БИСЛИМОВСКИ

Собранието ги костатираше оставките на Бислимоски и Ристовска

Собранието, денеска, во рамките на 85. седница, ги констатира оставките на претседателот на Регулаторната комисија за енергетика, водни услуги и услуги за управување со комунален отпад, Марко Бислимоски, и на членката на Државната комисија за спречување на корупцијата и судир на интереси, Цвета Ристовска. По усвојувањето на дневниот ред, почнаа двочасовните опозициски прашања до премиерот и министрите.На дневен ред на 85. седница се предлог-одлуката за давање овластување за склучување поединечен колективен договор, предлогот за избор на судија на Уставниот суд на Република Северна Македонија, предлог-одлуката за избор на претседател и членови на Советот за граѓански надзор, предлог за именување на (непрофесионално ангажиран) член на Советот на експертите на Агенцијата за супервизија на осигурувањето.Пратениците ја утврдија потребата за носење предлог-закон за изменување на Законот за постапување со бесправно изградените објекти, по скратена постапка, со кој се предвидува продолжување на рокот за дополнителни пет години за легализација на бесправно изградените објекти, односно законот да важи до 3 март 2031 година.Во прво читање се предлог-законот за органско земјоделско производство и предлог-законот за изменување и дополнување на Законот за минималната плата во Република Северна Македонија.На дневен ред на седницата е и предлог-резолуцијата за почитување на стандардите на правична постапка во меѓународното судење против поранешните челници на институциите на Република Косово.

Македонија | пред 1 седмица

РКЕ и Бислимоски по кривичната од Финансиската полиција: Сѐ е постапено согласно закон

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) и претседателот Марко Бислимоски се отворени за соработка со сите институции со цел да се расчисти посочениот случај кој е споделен во јавноста од страна на Финансиската полиција.„РКЕ ја информира јавноста дека во конкретниот случај за постапката за одземање на лиценца на Тритерол Петрол е постапено согласно Законот за енергетика и Правилникот за лиценци, со тоа што на ист начин и во исти рокови е постапено и за други компании баратели на лиценци.РКЕ нема да коментира детали со цел да остави институциите на системот професионално да си ја вршат работата“, велат од РКЕ.

Македонија | пред 1 месец

Се враќа дневната евтина тарифа на струјата, вели Бислимоски

Се враќа дневната евтина тарифа на струјата, објави директорот на Регулаторната комисија за енергетика Марко Бислимоски. Ќе бидат два часа, во периодот од 11 до 16 часот.„Ги правиме последните анализи, јасно е дека ќе бидат два часа, некаде во периодот од 11 до 16 часот“ рече Бислимоски.Во тек се и консултации со ЕВН во однос на броилата поставени во домовите и нивно прилагодување.„Евтината струја нема да стапи на сила во еден ист момент за сите, поради тоа што голем дел од броилата немаат далечинско управување, па тимови ќе треба кај секој да пристапат физички“ објасни Бислимоски.Конечната одлука регулаторна ќе ја донесе во следните 15 дена.

Македонија | пред 2 години

Бислимоски призна дека заради лошото управување со ЕЛЕМ и криминалните тендери, народот ќе плаќа поскапа струја, вели ВМРО-ДПМНЕ

Бислимоски призна дека заради лошото управување со ЕЛЕМ и криминалните тендери, народот ќе плаќа поскапа струја, Ковачевски молчи, вели ВМРО-ДПМНЕ„Марко Бислимоски по 5 години на чело на РКЕ накрај беше искрен со граѓаните и призна дека заради слабото производство на струја од страна на ЕЛЕМ се јавуваат огромни потреби од увоз на струја, која е и до 260 евра за мегават час.Само заради лошиот менаџмент со РЕК Битола, хидроакумулациите и другите енергетски капацитети народот сега плаќа 30% поскапа струја, а во најава се нови покачувања.Конечно некој од власта искрено да ја признае својата неспособност.Годишните загуби заради недоволното производство на струја од домашните капацитети можат да одат и до 250 милиони евра.Тие 250 милиони евра, се пари во девизи, кои трајно се одлеваат од Македонија. Тие пари доколку власта добро менаџира со енергетските капацитети би останале во државата и ќе можат да се инвестираат во енергетски проекти, но наместо тоа, тие се одлеваат за купување на скапа струја, а енергетскиот систем е се послаб и послаб.СДСМ буквално нема план за справување со енергетската криза. Тие конечно треба да си ја признаат својата неспособност и да распишат предвремени парламентарни избори, по кои ќе следи нова влада на ВМРО-ДПМНЕ која ќе ја извади државата од криза“, се вели во соопштението.

Македонија | пред 3 години

(ВИДЕО) Оди па сфати го сериозно, а ни крои цени на струјата: „Марко, плукни мастиката и излегувај од час“

Денес претседателот на регулаторна комисија за енергетика, Марко Бислимовски, гостуваше во емисија каде зборуваше за струјата.За време на емисијата тој имаше мастика, па во еден момент таа му се залепи за заби.Видеото веднаш се прошири на социјалните мрежи, а многумина се пошегуваа на негова сметка„Марко, плукни мастиката и излегувај од час“, е само еден од коментарите на објавеното видео.https://www.facebook.com/100003013190118/videos/725204448528330/

Коментари | пред 3 години

Од денес поскапи горивата, а Бислимоски на Јадран на ручек во луксузен ресторан, вели ВМРО-ДПМНЕ

Од денес поскапи горивата, а Бислимоски на Јадран на ручек во луксузен ресторан, вели ВМРО-ДПМНЕ„Од ноќеска на полноќ горивата со одлука на РКЕ, каде Бислимоски е претседател поскапеа за 1.5 денари.Цената на дизелот во малопродажба е 87.5 денари, а на бензинот 85.5 денари. Цените на горивата сега се и над 70% поскапи од пред една ипол година.Високата цена на горивата не се должи само на растот на цената на светските берзи, туку и на акцизата која владата на СДСМ и ДУИ ја зголеми за 13.13 денари од 2017 до денес.Да не беше зголемувањето на акцизата од СДСМ и ДУИ, денес дизелот ќе се продаваше по максимум 74.5 денари, а бензинот по 72.5 денари. Но СДСМ и ДУИ решија да ја зголемат акцизата за да има повеќе за матни тендери и трошење на функционерите.И додека народот плаќа поскапо, власта се луксузира, како Бислимоски на Јадранот“, се вели во соопштението.

Македонија | пред 3 години