DPMNE

Се умори јавноста Славица Петровска од СДС да глуми жртва, врати ВМРО-ДПМНЕ

„Јавноста одамна се умори од постојаните обиди на Славица Петровска да се претставува како жртва секогаш кога ќе биде повикана на одговорност. Наместо да даде конкретни аргументи и да се соочи со реалноста, таа секој пат користи истата стара тактика – глуми нападната и го пренасочува фокусот од суштинските прашања.Последниот случај е уште еден доказ за ова. Министерката за финансии, Гордана Димитриеска-Кочоска, зборуваше за реалните трошоци на едно четиричлено семејство, нешто што сите граѓани го чувствуваат на своја кожа. Но, наместо аргументирана дебата, Петровска повторно избра да игра на картата на жртвата, надевајќи се дека така ќе ги избегне суштинските теми.Граѓаните заслужуваат одговори, а не лажна емпатија и театралност. Време е Петровска да престане со оваа политичка манипулација и конечно да понуди нешто повеќе од лични повреди и празни фрази“СООПШТЕНИЕ НА ВМРО-ДПМНЕ

Македонија | пред 11 месец

СДС и ДУИ во Детска клиника без тендер набавувале лекови вредни милиони, а и кон донираните се однесувале неодговорно, велат од ВМРО-ДПМНЕ

„Нема крај на неодговорно, недомаќинско и расипничко однесување на СДС и ДУИ. Секојдневно на видели излегуваат нивните злоупотреби со институциите на системот, ограбувањето на државните ресурси, осиромашувањето на народот“, соопшти ВМРО-ДПМНЕ.„Изминатиот период објавивме бројни скандали за злоупотреба на службената должност на лица од СДС и ДУИ кои раководеле со јавни и државни институции.Од ваквите скандали кои отвораат сомнежи за сторени криминали од милионски вредности, СДС и ДУИ не ги поштедиле ниту здравствените институции кои треба да се сервис и да водат грижа за здравјето на македонските граѓани.Клиниката за детски болести е здравствена институција која треба да обезбеди навремена, соодветна и квалитетна здравствена нега за најчувствителната категорија пациенти, децата. Но, СДС и ДУИ не можеа да ги држат рацете подалеку дури ни од оваа витална институција, а да не профитираат врз здравјето на децата.Според Извештајот на Државниот завод за ревизија за работата на детска Клиника во 2022 година, констатирано е дека без тендер се набавувале лекови во вредност од неколку милиони.За време на раководењето на кадри од СДС и ДУИ, Клиниката за детски болести набавила лекови од 8,6 милиони денари на реверс, а потоа ги вратила на фирмата која го добила тендерот.Освен кон набавените лекови, детска клиника во време на СДС и ДУИ неодговорно се однесувала и кон лековите кои ги добивала како донација, така што за две донации не е запишано која сума се проценуваат.Според податоците во Извештајот, примени се лекови за ретки болести во вредност од 200 милиони денари, а лекови вредни над 50 милиони евра останале неискористени.Ова само покажува колку е голема неспособноста на СДС и ДУИ, и колку недомаќински и расипнички раководеле со јавните здравствени установи. Кај што ги трошеле и не ги штеделе парите на граѓаните, така и со донациите недомаќински управувале.Како и во целата држава, така и во здравството СДС и ДУИ направија хаос и целосно го урнисаа“, се наведува во соопштението на ВМРО-ДПМНЕ.

Македонија | пред 1 година

Комично делуваат пресметките на отворена сцена како крими нарко пресметка на две банди од власта, смета Мицкоски

При денешната посета на општина Велес на настанот „Твојата идеја за промени“ претседателот на ВМРО-ДПМНЕ, проф. д-р. Христијан Мицкоски одговарајќи на новинарско прашање во однос на кавгата помеѓу вицепремиерката Грковска и шефот на ЈО Јовевски истакна дека смешни и комични делуваат пресметките на отворена сцена како крими нарко пресметка на две банди од власта додека корупцијата и криминалот цветаат и затоа се потребни предвремени парламентарни избори.„Па реков дека веќе од сите страни на меѓународната заедница пристигнуваат обвинувања дека исклучително е криминална власта дека има огромно присуство на криминал и корупција интересни а помалку и смешни комични делуваат оние изјави на министерот за внатрешни работи кој што е министер 7 години за внатрешни работи дека сега еве требало да се реагира многу брзо и да се отвори фронт против криминалот и корупцијата, наместо да каже се повлекувам бидејќи не успеав во тоа, интересно и помалку комично и смешно делува кога доаѓа тоа од владини претставници кој што веќе 5 години се власт во Македонија а најинтересно и најкомично делува од политичката партија која што е 20 години дел од власта во Македонија тоа е ДУИ која што вели е сега е моментот кога ќе се борат со криминалот и корупцијата. Ниту имаат намера ниту ќе се борат. Зошто? Затоа што се ортаци со криминалците и затоа што се корумпирани, затоа се потребни предвремени парламентарни избори, нови луѓе да дојдат кои што ќе ги водат тие институции и кои што навистина ќе се справат со криминалот и со корупцијата. Оваа пресметка на отворена сцена ми делува како крими нарко пресметка на две банди од власта на отворена сцена кои што помеѓу себе, поради тоа што не можат да го поделат пленот и да ги задоволат личните интереси се препукуваат по медиумите. Тоа беше јасно покажано преку изборот на последните кадровски решенија во обвинителството за организиран криминал но исто така и во судскиот совет, и гледаме сега што се случува околу портретирањето од страна на вицепремиерката на јавниот државен обвинител кој што патем речено е предлог на таа иста партија за уставен судија. Затоа велам, потребни се предвремени парламентарни избори побргу смена, после смената да дојдат луѓе што ќе ги водат тие институции и потоа одговорност, ако сакаме навистина да се бориме против криминалот и корупцијата, се останато е само една обична претстава“, нагласи Мицкоски.

Македонија | пред 3 години

Груби кажува лаги, ако имаат пратеници за уставни измени уште наредна недела нека ги стават на дневен ред, бара ВМРО-ДПМНЕ

„Груби кажува лаги, ако имаат пратеници за уставни измени уште наредна недела нека ги стават на дневен ред, ако не Ковачевски веднаш да си поднесе оставка“, вели ВМРО-ДПМНЕ.Тие додаваат:Соочени со секојдневните неуспеси и порази на секое поле, владата на Ковачевски се обидува очајно да направи дефокус . Тоа што нема учебници во образованието, тоа што Македонија има највисока стапка на инфлација и најниска стапка на економски раст. Тоа што се до гуша заглавени во криминал, се обидуваат да го покријат со лажни вести.Редот да шири лаги денес му е на Артан Груби.ВМРО-ДПМНЕ ја повикува власта ако имаат пратеници за уставни измени, што се докажа дека немаат, еве наредната недела нека ги стават на дневен ред. Во спротивно веднаш да си поднесе оставка Ковачевски.Прашањето за уставни измени не е прашање дали сме за или против Европска Унија, туку дали сме за или против идентитетско обезличување и прифаќање на бугарските ултиматуми.

Македонија | пред 3 години

Ковачевски призна дека нема пратеници кои ќе му го поддржат предавството за промена на Уставот и исполнување на бугарските мегаломански барања, вели опозицијата

„Ковачевски призна дека нема пратеници кои ќе му го поддржат предавството за промена на Уставот и исполнување на бугарските мегаломански барања“, стои во реакцијата на ВМРО-ДПМНЕ.Тие додаваат:Ковачевски нека не ја отвора Пандорината кутија туркајќи бугарска агенда да се крие позади иницијативата за внес на други народи во Уставот. Не му е ниту до Хрватите и Евреите туку до ветувањето дадено на Бугарија за внес на Бугарите во Уставот. Кога веќе збори за промени на Уставот тогаш ајде да ги отвориме и останатите аспекти и прашања. Дали на Македонија и треба граѓански Устав, дали ќе го избришеме деградирачкиот Бандитеров принцип кој наместо заштита создаде систем на протекции и неквалитет, дали е потребно да се редефинира улогата и ингеренциите на претседателот на државата? Дали е потребно да се редефинираат ингеренциите на законодавната власт која е потчинета на извршната власт итн. итн.Понудата до Ковачевски е отворена: Ако Ковачевски смета дека има мнозинство во Парламентот за уставни измени тогаш нека ги поднесе. Доколку нема треба да си поднесе оставка и да оди Македонија на нови избори.

Македонија | пред 3 години