ГЛАВНИ-ВЕСТИ

ДИК: Пендаровски има 952 гласови повеќе од Сиљановска, обработени се 96,92%

„Денешниот изборен ден, од обработени 96,92% од податоците, гласале 41,92% од гласачите, кандидатот Гордана Сиљановска-Давкова добила 309.799 гласови, а кандидатот Стево Пендаровски 310.751 глас. Со ова можам да заклучам дека денешниот изборен ден помина во една добра и мирна атмосфера, немаше посериозни забелешки од набљудувачите и учесниците во кампањата. Сметам дека ја постигнавме целта, а тоа е спроведување на чист, фер и коректен изборен ден“, рече претседателот на ДИК, Оливер Дерковски.  

Македонија | пред 6 години

Мицкоски: Неопходен е втор круг и најважно, ја победивме хотел-коалицијата

Победивме! Победивме и тоа е победа на сите вас, на сите вас што ја поддржавте професорката Гордана Силјановска Дафкова , порача претседателот на ВМРО-ДПМНЕ Христијан Мицкоски на прес конференцијата.„Почитувани граѓани, победивме. Победивме и тоа е победа на сите вас што сте овде и сите оние што денеска ја поддржавте Сиљаноска и идните градоначалници во Охрид и Ново Село. Ги победивме сите оние остатоци од транзицијата и сите неуспешни криминални политики чиешто олицетворение е Зоран Заев. Неопходен е втор круг, и најважно, ја победивме хотел-коалицијата. Доаѓа правдата за Македонија, за која добивме сила, правдата што му е насушно потребна на нашиот народ. Заев донесе криминал и корупција. Победата е голема бидејќи е на народот. Од Цветници Македонија има нова реалност. Оваа победа е голема затоа што е на народот, од денес Македонија има нова реалност. Македонија горда, честита. Победи коалицијата на ВМРО-ДПМНЕ со народот. Власта е делигитимрана. Народот против целата власт, власта е делегитимирана. Почна падот на Зоран Заев. Ајде да ги поразиме, потенцираше Мицкоски.

пред 6 години

Силјановска: Опозицијта успеала да им предочи на граѓаните, дека во отсуство на правда може да си раскажуваме приказни

Пресс конференција во ВМРО ДПМНЕ. Свои обраќања имаа кандидатот за претседател Гордана Силјановска Давкова и претседателот на ВМРО ДПМНЕ Христијан Мицковски.„Дозволете ми уште еднаш да се заблагодарам ан ВМРО ДПМНЕ и на членовите на коалицијата „За Подобра Македонија“, за отворената врата за некој однадвор како мене, а на овие гласови би сакала да им се заблагодарам на граѓаните кои длабоко се разочарале од власта и гласале за мене, на оние кои за прв пат гласале и гласале за мене. Знам дека допрва следи битката, но мислам дека ако ние добивме олкав број на гласови, и ако на тие ги додаме оние на Блерим Река, прикаската е јасна. И двајцата зборувавме за владеење на правото, борба против корупцијата. И само со таква приказна можеме да зачекориме во ЕУ. Нашите тези се на линија на излитената парола Нема правда, нема мир, зашто правда во Македонија нема. Крајот се насетува, јас немам што да изгубам, моите тези се јасни, рече Силјановска. За некој како мене кој во цалата кампања укажуваше на неодржливоста на ситем потонат во корупција на криминал и непотизам, тоа е најважно, значи опозицијта успеала не само да им предочи туку и да ги убедите граѓаните, дека во отсуство на права и правда може само да си раскажуваме приказни дека можеме да добиеме преговори, истакна Силјановска.Таа додаде:На ова земја и треба нов профил на политичари и политичка култура демократска, нов профил на лидертсво, кој не измислува и не лаже.Ако ние освоивме олку гласови и ако на нив ги додадеме гласовите приказната е јасна и демократска. Европска и само со таква приказна можеме да добиеме можност на преговори и да зачекориме во ЕУ. Се е врзано за владеењето на правото. Живот во Македонија може да има само со правна правна држава, истакна во дел од своето обраќање Гордана Силјановска Давкова. 

пред 6 години

(ВИДЕО) Кирацовски: Пендаровски води - очекувана е победата во првиот круг

На пребројани повеќе од половина од гласачките места, Стево Пендаровски е во водство пред противкандидатите. Очекувана е победата на Пендаровски во првиот круг, истакна Александар Кирацовски, генерален секретар на СДСМ и шеф на изборниот штаб.Предноста на Стево, кандидатот поддржан од сите етнички заедници, ќе значи сигурна победа во вториот изборен круг, во фер и демократска атмосфера.Во вториот круг, очекуваме граѓаните уште посилно да го поддржат напредокот и концептот што води напред.Нема да набројувам во кои населени места води Стево Пендаровски. Ова се избори за претседател на државата, на сите граѓани.Ова не се локални избори. ВМРО-ДПМНЕ бадијала се храбрат.Јасно е дека губат во првиот и дека ќе загубат и во вториот изборен круг. Нашата Македонија ќе добие вистински претседател на сите граѓани, Стево Пендаровски ќе биде идниот претседател на државата, истакна Александар Кирацовски, генерален секретар на СДСМ и шеф на изборниот штаб. ?t=267

пред 6 години

Јанушев: Правдата доаѓа, готови се - ВМРО ја победува власта

Секретарот на ВМРО-ДПМНЕ Игор Јанушев во 21 часот на првата прес-конференција објави голема победа на ВМРО-ДПМНЕ и нивниот кандидат Гордана Силјановска Давкова.Правдата доаѓа, готови се. ВМРО-ДПМНЕ победува, народот победува. Силјановска е изборот на народот. Гордана ќе биде! Првадата доаѓа. ВМРО ја победува власта. Водиме против кандидатот поддржан од СДСМ, ДУИ, ДПА, ЛДП, НСДП, целата власт. Против народот не се може, рече Јанушев.Од 43% од обработените гласови Силјановска и ВМРО-ДПМНЕ водат во голем број избирачки места и општини: Битола, Велес, Кавадарци, Кичево, Кочани, Неготино, Охрид, Прилеп, Пробиштип, Свети Николе, Штип, Аердром, Бутел, Гази Баба, Кисела Вода.Од обработените податоци веќе победивме во Пехчево, Јегуновце, Градско, Вевчани, Могила, Илинден, Лозово, Радовиш, Ѓорче Петров, рече Јанушев.

пред 6 години

Кои изборни неправилности се пријавени во МВР?

Во текот на денешниот изборен ден (21.04.2109), до 19 часот, регистрирани се четири случаи со фотографирање на гласачко ливче.Во 09.05 часот, на гласачко место во градинката „Лале- Срничка“ во општина Аеродром- Скопје, претседателот на избирачкиот одбор го забележал Р.Ѓ.(36) од Скопје како со мобилен телефон го фотографирал гласачкото ливче. Р.Ѓ. е приведен и по целосно документирање на случајот против него ќе биде поднесена соодветна пријава. Во 11,40 часот, на гласачко место број 1515 во село Обршани,општина Кривогаштани, К.П. (42) од село Обршани, со мобилен телефон го фотографирал гласачкото ливче и од страна на полициски службеници се преземаат мерки за расчистување и на овој случај. Во 16,05 часот пријавено е дека на Избирачко место број 1969, лоцирано во ЈКП Тетово, .В.П (36) од Тетово, откако гласал го фотографирал гласачкото ливче, а четвртиот случај е во с. Тромеѓа, кумановско, каде на гласачко место број 1080 во 16.49 часот, од страна на Избирачки одбор е побарано интервенција од полициски службеник, поради фотографирано гласачко ливче од М.Д. . М.Д е приведен во полициска станица лицето М.Д е приведен во полициска станица ,изготвен е Записник за констатиран прекршок по чл 190 ст 2 од Изборен Законик.Во 17.50 часот во с. Добрушево , Новаци на гласачко место 0219 пријавено е дека лицето Т.С(40) во видно алкохолизирана состојба по чинот на гласање , во обид да го стави ливчето во кутијата ја турнал гласачката кутија при што кутијата паднала на земја и се оштетила рачката од едната страна. Избирачкиот одбор едногласно одлучил дека изборниот процес може да продолжи без прекин, бидејќи процениле дека гласачкиот материјал не излегол од гласачката кутија. Лицето е приведено во СВР Битола и се преземаат мерки за расчистување на настанот.Околу 13 часот, телефонски е пријавено дека лице од село Кучичино, општина Чешиново- Кочани, кој што имал продавница во близина на гласачките места број 0880 и 0881, наводно вршел агитирање во својата продавница, односно делел пакети со продукти и пропаганден материјал. На лице место излезено е од страна на инспектори од Надворешната канцеларија за криминалистички работи Кочани и утврдено е дека станува збор за лицето С.С (53) од с.Кучичино општина Чешиново-Облешево кој во службениот разговор со инспекторите изјавил дека на три лица со престојувалиште од општина Штип им дал рекламен материјал со еден од кандидатите за претседател. Од страна на Надворешната канцеларија за криминалистички работи Кочани ќе биде доставено писмено известување до Основното Јавно обвинителство Кочани.Пријавени се и 11 случаи на агитирање, од кои за осум е веќе утврдено дека се непотврдени, а за три се преземаат мерки за проверка. За евентуалните дополнително пријавени случаи МВР ќе информира во текот на утрешниот ден.

пред 6 години

Штабот на Река: Загрижува што една четвртина од граѓаните се иселени

Од Изборниот штаб на Блерим Река првиот круг од претседателските избори ги оценија како фер и демократски, но со мал одѕив на гласачите.„Малиот процент на излезност на изборите за претседател на државата го потврдува нашиот податок од изборната програма дека една четвртина од граѓаните се иселени. Tоа е загрижувачки момент“, изјави Рамадан Реџепи, портпарол на Изборниот штаб на Блерим Река.

пред 6 години

Неправилности забележани од набљудувачите на МОСТ

Според потврдените информации, добиени од набљудувачите и регионалните канцеларии на МОСТ:• Фотографирање на гласачките ливчиња е забележано на 3 гласачки места – ГМ 1515 во село Обршани, општина Кривогаштани, ГМ 1969 во Тетово и ГМ 1080 во с. Тромеѓа, општина Куманово. Во сите овие случаи забележана е соодветна реакција на ИО и на полицијата. ИО направиле записници, а полицијата ги привела овие гласачи.• На ГМ 2778 во општина Кисела Вода, додека ИО проверувал дали одреден гласач бил запишан во Избирачкиот список, истиот веќе гласал, но пред да го стави ливчето во кутијата ИО увидел дека гласачот не е запишан во ИС. ИО не му дозволил да го стави ливчето во гласачката кутија, туку по консултација со ОИК, ИО истото го поништил со откинување на долниот десен агол.• На ГМ 0497 во с. Ново Село, општина Маврово и Ростуша, откинати се 8 гласачки ливчиња заедно со серискиот број. ОИК го инструирала ИО, кога ќе заврши гласањето, серискиот број на тие ливчиња да биде откинат и да биде залепен на кочанот.• На ГМ 0771, с. Козица, општина Кичево, кое се наоѓа во иста просторија со ГМ 0770, гласачко ливче od 0771 по грешка е ставено во гласачката кутија за ГМ 0770. ОИК дала инструкција случајот да биде внесен во записник.• НА ГМ 0219, с. Добрушево, општина Могила, гласач ја турнал гласачката кутија при што една од сигурносните ленти се скинала. Биле повикани ОИК и полицијата при што лицето било приведено. Гласањето било прекинато во период од 20 минути, по што истото продолжило.• На ГМ 0947 во Крива Паланка, 3 граѓани не биле запишани во Избирачкиот список, додека на ГМ 1320 во с. Велмеј, општина Дебарца, бројот на вакви граѓани е 10.Според податоците добиени од ПВТ програмата (паралелно сумирање на гласовите), која претставува математичко-статистички научен метод, одѕивот на гласачите до 14 часот е 25,1%, до 15 часот е 28,7%, до 16 часот е 31,8%, до 17 часот е 34,9%, додека до 18 часот е 38,2%.

пред 6 години

Спасовски: Гласањето помина мирно и без посериозни нарушувања на јавниот ред и мир

Гласањето помина мирно и без посериозни нарушувања на јавниот ред и мир. Институциите покажаа дека можат да организираат мирни и демократски избори, изјави министерот Оливер Спасовски.„Им се заблагодарувам на припадниците на МВР кои помогнаа целиот процес да помине во најдобар ред.Досега регистрирани се 4 фотографирања на гласачко ливче, сите се приведени и за сите ќе бидат поднесени соодветни пријави.Регистрирано е ошптетување на гласачка кутија од лице под дејство на алкохол во Новаци.Во село Кучичено регистрирано е лице кое делело рекламен материјал со еден од кандидатите за претседател и за тоа е известено јавното обвинителство“, изјави Спасовски.

пред 6 години

Силјановска Давкова: Очекувам да влезам во вториот круг, доколку се случи да не влезам ќе гласам за Река

Професорката Гордана Силјановска Давкова, кандидат за претседател на Република Македонија, денес го оствари своето право на глас.По гласањето таа даде изјава за медиумите во која говореше за очекувањата од изборите и за текот на кампањата.-Ова се посебни избори, не затоа што јас сум кандидатка и не затоа што за првпат жена има шанса да биде претседател на Македонија, туку заради условот. Ние треба да го докажеме европскиот реформски, демократски капацитет со фер и демократски избори. Тоа не е многу вообичаено во дваесет и првиот век, но се надевам дека ќе излеземе конечно од транзицискиот лавиринт и дека ќе влеземе во демократската транзиција. Кампањата се обидов да ја обојам женски, со знаење, со посветеност, со аргументи. Да докажам дека ние жените имаме посебни квалитети и посебен начин на менаџирање на проблемите. Мислам дека беше успешна кампањата. Очекувам да влезам во вториот круг, доколку се случи да не влезам ќе гласам за господинот Река заради стручноста, компетентноста и граѓанската ориентација, порача таа.

пред 6 години

Мицковски: Да победи правдата, граѓаните треба да бидат гласни против лагите, корупцијата, невладеењето на правото

Претседателот на ВМРО ДПМНЕ, Христијан Мицковски, по гласањето истакна:Најпрвин да го честитам денот, да го честитам и големиот христијански празник Цветници, денеска и така го започнав денот со литургија во „Св. Петар и Павле“, во црквата во Ѓорче, во близина на мојот дом.Денеска е практично ден кога граѓаните треба да бидат гласни, треба со ливчето со пенкалото во раката зад гласачката кутија, масовно да излезат и да одлучат еднашка засекогаш да бидат поразени неправдите во Република Македонија. Да победи правдата. И граѓаните треба да бидат гласни против лагите, корупцијата, невладеењето на правото, немањето на демократија во државата, нечесните политичари наместо честитоста и искреноста и принципиелноста.Така што денеска она кое што јас го очекувам е навистина еден убав демократски ден каде што граѓаните масовно ќе излезат и ќе се изборат за правдата наспроти оваа неправда која што е секојдневие. Оние таканаречени лаги кои што денеска ни ги пренесуваат политичките елити во Република Македонија од оние кои што се на власт.Така што еве посакувам еден успешен ден, ден во кој што ќе победи демократијата во Република Македонија, истакна Мицковски.

пред 6 години

Нема фотографија

Пендаровски: Граѓаните знаат дека не станува збор за индивидуален избор, туку станува збор за избор на концепт

Заедничкиот кандидат за претседател, Стево Пендаровски откако го изврши своето граѓанско право и гласаше, истакна:Очекувам мирен и спокоен ден, впрочем како што и доликува на една европска и демократска држава. Очекувам висока излезност, затоа што граѓаните знаат дека не станува збор за индивидуален избор, туку станува збор за избор на концепт, според кој Република Северна Македонија треба да продолжи понатаму да се развива, и да стане за еден кус временски период дел од Евроатлантските структури, се разбира на крајот на денот, очекувам да оствариме убедлива предност, која ќе ни даде можност во вториот изборен круг, дефинитивно да ја добиеме масовната поддршка на граѓаните за патот кој Република Северна Македонија го изминува во изминативе две години, а тоа е подалеку од изолацијата и поблиску до Европа кадешто реално припаѓаме, истакна Пендаровски.

пред 6 години

Нема фотографија

Заев: Како одговорен граѓанин на нашата земја, излегов и гласав

Премиерот Зоран Заев по гласањето истакна:„Секој ваков ден на гласање е убав, и важен, кога граѓаните на најдиректен начин, на демократски начин, носат важни одлуки за својата земја.Гласањето е чест, право, и граѓанска должност.Денеска очекувам сите наши граѓани да изберат Претседател на Република Северна Македонија. Од сите нас се очекува сериозна одговорност доколку постигнеме две работи. Избереме успешо претседател на државата и секако избереме претседател којшто ќе не води напред. Сериозна зрелост ќе покажеме сите ако демонстрираме демократичност во нашиот избор, ако изборите бидат успешни, ако го држиме единството во нашата земја, и силно чекориме напред кон современиот свет, кадешто припаѓа нашата земја, Република Северна Македонија“, истакна Заев.

пред 6 години

До 18:30 часот излегле околу 700.000 граѓани, односно 39,71%

Над 700.000 граѓани, односно 39,71 % до 18:30 мин. го оствариле своето граѓанско право за избор на нов претседател, соопшти ДИК.Гласањето течеше без проблеми. Избирачките места се веќе затворени.Во претседателската трка се Стево Пендаровски кандидат на СДСМ и коалицијата, Гордана Силјановска-Давкова кандидат на ВМРО-ДПМНЕ и коалицијатa, и Блерим Река, кој е поддржан од Алијансата на Албанците и Движењето Беса.Претседателските избори се спроведуваат на 3.480 избирачки места во 80 општини. Право на глас имаат 1.808.131 граѓанин.Според член 81 од Уставот, победата на еден од кандидатите во првиот круг може да им ја донесе мнозинство на гласови од вкупниот број избирачи, односно 904.066 гласови за кандидатот. Доколку не се случи изборот да биде завршен во првиот круг, во вториот круг одат двајцата кандидати што освоиле најмногу гласови во првиот круг.Вториот круг од изборите е закажан две недели подоцна, на 5 мај.

пред 6 години

До 17 часот излегле вкупно 496.774 граѓани, односно 35,13%

Вкупно 496.774 граѓани, односно 35,13%  до 17 часот го оствариле своето граѓанско право за избор на нов претседател, соопшти ДИК.Гласањето тече без проблеми и ќе трае до 19 часот кога се затвораат гласачките места.Во претседателската трка се Стево Пендаровски кандидат на СДСМ и коалицијата, Гордана Силјановска-Давкова кандидат на ВМРО-ДПМНЕ и коалицијатa, и Блерим Река, кој е поддржан од Алијансата на Албанците и Движењето Беса.Претседателските избори се спроведуваат на 3.480 избирачки места во 80 општини. Право на глас имаат 1.808.131 граѓанин.Според член 81 од Уставот, победата на еден од кандидатите во првиот круг може да им ја донесе мнозинство на гласови од вкупниот број избирачи, односно 904.066 гласови за кандидатот. Доколку не се случи изборот да биде завршен во првиот круг, во вториот круг одат двајцата кандидати што освоиле најмногу гласови во првиот круг.Вториот круг од изборите е закажан две недели подоцна, на 5 мај.

Македонија | пред 6 години

До 15 часот излегле вкупно 396.252 граѓани, односно 28,89%

Вкупно 396.252 граѓани, односно 28,89%  до 15 часот го оствариле своето граѓанско право за избор на нов претседател, соопшти ДИК.Гласањето тече без проблеми и ќе трае до 19 часот кога се затвораат гласачките места.Во претседателската трка се Стево Пендаровски кандидат на СДСМ и коалицијата, Гордана Силјановска-Давкова кандидат на ВМРО-ДПМНЕ и коалицијатa, и Блерим Река, кој е поддржан од Алијансата на Албанците и Движењето Беса.Претседателските избори се спроведуваат на 3.480 избирачки места во 80 општини. Право на глас имаат 1.808.131 граѓанин.Според член 81 од Уставот, победата на еден од кандидатите во првиот круг може да им ја донесе мнозинство на гласови од вкупниот број избирачи, односно 904.066 гласови за кандидатот. Доколку не се случи изборот да биде завршен во првиот круг, во вториот круг одат двајцата кандидати што освоиле најмногу гласови во првиот круг.Вториот круг од изборите е закажан две недели подоцна, на 5 мај.

Македонија | пред 6 години

Нема пријави за нерегуларности на избирачкиот процес до обвинителствата

До Јавното обвинителство засега не е пристигната ниту една пријава за нерегуларности на гласачкиот процес.–До овој момент изборниот процес се одвива мирно, без посериозни нарушувања. Ниту во Комисијата, ниту во основните обвинителства каде што има организирани дежурства, нема пријавен настан. Очекуваме дека така ќе продолжи до завршување на изборниот ден, изјави Бајрами.

Македонија | пред 6 години

МОСТ: Откако гласал забележале дека го нема во Избирачкиот список

Според потврдените информации, добиени од набљудувачите и регионалните канцеларии на МОСТ, гласањето се одвива во најдобар ред, без посериозни неправилности.Само на две гласачки места забележани се изолирани неправилности:На ГМ 2805/1 во општина Центар, Скопје, на почетокот од гласањето биле откинати 3 ливчиња заедно со серискиот број од кочанот.На ГМ 1385/1 во Прилеп, откако едно гласач гласал било увидено дека не бил запишан во Избирачкиот список, но тој гласал заедно со неговата сопруга која била запишана во Избирачкиот список и која се потпишала во истиот.Според податоците добиени од ПВТ програмата (паралелно сумирање на гласовите), која претставува математичко-статистички научен метод, одѕивот на гласачите до 11 часот е 11,2%, до 12 часот е 15,9%, додека до 13 часот е 20,8%.

Македонија | пред 6 години

До 13 часот излегле вкупно 284.942 граѓани, односно 20,45%

Вкупно 284.942 граѓани, односно 20,45%  до 13 часот го оствариле своето граѓанско право за избор на нов претседател, соопшти ДИК.Гласањето тече без проблеми и ќе трае до 19 часот кога се затвораат гласачките места.Во претседателската трка се Стево Пендаровски кандидат на СДСМ и коалицијата, Гордана Силјановска-Давкова кандидат на ВМРО-ДПМНЕ и коалицијатa, и Блерим Река, кој е поддржан од Алијансата на Албанците и Движењето Беса.Претседателските избори се спроведуваат на 3.480 избирачки места во 80 општини. Право на глас имаат 1.808.131 граѓанин.Според член 81 од Уставот, победата на еден од кандидатите во првиот круг може да им ја донесе мнозинство на гласови од вкупниот број избирачи, односно 904.066 гласови за кандидатот. Доколку не се случи изборот да биде завршен во првиот круг, во вториот круг одат двајцата кандидати што освоиле најмногу гласови во првиот круг.Вториот круг од изборите е закажан две недели подоцна, на 5 мај.

Македонија | пред 6 години

ОЈО: Возачот од Куманово кој удри во полицајци бил пијан

Надлежен јавен обвинител заедно со увидна екипа од Министерството за внатрешни работи изврши увид на местото каде синоќа се случи тешка сообраќајна несреќа во која животот го загуби едно лице, а неколкумина се повредени.Патничко моторно возило управувано од осомничениот, жител на Куманово кој бил видно под дејство на алкохол, удрило во двајца полициски службеници. Од тежината на повредите на лице место еден од полициските службеници починал. Возачот потоа продолжувајќи со управувањето со возилото удрил во друго патничко моторно возило во кое биле три лица и на сите им нанел телесни повреди. Возилото продолжило со движење, но од брзината и ударите се превртело, при што и возачот се здобил со телесни повреди. Сите повредени лица се згрижени во медицинска установа и им се укажува помош.Надлежен јавен обвинител донесе Наредба за вршење обдукција на телото на починатиот. Донесена е и Наредба за прибирање траги од лице место, фотографирање и скицирање како и натамошно вештачење со кое ќе бидат утврдени фактите во предметот.

Македонија | пред 6 години

Нема фотографија

МОСТ: Член на гласачки одбор ги откинал првите три ливчиња заедно со серискиот број

МОСТ ги демантира информациите кои се појавија во медиумите дека на првата прес-конференција одржана во 9:00 часот било известено за прекин на гласање поради неработење на УВ ламба и за графит со политичка содржина. На првата прес-конференција МОСТ извести само за гласачкото место 2344 во општина Студеничани. Напоменуваме дека официјалните соопштенија на МОСТ се испраќаат од меил адресата press@most.org.mkСпоред потврдените информации, добиени од набљудувачите и регионалните канцеларии на МОСТ, на гласачките места забележано е следното:ГМ 2344 во општина Студеничани не се отвори до 10 часот и поради тоа на ова ГМ денес нема да се спроведува гласање.На ГМ 0531, с. Здуње, општина Гостивар, член на избирачкиот одбор ги откинал првите три гласачи ливчиња заедно со серискиот број и истите биле искористени за гласање. Известена била општинската изборна комисија, направен бил записник и гласањето продолжило.Според податоците добиени од ПВТ програмата (паралелно сумирање на гласовите), која претставува математичко-статистички научен метод, одѕивот на гласачите до 9 часот е 3,7%, додека до 10 часот е 6,6%.

Македонија | пред 6 години

XAKEPCKИ HAПAД: Укpaдeн единствениот избирачки список, се продава на руски xakepcки сајт

Дата база со преку еден милион имиња, адреси и останати податоци за гласачите се продава на интернет, а истата се рекламира на руски сајт за xakepски „услуги“ дознава Инфомакс.„Јас пакистански xakep, продавам голема база од сајтот ‘izbirackispisok.gov.mk’ со преку 1 милион запишани. Во него има имиња, презимиња, дати на раѓање, фотографии, уверенија, адреса, град. Цена во приватни пораки. Фотографија од базата како дokaз“ – пишува во огласот објавен на руски xakepcки форум.Претходно од Државната изборна комисија објавија дека се соочуваат со технички пoтeшkoтии во нивниот систем, а претседателот на ДИК Оливер Дерковски објасни дека можен е xakepcки напад.Текстот во целост на: infomax.mk

Македонија | пред 6 години

Во едно избирачко место се доцнеше, а во друго денеска нема да се гласа

Утрово од 7 часот се отворија гласачките места низ државата за шестите претседателски избори. Гласањето низ државава се одвива мирно. Според портпаролот на Државната изборна комисија во општина Боговиње гласањето задоцнило еден чaс, и истото ќе се продолжи за еден час. Додека во општина Студеничани поради проблеми гласањето се уште не е започнато и истото денеска нема да се одржи.Според избирачкиот список на Државната изборна комисија, за предвремените локални избори во Охрид право на глас имаат 52.303 граѓани, во Дебар 18.625 и во Ново Село 11.365 граѓани.Во општините Охрид и Дебар изборите за градоначалник се распишани поради ненадејната смрт на градоначалниците Јован Стојаноски и Ружди Љата, а во Ново Село ќе се избира нов градоначалник, бидејќи поранешниот Боро Стојчев поднесе оставка откако беше осуден на затворска казна поради обид за шверц на цигари.

пред 6 години

Предвремени локални избори во Охрид, Дебар и Ново Село

Заедно со претседателските избори денеска се одржуваат и предвремени локални избори за градоначалници на Охрид, Ново Село и Дебар.Според избирачкиот список на Државната изборна комисија, за предвремените локални избори во Охрид право на глас имаат 52.303 граѓани, во Дебар 18.625 и во Ново Село 11.365 граѓани.Во општините Охрид и Дебар изборите за градоначалник се распишани поради ненадејната смрт на градоначалниците Јован Стојаноски и Ружди Љата, а во Ново Село ќе се избира нов градоначалник, бидејќи поранешниот Боро Стојчев поднесе оставка откако беше осуден на затворска казна поради обид за шверц на цигари.Вториот круг на предвремените локални избори за овие три општини ќе се одржи заедно со претседателските на 5 мај.

Македонија | пред 6 години

До 10 часот излегле вкупно 80.569 граѓани, односно 6,05%

Вкупно 80.569 граѓани, односно 6,05%  до 10 часот го оствариле своето граѓанско право за избор на нов претседател, соопшти ДИК.Гласањето тече без проблеми и ќе трае до 19 часот кога се затвораат гласачките места.Во претседателската трка се Стево Пендаровски кандидат на СДСМ и коалицијата, Гордана Силјановска-Давкова кандидат на ВМРО-ДПМНЕ и коалицијатa, и Блерим Река, кој е поддржан од Алијансата на Албанците и Движењето Беса.Претседателските избори се спроведуваат на 3.480 избирачки места во 80 општини. Право на глас имаат 1.808.131 граѓанин.Според член 81 од Уставот, победата на еден од кандидатите во првиот круг може да им ја донесе мнозинство на гласови од вкупниот број избирачи, односно 904.066 гласови за кандидатот. Доколку не се случи изборот да биде завршен во првиот круг, во вториот круг одат двајцата кандидати што освоиле најмногу гласови во првиот круг.Вториот круг од изборите е закажан две недели подоцна, на 5 мај.

Македонија | пред 6 години