ДПМНЕ

Славјанка купува хеликоптери во период на избори, утре кога ќе ве тегнат по судови Талат нека ве брани, ѝ порача Ковачки

Пратеникот и претендент за нов мандат, Драган Ковачки од ВМРО-ДПМНЕ, одново ја нападна министерката за одбрана, Славјанка Петровска. Според него, одлуката на Владата за купување на хеликоптери во период на избори е со цел собирање на политички поени. Ѝ порача дека кога ќе ги тегнат по судови, да го викне Талат за да ја брани.Целото обраќање на Ковачки:Славјанка купува хеликоптери во период на техничка Влада и на распишани избори. Ако, така треба, терајте со одлуките, утре кога ќе ве тегнат по судови, Талат нека дојде да ве брани.*Македонското воено воздухопловство, после триесет години постоење, во време владеење на СДС, денес е сведено на еден до два, евентуално три функционални воздухоплови, со многу ограничени оперативни способности. Министерката наместо да се обидува да собира евтини политички поени, фалејќи се со договор за купување на нови хеликоптери, би било подобро да објасни зошто воздухопловството или воздухопловната единица наречена ВИНГ, е вратено(a) во 80-тите години од минатиот век.Наши хеликоптери и персонал во изминатиот период можеа да учествуваат на вежбовни активности во рамките на НАТО, надвор од нашата држава и тоа со употреба на ракетно и друго вооружување, во ноќни и сложени временски услови, а денес тоа е невозможна мисија!Славјанка Петровска треба да објасни зошто после 4 години членство во НАТО, воздухопловниот ВИНГ не е во можност за потребите на чување на нашето небо да обезбеди еден хеликоптер и посада за 24-часовно барање и спасување. (!)Доколку се направи подетална анализа на состојбите во македонската армија, веројатно ќе се дојде до слични сознанија и за другите капацитети, иако министерката за одбрана не пропушта прилика да не потсети дека континуирано ги зајакнува армиските способности. Најверојатно нејзините критериуми се базираат на зголемувањето на буџетот за подлажување на персоналот со додатоци на плата, а не на зголемената огнена моќ и обученост на персоналот.Додека таа се фали со купување на нови транспортни хеликоптери со кои треба да се заменат старите, во нашето опкружување се набавуваат високо способни борбени воздухопловни платформи (авиони, хеликоптери, дронови и сл.), со цел зајакнување на севкупните армиски способности. Пример, Хрватска го зголемува бројот на борбени воздухоплови од 20-тина на околу 40 и планира да издвои околу 2 милијарди евра во следните десетина години. Во Србија, Бугарија, Словачка, Чешка, Грција и други држави се случуваат слични процеси, а ние согласно нашата безбедносна проценка планираме да развиваме само транспортни воздухопловни капацитети. (?!) Очигледно власта не сака да се соочи со реалноста, односно дека и нашата држава е исто така загрозена како и нашите соседи, кои подолго време инвестираат во зголемување на огнената моќ на нивните воени воздухопловства и други армиски компоненти. Нејасно е кои воени експерти и партијаши од СДС заклучиле дека нас НАТО ќе не брани, а нашите соседи нема, па тие мора сами да се снаоѓаат и да набавуваат оружје.Воздухопловниот транспорт е значаен, но не е најзначаен и не може да се оправда трошење на огромни ресурси само за тој капацитет, особено кога државата располага со солидни хеликоптери за оваа намена, што овозможува доволно простор и време за внимателен и балансиран пристап во однос на опремувањето на воздухопловството со нова западна технологија. Според моите контакти со голем дел од професионалците, тие се на мислење дека доколку претходно не се разрешат наталожените проблеми, доаѓањето на новата техника само ќе предизвика мултиплицирање на постоечките проблеми. Значи, прво мора да се овозможат услови за непречен развој на оперативните пилоти, како и воздухопловно-техничкиот персонал. Потоа речиси едновремено треба да се работи на обновување на условите за едукацијата на нови кадри, а сето тоа е невозможно без обезбедување на ефикасна логистичка и техничка поддршка, или со еден збор воспоставување на ефикасен систем, базиран на систем на вредности и контрола на истиот. Всушност се работи за бројни предуслови и се чини МО и армијата немаат реална претстава што се треба да се направи за кратко време и колку ќе чини, со цел успешно прифаќање на новата воздухопловна техника. Со потпишувањето на овој договор за набавка на нови хеликоптери, всушност се одредува иднината на воздухопловниот елемент на нашата армија за следните 40 години. Прашање е дали воздухопловите кои биле во потесниот избор се детално анализирани во однос на сите елементи и способности, вклучително и нивната цена во однос на перформансите и мисиите кои треба да ги извршуваат. Исто така, оперативните трошоци, профилот и бројот на луѓе, компатибилноста на виталните склопови, едноставноста при трансферот на пилоти од еден на друг тип на воздухоплов и многу други на прв поглед неважни, но во процесот на експлоатација често критични елементи. Во случајов, согласно информациите со кои јас располагам, изборот на Леонардо е направен во последен миг, додека подолго време, од самите пилоти вклучени во процесот, предноста била давана на друга компанија и други типови на воздухоплови.И на крај, може ли да очекуваме тие што го сведоа воздухопловството на ниво на еден поскромен аероклуб, успешно да реализираат еден мега проект, кој ќе ја чини нашата држава околу една милијарда евра, бидејќи не се работи само за набавка на хеликоптери туку и за нивна подоцнежна повеќедецениска поддршка.Повторувам, договорот се потпишува во време на распишани избори.За жал власта се’ уште е убедена дека е семоќна. Среќа е крајот што се гледа, а новата влада предводена од ВМРО ДПМНЕ и новото раководство на МО ќе мора детално да го испита целиот процес на оваа капитална набавка за армијата.

Македонија | пред 2 години

Соопштени носителите на листи на ВМРО-ДПМНЕ за парламентарните избори

Христијан Мицкоски, претседател на ВМРО-ДПМНЕ, најави дека тој ќе биде носител на пратеничката листа во изборната единица еден.За во изборната единица два, носител ќе биде Владо Мисајловски. Во изборната единица три, носител ќе биде сегашниот пратеник Драган Ковачки.Во изборната единица четири, носител ќе биде потпретседателот на партијата и пратеник, Александар Николовски. Одлука кој ќе биде носител во изборната единица пет – ќе биде донесена во текот на денот.Во изборната единица шест, носител ќе биде сегашната пратеничка Дафина Стојановска.

Македонија | пред 2 години

Овие избори не се избор за Европа или изолација, туку за ВМРО-ДПМНЕ или Ахмети, Груби, Ковачевски, Маричиќ, посочи Мицкоски

Лидерот на ВМРО-ДПМНЕ, Христијан Мицкоски вели дека СДСМ и ДУИ шест години продаваат шарена лага и потпишале се што имале на маса, така што не само што не ја донеле Европа, туку Македонија ја оддалечиле од оваа цел. Овие избори, според него, не се избор помеѓу Европа и изолација, туку разлика помеѓу ВМРО-ДПМНЕ и коалицијата наспроти Ахмети, Маричиќ, Ковачевски, Груби, Османи, Зечевиќ, Пендаровски.„Ги нарушија сите преговарачки позиции и не добија ништо. Дури и последното што беше потпишано, Француски предлог, лага е дека е договор за членство во ЕУ. Ова е договор за дополнителни условувања и ќе го направи патот невозможен за Македонија и македонските граѓани. Шест и половина години не само што не ја донесоа Европа, туку нѐ оддалечија, донесоа криминал, економски назадавувавме, ветуваа раст на бруто домашниот произовид, а го завршивме со најнизок раст во регионот“, кажа Мицкоски.Тој додаде дека седењето дома е гласање за СДСМ и ДУИ.

Македонија | пред 2 години

Мицкоски: Ќе направиме се да имаме универзитет на Шангајска листа меѓу првите илјада, како и секое дете да има учебник во претстојната 2024/25 учебна година иако сакаат да ни остават хаос

Многумина добиваат звање редовен професор и до пензија забораваат да напишат труд да напишал. И ние сакаме во една таква ситуација да имаме универзитет на Шангајската листа, рече претседателот на ВМРО-ДПМНЕ, Христијан Мицкоски на денешната дебата „Образовна платформа за иднина“ на тема „Нов концепт за развој на образованието“.„За да се биде на Шангајската листа има два столба. Едниот столб е обврска на државата и со тоа идната влада на ВМРО-ДПМНЕ треба да се позанимава сериозно. Тоа значи државата да обезбеди околина, услови за научно функционирање, опрема и слично. Тоа е дел и обврска на државата, но обврската за наставниот кадар е да објавуваат трудови индексирани со висок фактор на влијание. Нашиот највисок рангиран е Универзитетот Кирил и Методиј и тој е нешто под двеилјадитото место и ние сакаме да имаме наука, тоа не е можно. Наука не може во вакви услови“, рече Мицкоски.Оттука рече претседателот Мицкоски, одлучивме да предложиме повисоки плати за сите наставници кои ќе имаат трудови со импакт фактор.„Сега се префрлам на основците. Сето ова е залудно ако основците на време не добијат книги. А немаат книги и тоа ни се случува не затоа што се натпреваруваат концепти, туку се натпреваруваат кој поголема провизија да земе, па една партија има една омилена печатница, друга има друга печатница. На крај од ова учениците се тие кои се негативно изненадени и немаат книги“, кажа Мицкоски.Мицкоски укажа дека новата влада која би се формирала некаде втора половина на јуни месец ќе гледа да направи се сите ученици да имаат книги.„Учебната година стaртува на први септември и информациите велат дека власта знаат дека ќе биде поразена и се обидуваат да остават тотален хаос. Но, ние ќе дадеме се од себе тоа да не се случи, како што и во техничката влада даваме се од себе да се среди хаосот кој го оставија со личните документи“, заклучи Мицкоски.

Македонија | пред 2 години

Мицкоски: Новата Влада на ВМРО-ДПМНЕ ќе ги награди сите наставно образовни лица кои се занимаваат со наука сo дополнителни 50% секој месец во неговата плата

Претседателот на ВМРО-ДПМНЕ, Христијан Мицкоски на денешната дебата „Образовна платформа за иднина“ на тема „Нов концепт за развој на образованието“ која се одржа во Куманово спомена дека основниот фундамент е враќање на претшколското образование во рамките на министерството за образование.„Потребно е образованиот процес да биде комплетен. Сега имаме чувство дека образовниот процес не е комплетен. Кога зборувам дека не е комплетен, мислам во рамките на министерството за образование. Имаме основно, имаме средно и високо образование. Но, ни недостасува еден фундамент односно базата, а тоа претшколското образование, односно популарно наречените градинки. Тие се сега под одговорноста на министерството за труд и социјална политика. Во оној процес на реорганизирање и реструктуирање на Владата каде што планираме фундаментални реформи бидејќи цениме дека Владата вака како што е составена некако како да не одговара на современите текови кои што се потреба на граѓаните“, рече Мицкоски.Мицкоски додаде дека идната Влада на ВМРО-ДПМНЕ планира реорганизација во Владата, во самите ресори.„Претшколската едукација односно предосновното образование треба да го вратиме онаму каде што припаѓа, а тоа е во рамките на министерството за образование и наука“, нагласи тој.Тој рече дека е потребно и мотивација на наставно образованиот кадар.„Потребно е да се поработи и на мотивација на наставно образованиот кадар. Како ќе се мотивираме? Ќе се мотивираме како што се мотивираат во најголем дел од случаите, многу помалку луѓето денеска се мотивираат на поинаков начин освен материјално и финансиски. ние се обидовме во нашата програма да најдеме еден вид синергија помеѓу науката и финансиското мотивирање. И што направивме? Дадовме предлог во кој што секој оној наставно образовен кадар на високо образовните институции кој што ќе објави труд во списание со фактор на влијание, а тоа списание е дел од индексираната база „Томсон Ројтерс“ позната во науката како „web of science“ тогаш следната година државата ќе одвои дополнителни 50% секој месец за неговата плата“, појасни претседателот на ВМРО-ДПМНЕ.Мицкоски укажа дека ако за наставното образовно лице одвојува државата за неговата месечна плата нето 60.000 денари, а тој во претходната година објавил труд во списание на влијание, тогаш следната година 12 месеци државата ќе одвојува 90.000 денари за тоа образовно лице секој месец. Секој кој што ќе се занимава со наука ќе биде награден.

Македонија | пред 2 години

Пендаровски ветуваше дека ќе го слуша народот и ќе се води од него, за после да изгуби контакт со реалноста на граѓаните и да стане аминџија на ДУИ и СДС, рече ВМРО-ДПМНЕ

„Стево Пендаровски ги лажеше граѓаните дека ќе го слуша гласот на народот и дека од него ќе чуел што треба понатаму да прави. Пендаровски ги доби изборите, отиде на Водно и ни народ слушаше ни бутур. Стана аминџија на штетните закони на власта и ништо повеќе“, велат од ВМРО-ДПМНЕ и додаваат:Како обичен писар потпишуваше се што ќе му пратат, целосно игнорирајќи ги ставовите на луѓето, експертите или медиумите. Најконтроверзните закони ги потпишуваше во рок од неколку часа по нивното гласање, онака како што ќе му наредеа оние кои го поставија на позицијата, ДУИ и СДС.Пендаровски не само што го изгуби кредибилитетот и интегритетот, туку изгуби и контакт со реалноста која ја живеат граѓаните. Тој со своите постапки и политики го погази достоинството на граѓаните и на државата.

Македонија | пред 2 години

Над 600.000 луѓе живеат со само 150 денари на ден, Македонија е најсиромашна држава со највисока инфлација, вели ВМРО-ДПМНЕ

„Над 600.000 луѓе живеат со само 150 денари на ден! Секој трет граѓанин живее со само 150 денари на ден! Македонија е најсиромашна држава во Европа и со најголема инфлација!“, вели ВМРО-ДПМНЕ и додава:Инфлацијата во Македонија е 50% поголема од таа во Еврозоната!Растот на БДП по глава на жител од 2017 до 2023 во Македонија е само 20%, додека во земјите од регионот Србија, БИХ, Албанија, Црна Гора над 50%!Јавниот долг за 7 години е зголемен за скоро 4 милијарди евра!Власта го задолжила секој граѓанин за 2.000 евра!Заради СДС и ДУИ секое четиричлено семејство должи по 8.000 евра!Македонија е меѓу 10-те земји со најголема стапка на криминал во Европа!Власта ја зголеми цената на струјата за 70% од 2020 до сега!Сметка за струја од 2.000 денари во 2020 година, сега е 3.400 денари!Власта плати веќе над 200 милиони евра кон „Бехтел и Енка“, а почеток на градба на автопатите не е ни на повидок!Македонија е на врвот на листата во Европа според индексот на мизерија! Помалку мизерни од Македонија се Алжир, Тунис и Нигерија!Mакедонија е земја со најниски плати и пензии во Европа последниве 6 години!Македонија тоне во корупција, тоа го нотираат извештаи на ЕК, Стејт Департмент, Германски стопанственици и странски претставници!Со оваа власт довербата во судството е само 2%!Европски фронт на ДУИ и СДС нема затоа што внукот на Афмети, Дрин ја купи „Соравија“ од 30 милиони без да вложи денар!

Македонија | пред 2 години

Мицкоски: Откако ги понижија македонските интереси СДС во очај и немајќи што да понудат водат лажна и валкана кампања

СДС практично во очај, немајќи што да понуди на граѓаните, мислејќи дека на ваков начин со лажна и валкана кампања ќе нанесат штета и врз мене и врз идниот претседател професорката Гордана Силјановска Давкова, претседателот на ВМРО-ДПМНЕ, Христијан Мицкоски за време на посетата на Виена, одговарајќи на новинарско прашање поврзано со лажните вести кои СДС ги пласира за средби со бугарскиот европратеник Андреј Ковачев.Откако практично се прифатија, откако практично зададоа жесток удар врз македонскиот идентитет неколку пати во изминативе години, откако не само што ја понижија и ограбија Македонија тие направија нешто кое следните генерации ќе треба да го исправат и сега наместо да бидат свесни за сето тоа што го направија и да направат чекор назад и да се обидат преку некаква позитивна кампања да привлечат глас повеќе, ако може, тие се обидуваат со една ваква ниска лажлива кампања да добијат некој поен повеќе, но нема да добијат, потенцираше Мицкоски.Мицкоски истакна дека се разбира дека тоа се лажни извештаи од луѓе кои за неколку недели од сега нема да бидат таму каде што се, но им порача нека продолжат со таа лажна кампања, со ниско ниво, а ВМРО-ДПМНЕ се разбира ќе продолжи достоинствено и секаде особено надвор да се бори за Македонија.- Ние на онаков начин како што му доликува на ВМРО-ДПМНЕ ќе продолжиме да се бориме надвор од Македонија, ќе продолжиме да се бориме и во рамките на ЕПП и овде во Австрија и претходно во Франција, Швајцарија и насекаде во светот ќе продолжиме да се бориме за македонските национални интереси. Ќе продолжиме да се бориме да обезбедиме подобар живот за македонските граѓани, за иднината на Македонија како држава, затоа што ние сме ВМРО-ДПМНЕ и ние сме различни од СДС, а граѓаните може да направат разлика и да донесат заклучок, нагласи Мицкоски.Мицкоски потенцира дека од едната страна е понудата која ја нудат Али Ахмети, Бујар Османи, Артан Груби, Миле Зечевиќ, Бојан Маричиќ, Димитар Ковачевски а од другата страна е понудата која ја нуди ВМРО-ДПМНЕ борејќи се за македонскиот идентитет, подобра иднина, стандард, проекти насекаде.

Македонија | пред 2 години

Нема фотографија

Мицевски: На барање на пратеничката група на ВМРО-ДПМНЕ, по забелешките на Тошковски, денес беа изгласани измените на изборниот законик

„На барање на пратеничката група на ВМРО-ДПМНЕ, по забелешките и укажувањата од страна на министерот за внатрешни работи, господинот Панче Тошковски, денес во Собранието на Република Македонија едногласно и консензуално, беа изгласани измените на изборниот законик“, вели Никола Мицевски, пратеник и координатор на пратеничка група на ВМРО-ДПМНЕ и додава:Без денешните измени во Изборниот закон, постоеше ризик да се прекрши основното човеково право, право на глас, на над 100 илјади граѓани во нашата држава.Ова е последица на хаосот кој што зад себе го оставија Ковачевски и Спасовски, со што илјадници граѓани останаа без личните документи и заробени во државата.Со овие измени кои денес се усвоени ќе може да гласаат сите граѓани чии што лични документи, пасош и лична карта им истекол рокот по било кој основ во период од 9 месеци пред изборите.Ова значи дека личните документи на граѓаните на Македонија кои им се истечени по било кој основ од август месец 2023 година па се до 8-ми мај 2024 година ќе можат да го искористат своето уставно право на глас на следните избори.Исто така со овие измени покрај другото, конечно се внесоа и најголем дел од забелешките на ОБСЕ/ОДИХР.Во овие измени значаен сегмент е измената со која во Избирачкиот список ќе бидат запишани сите полнолетни граѓани кои имаат живеалиште на територијата на Република Македонија.

Македонија | пред 2 години

СДС сама влегува во жива кал од лажни вести, се согласуваат ли со изјавата на Пендаровски дека Гоце Делчев е Бугарин?, вели ВМРО-ДПМНЕ

„СДС сама си влегува во жива кал од сопствени лажни вести“, велат од ВМРО-ДПМНЕ како реакција на соопштението на СДСМ и додаваат:Имаме едно кратко прашање, се согласува ли СДС со изјавата на Пендаровски дека Гоце Делчев е Бугарин?

Македонија | пред 2 години

Пратенкот Здравковски: Пациенти од велешката болница вртат во Брза помош, нема кој да им помогне!

„Граѓаните го изгубија правото на здравствена грижа во болниците.Тотален хаос и целосен распад на системот доживува нашата држава под владеење на СДС и ДУИ.Фрапантна и згрозувачка е информацијата што ја добивме пред неколку дена, а што се случила пред месец и половина во велешката болница.На 22.01.2024 година, пациент во неподвижна состојба со шипки на рацете и ‘рбетот, паднал од болничкиот кревет на физикалното одделение во велешката болница и повеќе од 2 часа не добил помош од персоналот на одделението иако безнадежно ги повикувал. Во таква беспомошна состојба пациентот успеал да го дофати својот мобилен телефон и да се јави на бројот 112 за да повика брза помош. Тие пристигнале, но никој не успеал да ги слушне и не им отвориле. Бидејќи повикот се прекинал и мислеле дека пациентот е во критична состојба биле принудени заедно со болничкото обезбедување, да ја разбијат вратата на одделението за да влезат и да му пружат помош на пациентот.Нели е срамота? Дали има во оваа држава барем малку морална и човечка одговорност? Дали функционерите имаат морална и човечка одговорност? Очигледно е дека господа од СДС и ДУИ дека ве интересираат само бизнисите и криминалните зделки, но како барем малку не се засрамите и да поведете грижа за граѓаните.Малку ли беше што го продадовте и го пониживте овој народ, му ги ускративте и основните човекови права, правото на движење, го заробивте во сопствената држава, но зарем луѓе од болничките кревети треба да се јавуваат во брза помош за да добијат основна нега.Зошто повеќе од еден месец се крие и воопшто не е решен случајот? Дали и овој пат сакате да го сокриете случајот исто како она со градинката кога негователка им даваше електронска цигара на мали дечиња?Како пратеник и граѓанин од Велес, од овде ги повикувам сите надлежни институции, веднаш да реагираат и да го расчистат овој случај. Згрозен сум од помислата дека и на други одделенија во државата се случува истото ова и многу животи се доведени во прашање.Почитувани,За многу кратко народот ќе си ја врати државата и во оваа држава ќе има систем на вредности, меѓутоа и систем на одговорност. За многу кратко народот ќе ја збрише оваа одродена власт и ќе ја испрати во историјата затоа што никогаш не било полошо!“, вели Игор Здравковски, претседател на ОК на ВМРО-ДПМНЕ Велес и пратеник

Македонија | пред 2 години

Митева: Непријател на Албанците не е ВМРО-ДПМНЕ, туку ДУИ која се крие зад етничката припадност во нејзиното делување, а маката на сите граѓани е иста и нема подобар живот

Портпаролката на ВМРО-ДПМНЕ, Марија Митева во нејзиното гостување во емисијата „Првиот час“ која се емитува на Клан Македонија зборувајќи за реториката на ДУИ дека ВМРО-ДПМНЕ кога ја напаѓа ДУИ ги напаѓа Албанците истакна дека тоа е апсолутно не држи вода бидејќи доволно е да се сврти обратно тезата и излегува дека кога ДУИ ја напаѓа ВМРО-ДПМНЕ како најголема политичка партија во македонскиот блок е против Македонците.„Само доколку обратно ја свртиме тезата. Доколку ВМРО-ДПМНЕ излезе со став дека поради тоа што ДУИ ја напаѓа ВМРО-ДПМНЕ која што практично е најголема политичка партија во македонскиот блок, дали тогаш ДУИ се против Македонците. Мислам дека само доколку се обидеме да направиме паралела на тезите ќе видиме дека станува збор за една теза за која тие сметаат дека нив ќе им донесе нешто добро кај Албанскиот електорат“, истакна Митева.Таа исто така додаде дека најголем непријател на Албанците е токму ДУИ, која се крие зад етничката определба во нејзиното постапување, а сите граѓани тонат исто во сиромаштија.„Јас, напротив сметам дека ВМРО-ДПМНЕ многу јасно покажала дека нашето мислење е дека најголем непријател на Албанците е токму ДУИ, затоа што тие се кријат зад таа една етничка определба во рамки на своето постапување, а иста е маката и на Македонецот и на Албанецот којшто живее во Македонија и којшто нема подобар живот“, потенцираше Митева и додаде:„Ако ги видиме статистиките имаме 600 илјади граѓани коишто живеат со 150 денари на ден, а меѓу нив сум сигурна дека има и Албанци и Турци и Власи и Бошњаци и сите останати. Не би сакала да навлегувам во една ваква реторика затоа што ВМРО-ДПМНЕ ниту размислува ниту делува на тој принцип“.

Македонија | пред 2 години

Николоски во Брисел на средби со Вархеи и Суперти

Потпретседателот на ВМРО-ДПМНЕ, Александар Николоски во функција на известител определен од Парламентарното Собрание на Советот на Европа за Босна и Херцеговина денес e во работна посета на Брисел во институции на Европската Унија, со цел да разговараат за напредокот на Босна и Херцеговина, но и за можностите за напредок на Западен Балкан како целина.Потпретседателот Александар Николоски заедно со неговиот колега Немет најпрво ќе се сретнат со Оливер Вархеи - Комесар за проширување на Европската Унија и Валентина Суперти – Директор за Западен Балкан во Генералниот директорат за соседство и преговори за проширување на Европската Унија. На средбите е предвидено да се разговара за напредокот во исполнувањето на обврските на Босна и Херцеговина, како и за можностите за побрза интеграција на регионот во Европската Унија. Покрај овие средби предвидени се и други состаноци со претставници на Европската Комисија. Главен предизвик и за Босна и Херцеговина и за регионот е борбата со организираниот криминал и корупцијата и сериозната борба со корупцијата е главен предуслов за напредокот кон Европската Унија.Работната посета на овие институции во Брисел уште еднаш ја потврдува заложбата на ВМРО-ДПМНЕ за интеграција на целиот регион во ЕУ и е потврда за бројните пријателства кои ВМРО-ДПМНЕ ги има во рамки на Европската Унија, Советот на Европа и Европската Народна Партија како најсилна партија во Европа.Потпретседателот Александар Николоски е првиот македонски пратеник избран за известител на Мониторинг комисијата во Советот на Европа за било која држава во Европа.

Македонија | пред 2 години

Лефков: Маричиќ нека каже еден пример на функционер од ЕУ кој што злоупотребува службени средства како што прави тој

Вчера новинарите го фатија Бојан Маричиќ како користи државно, службено возило за партиски настан. Службените возила коишто имаат и свој возач се сопственост на државата, на народот и се платени од народни пари и не смеат да бидат користени на начин на којшто ги користи, и тоа замислете вицепремиер за евроинтеграции, вака пратеникот на ВМРО-ДПМНЕ, Миле Лефков за време на денешната прес конференција одговори на новинарско прашање во врска со вчерашниот случај со вицепремиерот Бојан Маричиќ кој со службено возило беше да се потпише за кандидатот на неговата партија за претседател.„Нека каже еден пример каде функционери од Европската Унија вака злоупотребуваат службени средства. Очигледно е дека не се прави разлика буџет, сопствен џеб. Не се прави разлика меѓу сопствени и државни возила и помеѓу партијата и државата“, потенцираше Лефков.Тој исто така упати апел и до ДКСК да реагира за оваа злоупотреба и го повика Маричиќ да одговори уште за колку партиски активности во текот на вчерашниот ден го злоупотреби службеното возило.„Ја повикуваме Државната комисија за спречување на корупција веднаш да реагира за тоа што Маричиќ беше однесен во подрачната единица на ДИК за да го даде својот потпис на Пендаровски, што е чиста партиска активност, а Маричиќ може да одговори дали со тоа службено возило беше и на партискиот настан во Кавадарци и уште на колку партиски настани во неработниот ден, односно вчера е злоупотребено службеното возило“, истакна Лефков.

Македонија | пред 2 години

Црната кампања против Силјановска, ја лути јавноста: „Преку јего ми се овие кои ја нарекуваат Гордана Силјановска баба“

„Преку јего ми се овие кои ја нарекуваат Гордана Силјановска баба. Прво, на ваков начин употребен изразот е дискриминирачки. Второ, не може да се отвори суштинска расправа за квалитетите на претседателските кандидати и она што го застапуваат заради вакви бесмислени квалификации“, напиша Мирјана Најчевска.Ова не е прва реакција, уште при крајот на февруари, беше забележано дека се води т.н. „црна кампања“ против Силјановска-Давкова, на што имаше остри рекации. Во тој период, таа не беше ниту официјален кандидат.„Се уште нема официјално потврдени кандидатури, ама почнаа да се везат приказни за една од потенцијалните кандидатки. Толку енергија се потрошило да се најдат трите датуми на раѓање кои се вртат на еден портал, што се прашувам што би било кога вниманието би се посветило на вистинска работа. И тоа замислете трите датуми на раѓање не се на официјални документи, туку на три различни веб страници! И таа е сега виновна за нечија грешка таму??? Аман, заман! За истата кандидатка имаше многу говор на омраза минатите претседателски избори, но се надевам дека приказната за датумите не е показател дека со тој говор на омраза ќе се продолжи!“, напиша Александра Цветковска.

Коментари | пред 2 години

Денес над 27 илјади граѓани со потпис за Гордана Силјановска Давкова

„Денес над 27 илјади граѓани, својот потпис го ставија позади кандидатот за Претседател на Република Македонија Гордана Силјановска Давкова“, вели претседателот на ВМРО-ДПМНЕ, Христијан Мицкоски и додава:„Условот од 10 илјади потписи е надминат. Ви благодарам за поддршката. Ова е сериозен патоказ дека народот бара промени и дека доаѓа крај на понижувањата, одземеното достоинство и време кога Македонија ќе стане горда држава каде има надеж и иднина!“.

Македонија | пред 2 години

Силјановска Давкова: Благодарам за поддршката, ова покажа дека народот сака промени и длабоки реформи

„Голема благодарност за поддршката! Мислам дека е во прашање човечки и граѓански пркос, меѓутоа уште повеќе надеж дека пред нас се големи промени“, вели Силјановска-Давкова.„Мислам дека е тоа знак за длабоки реформи. Уште еднаш се докажа дека овој народ не заслужува ваква власт. Народот легитимира, народот делегитимира. Јас сум му бескрајно благодарна за легитимацијата.Верувам дека речта е прва и дека веројатно и тие веруваат дека она што го зборувам ќе го направам!“.

Македонија | пред 2 години

Маричиќ со службено возило платено од граѓаните си брка партиски работи, ДКСК да реагира, велат од ВМРО-ДПМНЕ

“Медиумите објавија дека Бојан Маричиќ со службено возило пристигна да даде потпис за Пендаровски. Неговиот шофер му ја отвора вратата, во неработен ден тој користи државни ресурси платени од граѓаните”, вели ВМРО-ДПМНЕ и додава:Оттука добро е да одговори Државната комисија за спречување и борба против корупцијата што мисли за овој случај?Според кои европски практики Маричиќ злоупотребува државни ресурси платени од граѓаните?

Македонија | пред 2 години

Очекувањата се дека потписите за Силјановска-Давкова ќе бидат собрани за еден ден

„Денеска се собирааат потписи за кандидатурата на професорката Силјановска Давкова, очекувањата се дека истите ќе бидат собрани за еден ден“, велат од ВМРО-ДПМНЕ и додаваат:„Денес се собираат граѓански потписи за кандидатурата на професорката Гордана Силјаноска Давкова за претседател на Република Македонија.Кандидатурата на професорката Силјановска Давкова покрај со потписите и поддршката од 30 пратеници од редовите на ВМРО-ДПМНЕ и Коалицијата ќе биде поткрепена и со над 10.000 граѓански потписи.Профероската Силјаноска Давкова целата своја научна кариера ја има посветено на промоција и одбрана на демократијата како начин на уредување, и централната улога на граѓаните во неа, затоа и покрај тоа што таа има поддршка од 30 пратеници, поддршката од граѓаните е најзначајна.Очекувањата се дека потписите од граѓаните ќе бидат собрани за еден ден.Сите мерења на јавното мислење покажуваат повеќе од двојна предност на ВМРО-ДПМНЕ пред СДС. Доаѓаат промени“.

Македонија | пред 2 години

Гордана Силјановска Давкова ќе биде претседател кој ќе ги промовира македонските национални интереси, најавува ВМРО-ДПМНЕ

„Претседателот на државата има должност и обврска да служи на граѓаните на државата, да ги штити нивните интереси и да има лидерство кое ќе значи непотклекнување на туѓи лични агенди, таков претседател ќе биде професорката Гордана Силјаноска Давкова“, велат од ВМР0-ДПМНЕ и додаваат:Македонија заслужува претседател на народот, а не протеже на клики и елити кои за сметка на колективниот интерес, водат лични агенди.Македонија има потреба од Претседател кој ќе знае дека му припаѓа на народот и одговара единствено пред него, го штити Уставот.Претседателот треба да промовира законитост и бескрупулозна борба против криминалот и девијациите во општеството.Македонија има потреба од претседател како Гордана Силјановска Давкова, која ќе гради мостови и сојузи, дипломатијата ќе ја гради на стратегија и ќе се грижи за промоција на македонските национални интереси.Македонија има потреба од лидерство, од визија, од стабилност, од решителност. Македонија има потреба од промени.

Македонија | пред 2 години

Мицкоски со 10 постулати за тоа каков претседател и треба на Македонија, потребно е лидерство за промени и враќање на надежта

На денешната Конвенција на ВМРО-ДПМНЕ за избор на кандидат за претседател на Македонија, претседателот Христијан Мицкоски промовираше десет постулати за тоа каков претседател и треба на државата, додавајќи дека е потребно лидерство за промени и за враќање на надежта на македонските граѓани.Десетте постулати промовирани во говорот на претседателот Мицкоски се следните;1.Претседателот има должност и обврска да служи на граѓаните на државата, да ги штити нивните интереси и да има лидерство кое ќе значи непотклекнување на туѓи лични агенди. Да биде претседател на народот, а не застапник на интересите на клики и елити кои за сметка на колективниот интерес, водат лични агенди. Претседателот на државата му припаѓа на народот и одговара единствено пред него, го штити Уставот како акт кој произлегува од волјата на суверенот- граѓаните на Република Македонија. Претседател за народот, а не слуга на кликите.2. Повикувајќи се на славните традиции на илинденците и народно ослободителната борба, темелејќи се на јадрото воспоставено од претседателот на славната Крушевска Република, Никола Карев, од првиот претседател на АСНОМ, Методија Андонов Ченто, па се до лидерите и водачите кои се втемелија во историскиот раст на Македонија, претседателот е должен безусловно и со голема посветеност и капацитет да го продолжи истото дело. Да градиме држава која ќе ги почитува своите темели и ги надоградува со верба и посветеност кон идеалите кои беа обврска и за сите наши претходни претседатели. Во историските крстосници и бури на овој народ, посветеноста кон државата, долгот и почитта кон сопствениот народ треба да бидат најсилната врска на која треба претседателот да се потпира во секоја своја одлука. Претседател верен на традициите, на битките за слобода, на делата на великаните врз кои почива македонската држава.3. Претседателот треба да промовира законитост и бескрупулозно да се бори против неправдите и беззаконието. Потребна е решителна борба против криминалот и корупцијата која го разјадува нашето општество, која народот го реди во подредена позиција. Поддршка на обесправените, внесувањето на надежта дека промените се можни, само преку доследност и принципиелност, почитувањето на законите и Уставот се, како што кажав, обврска на Претседателот. Треба да се стави крај на неправдите, да се отворат портите за правдата, да се утеши изморениот народ од неправди и на гладните за достоинство и правда да им се каже јасно и гласно-правдата доаѓа! Заедно со правдата следи и одговорност за сите кои печалат преку криминал и корупција. Одговорност која нема да заврши преку инцидентни случаи кои се разводенуваат долж години за да на крајот биде неважно и целосно разводенето дали правдата воопшто ќе пристигне. Претседател за правда и одговорност подеднакво за сите, без поделби на вера, нација и припадност.4. Претседателот мора да има свој став. Тој не треба да зависи од партиски шефови, од партиски структури. Тој треба да и служи на Македонија и нејзиниот народ. Претседателот мора да има став па макар тој бил различен од Собранието, Владата или други носители на јавни и државни функции. Претседател кој ќе има карактер да се спротивстави доколку другиот греши. Да каже пред народот дека е отпорен на притисоци, дека не е нечиј слуга, туку политичар изграден од верувања, идеали и борба за принципи и вредности. Да биде свој, да служи непристрасно и објективно на Уставот и граѓаните. Да реагира согласно своите уверувања и државните интереси, а не за да задоволи суети, политичари и институции. Претседател со став, изградена личност, претседател кој им се спротивставува на другите кога грешат. Да престане практиката тој да е фигура во куклен театар, туку водач со став и интегритет.5. "Македонците се борат за своите правдини..." се најгласните зборови од нашата химна. Претседателот на државата мора да се грижи и пожртвувано, посветено да се работи за заштита на македонскиот идентитет и посебноста на македонскиот народ и македонците насекаде низ светот. Потребно е да се стави крај на политичките преговори и договори со кој се начнуваат есенцијалните прашања врз кој се потпира нашето егзистирање како народ и држава. Предолго и преагресивно во краток период се разградува македонското јадро по повеќе основи. Потребно е претседателот да биде браната пред налетот на разни пропаганди и настојувања за идентитетско осакатување на македонскиот народ. Претседател кој бескомпромисно ја штити посебноста на Македонија и македонскиот народ, наместо соучесник и изговор за штетни отстапки и договори какви досега сме гледале многу. Претседател за Македонците дома и за Македонците насекаде низ светот. Претседател кој треба да биде гласот на нивните потреби, бедрото на нивната енергија, колевката на нивната љубов и грижа за Македонија.6. Претседател кој ќе води дипломатија која се темели врз стратегијата за одбрана и промовирање на македонските интереси. Потребно е да се направи мобилизација на мудрите луѓе во нашето општество. Потребно е да се подаде рака, без комплекси и суети на луѓето кои имаат капацитет и знаење да помогнат на Македонија. Потребно е дипломатијата да изгради мостови, договори и сојузи кои ќе ги штитат и промовираат нашите интереси. Дипломатија која ќе биде необременета од партиски интереси, туку полна со знаење, квалификации и компетентност. Дипломатија која ќе ја штити вистината за Македонија, која ќе води борба за ставовите во кои веруваме и со кои настапуваме пред светот. Потребна е стратегија а не стихијно делување како досега. Претседател кој ќе обединува со мудрост, претставителност и знаење поткрепено со дипломатија која нашите сојузници ги убедува во работите кои се наш државен и стратешки интерес. Дипломатија и разговор како рамноправни чинители, а не послушници и неми посматрачи. Претседател кој води дипломатија со капацитет и создава пријателства и сојузи.7. Претседателот треба да ги промовира вредностите врз кои почива Македонија и да ја води државата кон исполнување на нашите стратешки планови за членство во Европската Унија. Македонија е изградена врз сонот и тежнеењето на прозападните цивилизациски вредности. Во тој контекст Претседателот на државата треба да работи за силна демократизација на процесите и водење на Македонија кон полноправно членство во Унијата како процес со кој се заокружува есенцијален напор за долготрајно стабилизирање и зацврстување на постоењето на македонската држава и сигурност за нашата заедничка иднина. Треба да се водат разговори без заблуди, со искрен и чесен пристап. Македонија нема друга алтернатива освен членството во ЕУ, но и го нема комодитетот да експериментира со своите идентитетски основи. Претседател кој работи за полноправно членство на Македонија во Европската Унија, кој гарантира сигурност за интеграција преку заштита на идентитетот на нашиот народ како посебна и уникатна целина.8. Претседателот треба да биде реализирана личност, која е препознаена од народот и мудрите луѓе на ова општество. Потребни се луѓе кои ќе работат за државата, а нема да се богатат од функцијата која ќе ја извршуваат. Државата е уморна од поединци кои градат кариери, без притоа да посветат внимание и не чувствуваат должност и обврска кон народот кој ги избира. Претседател со интегритет, стожер на чесноста. Потребна е одговорност и отчетност. Никогаш да не се заборави врската со народот. Удобствата, комфорот кои ги нуди позицијата се минлива категорија, трагата која се остава со функцијата е вредност која мора да трае.9. Претседател кој го промовира концептот – Македонија за сите луѓе. Силата која што ќе ги обедини сите искрени и чесни граѓани кои си ја сакаат земјата и кои сакаат својата иднина да ја градат овде дома, во Македонија. Време е да зборуваме за иднината, да му кажеме на народот која е и што е нашата визија, заедничкиот сон за нашата заедничка Македонија. Време е да се крене земјата од оваа национална и економска девастација. Време е да се победат неморалот, кичот и парадерството. Македонија за сите луѓе е одговор за заедничките неправди и предизвици. Економско обединување на народот и решавање на заедничките проблеми. Македонија за сите луѓе е Македонија и на Македонците, на Албанците, Турците, Ромите, Србите, Власите, Бошњаците и сите останати.10. Претседател кој промовира лидерство за промени. Потребно е да се стави крај на хаосот, неправдите, злоупотребите. Системот е распаднат, а народот вели дека се повеќе му се одзема државата. Ниту еден атрибут на државата не функционира. Потребно е да се внесе надеж, енергија дека она што никогаш не било полошо отколку сега, време е да се промени. Таа промена започнува од секој поединец, од неговата одлука да ги промени работите. А, изборите што следат се таа шанса за голема промена. Од секој од вас зависи и секој од вас е носител на своите одлуки и креатор на сопствените судбини. Овој народ е создаден од верба и надеж. Македонија има сила за големи промени, одлуки кои ќе ја определат судбината за сигурна иднина. Македонија која повторно ќе биде исправена, горда и твоја.

Македонија | пред 2 години

Мицкоски: Државата е во хаос и му ја одземаа на народот, време е за промени и за Македонија која ќе ја вратиме на народот

„Државата е во потполн хаос. Институциите се парализирани, апатија и разочараност која е насекаде. Изгубена е вербата во политичарите, затоа што волјата на народот многупати е изигрувана. Ништо не функционира, граѓаните имаат чувство дека државата е киднапирана од мала група на корумпирани политичари и затоа се скептични дека тоа може да се промени. Државата е одземена од рацете на народот, и ако најкусо може да се опише тоа чувство на народот со зборовите -немаме веќе држава“, истакна претседателот на ВМРО-ДПМНЕ Христијан Мицкоски на денешната конвенција за избор на кандидат на ВМРО-ДПМНЕ за претседател на Република Македонија.Претседателот Мицкоски истакна дека нема лични карти, ниту најобични документи за кои со години претходно знаеле дека треба да се обезбедат.„За пасоши се чека. Ќе не носеа во Европа, а заробија два милиони граѓани, и порано во короната беше карантинот, а сега создадоа државен затвор. Системот не функционира. Нема лични карти, нема ниту најобични документи за кои со години претходно знаеа дека треба да се обезбедат. Пациентите не се сигурни каква терапија добиваат, се заработува бескрупулозно на грбот на најранливите, непотизам насекаде, правда никаде. Не само младите туку и се повозрасните размислуваат да ја напуштат државата негледајќи систем и ред. Македонската партија во власта СДСМ е сведена на измеќар и соучесник во сите скандали. Нема човек кој не се срами од нивните настапи каде и да не преставуваат низ светот“, кажа Мицкоски.Претседателот Мицкоски посочи дека овие избори се за Македонија.„Да не се лажеме дека ова се избори за тоа дали ќе влеземе или нема да влеземе во Европската унија. Туку пред се ова се избори за Македонија. Каде изборот треба да биде Македонија средена, со закони кои важат за сите, со немање граѓани од прв и втор ред. И јас верувам дека граѓаните го знаат и ќе го направат вистинскиот избор, за себе, за своите семејства, за своите деца“, вели Мицкоски.Претседателот Мицкоски истакна дека на 8 мај народот ќе каже доста е. Ќе каже доста е од кражби, доста е од непостоење на систем, доста е од потценување.„Затоа ви велам дека она во што верувам пред овие избори е шансата во која сите можете и морате да учествувате. Ова не е Македонија која ја знаете, која ја сакате и која ја заслужувате. Очајот не е решение. Да не се делиме според политичките погледи, секоја наша разлика е помалку важна од Македонија која ни ја земаа. Време е да си ја вратиме. За одење напред. За развивање на концептот Македонија за сите луѓе. Да ја вратиме државата на народот. Да кажеме ова е твоја Македонија“, истакна Мицкоски.Претседателот Мицкоски потенцираше дека дојдено е времето е за промени.„Време е за промени и тоа време доаѓа. Ова нема да биде, моја, и само наша победа. Туку победа на секој еден човек на Македонија против естаблишментот кој не влече надоле. Доаѓа тоа време. Следуваат подобри времиња“, заклучи Мицкоски.

Македонија | пред 2 години

Јанкулоска за Силјановска: Поддршка, никогаш не било полошо, но мора да се бориме

„Поддршка за мојата професорка , затоа што докажа дека жената истовремено може да биде добра мајка, посветена сопруга и експерт во својата професија - сочуствителна но истовремено храбра, достоинствена и принципиелна“, напиша Гордана Јанкулоска, ексминистерка за внатрешни работи.„Овој народ, оваа Македонија мора да собере сила да биде подобра држава!Никогаш не било полошо, но мора да се бориме! Јас и сите како мене што без оглед на цената што ја плаќаме никогаш не побаравме друга опција освен МАКЕДОНИЈА, ќе продолжиме да се бориме за нормален живот на нашите деца овде - во Македонија!“.

Македонија | пред 2 години

Волер со поддршка за ВМРО-ДПМНЕ: На вашите граѓани им треба претседател и влада кои се силно посветени и фокусирани на европските реформи

„Дозволете ми да ви посакам сѐ најдобро на вашата денешна конвенција за избор на вашиот кандидат за претседател на државата. 2024 година не е само клучна година за Европската иднина, имајќи ги предвид изборите за Европскиот парламент во јуни, туку е особено важна и за вашата земја, која за многу брзо, веќе на пролет, ќе излезе на клучните претседателски и парламентарни избори. На ВМРО-ДПМНЕ како членка на Европската Народна Партија и посакуваме се најдобро и успех на изборите“, рече Патрик Волер, директор за надворешни односи на Европската Народна Партија и додава:На вашите граѓани им треба претседател и влада, кои се силно посветени и фокусирани на европските реформи и стандарди, кои ќе се борат против корупцијата, ќе го зајакнат владеењето на правото и независноста на судството, и на крајот, ни не помалку важно, ќе ја зајакнат економијата, за вашата земја да просперира и да оди напред на Европскиот пат.Денес, ви посакувам успешна Конвенција, добри одлуки и се надевам дека ќе се видиме со многу од вас на Конгресот на ЕПП следната недела во Букурешт.

Македонија | пред 2 години

(Фото) Јане Ченто се појави на Конвенцијата во „Филхармонија“ со поддршка за Силјановска

Јане Ченто, осуден за „27 април“, кој бараше повторување на постапката и правично судење за дело кое го сторил, слободниот викенд од затвор го искористи за да ја посети конвецијата на ВМРО-ДПМНЕ за избор на претседател. Фотографија од Ченто, пред „Филхармонија“ објави Богдан Илиески, член на извршниот комитет на партијата.Во нивно друштво, на фотографијата е и Борис Дамовски, кој со Илиески, беше предводник на протестите за „За заедничка Маекдонија“. Ченто, Илиески и Дамовски излегоа со поддршка за Гордана Силјановска-Давкова.Во „Филхармонија“ се одвива Конвенција за избор на кандидат.

Македонија | пред 2 години