авалон

(Видео) Битола под ритамот на Армин ван Бурен: „Sеmpre msuic“ ја загреа сцената на „Битола Опен Ер“

Битола синоќа живееше музичка еуфорија каква што одамна не се памети. Под ѕвездите, во рамките на фестивалот „Битола Опен Ер“, на сцената настапи еден од најголемите диџеи на светската електронска сцена – Армин ван Бурен. Атмосферата беше токму онаква каква што ѝ прилега на една таква музичка легенда – експлозивна, хипнотична и незаборавна.Пред светската ѕвезда да го преземе пулсот на градот, на сцената се качија момците Sempre Music – кои со својот сет маестрално ја отворија вечерта. Со динамична комбинација од мелодичен техно и длабоки грувови, Sempre Music успеаја да ја раздвижат публиката уште од првата минута, поставувајќи го темелот за ноќ исполнета со ритам и енергија. Нивниот настап беше пречекан со ентузијазам, а нивната музика – со аплауз и скандирања.Битола полека, но сигурно, станува нова точка на мапата на големите фестивали. Настапот на Армин ван Бурен тоа само го потврди.

Магазин | пред 4 месеци

(Видео) Незаборавна вечер под ѕвездите: „Massive Attack“ приреди музички ритуал во срцето на Скопје

По цели 15 години, британската трип-хоп икона „Massive Attack“ повторно зачекори на македонска сцена, исполнувајќи го стадионот на АРМ со звук, светлина и силни политички пораки. Настапот беше дел од фестивалот „Скопје колинг“, во организација на „Авалон продукција“. Во публика од најмладо, до највозрасно.Бендот се појави на сцена извикувајќи „Добро вечер“ на македонски јазик и ја отвори вечерта со песната „Risingson“, означувајќи го стартот на 90-минутниот настап. Сетлистата вклучуваше препознатливи класици како „Inertia Creeps“, „Unfinished Sympathy“, „Safe from Harm“, „Angel“, „Group Four“, „Take It There“ и „Teardrop“, изведени со длабочина што далеку ја надминува студиската верзија.Зад нив, огромен видеоекран прикажуваше моќни визуелни пораки против војната, капитализмот и социјалната неправда – став што бендот го негува низ децении. Во публиката се вееше неколку палестински знамиња, а извици како „Слободна Палестина“ се спојуваа со звучниот ѕид од сцената, создавајќи силна симбиоза меѓу музиката и отпорот. Сцени од Газа, Украина, но и од Русија се вртеа на екранот.Ова беше трет настап на „Massive Attack“ во Македонија, по концертите во 2006 и 2010 година, но според присутните – најмоќен досега.

Магазин | пред 5 месеци

Објавено кој ќе настапува на Ohrid calling

Авалон продукција ја објави програмата за овогодинешниот Охрид колинг кој ќе се одржии од 29 јули до 01 август.„ТIMMY TRUMPET, LOST FREQUENCIES, W&W, И VINI VICI- HEADLINE-РИ НА СВЕТСКИ ПОЗНАТИОТ ЕЛЕКТРОНСКИ ФЕСТИВАЛ OHRID CALLING, ИЗДАНИЕ 2022!29 ,30, 31 ЈУЛИ И 01 АВГУСТ, КАСАРНА ОХРИДНа верното племе кое цела година ја планира според Оhrid Calling, како и случајните посетители кои веќе одамна не се случајни, со огромно задоволство му најавуваме дека оваа година фестивалот се враќа на стариот pre - corona сјај со својот line up!Како хедлајнери ги имаме:Во моментов апсолутно најатрактивната DJ ѕвезда ТIMMY TRUMPET со својата балканска премиера, омилениот LOST FREQUENCIES кој и самиот не знае колку хитови има… Big Room пионерите W&W и милениците на македонската публика VINI VICI!Со нив, исто така премиерно на балканот, Blasterjaxx и Will Sparks, како и детето на Оhrid Calling, GALOSKI кој оди напред во својата кариера со светлечка брзина!Тука се и нашето братско дуо CYRILLIC, Howard Hill, Divolly Markward, Chico Rose, Nicholas Adams, RASTIK, Lady Lee, Delovski, Christian Karan, Kemaro, Erick Kassel, Jana Slayy, Yaksa и DJS FROM MARS!Влезниците се во продажба од понеделник (20ти јуни) на нашата продажна мрежа низ Македонија како и онлајн на avalon.mk“, стои во објавата.

Магазин | пред 3 години

Голем концерт на Сенида и Сара Јо во Скопје

Авалон продукција со задоволство ви го најавува концертот на најпопуларните и најактуелните женски имиња на регионалната трап / поп сцена во моментов, SENIDAH и SARA JO. Тие доаѓаат во Скопје со голем концерт под отворено небо, на 01-ви јуни на стадионот на АРМ.„По нивниот настап на Ohrid Calling 2021, Senidah и Sara Jo продолжија да го креваат стандардот на балканската музичка сцена; Сенида со хитовите ,,Behute’’ и ,,Jadnaja” и Сара Јо со хитовите ,,Divlja’’ и песната која го запали регионот и која беше евровизиски кандидат за оваа година - ,,Muškarčina” , со постојаност докажуваат дека се највлијателните и најквалитетните регионални женски музички ѕвезди.Па, оттаму доаѓа и GRL POWER, името на овој фестивал кој има за цел да ги слави регионалните женски артисти и да ја акцентира женската моќ и позиција во музичката индустрија!Влезниците ќе бидат пуштени во продажба утре (05-ти мај) во 09 часот наутро на сите продажни места во мрежата на Авалон и онлајн на avalon.mk, по следниве цени и категории:ПАРТЕР: 700 денариФАН ПИТ: 990 денари (само 1.000 влезници)“, велат од Авалон Продукција

Скопје | пред 3 години