Фуркан

Фуркан Салиу објасни за пиштолот: Љубител сум на огнено оружје, или одиш на кафе, на шопинг или да пукаш на стрелиште - ме релаксира

Новинарот Фуркан Салиу во „Слободен печат“ одговараше на прашањето зошто со него, на спортски натпревар, носел пиштол. Тој прво посочи дека бил пронајден на противзаконски начин, а потоа и дека бил расклопен. Кажа дека фотографијата споделена на социјални мрежи е автентична. Потоа посочи дека е љубител на огнено оружје и дека тоа го релаксира.?t=887„Се утепав од објаснување. Одете во стрелиштето, каде што пукам почесто и проверете ги листите. Навистина многу често одам таму и го гледам како релаксација, мислам навистина сакам, мислам, љубител сум на вакво, на огнено оружје. Знам доста за овој дел. Чисто одиш да се релаксираш. Нема многу места во Скопје каде можеш да се.. Или одиш на кафе, на шопинг во трговски центар или ќе одиш да пукаш, што ќе правиш во Скопје.. Или теретана некоја, не знам. Нема што да правиш во Скопје. Нека одат, нека ги проверат листите, ќе ме најдат таму.. Недела беше“, рече Салиу, со цел да појасни дека пиштолот го носел оти по натпревар сакал да замине на стрелиште.Посочи дека повеќе од две години го има оружјето - со дозвола.

Македонија | пред 1 година

Новинарот Салиу доби кривична дека спречил полицаец додека вршел службена должност

Кривичната пријава против новиарот Фуркан Салиу од МВР е испратена до Обвинителството. Според полицијата, Салиу на фудбалски натпревар спречил службено лице во вршење на службено дејствие. Ова пак, според Салиу е притисок кој се врши врз него. Кој дејствија ќе бидат преземени понатаму во овој случај, ќе одлучи обвинител од скопското Обвинителство„Ве известуваме дека по целосно документирање на настанот, на 11.04.2024 од страна на Единицата за насилен криминал при СВР-Скопје до ОЈО Скопје против лицата Н.Ј. и Ф.С. поднесена е кривична пријава за сторено кривично дело Спречување службено лице во вршење службено дејствие”, вели МВР.Салиу пак, ги повика меѓународните организации да ја следат ситуацијата.„Само што не информираа дека МВР поднело кривична пријава за попречување на службено лице по член 382. Најверојатно ќе се бара претрес во просторите на ПорталХ и во моето живеалиште. Делото не верувам дека можат да го докажат меѓутоа најверојатно работата на ПорталХ ќе биде оневозмоена одреден период. Ги повикуваме сите релевантни институции, меѓународните организации добро да пазат како ќе се одвива целата ситуација“, вели Салиу.На прес-конференција, Тошковски кажа дека едно од лицата нападнало полицаец, а друго, во најмала мера спречило службено лице во вршење на службени дејствија.

Македонија | пред 1 година

МАН до ЗНМ и ССНМ: Не би сакале да веруваме дека обучувате ваши членови да носат оружје со себе

Македонската асоцијација на новинари (МАН) е непријатно изненадена од соопштението на ЗНМ и ССНМ во кое упатуваат јавна поддршка за Фуркан Салиу. Оттаму посочуваат дека Салиу е извршил/учествувал во напад врз службени лица, и носел оружје полно со муниција, а ЗНМ и ССНМ сакаат да го подведат во општествено одговорната и законски регулирана дејност – новинар и новинарство.„Во случајот со Фуркан Салиу, ЗНМ и ССНМ се преставија како парановинарски организации кои заштитуваат и промовираат вооружување на своите членови. Наместо да упатат јавна осуда за однесувањето на Фуркан Салиу и фактот дека во своја близина носел оружје полно со муниција, ЗНМ и ССНМ го поддржуваат во својство на новинар. Уште позастрашувачки е фактот дека ЗНМ и ССНМ јавно го бранат Фуркан Салиу дека извршувал професионални обврски, како новинар. Дали ова значи дека ЗНМ и ССНМ имаат/ тренираат/ обучуваат паравоени, параполициски, паранавивачки формации во своите редови? Дали ова значи дека имаат вооружени членови чие однесување не може да се предвиди во ниеден момент, дури и кога треба да бидат проверени од државните институции? За што всушност ЗНМ и ССНМ одржуваат обуки за своите членови? За вежбање по стрелани, носење пиштоли со муниција, отпор кон проверки од државните органи? За што ги обучуваат своите членови? Инцидентот со Фуркан Салиу е кривично-правен настан. Единственото оружје на новинарите и сите медиумски работници е слободата на говорот и изразувањето. Македонската асоцијација на новинари (МАН) ги прашува ЗНМ и ССНМ зошто упорно шират лажни вести за да делуваат користољубиво за лични и предизборни партиски потреби, користејќи го Фуркан Салиу за наведените цели?Македонската асоцијација на новинари (МАН) потсетува дека токму заради ЗНМ и ССНМ, Фуркан Салиу не е новинар според позитивните законски прописи, кои токму тие ги блокираат со години. За тоа постои и судска пракса во случајот со Горан Трпеноски од редакцијата на СДК.МК, повторно благодарение на ЗНМ и ССНМ. Македонската асоцијација на новинари (МАН) е непријатно изненадена од комфоноста на ЗНМ и ССНМ да создаваат јавна перцепција на осуда и хајки, што го гледаме со децении наназад. Но, тоа не ги прави заштитници на новинарите и медиумските работници, уште помалку почитувачи на Уставот и Законите во Македонија. Напротив. Заради ЗНМ и ССНМ, нивниот член Фуркан Салиу се довел себеси во очајна, незавидна ситуација да носи со себе огнено оружје со муниција (што со закон е забрането) и да изврши напад врз службени лица (а можел да биде службено лице, доколку ЗНМ и ССНМ не ги блокираа измените во медиумските закони). За Македонската асоцијација на новинари (МАН) е застрашувачки фактот дека новинарите живеат под толкав страв и репресија во овие седум (7) години, што членот на ЗНМ и ССНМ Фуркан Салиу решил да има кај себе и во своја близина - оружје полно со муниција, се вели во реакцијата на Македонаката асоцијација на новинари (МАН)“, велат од МАН.

Македонија | пред 1 година

(Видео) Салиу негира дека имал физички контакт со полицаец, Тошковски му рече: Лажете господине Фукран

Министерот за внатрешни работи, Панче Тошковски, кажа дека приведувањето на новинарот Фуркан Салиу е снимено, но и дејствијата кој ги презел претходно. Тој кажа дека се надева дека јавноста ќе може да види што се случувало. Според Тошковски, Салиу присуствувал на натпревар кој бил од висок ризик – а не е приведен бидејќи вршел одредена служба или поради етничка припадност, туку бидејќи имало кривично-правен настан.„По службените белешки за кои бев известен дека се доставени, од страна на двете лица има физички напад, а од снимките кои јас ги видов во најмала мера има спречување на службено лице во вршење на службена должност“, рече Тошковски.Тошковски го праша Салиу дали имал физички контакт со полицајците, на што тој одговори: „Не“, а потоа, Тошковски му врати: „Лажете господине Фукран“.Во однос на оружјето, според Тошковски, новинарот го чувал во возилото иако не смеел. Министерот кажа дека има посебни правила за тоа како се чува пиштол, но и како се пренесува од точка А до точка Б.Внатрешна контрола ќе ги испита сите дејствија и на полицајците, кои спречувале ескалација на тепачката меѓу двете групи.„Точно ќе се утврди кои се навивачките групи, од каде се, а тука индиции за навивачки групи кои е чудно зошто се присутни на овој настан. Биде раздвоени навивачките групи. Во рамки на физичкото пресметување помеѓу себе е констатирано едно лице, кое во повеќе наврати физички напаѓа припадници на другата навивачка група и физички напаѓа еден овластен полициски службеник, кој го соборува преведеното лице. Во моментот на приведување на ова лице, кое во повеќе наврати физички удира и мава кон другата навивачка група, така и се бори со полициски службеници“, рече Тошковски.Објасни дека се е снимено.

Македонија | пред 1 година

СДСМ во одбрана на Салиу: На сите им е јасно дека ова е обид за замолчување и заплашување

„Бруталното апсење на новинарот Салиу потврдува дека нема промена, ДПМНЕ е режимска партија“, велат од СДСМ и додаваат:Во ДПМНЕ нема промена, ДПМНЕ е режимска партија, што се потврди со бруталното апсење на новинарот Фуркан Салиу.На сите им е јасно дека ова е обид за замолчување и заплашување, откако новинарот објави афера директно поврзана со ДПМНЕ.На чело на СВР Скопје и ЕБР се новопоставени началници од страна на Тошковски.Значи началниците назначени од Тошковски и ДПМНЕ дале наредба за апсење на новинарот Салиу.За 7 години власт на СДСМ, не само што нема уапсен новинар, не само што претставките против новинари од функционери пред судовите се минато, туку Владата предводена од СДСМ донесе низа и законски решенија со кои се гарантира заштитата на новинарите.ДПМНЕ само за 2 месеци покажа како мисли да ја практикува власта доколку ја добие, со сила.Одговорност за овој недемократски чин мора да има, заплашувањето и злоупотребата на МВР и другите институции под капата на ДПМНЕ мора да прекине.

Македонија | пред 1 година

Министерот на СДСМ во МВР, Бојмацалиев - нема коментар за апсењето на новиарот Салиу

Дополнителниот заменик-министер во МВР од СДСМ, Митко Бојмацалиев, нема коментар за апсењето на новинарот Фуркан Салиу. На прашањата дали постапувањето на полициските службеници е во рамки на законите, а откако СДСМ обвини дека се постапувало по политички наредби – Бојмацалиев кажа дека не знае никакви детали.„Детали немам, не можам ништо да коментирам“, вели Бојмацалиев.На забелешката како е можно да не знае детали кога јавноста е преплавена со информации, а Министерството со кое раководи има издадено и соопштение – тој не одговори ништо.Истовремено, за СДСМ апсењето на новинарот е недемократски чин.„СДСМ го осудува овој недемократски чин и бара негово ослободување веднаш“, кажа пратеникот Дарко Каевски.Со став излезе и МВР кои го обвинија Салиу дека нападнал полицаец од ЕБР.„Приведени лица за напад на полициски службеници денеска ( 07.04.2024) околу 17 часот на фудбалскиот стадион во с. Средно Коњари за време на фудбалскиот натпревар помеѓу ФК “БВК Коњаре” и ФК “Куманово”, на дваесетина минути пред крајот на натпреварот дошло до обид домашната публика да се пресмета со гостинските играчи, велат од МВР за 4NEWS”, велат од МВР и додаваат: Обидот е спречен од страна на службите кои го обезбедуваа натпреварот и натпреварот бил прекинат. За време на интервенцијата, од страна на две лица нападнати се припадници на Единицата за брзо распоредување. Лицата кои го извршиле нападот веднаш се приведени и утврдено е дека станува збор за Ф.С.(33) од с. Арачиново и Н.Ј. (26) од с. Арачиново, додека С.Б. (40) од с. Арачиново е приведен за учество во тепачка. Дополнително, околу 18 часот, при преглед на патничко возило “дачија дастер”, сопственост на Ф.С., а управувано од Ф.А.(34) од с. Кондово со сопатник А.Р. (21) од с. Кондово, во багажникот е пронајден пиштол“, велат од МВР.Новинарот Фуркан Салиу, бара полицијата да докаже дека тој нападнал полицаец и како е отворено неговото возило, со оглед дека тој не бил присутен, како што тврди. Салиу тврди дека отишол на трибините на натпреварот, оти знаел дека ќе има нереди.„Поради вашата поддршка бев ослободен, но во некоја различна ситуација немаше да бидам. Без никаков доказ. Нека докажат дека сум нападнал полицаец, јас утре ќе се повлечам, не ме гледате на екран. Нека докажат. Информиран сум сега дека мојот пиштол е најден во багажот, расклопен целосно, а најден е без мое присуство, во обид да избришат снимки“, велат Салиу.

Македонија | пред 1 година

Салиу: Не сакам да помислам дека се обидуваат да ме замолчат - нека докажат дека сум нападнал полицаец, не ме гледате на екран

Новинарот Фуркан Салиу, бара полицијата да докаже дека тој нападнал полицаец и како е отворено неговото возило, со оглед дека тој не бил присутен, како што тврди. Салиу тврди дека отишол на трибините на натпреварот, оти знаел дека ќе има нереди.„Поради вашата поддршка бев ослободен, но во некоја различна ситуација немаше да бидам. Без никаков доказ. Нека докажат дека сум нападнал полицаец, јас утре ќе се повлечам, не ме гледате на екран. Нека докажат. Информиран сум сега дека мојот пиштол е најден во багажот, расклопен целосно, а најден е без мое присуство, во обид да избришат снимки“, велат Салиу.Појасни дека имало нереди на трибините на натрепварот на кој присуствувал.„Имаше малку полицајци, многу публика, тоа не е мој проблем. Цел настан почна кога го тепаа млад дечко кој седеше до мене, а не направи ништо“, рече Салиу па посочи дека тој ја смирувал публиката..„Јас навистина не сакам да помислам дека се обидуваат да ме замолчат. Јас овде се уште не сум ја завршил изјавата овдека“, додава Салиу.

Македонија | пред 1 година

Кои партии и политичари, што кажаа за Фуркан Салиу

Низа реакции од политички партии и политичари дојдоа по апсењето на новинарот Фуркан Салиу, кој беше уапсен по завршување на фудбалски натпревар, поради како што вели МВР, напад врз полициски службеници од ЕБР и најден пиштол во багажниот дел од неговиот автомобил. ВМРО-ДПМНЕ порача дека секој еден новинар ја има нивната поддршка.„Ја браниме и во целост ја почитуваме новинарската дејност и слободата на новинарите да известуваат и пишуваат за настаните и темите од јавен интерес, без било какви пречки. Секој еден новинар ја има нашата поддршка. ВМРО-ДПМНЕ не поддржува насилство, и осудуваме било каков напад врз службено лице на МВР. Тоа треба да се осуди од сите чинители и доколку се потврди дека тоа е сторено, тогаш сторителот треба да ги сноси сите последици согласно законите и Уставот. Бараме целосно да се расветли случајот со приведувањето на новинарот Фуркан Салиу и да се почитуваат сите негови права и слободи како новинар“, велат од ВМРО-ДПМНЕ.Лидерот на СДСМ, Димитар Ковачевски, го осуди апсењето.„Силно го осудувам апсењето на новинарот Фуркан Салиу. Употребата на сила против новинарите страшно потсетува на мрачните времиња од минатото кога немавме слобода и демократија и бевме заробена држава. Заплашување на новинари, злоупотреба на моќта и на институцијата МВР е недозволиво. Очекувам новинарот да биде ослободен. Слободата на говор и заштитата на новинарите се врвен приоритет во едно демократско општество“, вели Ковачевски.Претседателот на НСДП Горан Мисовски на социјалните мрежи сподели видео со кое го осуди апсењето на новинарот Фуркан Салиу.Кандидатот за претседател од редовите на ВЛЕН, Арбен Таравари преку соопштение во јавноста го осудува апсењето на новинарот Фуркан Салиу, спротивставувајќи се на акцијата спроведена под сомнителни услови.Таравари бара итно ослободување на новинарот Салиу и целосно расчистување на случајот.„Го осудувам апсењето на новинарот Фуркан Салиу. Според сите докази, неговото апсење е извршено под услови на извршување на неговата професија. Барам што поскоро ослободување на новинарот Фуркан Салиу и расветлување на случајот, се сеќавам и на изјавата на Леке Дукаѓини: Гласникот не е виновен за веста што ја дава! Не го осудувајте Гласникот туку Веста“, реагира Таравари.Се јави и градоначалникот на Тетово, Билал Касами.„Новинарот Фуркан Салиу веднаш да биде ослободен! Да се ​​уапси новинар затоа што си ја вршел работата, ова е слобода на говор кај нас. Ние сме со Фуркани и секој друг новинар кој и служи на вистината и јавноста! Бараме надлежните институции да ги преземат сите мерки за предметниот случај. Јавно го прашуваме техничкиот премиер зошто не реагира на бруталниот напад врз слободата на говорот?!“, пиша Касами.

Македонија | пред 1 година

Се бара слобода за Фуркан Салиу од Здружението на новинари

Новинарот Фуркан Салиу да биде пуштен на слобода, а Министерството за внатрешни работи да ја информира јавноста за причините за неговото приведување, бара Здружението на новинари и додава:“Попладневно на социјалните мрежи и на неколку онлајн медиуми беше објавено видео од кое се забележува како повеќе униформирани специјалци од МВР апсат лице кое се наоѓа на земја и не пружа отпор. Непосредно по оваа објава, следеа неколку сензационалистички наслови од медиуми, кои се блиски до политички партии, кои шпекулираат разни основи за притворање на новинарот Фуркан, а притоа се повикуваат на наводни полициски извори.ЗНМ и ССНМ апелираат случајот веднаш да биде расчистен, да се внимава да не се повредат правата на колегата Салиу, а политичките партии да не го користат во своите дневно политички препукувања и за партиски цели на изборната кампања.Пред малку беше објавена информација на PortaliX, онлјан медиумот во кој Фуркан Салиу е основач и уредник.Уредничкиот тим на медиумот информира дека денешниот акт на специјалната единица против новинарот Салиу е целосно диригиран и претставува обид за притисок врз слободното новинарство што го практикува PortaliX”.

Македонија | пред 1 година