ДОХА

Напад врз танкер кај Катар: Проектил останал во машинскиот простор

Танкер во близина на брегот на Катар е погоден со два проектила, од кои еден не експлодирал и сè уште се наоѓа во машинскиот простор на бродот, соопшти Британска агенција за поморска трговија.Според првичните информации, еден од проектилите предизвикал пожар кој во меѓувреме е изгаснат, додека вториот останува во внатрешноста на бродот, што претставува дополнителен ризик.„Еден проектил предизвика пожар кој е изгаснат, додека другиот останува во машинскиот простор на бродот“, соопшти UKMTO.Засега не е утврдено од каде се испукани проектилите, а истрагата е во тек.Претходно беше објавено дека танкерот бил погоден во близина на Доха, при што е оштетен трупот на бродот над водната линија. И покрај штетата, нема повредени, а сите членови на екипажот се безбедни.„Сите членови на екипажот се безбедни и нема загадување на животната средина“, соопшти UKMTO.Инцидентот доаѓа само ден по напад врз друг танкер, кој превезувал околу два милиони барели нафта од Кувајт и Саудиска Арабија, а кој бил погоден со беспилотно летало додека бил закотвен во близина на Дубаи.Во тој напад избувнал пожар кој подоцна бил ставен под контрола, а екипажот не бил повреден.Нападите врз трговски бродови се случуваат во услови на ескалација на конфликтот на Блискиот Исток, кој трае повеќе од еден месец, а се прошири и на поморските рути, особено во Ормутскиот теснец — клучен коридор за транспорт на нафта.И покрај повремените најави за можни преговори, засега нема знаци за брзо смирување на состојбата, додека ризиците за глобалната трговија и енергетската безбедност продолжуваат да растат.

Свет | пред 1 седмица

Зеленски пристигна во Доха – нова дипломатска офанзива

Украинскиот претседател Володимир Зеленски пристигна во Доха на работна посета, продолжувајќи ја својата дипломатска турнеја на Блискиот Исток.Според информациите на Катарската новинска агенција, Зеленски бил пречекан на Меѓународниот аеродром во Доха од државниот министер за надворешни работи Мохамед бин Абдулазиз ал-Кулаифи, како и од украинскиот амбасадор во Катар, Андриј Кузменко.„Неговата екселенција, претседателот на Украина Володимир Зеленски, пристигна утринава во Доха на работна посета“, се наведува во соопштението.Посетата следува по неодамнешната посета на Обединетите Арапски Емирати, каде Зеленски разговараше за безбедносна и одбранбена соработка.Се очекува во наредниот период да бидат објавени повеќе детали за агендата и средбите во рамки на посетата.

Свет | пред 2 седмици

Катар евакуираше делови од Доха

Катарските власти рано утрово евакуираа делови од округот Мшеиреб во главниот град Доха, област во која се наоѓаат владини институции и канцеларии на меѓународни компании, меѓу кои и канцеларија на „Гугл“, јавуваат сведоци.Според нив, евакуирани биле и делови од градот во кои се наоѓаат филијали на шест американски универзитети.Од катарското Министерство за внатрешни работи соопштија дека властите наредиле евакуација на „одредени области“ како привремена мерка на претпазливост, без да откријат повеќе детали за точните локации.Евакуацијата се случила приближно еден час пред властите да соопштат дека биле пресретнати проектили над територијата на Катар.

Свет | пред 1 месец

Силни експлозии во Доха, Дубаи и Абу Даби

Силни експлозии одекнуваат во Доха, Дубаи и Абу Даби, според извештаи на новинари на AFP и изјави на локални жители, додека Иран ја продолжува кампањата на ракетни и дрон-напади низ Персискиот Залив.Новинарите на терен јавиле дека се слушнале силни детонации во катарската престолнина Доха, како и во Дубаи, во Обединети Арапски Емирати. Двајца жители за АФП изјавиле дека експлозии се слушале и во главниот град на ОАЕ, Абу Даби.Нападите се дел од пошироката ескалација на конфликтот, при што иранските сили изведуваат ракетни и беспилотни напади врз цели во земјите од Заливот. Засега нема официјални информации за евентуални жртви или материјална штета.

Свет | пред 1 месец

(Видео) Експлозии и сирени во Доха, Дубаи и Тел Авив

Во Доха, Дубаи и Тел Авив се слушаат експлозии и сирени за воздушна тревога, јавуваат тимовите на CNN од терен во Катар, Обединетите Арапски Емирати и Израел. Новинарите и продуцентите од своите редакции известуваат за вознемирувачки звуци и сцени.Новинарите во Дубаи пријавиле дека се слушнале „неколку силни експлозии“.Во меѓувреме, вработени во CNN во Доха виделе проектили како го осветлуваат ноќното небо. Тие споделија и снимка на која јасно се слушаат далечни детонации.

Свет | пред 1 месец