facebook

Нова тактика за кражба на Facebook лозинки

Истражувачи од Trustwave предупредуваат на нов начин на компјутерска измама или фишинг кампања во која на жртвите им се испраќа имејл со линк до објава на Facebook.Хакерскиот напад започнува со е-пошта испратена до потенцијалната жртва, со порака дека има прекршување на авторските права во една од нејзините објави на Facebook. Корисникот е предупреден дека неговиот Facebook профил ќе биде избришан во рок од 48 часа доколку не поднесе жалба.Со цел напаѓачот да ги избегне безбедносните решенија за е-пошта и да стигне до потенцијални жртви, линкот во е-поштата не води до надворешна страница за фишинг, како што обично се случува при напади од овој тип, туку до Facebook.com или страница претставена како „Страница за поддршка“.За работите да изгледаат поверодостојни, искористено е логото на Facebook и употребен е линк до надворешна фишинг страница наречена Meta, компанијата што е сопственик на Facebook.Фишинг сајтот е направен да изгледа како вистинска страница за жалби за авторски права на Facebook, со формулар што жртвата треба да го пополни со информации како име и презиме, адреса на е-пошта, телефонски број и корисничко име на Facebook.Исто така, страницата доаѓа до IP адресите на жртвите, но и за информации за геолокацијата, кои потоа ги ексфилтрира на Telegram профил, контролиран од хакерот.Жртвата потоа се пренасочува на следната фишинг страница каде што се бара да внесе шестцифрена шифра (OTP). Што и да внесе жртвата, резултатот ќе биде порака за грешка. На жртвата ѝ преостанува да кликне на линкот на страницата за да избере друг метод за автентикација. Доколку го стори тоа, ќе биде пренасочена на страницата на Facebook.Напаѓачите користат Google Analytics на фишинг страници за да ја следат ефективноста на нивната кампања.Trustwave има откриено бројни Facebook профили со лажни објави кои се претставуваат како страници за поддршка, а кои всушност ги водат жртвите до страници за фишинг. Во објавите се користат скратени линкови до страниците за фишинг за да останат нападите скриени од Facebook, со цел да се спречи нивно отстранување од платформата.

Магазин | пред 3 години

Марк Цукерберг призна каде згрешил со Фејсбук и Инстаграм

Познато е дека Фејсбук во последно време е во големи неволји, што можеме да го видиме од падот на бројот на корисници, но и од состојбата на берзата, каде годинава загубија стотици милијарди долари. Во едно неодамнешно интервју, Марк Цукерберг објасни што може да биде причината за тие проблеми и ја призна својата грешка во однос на стратегијата на компанијата.Пред неколку години, имено, Цукерберг беше убеден дека корисниците сакаат Фејсбук да стане што е можно повеќе лична платформа, односно на нивните фидови да се појавуваат содржини објавени од нивните пријатели и роднини. Денес е очигледно, како што и самиот призна, дека тоа било сосема погрешен начин на размислување.Се покажа дека корисниците сакаат најдобра и најквалитетна содржина и не е важно кој ја објавува таа содржина. Тоа навреме го препознале во TikTok, поради што популарноста на оваа мрежа постојано се зголемува, додека корисниците полека го напуштаат Facebook. Иако Мета на Инстаграм се обиде да го промени алгоритмот за да биде повеќе како TikTok, корисниците не беа задоволни бидејќи не сакаат мрежата да стане само копија на TikTok.Цукерберг истакнува дека на почетокот, TikTok не се вклопувал во неговиот „шаблон на социјални работи“ и повеќе се чувствувал како пократка верзија на YouTube. Денес, тој вели дека е важно Мета да создаде алгоритам кој ќе им препорача на корисниците различни содржини за забава, но за разлика од TikTok, тој не сака да се фокусира само на видеа, туку и на фотографии и текстуални содржини.„Понекогаш сакам само да гледам видеа, но често ги сакам само најдобрите работи“, објасни тој во интервју за Stratechery.

Магазин | пред 3 години

Фејсбук конечно добива „вистинска“ поддршка за корисници

По 18 години, компанијата Мета конечно одлучи на своите корисници да им обезбеди вистинска поддршка за полесно да ги обноват избришаните профили или објави.Потпретседателот на Мета, Брент Харис, вели дека компанијата инвестира многу време во услугите на клиентите. Сепак, од основањето на Facebook, корисниците на оваа социјална мрежа навистина немаат начин директно да комуницираат со компанијата за одлуките за модерирање.Минатата година беше лансирана програма која вклучуваше разговор во живо на англиски јазик, што всушност овозможи контакт со вработените во Мета. Корисниците може да добијат помош за користење на нови функции или во случај нивниот профил да биде заклучен. Во тоа време, компанијата рече дека тоа е „прв пат Фејсбук да понуди помош во живо на луѓе чии профили се заклучени“.Мета е фокусирана на подобрување на корисничката поддршка и поради повратните информации од нејзиниот Надзорен одбор. Минатата година беше формирано ова „независно“ тело за следење и менување на одлуките на Мета. Примени се речиси милион барања на корисници поврзани со модерирање на содржината.Мета исто така се обидува да ги отстрани луѓето кои избегнуваат банирање, а неодамна беа отстранети околу 500 профили, страници, групи и настани поврзани со групата Proud Boys.

Магазин | пред 3 години

Фејсбук се огласи по вчерашните проблеми

Фејсбук се огласи по вчерашните проблеми кои се појавија на оваа социјална мрежа и објасни што се случило.Според претставник на компанијата: „Претходно денес, промените во конфигурацијата предизвикаа некои корисници да доживеат проблеми со нивниот Facebook Feed. Го решивме проблемот што е можно поскоро за сите засегнати и се извинуваме за непријатностите“.Да потсетиме, Facebook вчера имаше проблем кога голем број корисници ширум светот пријавија дека во нивните фидови гледаат необични објави на познати личности.Проблемот беше пријавен на веб-страницата Down Detector, а голем број корисници го споделија своето незадоволство на Twitter и други мрежи.https://twitter.com/alexvoica/status/1562379918360592384?ref_src=twsrc%5Etfw%7Ctwcamp%5Etweetembed%7Ctwterm%5E1562379918360592384%7Ctwgr%5E0bcf7332b99d3b0417dfbf944f1b1ca6617c318b%7Ctwcon%5Es1_c10&ref_url=https%3A%2F%2Fwww.b92.net%2Ftehnopolis%2Fvesti%2Ffacebook-objasnio-2202074

Магазин | пред 3 години

Фејсбук станува мрежа за пензионери, има се помалку млади корисници

Генерацијата Z сè повеќе користи интернет, но бројот на тинејџери на Facebook рапидно се намалува, покажа истражувањето на Истражувачкиот центар Пју.Истражувањето покажало дека само 32% од тинејџерите на возраст меѓу 13 и 17 години воопшто не користат Facebook, а податоците од претходното истражување од 2014 и 2015 година покажале дека 71% од нив биле на Facebook во тој период, со што оваа социјална мрежа ги надмина Instagram и Snapchat.Креаторката на содржини за Gen Z, Џил Терпак, изјави за TechCrunch дека тинејџерите едноставно не наоѓаат вредност во Facebook.„Сега има повеќе од пет моќни социјални платформи кои може бескрајно да се прелистуваат и не е одржливо нашите умови да ги споделуваат или да ги приоретизираат нашите односи со секоја од нив. Заради времето и причината, луѓето мора да ги елиминираат платформите на кои им недостасува поттик за додавање вредност“, рече Терпак.Таа верува дека Facebook, кој тинејџерите често го поврзуваат со своите родители, има малку да понуди ѝ на генерацијата З.„Културата што ја поттикнува просечниот корисник на Facebook е многу одвоена од она што ја привлекува популацијата на Gen Z на платформата денес и зрачи со енергијата на спам“, рече таа.Дури и во 2013 година, кога 77% од онлајн тинејџерите користеа Facebook, младите корисници имаа негативен став кон платформата.„Facebook сè уште е длабоко интегриран во секојдневниот живот на тинејџерите, но понекогаш се смета за помош и одговорност, а не како возбудлива нова платформа која тинејџерите можат да ја чувствуваат како своја“, се вели во извештајот на Пју од 2013 година. Дури и во таа анкета стара 9 години, тинејџерите покажуваат поголем ентузијазам за други платформи, дури и ако не ги користат толку многу како Facebook. Тој тренд остана константен, а новите генерации кои се приклучуваат на социјалните мрежи речиси целосно го напуштаат Facebook.Новите податоци на Пју се во согласност со внатрешните извештаи на Facebook. Според документите откриени од свиркачот Френсис Хауген, бројот на тинејџери на Facebook паднал за 13% од 2019 до 2021 година, а тој процент требаше да се намали за 45% во следните две години. Генерално, корисниците на Facebook стагнираат, но падот на клучните демографски податоци е лоша вест за социјалната мрежа и нејзиниот бизнис со реклами, кои генерираат најголем дел од приходите.„Повеќето млади луѓе го гледаат Facebook како место за луѓе во 40-тите и 50-тите. Младите ја сметаат содржината досадна, погрешна и негативна“, се вели во интерен документ на Facebook.Иако на тинејџерите им е доста од Facebook, сепак не се откажуваат од Instagram. Тоа е уште една платформа во сопственост на компанијата Meta. Околу 62% од тинејџерите користат Instagram, што е зголемување од 52% во истражувањето во 2014 и 2015 година.TikTok не ни постоел во времето на последното истражување, а сега го користат 67% од американските тинејџери. Околу 95% од тинејџерите велат дека го користат YouTube, но многумина само за гледање видеа, а не како место за поврзување онлајн со други. На пример, тинејџер кој користи YouTube за слушање музика е вклучен во тие 95%.TikTok моментално се рангира над Instagram и Snapchat, кои ги користат 62% и 59% од американските тинејџери, соодветно. Затоа, постарите платформи се обидуваат да ги „копираат“.Сепак, тинејџерите се свесни дека користењето на социјалните мрежи не секогаш им ја обезбедува социјалната врска на која се надеваат. Околу 36% од тинејџерите мислат дека поминуваат премногу време на социјалните мрежи. Само 8% од тинејџерите мислат дека не ги користат доволно социјалните мрежи.Оние кои мислат дека генерацијата Z е зависна од мобилни телефони можеби грешат. Околу 45% од тинејџерите тврдат дека лесно можат да се откажат од социјалните мрежи.

Магазин | пред 3 години