ЕДИНСТВЕНА МАКЕДОНИЈА

Единствена Македонија бара Совет на политички лидери за национални прашања, нема големи и мали партии кога е Македонија во прашање

Единствена Македонија преку соопштение изрази загриженост поради, како што наведува, континуираните процеси што влијаат врз македонскиот национален идентитет и државните позиции, оценувајќи дека е потребна поголема внимателност и одговорност од институциите кога станува збор за прашања од национален интерес.Од партијата ја поздравуваат, како што велат, цврстата определба на актуелната власт да не прави дополнителни отстапки кои би навлегле во виталните национални и државни интереси на Македонија и македонскиот народ, но сметаат дека тоа не е доволно и дека е потребен поширок и поинклузивен пристап.Во соопштението се наведува дека ваквите прашања не треба да бидат предмет на одлучување само на поединечни политички структури, туку дека е неопходен национален консензус, бидејќи, според партијата, станува збор за прашања од највисок државен интерес.Поради тоа, Единствена Македонија во соопштението предлага формирање Совет на политички лидери од сите политички партии, во кој би се усогласувале заеднички позиции за прашања од национален и државен интерес.Од партијата порачуваат дека не постојат големи и мали партии кога станува збор за Македонија и Македонците, туку само добри и лоши идеи.

Македонија | пред 2 дена

Нема фотографија

Единствена Македонија до владата: Прашањето за Македонците не е прашање на една влада туку на македонскиот народ

Единствена Македонија ја повикува владата на СДСМ и ДУИ да го покаже т.н. француски документ за бугарско-македонскиот спор кој експресно беше прифатен од бугарска страна. Македонскиот народ има право да знае за што се преговара зад сцената и што договара марионетската влада во Скопје. Затоа, повикуваме на обелоденување на францускиот документ и македонскиот народ да види што точно содржи, велат од Единствена Македонија.„Единствена Македонија ја потсетува владата на СДСМ и ДУИ дека прашањето за Македонците не е прашање на една партија или на една влада, туку на македонскиотнарод.На повидок е ново национално предавство налик на капитулантскиот договор со Грција. Единствена Македонија ја предупредува владата на СДСМ и ДУИ дека за национално предавство одговорност мора да има, и ќе има.Единствена Македонија го реафирмира својот став дека е најдобро владата на СДСМ и ДУИ да се вразуми и на очигледниот шовинистички поход спрема македонскиот народ да одговори со повлекување од Договорот со Бугарија, мораториум на преговорите за датум за членство во ЕУ до следните парламентарни избори на кои народот ќе одлучи за правецот по кој ќе се движи Македoнија.Единствена Македонија како одговорна партија која во основа се бори за одбрана на македонските национални интереси никогаш нема да ја предаде Македонија, нашата земја, нашата татковина. Ќе ги поништиме антимакедонските договори. Македонија е нашата татковина, Македонија е нашиот дом. Онака како што се бориме за нашите домови, се бориме и за Македонија“, се вели во соопштението.

Македонија | пред 3 години