ЕУ најави дополнителна помош за земјоделците по поскапувањето на ѓубривата
Европската комисија денеска најави дополнителна финансиска помош за земјоделците поради големиот раст на цените на ѓубривата, предизвикан од војната на Блискиот Исток.Еврокомесарот за земјоделство Кристоф Хансен во Стразбур изјави дека ЕК краткорочно ќе ги поддржи европските земјоделци за да можат да ги набават потребните ѓубрива за следната сеидба.Иако не беше соопштен точниот износ, се очекува да бидат искористени преостанатите 200 милиони евра од земјоделскиот кризен фонд на ЕУ.Според Европската комисија, цените на азотните ѓубрива во април биле за 71 процент повисоки од просекот во 2024 година.Дополнителен раст на цените бил забележан по американско-израелскиот напад врз Иран и затворањето на Ормускиот Теснец.Хансен предупреди дека достапноста на ѓубрива е на најниско ниво од 2022 година и дека дел од земјоделците веќе ја намалуваат употребата на ѓубрива или ги кратат обработливите површини.Акцискиот план на ЕУ предвидува вкупно 25 краткорочни и долгорочни мерки за поддршка на земјоделството.
Свет | пред 1 ден
