќе се покаже и според тоа и според други сознанија дали и како се работело во ова претпријатие и дали со некое сторување или не сторување се случил тој пожар во Дрисла кој што предизвика поголемо загадување и потоа беше саниран.Сметам дека ваквото дејствување има елементи на субверзија да се предизвика несигурност кај граѓаните, да се предизвика страв, паника, да се одвлече вниманието од надлежните институции коишто се ангажирани во борба против криминалот, да се дефокусира, да се насочат ресурсите на друга страна, па на крајот на краиштата да се постигне некој политички ефект“ рече Милошоски.Пратеникот Милошоски посочи дека наскоро се очекува да биде оформен предмет за пожарите, а доколку и во иднина има сторители на подметнати пожари истите ќе бидат санкционирани и ќе одговараат за своето дело.Има одреден дел на поединци кои се повикани на распит и некои се осомничи и мислам дека во соработка со Обвинителството ќе може за скоро време да имаме и предмет којшто би бил оформен во оваа насока. Овие пожари очигледно е дека не се случајни и државата ќе се обиде се што е во нејзина надлежност да биде активна и се надевам како што беше случајот со пожарот кај Стаклара во Кисела Вода, дека доколку било кој се осмели во иднина на ваков начин, дека ќе имаме веќе не само осомничени туку и на лице место фатени сторители и сметам дека таквиот начин би бил најдобар за да се упати една силна пораки дека тие што го прават ова без разлика дали е поединечен акт или е некаква политичка саботажа дека ќе одговараат за вакви тешки дела по здравјето на граѓаните“, вели Милошоски.

Македонија | пред 3 месеци

На затворена седница противзаконски се носел заклучок да се продолжи мандатот на претседателката на Судски совет, тврди Милошоски

Во понеделникот во Судскиот совет се одржал работен колегиум, затворен за јавноста, на кој се отворила расправа за противзаконско продолжување на мандатот на претседателката на РСС. Имено, членот на РСС Весна Дамева на ден 5.12.2022 година избрана е за Претседател на Судскиот совет, а мандатот и завршува на 5 12.2024 година, напиша на социјалните мрежи Антонио Милошоски.„Членот 8 став (5) од Законот за Суски совет е многу јасен:Мандатот на претседателот на Советот и на заменикот претседател на Советот трае две години без право на повторен избор. Сега дел од членовите на РСС, заедно со Дамева, сега се обидуваат на претседателката на Судскиот совет да И дадат бонус продолжување на мандатот од 8 месеци, како компензација за периодот во кој беше неделовнички разрешена од таа позиција во април 2023 година. Со 9 гласа ЗА бил усвоен ваков незаконски заклучок на затворениот колегиум во РСС на 25.11.2024. Овој заклучок е спротивен на чл.8 од Законот за Суски совет, а истиот е и и без основа бидејќи со пресудата на Управниот суд од декември 2023 се поништи неделовничката одлука на РСС и со тоа истата не предизвикува правно дејство.Да биде иронијата поголема, овој контраверзен записник на РСС, во кој со заклучок се предлага незаконско продолжување на мандатот на претседателката на Судскиот совет, сега не им се доставува на членовите кои гласале против. Циркус во боја. Судскиот совет наместо извор на право и судски стандарди стана создавач на неправо и политички клиентелизам. Со ваквото работење Дамева и нејзинината коалиција во РСС можат да успеат само во едно, и онаа ниска доверба од 2% да ја паднат на уште пониско ниво“, додава Милошоски

Македонија | пред 1 година

Милошоски: Во извештајот на ДКСК за 2023 година разочарувачки е не постапувањето на Републичкиот судски совет а Чачорова Илиевска треба да си поднесе оставка за да има брза и ефикасна реформа во судск...

На денешната седница на Комисијата за политички систем и односи меѓу заедниците пратеникот од ВМРО-ДПМНЕ Антонио Милошоски истакна дека структурата на извештајот за работата на ДКСК за 2023 година е солидно направен и ги опфаќа сите надлежности на комисијата но апелираше дека не постапувањето на Републичкиот судски совет е тотално разочарување и како колективен орган и како персонални решенија, а споменатата Чачорова Илиевска би требало да си поднесе оставка а тоа да биде еден чекор кон можната и потребна реформа.„Во извештајот, актуелен е овие денови делот каде што антикорупциската комисија се осврнува на политичките критериуми на реформата на јавната администрација, на правосудниот систем и на борбата против корупцијата. Во делот на правосудниот систем пишува дека не е постигнат напредок во правосудството судскиот совет треба да се заложи на заштита на интегритетот и независноста на судиите“ кажа Милошоски и додаде:„По однос на извештајот на ДКСК за 2023 година ценам дека има сериозни заклучоци кои што можат да послужат на многу институции како упатство за постапување, за подобар резултат во борбата против корупцијата, но во однос на не постапувањето на републичкиот судски совет тоа е тотално разочарување и како колективен орган туку и како персонални решенија споменатата Чачорова Илиевска би требало да си поднесе оставка а тоа да биде еден чекор кон можната и потребна реформа која што собранието и сите институции треба да ја направат, бидејќи со ваков состав на републичкиот судски совет не верувам дека може да се постигне со истите луѓе да се постигнат различни резултати“ нагласи Милошоски.Милошоски апелираше дека неопходна е реформа во Републичкиот судски совет а Татјана Чачорова Илиевска да си поднесе оставка бидејќи не ги почитува законските одредби.„Да апелирам ние како пратеници да го употребиме ова како аргумент за да се засили притисокот за нужната реформа во Републичкиот судскиот совет, без целосна темелна реформа во судскиот совет на Македонија ние можеме секои три месеци да разгледуваме извештаи на ДКСК и нема да го постигнеме посакуваниот ефект доколку овие персонални решенија за кои што сметаме дека треба да има индивидуална одговорност, ако советничката на Зоран Заев за правни работи Чачорова Илиевска и во следниот период дава вакви соопштенија дека нема случај таму каде што има случај и не одговара со аргументи таа само ќе ги дерогира напорите и на собранието и на ДКСК и Обвинителството за постапување по одредени предмети каде што имаме судски документирани одлуки дека се прекршени битни закони од страна на судиите“нагласи Милошоски.Милошоски побара оставка од Чочорова Илиевска и кажа дека не се работи за експерт туку се работи за партиски профилирана личност која што за жал освен партиската определба нема доволен правен капацитет за да може да се носи со обврските како член во Републичкиот судски совет.„Татјана Чачорова Илиевска би требало да си поднесе оставка од местото член на Републичкиот судски совет бидејќи нејзе и се поблиски и подраги судиите и колегите во академијата за судии и јавни обвинители отколку што и се битни законските одредби. Личностите кои што сметам дека не треба да членуваат во вакви високи институции се аргумент зошто е неопходна реформа на Републичкиот судски совет е тоа што Татјана Чачорова Илиевска која што работела како адвокат и била правен советник за правни работи на поранешниот премиер Зоран Заев не ги чита ниту начелните правни мислења на Врховниот суд што е нејзина задача. Нејзината биографија доволно кажува зошто таа постапува на ваков начин се работи за член на судски совет кој што од 2017 до 2020 е посебен советник за правда во канцеларијата на поранешниот премиер Заев, претходно била владин претставник во одборот на Телеком Управен одбор кој што има многу високи паушали, била и претседател на правната комисија на СДСМ во време кога Заев беше претседател на партијата“ истакна Милошоски.

Македонија | пред 1 година

Османи во Индија испратил амбасадор за кој судот одлучил да му се конфискува незаконски стекнат имот, пишува Милошоски

,,Зошто Османи во Индија испратил амбасадор за кој судот одлучил да му се конфискува незаконски стекнат имот?Амбасадорот Слободан Узунов треба под итно да биде отповикан од Индија затоа што е недостоен да ја врши таа висока државна функција, без разлика колку им е близок на функционери од СДСМ и на министерот Османи. Еве зошто:Фросина Ушлиновска, Слободан Узунов и Кирил Бухов (вториот е братучед, а третиот сопруг на Ирина Бухова, поранешен дир.на Државен здравств.инспекторат) се основачи на фирмата "Инженеринг ОК Групација". Со судска пресуда од декември 2018 утврдено е дека оваа фирма на ул.Хелсинки бр.49 (Тафталиџе1, Карпош):- изградила зграда без дозвола за градба- изработила фалсификат одобрение за градба- противправно се стекнале со имотна корист преку продавање на стамбен простор во дивоградба со лажна документација и измамиле пет фамилии кои уплатиле 200.000 евра за станови кои сеуште не ги добиле.Судската пресуда, која станува извршна во ноември 2021 година, налага од Фросина Ушлиновска, амбасадорот Слободан Узунов и Кирил Бухов да се конфискува непосредна и посредна имотна корист стекната со извршување на кривично дело и да им се врати на оштетените пет фамилии, кои останале и без пари, и без станови.Но, и покрај ваквото дело, ниту МНР Османи ниту владата, немале проблем во март 2021год. да донесат одлука Слободан Узунов да биде именуван за амбасадор во Индија. МНР Османи требало да знае за овој случај бидејќи оштетените фамилии очајно ја барале правдата и за овој криминал неколку пати писмено ја известиле Владата, Јавното обвинителство, Народниот правобранител, Хелсиншкиот комитет и градоначалниците на општина Карпош, Стевчо Јакимовски и Стефан Богоев. Во меѓувреме, основачите на фирмата, меѓу кои и амбасадорот Слободан Узунов, преку правни трикови се обезимотиле, што може да се види и од неговиот празен анкетен лист во регистарот на ДКСК и сега амбасадорот "нема" средства, нема приходи, нема фирма, ниту има имот за да плати обесштетување на жртвите на измамата. Не знам дали МНР воопшто му уплаќа плата на трансакциска сметка?!Во текот на целата оваа голгота за пет фамилии, двајца од уплаќачите на овие дивоизградени станови веќе починале, другите се на улица, а дивоградбата во срцето на општина Карпош (ул. Хелсинки бр.49) е запленета од Агенцијата за управување со одземен имот. А Бујар Османи ни збори за европски вредностиПред министерот Османи да се обиде да ја сокрие својата неспособност позади флоскулата "лажни вести", му препорачувам да направи увид во пресудата бр.1411/19 од Кривичниот суд Скопје, како и да го побара предметот од Агенцијата за управување со одземен имот, каде директор е нему добро познатиот Дритон Небиу. Потоа нека ни збори за владеење на правото и за "европскиот фронт" во кој измамници со дивоградби се поставуваат за амбасадори.И за крај, владата на Република Македонија и претседателот Пендаровски под итно треба да донесат одлука за отповикување на амбасадорот Слободан Узунов, согласно чл.36 од Законот за надворешни работи, бидејќи не е достоен да ја извршува оваа највисока дипломатска функција”, напиша Антонио Милошоски на својот фејсбук профил.

Македонија | пред 1 година

Милошоски и германската шефица на дипломатијата во германско-македонска војна со стихови

Пред Комисијата за надворешна политика во Собранието на Македонија дошло до „војна со стихови” за Бугарите во уставот на средбата меѓу германската министерка за надворешни работи Ана Лена Бербок и шефот на парламентарната комисија за надворешни работи.Милошоски откри на дека во дипломатската војна биле користени стихови на еден од најдобрите македонски поети Анте Поповски.„Имавме корисен разговор, а занимливо беше што секој од нас во поткрепа на своите стојалишта за притисоците од Бугарија, го цитираше големиот македонски поет, академикот Анте Поповски” открива Милошоски.Германската министерка Бербок со цел да го убеди Милошоски во потребата за уставни промени го употребила стихот: “Сама себеси врата – сама себеси клуч” од стихотворбата ‘Таа’ на Попоски.Милошоски од својата страна позицијата за бугарските барања ја бранел со стихот:“Кога правиш подли компромиси – ти оставаш дамки врз своето име засекогаш” од писмото – есеј од Анте Поповски до бугарската поетеса Блага Димитрова.

Македонија | пред 2 години

Милошоски со „дипломатска шлаканица“ за холандскиот амбасадор: Кога ќе се навикнете на сервилност, од дипломат станувате „камшикар“ и без почит кон народот делите цинични лекции

Заедничките цели за продлабочување на соработката и за забрзување на интеграцијата на Македонија во ЕУ, не би требало да е причина за ничија дрскост, а особено не на дипломат од угледна европска држава, се вели во реакцијата на Антонио Милошоски, пратеник на ВМРО-ДПМНЕ на изјавата на холанскиот амбасадор Дирк Јан Коп за уставниоте измени „мора да се проголтаат, иако смрдат“.„Но, кога во разговорите со повеќе локални политичари ќе се навикнете на нивна сервилност, тоа ви доаѓа како допинг за егото, па од дипломат станувате “камшикар” и без почит кон народот делите цинични лекции што “мора да се проголта, иако смрди”.Вака би можела да се оквалификува изјавата на холандскиот амбасадор Коп за тоа дека македонските граѓани требало – внимавајте „да го затнат носот и да го голтнат“ невкусното барање за уставните измени по диктат на Софија. Во спротивно ќе се случела кочница?!И тука се согласувам со холандскиот експерт за европски политики Рајнер Јарсма кој заклучува дека ваквиот настап на амбасадорот Коп е ироничен, доколку се знае дека токму Холандија беше една од земјите која најмалку еднаш ги одложи пристапните преговори на Македонија со ЕУ, уште пред Бугарија да ги испорача невкусните барања.Уште еден холандски дипломат, познавач на регионот и политички консултант, Ханс ван ден Берг, дури смета дека да не биле двојните стандарди од Франција, Холандија и Данска, и доколку официјално Скопје го добиело истиот третман како Бугарија, Хрватска или Романија, дека Македонија денес веќе ќе беше внатре во ЕУ.И во оваа смисла, не е фер што немањето на политичка воља за брз прием на нови полноправни членки во ЕУ од страна на владата во Хаг, холандскиот амбасадот го покрива со дрски лекции за голтање на невкусни барања, кои патем не се дел од Копенхашките критериуми. Наместо одмерена и јасна дипломатска порака, оваа негова изјава личи на навреда на интелегенцијата на еден мал европски народ, кој си го бара своето место под сонцето. Некоја држава е поголема, некоја е помала, но тоа на никој дипломат не му дава за право со недолични изјави да ги прикрива неискрените ставови на неговата држава во врска со проширувањето на ЕУ.А во однос на дигестивниот систем на Македонија, тој, за жал или за среќа, 32 години голтнал многу работи. Но, може ли амбасадорот, Владата во Хаг, владата во Скопје или некој друг да гарантираат дека ова ќе биде последен пат како македонските граѓани ќе треба„да го затнат носот и да го голтнат“ невкусното барање за уставните измени?! Или после него, за 2 години ќе дојде друг амбасадор кој со “Оперил” или со “Фиксоназе” пак ќе ни го прочистува носот за следните невкусни барања во низа?!Затоа во името на заедничките европски вредности, овој испад на амбасадорот Коп нека биде повод за враќање кон пријателско и конвенционално дипломатско поведение. Секој од нас треба да е внимателен и да води сметка за функцијата, мандатот и за одговорноста со јавно изречените зборови“, вели Милошоски.

Коментари | пред 2 години

„Ковачевски и Османи се двајцата актери на кои им се случи најголемиот дипломатски дебакл“, вели Милошоски

Антонио Милошоски од ВМРО-ДПМНЕ вели дека Ковачевски и Османи се актери на кои им се случи најголемиот дипломатски дебакл.„Премиерот Ковачевски и министерот Османи се двајцата актери на кои им се случи најголемиот дипломатски дебакл, после оној со Лисабонската декларација.Македонија доби непринципиелен и понижувачки предлог за преговарачка рамка, преполн со наметнати билатерални прашања и со поглед во минатото.Факт е дека во обликувањето на овој документ активно учествувале и Ковачевски и Османи, иако тоа го криеа од јавноста. Затоа нема потреба ниту од два збора, ниту има потреба од правдање со загради. Еден збор е доволен. Оставка“, вели Милошоски

Македонија | пред 3 години

(ФОТО) Се бара итна дискусија за барањата од Бугарија веќе утре, затоа што задутре можело да биде предоцна

Пратеникот Антонио Милошоски бара од министерот за надворешни работи Бујар Османи да му ги достави протоколот и преговарачката рамка поврзани со барањата од Бугарија. Тој бара истите во текот на денешниот ден да бидат доставени до него.„По доставувањето на овие два битни документи, утре би одржале седница на Комисијата за надворешна политика бидејќи задутре кога се одржува седница на Советот на ЕУ може да биде и предоцна. Седницата на комисијата заради големиот интерес предлагам да биде отворена за јавноста. Вие имате право да побарате истата да има и затворен карактер. Право е на Бугарија да си одлучи и дискутира на темата Македонија во нивното Собрание, но за Владата и за Собранието во Македонија ваквата расправа во претставничкиот дом на граѓаните е уставна и морална обврска, бидејќи се работи за нашата држава“, им напиша Милошоски во барањето.

Македонија | пред 3 години