бехтел и енка

(Видео) Од 2023 година до сега, предметот за „Бехтел и Енка“ уште во предистрага, обвинителката покажа со прст кон МВР

Предистражната постапка за договорите поврзани со изградбата на Коридорите 8 и 10Д и ангажманот на американско-турскиот конзорциум „Бехтел и Енка“ сè уште трае, а предметот од Обвинителството се работи во Министерството за внатрешни работи.„Предметот е во предистрага, долго трае затоа што започна од Обвинителството, ама откако истражителите заминаа во МВР, продолжи постапката таму. Целокупната постапка и сите дејствија ги преземаат истражителите од МВР. Тие можат да ви дадат детални одговори“, изјави обвинителката Катерина Коларевиќ од ОЈО за гонење организиран криминал и корупција.Предметот беше отворен уште во март 2023 година, откако опозициските партии и неколку медиуми објавија серија документи и сомнежи за корупција поврзана со изборот на надзорниот конзорциум.Во фокусот на истрагата се три фирми избрани да вршат надзор над работата на „Бехтел и Енка“ – за вкупен износ од над 22 милиони евра.Една од нив е „Електра Солушнс“, компанија која според јавно достапни податоци претходно се занимавала со шиење долна облека, а потоа преминала на информатика и градежништво. Лиценцата за надзор ја добила во текот на самата тендерска постапка, иако немала никакво релевантно искуство во областа.„Евро консалтинг“, друга членка на конзорциумот, се доведува во врска со Бранислав Димитријевиќ – лице гонето со меѓународна потерница и уапсено во Хрватска во 2021 година. Тој се споменува и како поврзан со компанијата „Ептиса“, која одлука на Владата ѝ забрани учество во проекти поради сомнежи за незаконски и неетички дејства.И покрај обвинувањата, тогашниот директор на Јавното претпријатие за државни патишта тврдеше дека изборот бил чист, со објаснување дека не се проверувале акционерите на фирмите.Покрај Обвинителството, предмет отвори и Антикорупциската комисија, но јавноста сè уште чека одговори – дали и кој ќе одговара за спорниот надзор во најскапиот инфраструктурен проект во поновата историја на државата.

Македонија | пред 5 месеци

Бехтел ЕНКА им помогна на ЈПДП и ЦУК во расчистувањето на снегот на патот кон Стража, Маврово, Бунец и Леуново

Во петокот, на 28.11.2024 година, ЈПДП побара помош од Бехтел ЕНКА за обезбедување тешка опрема и оператори кои ќе помогнат во чистењето на снегот кај Радика лоцирана во село Леуново, Маврово и Стража. Опремата и градежните екипи на Бехтел ЕНКА веднаш се одзваа на овој повик и делуваа со ентузијазам за да обезбедат помош на заглавените возила и луѓето во снегот.Тоа беше заеднички напор со ЈПДП и Македонија пат за расчистување на снегот кој силно паѓаше. Тимовите на Бехтел ЕНКА во последните шест дена останаа на должност на локацијата за да ги поддржат државните претпријатија 24/7.ЈПДП и Македонија пат се благодарни за сите напори и макотрпна и неуморна работа која тимот на Бехтел ЕНКА ги вложи за расчистување на снегот и за повторно возни патишта, спречувајќи натамошно блокирање на патиштата. Бехтел ЕНКА континуирано помага, последен пат пред само еден месец кога Бехтел ЕНКА ѝ помогна на општина Кочани во пожарот на депонијата за отпад, потоа интензивно помагајќи ја ЦУК во борбата со шумските пожари во летниот период, со што се спречени понатамошни катастрофи. Ова докажува дека Бехтел ЕНКА е целосно посветена на општествената одговорност и како таква е активен член на заедницата. Последниот гест на добра волја само ја зајакнува посветеноста на Бехтел ЕНКА да продолжи со добрите дела долж трасата.

Македонија | пред 1 година

Стануваме апсолутен рекордер во светот, досега, тоа беше Мавританија со 54 часа работна недела, вели Левица

Политичката партија Левица на фејсбук објави видео со наслов „Корпоративно ропство: 60 часовна работна недела“.„Најголемиот грабеж на 21-от век го спроведува Владата на Република Македонија.Штотуку на шверцерски начин и со европско знаменце помина пакетот погубни законски измени кои државата ја потчинуваат на КОРПОРАТИВНА ДИКТАТУРА.Македонските работници ќе работат 12 часа дневно, 6 дена во неделата - што значи МИНИМУМ 60 часа робување на корпоративни интереси на американски конзорциум Бехтел и Енка - кој градејќи ги коридорите 8 и 10, ќе ги истошти нашите работници и ќе ја испразни државната каса.Со 6 664 амандмани Левица го блокираше овој пакет закони и на овој начин ќе се ставеше крај на обидите за поробување на работниците и истиснување на државните пари - но, без правна основа Владата реши да ги злоупотреби инструментите за усогласување со европската легислатива - со европско ЗНАМЕНЦЕ антицивилизациски и анти-европски.‼️Стануваме апсолутен рекордер во светот. Досега, тоа беше Мавританија со 54 часа, по која следат Египет со 53, Гамбија со 51 и Буркина Фасо со 50 часа. Но, Владата на СДС и ДУИ воведе 12 часовно работно време, шест дена во неделата! Тоа значи дека, луѓето кои ќе работат, ќе бидат физички исцедени и ќе немаат време да ги обноват физичките капацитети за да продолжат нормално да живеат. Уставот вели дека секој работник има право на платен дневен, неделен и годишен одмор. Од овие права работниците НЕ МОЖЕ ДА СЕ ОТКАЖАТ.Помеѓу силниот и слабиот, слободата е таа која угнетува, а законот е тој кој ослободува. Сега имаме ситуација, законот да ги поробува работниците, наместо да ги ослободува!Левица нема да дозволи на овие грабливци и злосторници без отпор да се богатат на грбот на работниците. На борбените линии против паразитите од СДС и ДУИ нѐ обединува класниот и националниот интерес - спротиставени на нелегитимните рехабилитатори на фашизмот и острицата на корпоративната диктатура“, се вели во објавата.

Македонија | пред 2 години

(ВИДЕО) Крмов со сериозни обвинувања: Извршниот директор на „Бехтел“ бил осуден од судот во Њујорк за МИТО од 5,2 милиони евра

Говор на пратеникот Борислав Крмов за предлог-Законот за утврдување на јавен интерес и номинирање на стратешки партнер, од групата закони за „Бехтел и Енка”.„Во 2014 година, извршниот директор на „Бехтел“ бил осуден од судот во Њујорк за МИТО од 5,2 милиони евра за местење на тендер во Египет.Понатаму, во Албанија, оваа компанија склучува договор за автопатот Драч - Кукс со почетна цена од 680 милиони, за на крај да стигне над милијарда евра. Овој автопат, исто како кај нас, почнува со многу доцнење, при што албанската држава ангажирала ревизор кој открил 84,7% неоправдано зголемување од почетната цена. ШТЕТАТА е проценета за 385 милиони евра за албанската држава!Дури и во студија на универзитетот Беркли се вели дека договорите со „Бехтел” на Балканот се непотребен ЛУКСУЗ за најсиромашните држави во Европа.Значи, СДСМ почна со ветувања дека ќе го става јавниот долг на бројчаник, дека државата со претходната власт ќе паднела во должничко ропство - за сега да се трансформира во партија која што ја става државата во ЗАЛОЖНИШТВО на една мултинационална корпорација!" истакна тој.

Македонија | пред 2 години

ЈП„Државни патишта“ го достави до обвинителството договорот за Бехтел и Енка ​

Во текот на вчерашниот ден (4.5.2023 година) ЈП„Државни патишта“ , постапувајќи по барањето на јавниот обвинител од Основното јавно обвинителство за гонење на организиран криминал и корупција, го достави договорот за изведба и надзор над изградбата на коридорите 8 и 10-Д. Претходно, ЈП „Државни патишта“ до обвинителството ги достави броевите на огласите од јавните набавки поврзани со коридорите 8 и 10-д, за кои јавниот обвинител обезбеди пристап до електронската база на податоци на Бирото за јавни набавки.Договорот, како и содржината на севкупната електронска документација од Електронскиот систем за јавни набавки поврзана со сите постапки за јавните набавки каде како предмет на договор се јавуваат коридорите 8 и 10-д, во наредниот период ќе бидат анализирани во насока на утврдување на елементи на евентуално сторено кривично дело.Со оглед дека станува збор за обемна документација на јавниот обвинител и тимот на истражители ќе им биде потребно време за анализа и проверка на сите индиции и наводи што месеци наназад се во интерес на јавноста. За секое постапување што нема да ја попречи постапката и ќе може да се сподели со јавноста, обвинителството навреме ќе информира.​

Македонија | пред 2 години