ДПМНЕ

Нема одговори од Пендаровски, Ковачевски и СДС за ангажманот на израелскиот консултант Еисин-институциите веднаш да истражат со кои пари се врши исплатата на неговиот ангажман, бара ВМРО-ДПМНЕ

“Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф Еисин, кои е вклучен во кампањата на Стево Пендаровски и СДС”, вели ВМРО-ДПМНЕ и додава:Како и секогаш Пендаровски, Ковачевски и СДС кога се фатени во скандал или криминал се служат само со навреди, лаги и манипулации наместо да дадат конкретни одговори на релевантни прашања поврзани со скандалот.Повеќе од десетина дена, откако признаа дека се среќавале со контроверзниот израелски консултат Еисин, нема одговор како тој е ангажиран во нивната кампања, како го исплаќаат и дали тој е ангажиран за црна кампања, кампања на поделби и етикетирања.Јавноста заслужува одговори како овој балкански мешетар СДС и Ковачевски го исплаќаат, бидејќи во ниту еден извештај за финансиско работење неговиот ангажман не е заведен, и дали истиот е плаќан со црни пари, кеш на рака, од криминалните тендери на власта, пари украдени од граѓаните.Исто така од СДС треба да одговорат, дали покрај ангажирањето на Еисин, во Македонија се дојдени и две други лица, кои се локална поддршка на консултантот на Еисин, кои се сместени во центарот на Скопје во еден хотел и веќе активно работат на црната кампања на СДС за претстоините избори.Ги повикуваме надлежните институции веднаш да се одважат и да се ангажираат за расчистување на овој скандал, да го откријат финансирањето на консултантот и вклучувањето на странски државјани во кампањата за изборите.Време е за промени. Следува одговорност за секој сторен криминал, за секој скандал и за секое крадење на народни пари.

Македонија | пред 1 година

Чуда се невозможни, ние не сме чудотворци за да правиме чуда - секој што ветува, манипулира, порача Мицкоски

Претседателот на ВМРО-ДПМНЕ, Христијан Мицкоски, кажа дека нема и не ветуваат чуда со економијата, но уверува дека ќе има развој на Македонија. Целта на ВМРО-ДПМНЕ ќе биде спречување на иселувањето поради разочарување, но и враќање на иселените во Македонија.„Чуда се невозможни, ние не сме чудотворци за да правиме чуда. Секој што ветува, манипулира. Сакаме да дадеме надеж на надежта која се темели на остварливи работи, а не која се темели на лага која брзо се распрскува и доаѓа до разочарување, па резултира со иселување на граѓаните. Од тие причини имаме внимателен пристап. Цениме дека како идна Влада, со ваков пристап, со одлуча борба против криминалот и корупцијата, со применливи и остварливи мерки на економијата, со обезбедување на основни услови за да можат нашите граѓани да веруваат во системот - ќе го оствариме она што го предвидовме, а тоа е Македонија да има динамичен раст, а со тоа ќе ја вратиме и довербата на граѓаните, а зошто и да не ги вратиме назад тие кои се разочараа и заминаа“, порача Мицкоски.Тој ја искритикува актуелната Влада.„Пропустите ќе бидат дел од ревизијата на идната Влада на ВМРО-ДПМНЕ. Работењето на УЈП, ФИТР каде се потрошија милиони евра..“, додаде Мицкоски.

Македонија | пред 1 година

Мисајловски: Спасовски е само олицетворение на скандали, корупција,  се пукаше во центарот на Скопје, издаваше пасоши на криминалци, во МВР вработуваше поранешни градоначалници од СДСМ

Минатиот пат изгуби Оливер Спасовски, мене сеедно ми е кој ќе биде во изборна единица 2, ама еве и кога е Спасовски јас можам да кажам само афери, скандали. Од истите страдаше народот, рече потпретседателот на ВМРО-ДПМНЕ, Владо Мисајловски на гостување во емисијата За или против што се емитува на телевизија Алфа.„Знаете што се случуваше со пасошите кои се издаваа на криминалци, потоа понижувањето на граѓаните за да си извадат личен документ. За Спасовски слушавме за скандали како Дурмо турс, Беса транс во кои умираа наши граѓани. Унапредуваше и вработуваше во МВР бивши градоначалници на СДС без никакви квалификации за ова министерство. Исчезнуваше оружје од МВР, исчезнуваше дрога и сите знаеме кој е одговорен за тоа. Се пукаше во центарот на градот, во општините Центар, Бутел. Едноставно граѓаните не беа безбедни“, кажа Мисајловски.Дополнително, додаде потпретседателот Мисајловски, тераат само негативна кампања затоа што нема со што да се пофалат, затоа имаат само црна кампања.„На претстојните избори ќе доживеат огромен пораз, ќе  ги поразиме во сите шест изборни единици. Овие носители на листи од СДСМ се избрани за да си го добијат имунитетот кој следува со пратеничкиот мандат и ништо повеќе. Кај нив носители се лица со скандали, корупција зад себе и нив ги интересира само пратеничкото место“, изјави Мисајловски.

Македонија | пред 1 година

Ниски и рамни даноци и намалување: што има во програмата на ВМРО-ДПМНЕ

Гордана Димитриеска Кочоска, потпретседател на ВМРО-ДПМНЕ на денешната програмска дебата насловена „Патоказ кон иднината – Зајакнување на економијата, инфраструктурата и енергетиката“ на која се презентира програмата на ВМРО-ДПМНЕ наречена Платформа 1198 посочи дека фокусот на ВМРО-ДПМНЕ ќе биде насочен капитални инвестиции, кон политиката на ниски и рамни даноци, силна борба против сивата економија и намалување на стапката на невработеност на 7.5%.Морам да кажам дека за економскиот тим беше голем предизвик да се направат проекциите за буџетот 2024-2028 година имајќи предвид дека владата на СДСМ и ДУИ ќе остави пустош во буџетот и речиси банкротиран буџет. Но сепак знаејќи дека ВМРО-ДПМНЕ навистина има квалитетни економисти се потрудивме да извлече она што е најдобро. Најголемиот фокус ќе ни биде кон капиталните инвестиции, кон поддршка на инвестиции за приватниот сектор особено за производните компании и компаниите кои што извезуваат и понатаму остануваме на ставот за привлекување на странски директни инвестиции и нашата цел е до 2028 година да имате стапка на раст на бруто домашниот производ од 5%. Нашиот фокус се сведува кон инвестициите, а не кон потрошувачката како што беше до сега. Прво што планиравме како ВМРО-ДПМНЕ е реализација на капитални инвестиции во износ од 3 милијарди евра, значи станува збор за инфраструктурни проекти, за проекти во образование, во здравство, проекти кои ќе имаат вистинска додаден вредност. Исто така остануваме и на политика за ниски и рамни даноци, затоа што сметаме дека тие создаваат фер услови за приватниот сектор. Исто така најавуваме и силна борба со сивата економија. Она што е клучно е што ВМРО-ДПМНЕ во следниот период проектира и планира до 2028 година да креира нови 55 илјади работни места односно стапката на невработеност да се спушти на 7.5%, посочи Димитриеска Кочоска.Елена Петрова дополнителниот заменик министер за финансии кажа дека во следниот период клучна улога ќе има УЈП за која што ВМРО-ДПМНЕ има сет на мерки за УЈП реформа која ќе се протега во 4 столба, даночни обврзници, даночни приходи, даночна администрација и дигитализација.„Програмата која содржи над 1000 мерки и проекти за подобрување на македонската економија и македонското општество. Она што е основно потребно за да можеме да ги реализираме мерките и проектите е да имаме стабилни јавни финансии а за обезбедување на тој финансиски потенцијал и капацитет во следниот период клучна улога ќе има УЈП. Затоа во нашата програма имаме еден цел дел за УЈП именуван како ефикасна праведна и дигитализирана даночна администрација. Имаме испумпување на пари од буџетот заради злоупотреби на поврат на ДДВ, за што УЈП не покажа капацитет да ги детектира и да ги спречи однапред ваквите појави. Од друга страна компаниите кои работат чесно не навремено го добиваат својот поврат и тоа има одраз врз нивната ликвидност. Затоа ние смисливме сет на мерки за УЈП именувани како 4 Д реформа на УЈП, реформа која ќе се протега во 4 столбови, даночни обврзници, даночни приходи, даночна администрација и дигитализација“ кажа Петрова.Член на ИК на ВМРО-ДПМНЕ Маја Кадиевска Војновиќ во своето обраќање рече дека ВМРО-ДПМНЕ го слушна бизнис секторот и барањата ги преточи во новата програма на Платформа 1198, бидејќи како што рече приватниот сектор е стожарот на македонската економија бидејќи го полни државниот буџет и вработува најголем дел од населението.Важна е нашата визија, бидејќи гледаме дека нашата конкуренција е безидејна и ја донесе Македонија во пропаст. Можам да кажам дека за прв пат во оваа програма на ВМРО-ДПМНЕ и воопшто на било која политичка партија, го слушнавме бизнис секторот. И може ќе прашате зошто бизнис секторот, а не граѓаните. Но, бизнис секторот односно приватниот сектор создаваат над 90 проценти од додадената вредност во економијата и вработуваат најголем дел од населението или над 70 проценти се вработени во приватниот сектор. Приватниот сектор е стожарот на македонската економија кој што го полни Буџетот. И затоа ВМРО-ДПМНЕ во наредниот период дава сериозна поддршка за развој, за зголемување на конкурентноста за подобрување на усовршувањето, дигитализацијата на претпријатијата и за иновации, децидна е Кадиевска Војновиќ.Кадиевска Војновиќ истакна дека новата влада на ВМРО-ДПМНЕ ќе креира 10 годишна нова стратегија за привлекување на гринфилд и браунфилд инвестиции и ќе направи реформа во системот на поддршка на странските инвестиции и на извозот.Во делот на компаниите за прв пат како политичка партија ги таргетираме сите компании, од почетниот стадиум на развој, како што се стар- апите, па се до позрелите компании како што се извозно ориентирани капацитети. Потоа микро малите и средни претпријатија кои што се најбројни и кои што исто така вработуваат најголем дел од вработеноста, додаде таа и порача:Новата влада на ВМРО-ДПМНЕ ќе креира 10 годишна нова стратегија за привлекување на гринфилд и браунфилд инвестиции и ќе направи реформа во системот на поддршка на странските инвестиции и на извозот, значи и за домашните компании. Реформа која што ќе опфати спојување на повеќе рашткани агенции во моментот на едно место. Значи не ни треба голема бирократија за една работа. Ни требаат квалитетни луѓе и квалитетни програми.

Македонија | пред 1 година

"Платформа #1198" е храбра и темелна програма за нова надеж и враќање на државата кај народот, најавува ВМРО-ДПМНЕ

„Денес ВМРО-ДПМНЕ ќе ја промовира програмата Платформа 1198 која содржи точно 1 198 проекти и решенија кои се конкретен одговор за проблемите на граѓаните и нивните потреби“, вели ВМРО-ДПМНЕ и додава:Креирањето на оваа програма е финишот на повеќегодишен консултативен процес во кои беа вклучени експерти, професори, академската и стручната јавност, а во најголема мера беа слушнати барањата на граѓаните кои беа прибирани од редовните средби и дебати кои ВМРО-ДПМНЕ ги правеше низ државата во изминаиот период.Проектите и решенијата се насочени кон луѓето кои се на прво место. Оваа програма е реална и остварлива со главен фокус кон економијата и животниот стандард. Платформа 1 198 нуди нова надеж и определба дека државата која е одземена од неодговорната власта се враќа кај народот.Програмата има мега проекти кои ќе бидат презентирани во текот на денешниот ден.Пред образлагањето на главните проекти денес ќе се одржат 5 програмски дебати за програмата колку и што има столбови на програмата врз која таа се потпира.Платформата 1198 опфаќа се од здравство до образование, од економија до земјоделство, од инфраструктура до вработувања, правда, еднаквост, закон и ред, европски вредности кон кои што се стремиме.Ова е програма што го става граѓаниот на прво место.

Македонија | пред 1 година

Арсовска е срам за Скопје, поради неспособноста и инаетот се стопира реализација на 5 проекти за скопјани, вели ВМРО-ДПМНЕ

„Неспособната Данела Арсовска која е во тајна коалиција со СДС и ДУИ работи против скопјани“, вели ВМРО-ДПМНЕ и додава:Арсовска стопира 5 клучни проекти за скопјани кои претходно беа донесени од Советот на Град Скопје и тоа само поради тоа што ќе се градат од страна на градоначалниците на ВМРО-ДПМНЕ.Граѓаните од Кисела Вода, Аеродром и Гази Баба ќе останат без детски градинки, училишта и спортска сала бидејќи Арсовска донела одлука за запирање на процесот на градба преку ослободување на надомест.Советот на Град Скопје донесе одлука за Ослободување од плаќање на надоместок за изградба на ОУ Крсте Мисирков во Гази Баба, ОУ Блаже Коневски во Аеродром, градинката Весели Цветови во Кисела Вода, градинката Изворче во Аеродром, како и изградба на затворено спортско игралиште во Пинтија Кисела Вода, но Арсовска ја стопира нивната реализација.Арсовска освен што е неспособна, туку е и штетна за скопјани. Затоа треба веднаш да си поднесе оставка.Инатот на Арсовска нема да донесе ништо добро за Скопје и скопјани.Арсовска наместо да ги реализира проектите кои што ги вети пред граѓаните, свесно го уништува Скопје.Неспособната Арсовска ќе биде запаметена како најкатастрофалната и најлоша градоначалничка на Град Скопје.Арсовска треба да им слугува на граѓаните, а не на СДС и ДУИ.Арсовска е срам за Скопје!

Македонија | пред 1 година

СДС, Ковачевски и Пендаровски да кажат кој го плаќа странскиот експерт за црни кампањи Асаф Исеин, дали странска држава или во кеш, бара ВМРО-ДПМНЕ

„СДС, Ковачевски и Пендаровски да кажат кој го плаќа странскиот експерт за црни кампањи Асаф Исеин, дали странска држава или во кеш со што прават кривично дело“, вели ВМРО-ДПМНЕ и додава:СДС молчи и не одговара зошто се фатени во тесно. Вистината излезе на виделина.Пендаровски призна дека се среќавал со Асаф Исеин и дека тој бил ангажиран од СДС.Колку и Ковачевски да сака да го прикрива Пендаровски, кој беше искрен, не може.СДС треба да каже дали во последните 10тина дена Исеин е чест посетител на нивниот штаб и дали тој им ги прави црните кампањи? Дали тоа го прави во канцеларии во еден хотел на кејот на Вардар и кој го плаќа сето тоа?Дали ангажирањето на странскиот експерт е платено од некоја странска држава која има интерес да се меша во изборите во Македонија или пак, истото е платено во кеш? И едното и другото е кривично дело.Со право народот вели дека немаме држава, време е да ја вратиме.

Македонија | пред 1 година

Владата во заминување повторно удри по граѓаните, Ковачевски со 2500 евра апанажа не чувствува глад, но 600.000 граѓани едвај преживуваат, вели ВМРО-ДПМНЕ

„Владата на СДС и ДУИ во заминување повторно удира по џебот на граѓаните“ вели ВМРО-ДПМНЕ и додава:За 1500 денари се зголеми потрошувачката кошница на граѓаните само за месец март и со тоа истата изнесува 59.000 денари.За да се прехрани едно четиричлено семејство потребни им се најмалку три минимални плати.Никогаш не се живееле полошо како сега со владата на СДС и ДУИ.Димитар Ковачевски со апанажа од 2500 евра не чувствува глад, но наши 600.000 сограѓани дневно живеат со по 150 денари.Додека СДС и ДУИ ги уживаат привилегиите и удобствата на функциите, го уништија животниот стандард на граѓаните.Се повеќе граѓани живеат на работ на егзистенцијата.СДС и ДУИ за 7 години донесоа само беда и сиромаштија. Затоа потребни се промени.Важно е да ги поразиме.Време е за промени!

Македонија | пред 1 година

Милошоски: Постојат актуелни закони според кои владата може да се бори против корупцијата, но поради блискоста со Катица Јанева и Рамиз Мерко не ги користат

Во владата се мајстори во изнаоѓање на други виновници за својата неспособност. Власта на СДСМ и ДУИ изминативе 7 години покажа тотална неспособност во борбата против корупцијата и организираниот криминал. Такви симболи на нивната неспособност се скандалот со Онкологија, Рамиз Мерко и ранг листата на која Македонија се наоѓа во борбата против корупција, изјави пратеникот и член на ИК, Антонијо Милошоски во „Тема на денот“ во дневникот на Сител во врска со измените на законот за рестриктивни мерки.Милошоски истакна дека овој предлог закон стигна во Собранието на 7 февруари, само 7 дена пред распишувањето на изборите и ако ова било приоритет за владата тогаш овој закон би требало да стигне најмалку пред 2,3 или 4 години бидејќи црните листи не се никаков новитет.- Сакам да појаснам дека веќе постојат актуелни закони според кои владата може и има алатки да се бори против корупцијата и посочените лица на црната листа. Такви се Законот за меѓународна соработка во кривичната материја. Министерот за правда или јавниот обвинител можат уште утре да потпишат замолница и да испратат барање со САД да им ги испратат сите списи, информации и документи за посочените лица и против нив да процесуираат постапки, нагласи Милошоски.Милошоски додаде дека преку законот за кривична постапка тоа е членот 273, секој кој ќе дознае дека некое кривично дело се случило или има индиции особено ако е државен орган има должност за тоа да го извести јавното обвинителство, затоа ако министерот или заменик министерката за правда имаа информации можеа да поднесат до обвинителството.- Гледаме дека владата за жал има прилично слаб правен тим. Овој тандем на Лога со заменик министерката Аврамоска Мадиќ се најслабиот тандем, а во самиот закон кој го доставуваат гледаме неусогласеност со закон за влада, со закон за ЈО, со закон за кривична постапка. Затоа ние сметаме дека за овој закон треба да следи јавна расправа бидејќи стручната фела од обвинители, адвокати и професори никогаш не биле обединети како сега дека овој закон е неконзистентен со веќе вградениот и постоечки нормативен систем на нашиот правен поредок, нагласи Милошоски.Милошоски изјави дека по однос на лицата кои се на црна листа ВМРО-ДПМНЕ од прв ден повика советниците во Струга да е ги гласаат одлуките на Рамиз Мерко, но за него гласаат советниците на СДС, ДУИ и другарите на Кренар Лога.- Ние го повикавме Мерко да поднесе оставка, Али Ахмети не го повика. Како ќе ја убеди државата дека гради Европски фронт а не може да го убеди Мерко да поднесе оставка. СДС поради тоа што се блиски до Катица Јанева и Рамиз Мерко е причината зошто не ги користат постоечките механизми. Не може заради неспособноста на власта да се бара алиби и да се префрла на некој друг. ВМРО-ДПМНЕ во следниот собраниски состав ќе организира јавна дискусија на оваа тема на која ќе поканиме и експерт од Европол експерт од САД за рестриктивни мерки и санкции да може тој закон да биде компатибилен со закон за влада, закон за обвинителство, за кривична постапка и за меѓународна соработка во кривична материја, рече Милошоски.

Македонија | пред 1 година

Китески: Кривична пријава за екс директорката на ЈП „Билјанини Извори" од СДС, за злоупотреба на службената положба и овластување

„Доказ дека СДС владее само со криминал и корупција се нивните партиски кадри кои до каде што стапнуваат, раководат и работат незаконски“, вели Александар Китески,потпретседател на ВМРО-ДПМНЕ ОК Охрид и додава:Како што ветивме претходно, јавноста ќе биде запознаена за незаконското работење на партиските кадри на криминалната структура на СДС.Денес од страна на ЈП „Билјанини Извори“ врз основа на ЗКП на РМ поднесена е кривична пријава до ОЈО Охрид и СВР Охрид, поради основано сомнение дека пријавената Гордана Јованоска, како поранешен директор на ЈП ‘’Билјанини Извори’’ извршила продолжено кривично дело „Злоупотреба на службената положба и овластување“ по чл. 353 ст. 4 в.в. ст. 1 а в.в. со чл. 45 од Кривичниот законик на РМ.Пријавената Гордана Јованоска злоупотребувајќи ја својата службена положба и овластување на директор на ЈП „Билјанини Извори“, спротивно на законските приписи и тендерската документација, во име и за сметка на претпријатието, во 2018 година по спроведена постапка за јавна набавка, со правното лице „Електро Софт Инженеринг“ ДОО Скопје, во својство на носител на набавката, склучила Договор за јавна набавка на услуги за имплементација и експлоатација на систем на зонско паркирање на паркинг простор со цена на извршување на услугите од 1 016 900 денари, односно износ од 1 200 000 денари со ДДВ, која цена на извршување на услугите ќе се надоместува во вид на надомест од 15 % (петнаесет проценти) од вкупниот нето приход, па не назначувајќи дека максималниот износ т.е. не назначувајќи дека цена на услугите која може да ја исплати јавното претпријате и кој износ не смее да се надмине е износот од 1 200 000 денари со ДДВ, овозможила по исплата на овој износ, носителот на набавката да фактурира и наплаќа дополнителен износ, во случај кога за истото немал законски и правен основ, а со кои дејствија на јавното претпријатие му причинила значителна материјална штета над 3 000 000 денари.Пријавената Гордана Јованоска од Охрид во својство на директор на ЈП Билјанини Извори Охрид злоупотребувајќи ја службената положба и овластување на директор на јавното претпријатие, без да спроведе постапка за јавна набавка и без да склучи договор за јавна набавка, во период од месец 05/2020 година заклучно со месец 10/2020 година продолжила да ги користи услугите на правното лице Електро Софт Инженеринг ДОО Скопје за имплементација и експлоатација на систем на зонско паркирање на паркинг простор со кој располага ЈП Билјанини Извори Охрид и вршела плаќање на паричен надомест на правното лице Електро Софт Инженеринг ДОО Скопје, а со што на ЈП Билјанини Извори Охрид му причинила значителна материјална штета над 1.000.000,00 денари.Понатаму, пријавената по спроведена постака за јавна набавка Октомври 2020 година, во својство на директор склучила Договор заведен кај ЈП Билјани Извори Охрид под на 20.10.2020 година за јавна набавка на услуги за тековно одржување на паркинг системот плементација и експлоатација на систем на зонско паркирање.Овој Договор е со важност од 24 месеци. За време на важење на овој Договор цената за извршување на услуги изнесува 1.000.000,00 денари со вклучен ДДВ, а кој надоместок требало да биде исплатен во вид на надомест од 15 % од остварениот приход на ЈП месечно, исклучиво по основ на наплата на паркирање преку СМС пораки.За реализација на овој договор, пријавената како директор на ЈП Билијани Извори Охрид исплатила надомест поголем од договорениот во јавната набавка, односно предизвикала штета во значителен износ кој е поголем за 1.000.000,00 денари.Повикуваме ОЈО Охрид веднаш да постапи за ваквите незаконски дејствија и даде налог на незаконски поставениот началник на Економски криминал во СВР Охрид, Сашо Јанкоски да спроведе истрага по основа на оваа кривична пријава.Само со одговорност за сите сторени кривични дела ќе завладее правдата и правото.Доста е од наградувања со две директорски места во исто време како заслуги за партиски услуги и непотизам, доста е од криминално владеење, доста го уназадуваа Охрид и ја распродаваа Македонија, доста ги уништуваа јавните претпријатија.Време е за промени, време е за одговорност и време е да си ја вратиме државата назад!

Македонија | пред 1 година

(Видео) Три најголеми грешки на СДСМ, три најважни политики на ВМРО-ДПМНЕ и дали во партијата има заедништво

Портпаролката на ВМРО-ДПМНЕ, Марија Митева, тврди дека поделби во партијата нема, а ниту фракции. Според неа, се делува кохезивно. Во интервју за „Скопје1“ таа говореше за тоа што нѐ чека во изборната кампања. Посочи и три најголеми грешки на СДСМ, но и три политики на ВМРО-ДПМНЕ поради кои очекуваат најголема поддршка.„ВМРО-ДПМНЕ во изминатиот период покажа дека одлучува и делува самостојно. Нема дилема за кохезивоноста која владее, како политичка партија, пуслираме во еден ритам. Доволно јасно е за принципот и ставот на ВМРО-ДПМНЕ и колку сме останале истрајни по однос на нашите политички делувања“, вели Митева за „Скопје1“.Посочува дека фракции – нема.„Нема ни мини група, ако зборувате за изолирани случаи и индивидуи, не сметам дека треба да зборуваме за луѓе кои се таму каде што се поради нивна определена потреба и некоја нивна цел“, додава таа.Прашана кои се трите најголеми грешки на СДСМ, Митева вели: економија, криминал и корупција и ниско и ужасно, лошо водење на надворешна политика.За тоа што ќе му донесе гласови на ВМРО-ДПМНЕ вели: „силна економија, развој на економија во делот на инфраструктурата и многу работа.

Македонија | пред 1 година

(Видео) Црната кампања не носи гласови, СДС без „м“ е прекар одраз на нивните постапки, вели Митева

Низ годините сите кампањи за време на изборите поминуваа со објава на низа прислушувани разговори, објавување на приватни животни детали, па дури и снимки од секс-скандали. За овие зборови се очекува ова да кулминира во трката по гласови. Марија Митева, портпаролка на ВМРО-ДПМНЕ посочува дека ваква црна кампања не носи гласови, па тие тврди дека нема да водат.„Мислам дека црната кампања ќе влијае кон нив негативно. Таа црна кампања не носи раст на желбата на граѓаните да се вклучат во изборниот процес. Ние не одбираме да настапуваме со негативна кампања. Ќе имаме целосна позитивна кампања, ќе ги промовираме нашите афирмативни мерки кои што навистина сметаме дека треба да ги реализираме како идна Влада“, кажа Митева.Прашана дали да се очекува да се открива и долниот веш на кандидатите, рече: „Тоа од ВМРО-ДПМНЕ не треба да го очекуваат граѓаните“. На прашањето, што со останатите партии во овој дел, додаде: „Се надевам дека ќе ја надминат таа своја политичка некоректност и дека ќе имаме фер и демократски избор, дека ќе им се овозможи на граѓаните да одлучат помеѓу платформи, а не помеѓу ниски кампањи“.Околу прекарот СДС без „м“, Митева вели дека тоа не е политичка некултура, туку одраз на постапките на партијата.„Јас сметам дека политичка некултура е кога од една страна зборувате за Европа, а од друга страна ја крадете Македонија. Мислам дека политичка некултура е да направите пустош во образованието, во економијата, да немате одлично здравство како што заслужуваат граѓаните. Мислам дека тоа е најголемата некултура. Ако споменуваме прекари, би било фер да кажеме дека прекарите доаѓаат согласно постапките. Така што, СДС е одраз на тоа што тие го направија на Македонија“, рече Митева.

Македонија | пред 1 година

(Видео) „Колку пониско ќе одат, толку ВМРО-ДПМНЕ ќе биде пообединето“ – интервју со Митева од ВМРО-ДПМНЕ, за тоа што носат изборите

Во победа се уверени, валкана кампања очекуваат од СДСМ, за претседателскиот кандидат Гордана Силјановска-Давкова посочуваат дека ќе е првата жена-претседател на Македонија. Ова се ставовите на ВМРО-ДПМНЕ, кои во интервју за „Скопје1“ ги посочи Марија Митева, портпаролка на партијата. Се крои стратегијата, ќе има десетици митинзи. Не гледаат закана во помалите политички партии, а наведе и што е предноста на ВМРО-ДПМНЕ, но и зошто СДСМ ќе изгуби куп гласови.„Нема сомнеж дека ќе бидеме победници и ќе ја составиме следната Влада. ВМРО-ДПМНЕ нуди нова платформа, нов пристап во политиката. Време е за промени“, посочува Митева.Таа во интервјуто зборува и за тоа дали треба да се стравува што Силјановска-Давкова не е дел од партијата и е независен кандидат на изборите. Ги искоментира и споредбите на претседателскиот кандидат со градоначалничката на Данела Арсовска која се одметна од партијата која ја донесе на власт.„Колку пониско ќе одат (СДСМ), толку ВМРО-ДПМНЕ ќе биде пообединето“, порача Митева.„Уште еден доказ за тоа каде се креираат лажните вести е прес центарот на СДС. Да имате кристално јасна изјава на професорката, а вие врз основа на таква изјава прво да креирате лага и таа лага да ја продлабочувате на прес-конференции е доказ за тоа колку сте политички нестабилни, колку ги потценувате граѓаните и колку сакате да направите штета на кандидатот на ВМРО-ДПМНЕ. Тоа го прави само една слаба власт во заминување“, рече Митева.Објасни и како е избрана Силјановска-Давкова и како ќе се слави победата во која се уверени дека ќе ја имаат. Посочи и од што ќе зависи коалицирањето и со кои партии е тоа можно.„Граѓаните одлучуваат, нашата желба е ДУИ да биде дел од идната опозиција“, додаде Митева.Сценаријата дека со месеци нема да има Влада – за неа не се опција. Митева, беше прашана и дали имињата на Милошоски, Ѓорчев, Димовски ќе се најдат на пратеничките листи.Погледнете го целото интервју:

Македонија | пред 1 година

Владата на СДС и ДУИ  во целиот мандат има раст од 1 процент БДП, а го зголемија долгот на 3.8 милијарди евра, вели Кадиевска Војновиќ

„Многу е лоша ситуацијата во државата и ако продолжи со ова темпо ќе биде уште полошо, за само 7 години оваа власт успеа да го зголеми долгот за неверојатни 3,8 милијарди евра. Тоа е цифра која што оваа власт како наследство односно како едно време ни ја остава на нас и на идните генерации на неродените деца“ посочи Маја Кадиевска Војновиќ член на ИК на ВМРО-ДПМНЕ во вчерашното гостување во емисија „Заспиј ако можеш“ на телевизија Алфа.Кадиевска Војновиќ кажа дека оваа влада на СДС и ДУИ ќе биде запаметена како најлоша влада во историјата на Македонија во однос на управувањето со економијата.„Однесувањето на оваа влада беше како да нема утре, ќе се финансираме со креирање на буџетски дефицити, ќе трошиме повеќе отколку што ни е чергата и едноставно не им е гајле, утре ќе си заминат од власт, кој дојде нека се мисли и нека се мачи. Но тие ги задолжија граѓаните, ги задолжија бизнисите, не задолжија сите нас. Едноставно лоша е ситуацијата, ова сите економисти го знаат. Оваа влада во македонската независна историја ќе биде запамтена  како една од најлошите влади со управувањето на економијата, после онаа на Бранко од транзицијата можам со сигурност да кажам дека оваа влада нема никакви економски ефекти“ нагласи Кадиевка Војновиќ.Војновиќ додаде дека Македонија предводена од СДС и ДУИ не испорача никакви резултати во економијата а креираше огромен долг.„Власта креираше огромен долг, а не испорача никаков економски раст. Просечниот раст на целиот период на владеење е само 1,6 проценти. Тоа е испорачување на ништо. Ние не мрднавме по животен стандард пресметан по индикатор кој што цел свет го пресметува а тоа е БДП по глава на жител. Ние не мрднавме од место за разлика од регионот. Србија конвергира кон ЕУ со неверојатно темпо. Црна Гора исто па дури и Косово и Албанија да потраеше оваа власт ќе не претркаа и тоа многу. Изговорот на оваа влада е кризата, пандемијата и енергетската криза но таа ги зафати сите и светот и регионот.Сите останати беа ефикасни во преземање на мерки неутрализирачки ефекти врз економијата освен нашата влада“ истакна Кадиевска Војновиќ.

Македонија | пред 2 години

Објавена илустрација за непотизам во Охрид, се тврди дека се почнува од Зечевиќ па се создавале кластери насекаде

„Единствено што знае СДС е за непотизам, партизација, кронизам, а Охрид е типичен пример за тоа. Наместо борба со корупцијата со СДС имаме протекционизам и клиентелизам“, велат од ВМРО-ДПМНЕ ОК Охрид и додаваат:„Проектот мрежа за партизација и кронизам се докажува во Охрид каде што главен вработувач е Миле Зечевиќ, генерален секретар на СДС, а главна на охридската филијала на СДС е неговата роднина, Кристина Крлеска-Деспотоска.Нека се одважат од СДС Охрид и да се појави во јавност Крлеска за оваа афера, а на да молчи и се крие од охриѓани кои чекаат одговор! Никогаш не било полошо, време е да ги поразиме, време е наместо хаосот да завладее ред“.

Охрид | пред 2 години

„Црната листа“ на САД доказ дека СДС е во коалиција со криминалците во Македонијa, вели ВМРО-ДПМНЕ

„Катица Јанева и СЈО започнаа со паролата „Нема правда нема мир“ а сега завршија на „црната листа“ на нашиот најголем стратешки партнер САД поради вмешаност во криминал и корупција.Јанева, која најголемата поддршка ја црпеше и добиваше од коалицијата на СДС и ДУИ, од таканаречен борец за правда стана непожелна личност за САД.Сите судски случаи за Катица Јанева и СЈО за рекетирање, злоупотреба на службената положба и злоупотреба на јавното обвинителство водеа до првите луѓе во власта на СДС и ДУИ, се со цел пресметка со политичките неистомисленици, а тоа веќе е потврдено и од нашите стратешки партнери.Втор на „црната листа“ се најде и марионетата на СДС и Ковачевски, градоначалникот на Карпош Стевчо Јакимовски.Јакимовски кои е во неформална коалиција со СДС и одработува за власта за отцепување на опозициските гласови е на оваа листа на САД за сторен криминал од високи размери.СДС и ДУИ го спасија Стевчо Јакимовски од сите судски постапки во Македонија, но тој за САД е непожелна личност, бидејќи тој како што стои во соопштението на Американскиот Стејт Департмент „бил вклучен во коруптивни дела, вклучувајќи искористување на неговата службена положба да се меша во урбанистичкото планирање и јавните набавки за корист лично за него и за неговите соработници“.СДС секој ден, како расипана плоча, повторуваат дека се за европска Македонија, за европски вредности, а сите стратешки партнери секој ден потврдуваат дека тие се во коалиција со криминалот во Македонија. Последен доказ е токму соопштението од Стејт Департментот.Ова е доказ дека институциите во Македонија не функционираат и корупцијата и криминалот метастазираат.Никогаш не било полошо, за тоа важно е да ги поразиме“, велат од ВМРО-ДПМНЕ.

Македонија | пред 2 години

Митева: Време е да воведеме една политика на програмско коалицирање и програмска определба за патот по кој што треба да се развива Македонија

Можам да кажам дека професорката Силјановска Давкова кога ќе ја споредите со сите кандидати за претстојните претседателски избори, многу отскокнува, по сите параметри се разликува од нив, пред се од она професионално искуство кое што самата како личност го има, но и од личниот карактер и пристапот кој што таа, веќе четири години, го покажа во рамките на Собранието. Лесно е граѓаните да направат споредба во овој дел и би кажала дека во овој период ќе бидат во можност граѓаните да видат со каков кадар располагаат сите политички партии и каква е искрената и чесна  намера во делот на подобрување на состојбите  во Македонија, вели портпаролката и член на Извршниот комитет на ВМРО-ДПМНЕ, Марија Митева во денешното гостување во централните вести на телевизија Алсат.Таа посочи дека ВМРО-ДПМНЕ ја има професорката Силјановска Давкова како кандидат, затоа што сметаме дека е време за вистински промени, затоа што ни е потребен малку поинаков пристап во политиката и за едно лидерство кое што ќе значи, пред се, почитување на  уставот и законите и работа во интересот и само за интересот на народот.ВМРО-ДПМНЕ во овој момент ја очекува максималната поддршка од граѓаните, работиме на искрен и чесен пристап. Време е политиката да ги напушти оние уцени и преговарања за тоа на кого ќе му припаднат гласовите во вториот круг. Време е да воведеме една политика на програмско коалицирање и на она што ќе значи програмска определба и начин на кој што ние го гледаме патот по кој што треба да се развива Македонија“, рече Митева во однос на калкулациите, преговарањата и договарањата во вториот круг од претседателските избори.Во однос на парламентарните избори и за тоа кога ВМРО-ДПМНЕ ќе има конечна листа за пратеници, Митева истакна дека очекува до крајот на месец март да биде заокружен и тој процес на финализирање на листите за пратеници.„Кандидатите за пратеници ќе бидат достојно и достоинствено презентирани пред граѓаните. Ќе имаме еден транспарентен начин на презентација на истите. Очекувам и сум сигурна дека тоа ќе биде една добра кадровска понуда која што ќе ја има ВМРО-ДПМНЕ и се разбира, победничка на изборите“, рече Митева.Во однос на пост изборната соработка со политичките партии, Митева посочи дека многупати до сега ВМРО-ДПМНЕ го има кажано ставот, дека е време Демократската Унија за Интеграција да замине во опозиција.„Прво, е добро и здраво за општеството после над 20 години во политиката, кој што резултирало со погрешни политики, со навистина огромно ниво на криминал и корупција и скандали кои што стојат зад нивното владеење, особено, во вој седум годишен мандат кој што го имаа како дел од владиното мнозинство со Социјалдемократскиот сојуз, сметаме дека навистина, треба да заминат во опозиција. Има зошто граѓаните, навистина, чувствуваат дека Македонија се повеќе се ја губиме, дека немаме владеење на правото, дека навистина имаме високо ниво корупција. Сепак граѓаните на претстојните избори одлучуваат за кого ќе го дадат својот глас, но ВМРО-ДПМНЕ, секако би размислува во насока на влада без ДУИ“, истакна Митева.

Македонија | пред 2 години

Милошоски: Владата се плаши да ги искористи законските основи за меѓународна кривична одговорност и да отвори истрага против Мерко

„Владата на ДУИ и СДСМ се плаши да ги искористи законските основи за меѓународна кривична соработка со САД и да отвори истраги против Рамиз Мерко, Катица Јанева и другите владини пријатели кои се дел од "црната листа" на официјален Вашингтон“, вели пратеникот на ВМРО-ДПМНЕ, Антонио Милошоски и додава:„За потсетување, Македонија веќе има усвоено ЗАКОН ЗА МЕЃУНАРОДНА СОРАБОТКА ВО КРИВИЧНАТА МАТЕРИЈА (Собрание, едногласно усвоен на седницата одржана на 2 април 2021), потпишан од претседателот Пендаровски и објавен во Службен Весник. Во овој закон предвидена е можноста домашен надлежен орган (мин.правда или јавното обвинителство) да испрати ЗАМОЛНИЦА за соработка во кривичната материја до надлежна институција на странска држава (чл.16).Со ЗАМОЛНИЦАТА, која се доставува преку министерството за правда, од странската надлежна институција се бара достава на списи, информации и материјални докази за одредена предистрага, истрага или тековен судски предмет за физичко и/или правно лице.Овој закон (чл.35) овозможува и формирање на заеднички истражни тимови за истражување и гонење на кривични дела, а договорот за заеднички истражен тим го склучува државниот обвинител на Македонија.Во чл.39 од Законот за меѓународна кривична соработка дури е предвидено и секое истражно дејствие што го превземал надлежен орган на странската држава да биде изедначено со соодветно дејствие во кривичната постапка пред домашните институции.Сумарно: Владата, министерот за правда и ЈО, доколу имаат политичка воља за сериозна борба против корупцијата, имаат важечки законски основ без одолговлекување преку м.правда веднаш да испратат замолница до надлежните органи на САД за достава на сите документи, списи, докази и информации за Рамиз Мерко, Катица Јанева, Стевчо Јакимовски и другите лица на "црната листа".Државниот јавен обвинител може веднаш да оформи заеднички македонско-американски истражен тим и да поведе самостојна или заедничка истражна постапка и да оформи/ да процесуира кривично-правни предмети пред надлежните институции во Македонија.Овој Закон добро е да се надгради и синхронизира со дополнителен закон за рестриктивни мерки, за што претставниците на стручната фела ценат дека е потребна квалитетна јавна расправа. Сметам дека Собранието треба да биде организатор и домаќин на една таква јавна расправа на која главниот збор ќе го имаат претставниците на судската фела, претставници на обвинителството, адвокати и професори по кривично право. На ваквата јавна расправа многу ќе користи и присуството на експерти за рестрикции и санкции од САД и ЕУ, за да имаме одржливо унапредување на позитивните норми во оваа регулирана област за меѓународна соработка во кривичната материја“.

Македонија | пред 2 години

Сопругата на Ковачевски доби земјиште за фотоволтаици од неговата влада, а за вработувањата во општина Центар нека си го прашаат нивниот градоначалник, реагира ВМРО-ДПМНЕ

„СДС се кумови на непотизмот, сопругата на Ковачевски доби државно земјиште за фотоволтаици од неговата влада, а за вработувањата во општина Центар нека си го прашаат нивниот градоначалник“, вели ВМРО-ДПМНЕ и додава:СДС и Ковачевски се кумови на непотизмот. На седница на влада со која раководи Димитар Ковачевски е доделено државно земјиште за фотоволтаици на неговата сопруга по цена од 1 евро за метар квадратен.Додека Ковачевски беше заменик министер за финансии и мандатар на состав на влада, неговиот кум Паунов преку фирмата Пиксел груп добивал државна помош.Партијата која произвела таков непотизам треба да се сокрие и да се срами од народот, кој со години со ограбува.Исто времено добро би било да одговорат како ВМРО-ДПМНЕ фатило врски за вработување на една од посочените во училиштето Кочо Рацин во општина Центар во Скопје, кое е под надлежност на Горан Герасимовски од СДС?Дали Ковачевски, Кузеска или некој од СДС му се јавиле на Герасимовски и прашале како тој лобирал една од посочените на пресконференцијата на СДС за непотизам во Охрид да биде вработена во институција со која тој раководи? Дали СДС знае што зборува или можеби станува збор за некаков внатрешен судир и пресметка?Навистина е жално што СДС и на празникот Прочка решија да ги сквернават чувствата на граѓаните и да шират лаги и да манипулираат.Со право народот вели дека немаме држава, време е да ја вратиме.

Македонија | пред 2 години

Власта да ја стопира набавката од 250 милиони евра за транспортни хеликоптери во изборен период, бара ВМРО-ДПМНЕ

„Власта да ја стопира набавката од 250 милиони евра за транспортни хеликоптери во изборен период, за тоа треба да одлучува идната влада“, бара ВМРО-ДПМНЕ и додава:Надвор од секое нормално делување е СДС и ДУИ да вршат избор на тендер од 250 милиони евра на неколку недели пред избори, во период на техничка влада.Наместо борбени хеликоптери, власта набавува транспортни, со што не ја зголемува борбената готовност на АРМ.Дополнително никој не знае како е изберена фирмата Леонардо, и зошто не се изберени другите компании меѓу кои американска компанија или германско-француски конзорциум.Како е извршен изборот и кој ја донел одлуката што всушност да се набави.Наместо трошење на 250 милиони евра пред избори, да се стопира набавката и по неа да одлучува идната влада.Со право народот вели дека немаме држава, време е да ја вратиме.

Македонија | пред 2 години

Очигледно има струја во ДУИ која посакува крај на политичката кариера на Ахмети, единствени партии кои не поминаа длабоки реформи се СДС и ДУИ, вели Лефков

Очигледно има струја во ДУИ која најавува и посакува крај на политичката кариера на Ахмети. Ние нема да се противиме околу тоа, напротив единствената партија покрај СДС која нема длабоки реформи е токму ДУИ, вели пратеникот и член на Извршниот комитет на ВМРО-ДПМНЕ, Миле Лефков денеска беше прашан за коментар за изјавата на Крешник Бектеши за партиите да потпишат договор, кој ќе ги изгуби изборите да не се занимава веќе со политика.Лефков додаде дека на сите им е јасно дека ВМРО-ДПМНЕ е апсолутен победник на претстојните избори, при што изрази надеж дека поразените ДУИ, после изборите, нема да се откажат од ова барање и ќе си заминат во политичка пензија.„Што се однесува до самата понуда, за ВМРО-ДПМНЕ е јасно дека е наредниот победник благодарение на поддршката на граѓаните и желбата за промени. Се надеваме дека нема да се откажат од ова барање ДУИ, поразените, да се пензионираат од политика и за ова прашање ќе ги охрабруваме не само преку изјави, туку и преку дебата да го отворат во рамките на нивните органи и тела при што ќе дојдат до единствен став. Засега нејасно е дали изјавата на Крешник беше негов личен став и иницијатива или партиски став на ДУИ“, рече Лефков.

Македонија | пред 2 години

Лефков: Пендаровски наместо претседател беше курир на Заев и Ковачевски, со „љубави“ кон Бојко стасавме до вето за ЕУ

„На денешната прес конференција ќе покажеме зошто на Македонија не смеат да и се повторат ниту Стево Пендаровски, ниту СДС. Изминативе 7 години со СДС и 5 со Пендаровски беа понижување за нацијата и државата“, вели Миле Лефков, член на ИК на ВМРО-ДПМНЕ и пратеник и додава:„Пендаровски наместо да се однесува како претседател се однесуваше како курир на Заев, а потоа и на Ковачевски. Па наместо да застапува државни позиции тој носеше поздрави од Заев во Бугарија и го нарекуваше Бојко Борисов „љубави“.Да го погледнеме видеото.Токму ова е пример како не треба да се однесува претседателот на Македонија.Со љубави за Бојко стасавме до вето за Европската Унија од Бугарија. Некако љубовта на Пендаровски невозвратена.Пендаровски наместо со достоинство и со интегритет да ја застапува државата и да ги гради односите, тој со понизност и несериозност ја руши сликата за земјата.Од големата „љубов“ на Пендаровски со Бојко остана корпата која ја доби од бугарскиот политички врв и бугарскиот диктат.На Македонија не и треба претседател кој ќе биде понизен пред странските претставници, туку пред народот. Со право народот вели дека немаме држава, време е да ја вратиме“.

Македонија | пред 2 години

Маричиќ, Османи и Груби да не ги злоупотребуваат службените возила како до сега, секоја злоупотреба ќе биде истражена по 8 мај, вели ВМРО-ДПМНЕ

„Маричиќ, Османи и Груби да не ги злоупотребуваат службените возила како до сега, секоја злоупотреба ќе биде истражена по 8 мај“ вели ВМРО-ДПМНЕ и додава:Функционерите од СДС и ДУИ кои изминатиов период ги злоупотребуваа службените возила за партиски потреби и поминуваа неказнето, да знаат дека ако продолжат истото да го прават и во периодот до избори за тоа ќе има одговорност.Злоупотреба на службени возила не смее да има ниту од функционерите на власта во подолните ешалони.Службените возила не се сопственост на функционерите, туку на државата, платени со парите на народот преку даноци.Доколку било кој функционер злоупотреби службено возило тоа ќе биде предмет на истрага и санкција по 8 мај.Време е да се одвои државата од партијата, со право народот вели дека немаме држава, време е да ја вратиме.

Македонија | пред 2 години

(Видео) Пендаровски велеше дека ако помилуваш криминалци, тогаш им должиш нешто - а тој помилуваше водач на нарко картел одговорен за мафијашки убиства, вели ВМРО-ДПМНЕ

„Стево Пендаровски што и да каже, после тоа си го погазува својот збор. Во 2019 година ветуваше дека ако нема правда нема да има мир. Ветуваше дека тие кои што сториле криминал ќе одговараат неселективно. Велеше дека од позицијата претседател нема да му падне на памет да амнестира криминалци. Ај што не си додржа до зборот, туку помилуваше лице, кое според медиумите е лидер на нарко картел во Скопје одговорен за мафијашки убиства и нелегална трговија со дрога. Ако ова не е еден од најтешките облици на криминал, тогаш Стево Пендаровски има реален проблем со перцепцијата.Да биде уште потрагично, Пендаровски во време на кампањата, со цел да придобие гласови од граѓаните, уверуваше дека ако помилуваш такви лица тогаш тоа значи дека нешто им должиш или ти помогнале да станеш претседател. Епа господине Пендаровски, дали помилувањето и комуникацијата со нарко босови сте ги правеле затоа што нешто им должите или ви помогнале да бидете избран за претседател?Две недели се криете од јавноста и не давате ни еден одговор. Тоа кое што го објавуваме се ваши изјави и фотографии кои сами сте ги правеле и никој не ве терал со сила. Сте сакале-сте се сликале со нарко босови. Сте сакале-сте амнестирале водач на нарко банда. Тоа е ваш избор и затоа сега е ваша одговорност. Вие немате веќе ни кредибилитет, ни интегритет.Стево Пендаровски го погази достоинството на народот и на Македонија, Затоа е време за промени“, вели ВМРО-ДПМНЕ.

Македонија | пред 2 години

Лефков: СДС и ДУИ се свесни за изборниот пораз, затоа се нервозни и ги напаѓаат граѓаните

„Ако се погледнат бројките од анкетите и мерењата евидентно е дека граѓаните во Македонија сметаат дека државата се движи во погрешна насока. Прашањето е како ги доживуваат анкетите овие од власта, затоа што анкетите практично претставуваат една алатка каде политичарите се информираат за јавното мислење“, истакна пратеникот и член на ИК на ВМРО-ДПМНЕ Миле Лефков во вечерашното гостување во емисијата „За или Против“ на телевизија Алфа.Тој додаде дека бројката на граѓани од 74% кои кажуваат дека државата оди во погрешна насока може да се преведе слободно на 100%.„Она што го укажуваат анкетите со овој број кажува само на една работа дека оваа политичка власт и елита со овие луѓе од страна на СДС и ДУИ можат да направат само едно, а тоа е никогаш повеќе да не конкурираат за вршење на јавни функции затоа што не се добредојдени, не ги сакаат граѓаните и очигледно е дека државата ја водат од еден во друг пораз и одиме во погрешна насока“, кажа Лефков.Тој истакна дека евидентна е нервозата од страна на власта бидејќи знаат што ги чека и она што им претстои. Знаат дека ќе бидат поразени и ќе имаат пораз како досега не и се случил на ниедна власт.„Анкетите имаат индикативен карактер односно што е тоа што народот го сака меѓутоа вака дадени анкети со овие бројки укажуваат само една работа а тоа е тргнете се од политика и никогаш повеќе да не се враќате во политика. За жал, Ковачевски тоа не сака да го признае и затоа ги напаѓа оние кои ги пренесуваат анкетите на граѓаните и затоа беа нападнати новинарите“, вели Лефков.

Македонија | пред 2 години