ЕВРА

Проверете ги еврата во паричникот: Една ретка монета може да вреди и до 500 евра

Не секоја монета од едно евро има вредност колку што е испишано на неа. Одредени грешки при ковањето можат значително да ја зголемат нејзината цена меѓу колекционерите, а еден од најбараните примероци е монета од 1 евро издадена во Монако.Станува збор за серија монети од 2007 година, на кои недостасува еден од вообичаените елементи – рогот на изобилството, ознака на ковачницата што се наоѓа под ликот на принцот Албер Втори. Според достапните податоци, вакви се само 2.291 примерок.Поради реткоста, колекционерите се подготвени да платат и до 500 евра за една ваква монета, што е повеќекратно повеќе од нејзината номинална вредност.Експертите посочуваат дека и други грешки при ковањето можат значително да ја зголемат вредноста на монетите. Меѓу нив се издвојуваат неправилно поставени матрици, монети изработени на погрешна подлога, како и таканаречениот ефект „пржено јајце“, кога внатрешниот дел од монетата има необична форма.Посебен интерес кај колекционерите предизвикуваат и монетите од Монако, Сан Марино и Ватикан, бидејќи се произведуваат во ограничени количини и ретко се наоѓаат во редовен оптек.Иако ваквите примероци се ретки, познавачите советуваат внимателно да се прегледува ситниот метален паричен фонд, бидејќи понекогаш токму обичната монета во паричникот може да се покаже како вреден колекционерски предмет.

Магазин | пред 1 седмица

Во Европа по пошта испратени повеќе од милијарда лажни евра во кеш – повеќето од Кина

Полициите од 18 земји спречиле пласирање на фалсификувани пари чија вредност се проценува на 1,2 милијарди евра. Станува збор за операцијата DECOY III, која ја координираше Европол, а ја предводеа Австрија, Португалија и Шпанија. Целта на заедничката царинска и полициска акција беше сузбивање на криминални мрежи кои лажната валута ја дистрибуираат преку поштенски пратки, соопшти Европол.Над 90 отсто од запленетата фалсификувана валута е поврзана со пратки од Кина, што укажува дека таа земја е главен извор на фалсификувани пари кои пристигнуваат во Европа.Само романските власти фатиле повеќе од 4,8 милиони евра во банкноти со изменет дизајн и откриле складиште со повеќе од 223.000 фалсификувани банкноти испратени од Кина. Покрај тоа, во три одделни заплени во Португалија, Обединетото Кралство и САД откриени се повеќе од 220.000 фалсификувани монети во евра, фунти и американски долари. Сите пратки исто така се поврзани со Кина.За време на оперативната фаза, која траела од јуни до ноември 2025 година, властите заплениле 379 пакети со лажни пари. Тие заплени довеле до отворање на 70 нови истраги против криминални мрежи. Резултатите од акцијата се објавени сега, по завршувањето на оперативната фаза и анализите.Службениците вкупно пресреле повеќе од 7 милиони фалсификувани предмети, вклучувајќи 4,8 милиони банкноти и монети во евра, 2,3 милиони во американски долари, 23.302 во британски фунти и 4.800 во швајцарски франци.Во операцијата учествувале властите на Австрија, Бугарија, Хрватска, Чешка, Франција, Германија, Грција, Ирска, Италија, Холандија, Полска, Португалија, Романија, Србија, Шпанија, Турција, Обединетото Кралство и САД.

Свет | пред 4 месеци

Подгответе 16 евра за патарина од Прешево до Белград, српските автопати поскапуваат

Патувањето по автопатите во Србија ќе стане поскапо од 4 јули, кога стапува на сила најавеното покачување на патарините за приближно 4,2 отсто по километар, информира српското Министерство за градежништво, сообраќај и инфраструктура. За да стапи на сила, потребно е покачувањето да биде формално одобрено и од Владата на Србија.Новите пресметки покажуваат дека возачите на патнички автомобили кои патуваат од граничниот премин Прешево до Белград, од петок ќе треба да платат 1.970 динари, односно околу 15,85 евра за патарина. За патување од Прешево до Суботица, цената ќе достигне 2.815 динари или приближно 22,64 евра.Колку ќе чини патарината зависи и од трасата по која се движите. Така, на пример:Белград – Димитровград: 1.740 динариБелград – Ниш: 1.170 динариСуботица – Димитровград: 2.575 динариНови Сад – Ниш: 1.490 динариНиш – Шид: 1.690 динариВозачите кои користат електронска наплата (TAG систем) и понатаму ќе можат да искористат одредени попусти, поради што се препорачува оваа опција – особено за оние кои често патуваат по автопатите.Сепак, надлежните предупредуваат на важен детаљ: доколку патникот ја изгуби картичката што ја добива при влез на автопатот, или истата е оштетена или постара од 24 часа, тогаш може да му биде наплатена патарина за најдолгата делница од трасата, како и дополнителни трошоци за итна административна постапка.

Македонија | пред 11 месец