(Видео) „Сакам да бидам покрај мојата ќерка“ – По седум хемотерапии, туморот на Ивана е намален за 85 отсто, но ѝ треба помош за да продолжи со лекувањето

Автор: Скопје1.мк

објавено пред 3 часа - 18 октомври, 2026

Македонија

По седум примени хемотерапии, туморот кај 32-годишната Ивана е намален за околу 85 отсто, но нејзината борба за живот продолжува. За да го продолжи лекувањето, на младата мајка ѝ се потребни дополнителни финансиски средства, поради што повторно упати апел до граѓаните за помош.

Во емотивно видео, Ивана им се заблагодари на сите што досега ѝ помогнале и придонеле за постигнатиот напредок. Таа признава дека не ѝ е лесно јавно да бара помош, но желбата да живее и да биде покрај својата ќерка ѝ дава сила да продолжи.

— реклама —

„Сакам да бидам покрај мојата ќерка, да ја гледам како расте, да можам да ја гушкам и еден ден, со надеж, да ѝ кажам дека мама е тука и мама успеа“, порачува Ивана.

Таа ги повика сите што се во можност да донираат за нејзиното лекување, а оние што не можат финансиски да помогнат, да го споделат нејзиниот апел за да стигне до што поголем број луѓе.

— реклама —

И покрај тешката битка, Ивана не ја губи надежта и вербата дека ќе успее да продолжи со лекувањето.

„Нема да се откажам. Ќе се борам до крај, но ве молам да ми помогнете да продолжам“, порачува таа, заблагодарувајќи им се од срце на сите што ѝ даваат поддршка.

— реклама —