АПЕЛ

Апел од НП Шар Планина: Внимание при 1 Мај – не палете оган во природа

Националниот парк Шар Планина упати апел преку социјалните мрежи до сите посетители по повод 1 Мај – Меѓународниот ден на трудот, со порака за одговорно однесување при престој во природа.Од паркот велат дека граѓаните се добредојдени да ги посетат природните убавини, но истовремено треба да внимаваат на заштитата на животната средина и безбедноста.Посебно се апелира да не се фрла отпад, да не се пали оган на недозволени места и секој запален оган да се изгасне целосно по користење. Исто така, се нагласува потребата од почитување на флората и фауната.Од НП Шар Планина предупредуваат дека и најмала невнимателност може да предизвика сериозни последици по природата и повикуваат на заедничка грижа за заштита на паркот.

Македонија | пред 3 седмици

„Мамо, ај да одам сама надвор“ – семејството на Ника бара помош за операцијата која може да и го промени животот

„Мамо ај држиме да ојме до вонка да си поиграм“ и „Тато, и јас ќе доам на опа-ихата да играм со дадичките, биве ли“ – овие детски желби се секојдневие за малата Ника, но и потсетник за нејзината борба.Нејзините родители, Катерина и Александар Роглев, упатија јавен апел за помош, барајќи поддршка за операција во Турција која може значително да го подобри нејзиниот квалитет на живот.Станува збор за селективна дорзална ризотомија – неврохируршка интервенција која се применува кај деца со церебрална парализа, со цел да се намали мускулната вкочанетост и да се олесни движењето.„Потребни ни се дополнителни финансиски средства за операционен зафат во Турција, на кој се одлучивме со тешко срце“, велат родителите.Тие појаснуваат дека операцијата не ја лекува основната состојба, но може да помогне Ника полесно да се движи, да има помалку болки и грчеви и да стане посамостојна.„Секоја донација, без разлика на нејзиниот износ, значително придонесува кон обезбедување на неопходната грижа“, додаваат тие.Освен самиот оперативен зафат, семејството се соочува и со дополнителни трошоци за испитувања, патување, сместување и рехабилитација, кои не се вклучени во првичната про-фактура.Тие апелираат, граѓаните кои се во можност можат да помогнат со донација на следните сметки:За донации од Македонија:Александар РоглевБрој на сметка: 500800019687689Алта Банка АД БитолаСо назнака: Донација за НикаЗа донации од странство:IBAN: MK07500080013905943SWIFT: STBBMK22Алта Банка АД БитолаСемејството апелира и до сите кои не се во можност финансиски да помогнат, барем да ја споделат приказната, со надеж дека Ника ќе добие шанса за полесен и посамостоен живот.

Македонија | пред 3 седмици

Времето тече: Тумор ѝ го загрозува окото на малата Теона, потребни 20.000 евра за операција

Десетгодишната Теона се соочува со сериозна здравствена состојба откако ѝ е дијагностициран тумор на солзната жлезда, кој брзо расте и го загрозува нејзиното око, стои во хуманитарниот апел упатен до јавноста.Како што се наведува, првите симптоми започнале со оток и црвенило на капакот на едното око, по што следеле медицински прегледи и испитувања кои ја потврдиле дијагнозата. По две контроли, било утврдено дека туморот расте, поради што лекарите препорачале итна и сложена операција.ДОНИРАЈТЕ ТУКАЗаради комплексноста на зафатот, интервенцијата треба да се изведе во Турција, каде ќе бидат вклучени специјалисти од повеќе области.Семејството наведува дека операцијата чини околу 20.000 евра – сума што не можат сами да ја обезбедат, па апелираат за помош од јавноста.„Потребна е сложена операција во Турција од повеќе специјалисти. За зафатот се потребни 20.000 евра – сума која семејството не може да ја обезбеди“, се наведува во апелот.Теона, како што ја опишуваат најблиските, е весело и љубопитно дете, најмало од трите деца во семејството, кое до неодамна водело безгрижно детство.Но, со влошувањето на здравствената состојба, стравот и неизвесноста стануваат дел од секојдневието.„После еден преглед, вознемирена се жали на мама: ‘Не сакам операција, зарем ќе дозволиш да ми го извадат окото? Ти си лоша мајка!!’“, стои во апелот.Семејството повикува на солидарност, со надеж дека со помош од хуманите граѓани ќе се соберат потребните средства и ќе се спаси видот на Теона.„Да ѝ помогнеме на Теона двете очиња да ѝ светат подеднакво! Да го погледне животот со весел поглед“, се наведува во повикот.

Македонија | пред 1 месец

Молат за помош да ја најдат 16-годишната Теодора Бабарчиќ која пред пет дена исчезна во Вардар

Најблиските на Теодора Бабарчиќ, 16-годишното девојче кое мината недела исчезна во водите на Вардар молат за помош. Нејзинот брат апелира до сите кои можат да се вклучат во потрагата.– Ги повикувам сите што се во можност да се приклучат на терен и да помогнеме заедно во потрагата по Теодора. Не треба ништо повеќе од добра волја и желба да се помогне. Мојот татко е веќе таму, кај село Уланци, Градско и ја координира потрагата бидејќи за жал, од институциите нема речиси никаква помош – објави братот на Теодора.За помош апелираат и други блиски роднини на Теодора.Девојчето е последно видено на 23 јули минатата недела и се бара помош за потрагата – и теренска и снимање со дрон по течението на Вардар кон Гевгелија.

Македонија | пред 9 месеци