ЕРУСАЛИМ

Уапсени 13 лица по обид за принесување животинска жртва за време на празник во Ерусалим

Израелската полиција уапси 13 лица кои се обиделе да принесат животинска жртва на Ридот на храмот во Ерусалим по повод еврејскиот празник Шавуот.Според соопштението на полицијата, осомничените ги пробиле оградите и втрчале во комплексот на Ридот на храмот со цел да го изведат обредот.Официјално не е потврдено за кое животно станува збор и каква жртва планирале да принесат, пренесува „Тајмс оф Израел“.Евреите речиси две илјади години не принесуваат животински жртви, уште од уништувањето на Вториот храм, наведуваат израелските медиуми.Помали радикални групи секоја година се обидуваат да го обноват овој древен ритуал, што предизвикува тензии.Ридот на храмот е најсветото место во јудаизмот и едно од најсветите места во исламот, каде што се наоѓаат џамијата Ал Акса и Куполата на карпата.На оваа локација е забрането принесување животински жртви и јавно еврејско молење со цел да се одржи постојниот статус кво.Инцидентот се случил во особено чувствителен период, со оглед на тоа што крајнодесничарскиот израелски министер за национална безбедност Итамар Бен Гвир отворено се залага за промена на статус кво состојбата на Ридот на храмот.

Свет | пред 1 седмица

(Видео) Националистички марш во Ерусалим, Израелците извикуваа „Смрт за Арапите“ и „Газа е гробишта“

Израелски националисти вчера одржале марш низ Ерусалим под покровителство на државата за да ја одбележат годишнината од заземањето и анексијата на градот, при што извикуваа пораки како „смрт за Арапите“, „нека ви горат селата“ и „Газа е гробишта“.Годишното одбележување на еврејската контрола над палестинскиот Источен Ерусалим во последните години станува сѐ поекстремно. Настанот кулминирал кога израелскиот министер за национална безбедност Итамар Бен-Гвир развил израелско знаме пред џамијата Ал Акса, најсветото исламско место во градот.Поголемиот дел од Палестинците во муслиманскиот кварт на Стариот град ги затвориле продавниците и си заминале дома пред почетокот на маршот. Сепак, членови на радикални крајнодесничарски еврејски групи се судриле со Палестинците кои останале, а двете страни фрлале столчиња едни кон други додека полицијата не интервенирала.„Дојдов да му покажам на целиот свет дека ова е наш град. Ова е Светата земја. Бог ни ја даде оваа земја и овој град“, изјавил 19-годишниот учесник Ариел Амихај.На прашањето каква порака испраќа маршот до Палестинците во Ерусалим, тој одговорил:„Треба да си заминат. Ова е наша земја. Не можат само да бидат тука и да се обидуваат да нѐ бодат со нож или да нѐ убиваат.“Учесниците на маршот биле донесени со автобуси од различни делови на Израел и од населбите на окупираниот Западен Брег, како дел од голема операција финансирана од општината Ерусалим и од владини министерства. Во поворката учествувал и министерот за финансии Безалел Смотрич.Откако Палестинците го напуштиле Стариот град, главните тензии се префрлиле меѓу учесниците на маршот и членови на еврејската група „Стендинг Тугедер“, која дошла да ги заштити палестинските жители од политичко насилство.Организаторот Суф Патиши изјавил дека околу 400 волонтери носеле препознатливи виолетови елеци за да ги покријат различните делови на градот.„Сакавме да го покриеме секој агол од градот за да спречиме напади врз Палестинците“, рекол Патиши.Меѓу контрапротестантите имало и религиозни Евреи. Еден ултраортодоксен Евреин, кој се претставил како Давид, рекол дека е згрозен од насилното однесување на луѓето од неговата заедница.„Јас сум религиозен човек, а тие го прават ова во наше име. Ова е сквернавење на Божјото име“, изјавил тој.На платото на џамијата Ал Акса, кое Евреите го нарекуваат Брдото на храмот, Бен-Гвир танцувал со своите поддржувачи пеејќи „Брдото на храмот е во наши раце“ додека развивал израелско знаме.Министерот за национална безбедност предводи кампања за укинување на 59-годишниот статус кво според кој на немуслиманите им е забрането да се молат на тоа свето место.Подоцна вечерта, Бен-Гвир на Телеграм напишал:„Педесет и девет години по ослободувањето на Ерусалим, го подигнав израелското знаме на Брдото на храмот и со гордост можеме да кажеме: Ја вративме власта над Брдото на храмот.“

Свет | пред 2 седмици

Калас „влезе во спор“ со Израел: „Се кршат верските слободи“

Високата претставничка на Европската унија за надворешна политика и безбедност Каја Калас синоќа го осуди „кршењето на верските слободи“ откако израелската полиција го спречи латинскиот патријарх на Ерусалим да служи миса на христијанскиот празник Цветници во Црквата на Светиот Гроб.„Одлуката на израелската полиција да му забрани на латинскиот патријарх на Ерусалим да влезе во Црквата на Светиот Гроб на Цветници претставува кршење на верските слободи и долгогодишните заштити што ги опкружуваат светите места“, истакна Калас во објава на социјалната мрежа Икс.Како што наведе, слободата на вероисповед во Ерусалим мора да биде целосно загарантирана, без исклучок, за сите религии.„Мултирелигискиот карактер на Ерусалим мора да биде заштитен“, нагласи Калас.Израелската полиција вчера наутро го спречи латинскиот патријарх на Ерусалим, кардиналот Пјербатиста Пицабала, како и отец Франческо Јелпо, поглавар на Кустодијата на Светата земја – францисканска провинција задолжена за чување на христијанските свети места – да пристигнат до Црквата на Светиот Гроб во Стариот град на Ерусалим, каде требало да служат миса по повод празникот Цветници, соопштија Патријаршијата и Францисканската кустодија на Светата земја.Според соопштението, двајцата највисоки католички свештеници во регионот „биле запрени на патот, додека се движеле приватно и без какви било обележја на поворка или церемонијален чин, и биле принудени да се вратат“.

Свет | пред 2 месеци

(Видео) Иранска ракета погодила западен Ерусалим, одекнале силни експлозии

Иранска ракета директно погодила дел од западен Ерусалим, јавува дописник на Ал Џезира, при што над градот одекнале силни експлозии.Непосредно пред ударот се огласиле сирени за воздушна опасност, а израелската војска соопштила дека детектирала проектили лансирани од Иран кон територијата на Израел.„Пред кратко време идентификувавме проектили лансирани од Иран кон територијата на Државата Израел“, се наведува во соопштението на војската.Според информациите, одбранбените системи биле активирани со цел пресретнување на заканата, а граѓаните биле повикани да останат во засолништа до дополнителни инструкции.Засега нема официјални информации за евентуални жртви или материјална штета, додека состојбата на теренот и понатаму е напната.

Свет | пред 3 месеци

(Видео) Напад со рачно изработен автомат на автобуска станица во Ерусалим – петмина цивили убиени!

Во вооружен напад на автобуска станица во Ерусалим беа убиени пет лица, а најмалку 11 се повредени, соопшти израелската полиција, пренесува „Гардијан“.Нападот се случил во населбата Рамот, на северната периферија на градот, кога двајца вооружени напаѓачи пукале кон луѓето кои чекале автобус. Според полицијата, на местото реагирале полициски службеник и вооружен цивил кои ги застрелале и ги „неутрализирале“ напаѓачите.Меѓу жртвите се тројца мажи во своите триесетти години, како и маж и жена во педесеттите години. Девет лица со прострелни повреди биле пренесени во болница, а уште тројца се здобиле со повреди од скршено стакло, информираа итните служби.Breaking NewsTwo Palestinian terrorists got on a bus in Jerusalem and sprayed the passengers with bullets.More that 20 people were shot, 4 were murdered, many in critical condition, including women and children.This is the evil Israel is fighting.The world wants to… pic.twitter.com/WUE9TueVgd— The Voice Of Truth 🙌 (@thevoicetruth1) September 8, 2025 На социјалните мрежи беа објавени фотографии на кои се гледа оружје за кое се претпоставува дека е „Карло“ автомат, рачно изработен на Западниот Брег и често користен во напади врз израелски цивили.Премиерот Бенјамин Нетанјаху соопшти дека по нападот се спроведува безбедносна проценка, а според локални медиуми, неговото сведочење во тековниот судски процес за корупција ќе биде одложено.Иако никој досега не презеде одговорност, палестинската група Хамас ја поздрави акцијата.

Свет | пред 8 месеци

Нема фотографија

Тројца повредени во терористички напад во Ерусалим

Три лица се повредени утринава во терористички напад во Ерусалим, извести израелската полиција, пренесува Jerusalem Post.„Утринава околу 8 часот е добиена пријава за сообраќајна несреќа и повредени тројца пешаци на улицата Течелет Мордехај во Ерусалим“, извести полицијата. Терористите со својот автомобил налетале на пешаците, а потоа излегле од возилото и го впериле оружјето кон пешаците, но потоа побегнале и го фрлиле оружјето што го имале.Окружниот командант на Ерусалим нареди мобилизација на сите расположливи ресурси, вклучително и специјалните сили, со примарна цел брзо заробување на двајцата терористи кои бегаат.https://twitter.com/nexta_tv/status/1782303920431280505?ref_src=twsrc%5Etfw%7Ctwcamp%5Etweetembed%7Ctwterm%5E1782303920431280505%7Ctwgr%5Ea1214994ced70238e0968e3f3f367262e4ac8f26%7Ctwcon%5Es1_&ref_url=https%3A%2F%2Fwww.index.hr%2Fvijesti%2Fclanak%2Fpolicija-troje-ranjenih-u-teroristickom-napadu-u-jeruzalemu%2F2558529.aspx

Свет | пред 2 години

Хорор во Ерусалим: Група напаѓачи почнала да пука на автопат, има мртви

Еден Израелец е убиен, а осум се ранети по пукање на автопат на влезот во Ерусалим, потврди израелската полиција во четвртокот рано наутро.Според „Џерусалим пост“, тројцата напаѓачи се убиени на лице место, соопшти полицијата. Тие се идентификувани како Палестинци, а според првичната истрага, двајца од нив се од Витлеем. Според првите извештаи, напаѓачите ја искористиле гужвата на автопатот. Тие дошле со две посебни возила вооружени во кои имало пушка М-16, митралез Карло и гранати. Тие потоа излегле од возилата и почнале да пукаат кон луѓето во автомобилите.Службите за итна помош во моментов се на терен и им помагаат на повредените.Меѓу ранетите има две жени на возраст од 23 и 30 години, заедно со 23-годишен маж кој е во тешка состојба и двајца мажи на 40-годишна возраст.Според претседателот на локалниот совет на Ефрат, Одед Ревиви, тој автопат е познат по постојаниот сообраќаен метеж.„Веќе подолго време контактиравме со Министерството за национална безбедност, Министерството за безбедност, ИД и полицијата, предупредувајќи ги за однесувањето на контролниот пункт во тунелот. Овие сообраќајни метежи се рецепт за планирање напади врз Израелците кои чекаат во сообраќајот“, рече Ревиви.

Свет | пред 2 години