Гордана Димитриеска-Кочоска

Димитриеска-Кочоска убедува: Трезорот работи, Буџетот е во одлична кондиција

Трезорот работи, се затвора на 31 декември, работите се извадени од контекст. Нема простор за паника, изјави денеска министерката за финансии Гордана Димитриеска - Кочоска по објавите дека трезорот се затвара на 15-ти месецов поради немање прилив и дека ќе бидат стопирани сите исплати.,,Ова прашање го следам деновиве и излезе од контрола. Не можам да ги разберам, поготово да доаѓа од опозиција која наместо да се средува во своите сопствени редови, до вчера беа власт и знае како функционира Трезорот. Трезорот работи. Друго е рокот што сме им го дале на институциите да ги достават налозите до трезорските канцеларии. Тоа значи секоја институција да ги достави налозите до 15-ти за да може да се организираме и да се следи исплатата со 31 декември”, рече Димитриеска.Појасни дека налозите ќе се примаат до 15-ти во месецов што не значи дека ако некој задоцни, дека нема да биде примен налогот.Во однос на информациите дека се доцни со исплатата на социјалните трансфери, министерката за финансии тврди дека во Трезорот не стојат налози за исплата, а доколку има задоцнување, тогаш тоа е во ресорните институции при подготовка на налозите.

Македонија | пред 1 седмица

Владата со еврообврзница од 950 милиони евра ќе го финансира јавниот долг за 2026 година

Владата го усвои предлог – буџетот за 2026 година кој ќе биде испратен во Собранието. Планот е да се приберат повеќе пари од даноци и придонеси, да се зајакне фискалната дисциплина. Издвоени се повеќе пари за плати, за пензии за социјални трансфери.,,Со Буџетот се обезбедува редовна исплата на плати и пензии, како и континуирана социјална заштита. Средствата за социјални трансфери се проектирани на 206,3 милијарди денари, што е раст за 6,7 проценти. Платите изнесуваат 52,6 милијарди денари, или 7 проценти повеќе во однос на оваа година, во кое е опфатено зголемување на платите со порастот на минималната плата. Транзициските трошоци уплати во вториот пензиски столб изнесуваат 19,6 милијарди денари, со раст од 22,5 проценти“, вели министерката Гордана Димитриеска Кочоска.Најголемиот предизвик за финансирањето на јавниот долг за следната година е сервисирањето или враќањето на обврзницата од 700 милиони евра. Тоа е она коешто најмногу му тежи на буџетот, порача денеска министерката за финансии Гордана Димитриеска Кочоска. Нагласи дека ќе се прави комбинација помеѓу странското и домашното задолжување, за, како што рече, да не ги оптоваруваме банките во земјава и да можат повеќе да го финансираат приватниот сектор.,, Има 200 милиони евра дополнителни обврски кон странство, односно долгови од претходно што треба да ги вратиме. Од таа причина, финансирањето е предвидено да оди со евро обврзница од 950 милиони евра. Можеби тој износ ќе се зголеми затоа што се предвидени уште 350 милиони евра дополнително странско задолжување и уште 400 милиони евра на домашниот пазар, рече министерката.

Македонија | пред 1 месец

Средба на Николоски и Димитриеска Кочоска со Тим Рид: Го потврдуваме стратешкото партнерство, следат конкретни чекори за реализација на проектите од Договорот Влада со Влада

Заменик претседателот на Владата и министер за транспорт Александар Николоски и министерката за финансии Гордана Димитриеска Кочоска, остварија работна средба со Тим Рид, извршен директор на Националната агенција за надворешно финансирање на Обединетото Кралство -УКЕФ.На средбата се разговараше за деталите околу соработката и подршката што ја овозможува оваа Агенција во рамки на Договорот за соработка меѓу двете земји.На Македонија се ставени 6 милијарди евра на располагање преку УКЕФ за реализација на капитални проекти кои треба да го подржат севкупниот развој на државата и треба да донесат додадена вредност во делот на транспортот, здравството, образованието, енергетиката и животната средина.Како што потеницираше вицепремиерот Николоски, покрај финансискиот дел, исклучителна е подршката на Велика Британија во насока на пренесување на експертски знаења и искуства и технологии во реализација на крупните проекти предвидени со партнерскиот договор Влада со Влада.Притоа вицепремиерот Николоски ја истакна огромната посветеност на Владата во реализација на инфраструктурните проекти кои се опфатени во првата фаза со Договорот, со посебен фокус на брзата пруга и инвестициите во изградба на нови болници.На средбата се прецизираа идните активности во однос на соработката меѓу двете земји, користење на финансиските средства и подршката во реализација на проектите.Вицепремиерот Николоски го потврди стратешкото партнерство истакнувајки дека Велика Британија е силен подржувач на Македонија во нејзиниот развој, со добри политички и трговски односи и можност за нови партнерства преку нови инвестиции.

Македонија | пред 2 месеци

Пратеничките се скараа пред 8 март, министерката за финансии не сака да се извини

Пред осмомартовска кавга меѓу пратеничките. Во Клубот на пратенички кавга и несогласување за ставот за навредата на министерката Гордана Димитриеска-Кочоска кон пратеничката Славјанка Петровска.По седницата на Клубот на пратенички, на кој се постигна консензус за осуда на секоја форма на дискриминација врз жените од собраниската говорница, пратеничките од ВМРО-ДПМНЕ се предомислија и ја повлекоа согласноста за објава на реакцијата.Ова во изјава за медиумите го објави пратеничката Јована Тренчевска. Според неа пратеничките од мнозинството одлучиле да го премолчат неодамнешното однесување на министерката за финансии. А министерката за финанси и понатаму одбива да се извини за навредите кои од собраниската говорница на пратенички прашања ги упати кон пратеничката од СДСМ Славјанка Петровска. Димитриеска-Кочоска на пратеничката од СДСМ Славјанка Петровска, која го искористи законското право да постави пратеничко прашање на седницата во Собранието, наместо да ѝ одговори ѝ рече дека таа нема право во прашањата да спомнува мајки и семејства, за разлика од неа која е мажена и има два сина.Според министерката во јавноста се прави дефокус во однос на тоа што таа го кажала од говорницата и било лошо интерпретирано.„Воопшто немало тенденциозност, ниту некаква намера. За мене како што кажав, тоа е затворено, но би замолила една работа. Граѓаните да бидат стрпливи, да почекаат малку. Времето ќе покаже кој бил во право, а кој не бил и зошто се случуваше сето ова“, рече Димитриеска-Кочоска.Пратеничката Славјанка Петровска поднесе претставка до Комисијата за заштита од дискриминација за понижување и дискриминација по основ на брачен и семеен статус.

Македонија | пред 9 месеци

Спикерот Гаши побара министрите да внимаваат како се однесуваат кон пратениците

Денеска, на брифинг со новинарите, претседателот на Собранието, Африм Гаши порача дека секој може да ги искажува политичките ставови без навреди.Пратениците се тие кои ги бираат министрите.„Собранието има надзорна функција врз Владата, пратеничките прашања се алатка за постигнување на тој ефект и мислам дека особено Владата треба да биде внимателна во Собранието како се однесува кон пратениците, а министрите на седницата за пратенички прашања знаат дека доаѓаат да одговараат на прашања, предупреди Гаши на брифинг со новинарите.Ова беше негов став по вчерашната кавга, кога министерката за финансии, Гордана Димитриеска Кочоска, од говорница ѝ рече на пратеничката на СДСМ Славјанка Петровска дека нема право да зборува за потрошувачката кошничка затоа што нема деца и семејство. Петровска реагираше дека министерката сакала да ја навреди и да ја омаловажи и дека го достигнала дното.Социјалните мрежи зовреа од осуди за кажаното од министерката за финансии.

Македонија | пред 9 месеци

Министерката за финансии најави покачување на платите на вработените во образованието

Министерката за финансии Гордана Димитриеска Кочоска, денеска од Охрид најави дека ќе има покачување на платите за вработените во образованието.,,Да го завршиме буџетот, меѓутоа е и една од работите на која што цврсто стојам, тоа е зголемување на платите за основно и средно образование за наставниците. Мојата борба исто така е да обезбедиме средства за зголемување на плати во здравството.", истакна таа.Одговори и за обвинувањата на опозицијата по однос предвидениот заем на средства од Унгарија, дека наводно со тие средства ќе биде зголемено задолжувањето на државата, таа повторно посочи дека се работи за средства кои биле планирани и од страна на сега опозициската партија.,,Тие 500 милиони евра се истите оние коишто беа планирани во нивниот буџет. Ние тука ништо не зголемивме, истите се идентични. Колку што било предвидено да се зголеми долгот со нивниот иницијален буџет, истото и со нашиот. Разликата е во тоа што сакајќи да прикажат дека задолжувањето односно јавниот долг на државата ќе биде со помал процент , вештачки го надувале буквално народски кажано БДП односно стапката на раст. Ние само ја намаливме односно ја сведовме на нешто што очекуваме да биде реално за 2024 година. И сега се трудат да направат некоја забуна кај граѓаните или да ги однесат во една друга насока, дека ние го зголемуваме јавниот долг. Ние ништо не менуваме. 500 милиони евра, они имаа предвидено евро обврзница, ние велиме ќе биде кредитот од Унгарија. Зошто. Затоа што во овој момент, пазарот, европскиот кажува дека каматната стапка која што би ја добиле би била повисока од 5,5 проценти. Овој кредит е со 3,25 проценти.", вели Димитриеска Кочоска.Министерката за финансии имаше и обраќање пред учесниците на 23-та по ред Годишна конференција на Македонската берза што од денеска се одржува во Охрид.

Македонија | пред 1 година

Димитриеска Кочоска: Затекнавме Буџет по желба, наместо развој, со ребалансот обезбедивме 4,1 милијарда денари за плати и 5 милијарди денари за исплата на пензиите

,,Прв пат ја имам можноста да се обратам кон вас како Министер за финансии и тоа за најважниот документ кој што го изработува ова министерство Буџетот, односно во оваа ситуација Ребалансот на буџетот.Најнапред сакам да информирам дека лошата состојба во буџетот ги надмина и нашите очекувања. Во овој краток период додека се подготвуваше ребалансот отворив многу прашања, но исто така добивав и многу непријатни изненадувања секојдневно.Ветив дека секогаш ќе бидам искрена пред граѓаните.Пред да ги посочам најважните работи од ребалансот сакам да кажам дека затекнуваме состојба која значи држава во хаос и долгови. Буџет кој е список на желби, место креиран развој. Предимензионирани плаќања. Економијата е во клиничка смрт.И тука најпрво би сакала пред да почнам да ги зборувам другите податоци, да упатам огромна благодарност до моите колеги од Министерството за финансии, посебно од мојот кабинет и од Секторот за буџети и фондови, бидејќи во овие денови макотрпно работеа ден и ноќ за да може да ги имаме најпрецизно сите податоци, за да не направиме оштетување, и притоа да внимаваме на граѓаните и бизнисот.Најпрво ќе тргнам од макроекономските проекции и тоа раст на БДП за 2,1 проценти односно негово ревидирање надолу од првично планираниот 3,4%. Остварувањата во првиот квартал од 2024 како и одредени статистички индикатори за вториот квартал јасно покажуваат дека првично проектираниот БДП е неостварлив. Инфлацијата е предвидена на ниво од 3,5% додека пак растот на нето платата е предвиден на 13%.Во првиот квартал од 2024 година економската активност забележа реален раст од 1,2 проценти со што продолжи динамиката од претходните квартали, која резултираше со низок просечен раст од 1 процент во 2023 година.Индустрискиот сектор забележа пад од 1,2 проценти во првиот квартал од 2024 година. Градежната активност забележа пад од 2,5 проценти. Земјоделскиот сектор регистрира двоцифрен пад од 19,7 проценти по падот од 15,3 во претходниот квартал со што продолжуваат негативните остварувања во овој сектор. Исто така нето извозот бележи негативен придонес врз економскиот раст во првиот квартал од 2024 година. Согласно месечните податоци за надворешно трговска размена во мај извозот на стоки бележи пад од фрапантни 21,6 проценти. По слабото остварување во 2023 година во однос на очекуваните податоци за економските движења во првата половина од 2024 година, како и понеповолното меѓународното опкружување условија надолна ревизија на очекувањето за раст на домашната економија годинава, кој е проектиран на ниво од 2,1 процент, наспроти како што спомнав 3,4 проценти колку што беше планирано.Притоа растот се очекува да биде придвижен од домашната побарувачка, додека нето извозот се очекува да има негативен придонес врз растот. Инфлацијата е предвидена на ниво од 3,5 проценти, додека растот на нето платата на 13 проценти. Во текот на втората половина од годината се очекува понатамошно забавување на растот на инфлацијата, односно стабилизирање на цените на храната и енергенсите, како и поумерен притисок од базичната инфлација.При подготовка на ребалансот се тргна од неколку претпоставки т.е. колку средства можат да се прераспределат во веќе постоечкиот буџет од ставки кои бележат слаба реализација, планирање на средства кои иако имало законска обврска не биле предвидени како и доспеани обврски кон граѓаните и бизнисот.Врз основа на направената прераспределба обезбедивме околу 20 милијарди денари, дополнително уште 11 милијарди денари се планирани за покривање на доспеаните обврски кои биле законски, а не биле планирани. Тоа резултира буџетскиот дефицит да се зголеми за 11,156 милиони денари.Вкупните приходи во буџетот се планирани на ниво од 318 милијарди 150 милиони денари и бележат зголемување за 8 милијарди и 22 милиони денари. Ова зголемување е резултат на повисоко остварување на придонесите, а се темели на зголемување на платите во дел од јавните институции како и очекувањата за раст на платите во приватниот сектор. Исто така планирано е и зголемување на даночните приходи од сопствени сметки.Расходите се планирани во износ од 362 милијарди 816 милиони денари, односно на расходна страна имаме зголемување од 19 милијарди 178 милиони денари.При тоа со ребалансот се обезбедени:4,1 милијарда денари за плати од кои 1,1 милијарда денари за блок дотации кои не биле планирани во основниот буџет. Во дел од институциите имаше планирано плати само за до месец јуни. Евидентирани се сериозни проблеми во овој дел кои се резултат на индивидуалниот пристап на претходната влада за платите. Затоа сето ова ќе бара темелна анализа и носење сериозни одлуки.5 милијарди денари за пензиите. Тука морам да напоменам дека планираните средства за 2024 би биле доволни доколку декемвриската пензија не била реално исплатена во јануари. На овој начин нереално е прикажан помал буџетски дефицит за 2023 година во износ од скоро 7 милијарди денари, и тоа е една од причините што сегашниот буџетски дефицит бележи раст.Обезбедивме средства и за гаранции, односно со ребалансот обезбедивме 5,1 милијарда денари за сервисирање на кредитни обврски кон меѓународни финансиски институции во име на државни и јавни претпријатија. Имено ЈПДП, ЈСП, Железници, ЕСМ не се во состојба да ги враќаат кредитите за кои се издадени државни гаранции, а согласно закон Министерството за финансии има обврска да ги враќа средствата во нивно име. Последиците од крајно расипничкото работење во овие претпријатија повторно паѓаат на терет на граѓаните. Како и да е за истото треба да има одговорност.600 милиони денари обезбедивме за исплата по судски решенија. Штетите кои ги трпи буџетот по однос на извршни исправи е огромна. Имено само за 2023 година исплатени се 1 милијарда 671 милион денари. Станува збор за различни предмети пред се од повреди на Законот за работни односи односно префрлање на вработени од едно на друго место кои тужеле и добиле. Понатаму извршни исправи кои се исплаќаат за изгубени предмети на Судот за човекови права. Побарав дополнителна анализа во изминативе денови која покажа дека предметите ги губиме заради грешки на судии од недонесување на судска пресуда во рок и слично. Само за 2024 година се исплатени 3 милиони евра по овој основ.Зголемување на каматите за 822 милиони денари поради раст на дел од каматите врзани со еурибор. Воедно повторно морам да напоменам дека во следните 4 години односно 2024-2028 година вкупниот долг или отплата кој што треба да ја направиме само по основ на каматите е 1 милијарда и 800 милиони евра.Обезбедивме 1 милијарда денари за исплата на законската финансиска помош во зоните, која што претходната влада ја знаела, но не ја обезбедила во буџетот.322 милиони денари за Државна изборна комисија кои не беа испланирани за исплата на медиумите согласно Изборниот законик а за кои постои законска обврска.644 милиони денари за студентски оброк и за стипендии, исто така законска обврска која не била предвидена6 милијарди денари за проекти за капитални инвестиции во општините132 милиони денари исплата кон фондовите на ЕУ поради констатирана злоупотреба на средства од страна на ОЛАФ во националната агенција за мобилност Еразмус.143 милиони денари за закупнини во ДКП150 милиони денари за МРТВ законска обврска која не била предвиденаТранзициски трошоци втор столб 400 милиони денариЗдравствено осигурување за пензионери 879 милиони денари1 милијарда и 700 милиони денари за ФЗОМ за исплата на доспеани обврски и боледувањаСубвенции за земјоделие во износ од 1 милијарда и 7 милиони денари кои се доспеани. На овој начин после долги години земјоделците ќе ги добиваат субвенциите навреме.550 милиони денари за ваучери во спортот кои се законска обврска а не биле воопшто планирани.80 милиони денари за Биро за развој на образование односно за учебнициЗа мој ДДВ обезбедени се 1 милијарда денари кои не беа обезбедени во постоечкиот буџет.Токму со овој ребаланс новата влада ќе ја подобри состојбата на огромен број на граѓани и бизнис заедницата вклучително земјоделци, млади, стари, спортисти и други.Згора на сето ова за мене несфатливо е дека на сопствени сметки дел од институциите имаат скоро 14 милијарди денари, тоа се повеќе од 200 милиони евра. Секоја институција треба да разбере дека обавува јавна дејност, троши народни пари и од таа причина треба да настапува домаќински. Тоа значи дека овие средства треба да ги користат со цел да го намалат оптоварувањето на буџетот. Имено за овие средства се земаат кредити за кои годишната камата е скоро 13 милиони евра.Сметам дека секоја институција треба да си ги провери своите закони согласно кои располага со сопствени сметки и истите да ги користи за тековни расходи или капитални расходи со цел да се намали оптоварувањето на буџетот. Во овој момент тие пари стојат на сметки без никаков позитивен ефект напротив само трошоци креираат. Мора да разбереме дека сите треба да работиме во интерес на граѓаните бидејќи станува збор за народни пари.И покрај сите овие предизвици во ребалансот, убедена сум дека Буџетот за 2025 година ќе донесе нова надеж многу подобро и подомаќинско планирање и конечно реализирање на проекти кои ќе имаат додадена вредност на целата економија преку кои граѓаните и бизнис заедницата ќе почувствуваат позитивни ефекти и подобар животен стандард.Изменувањето и дополнувањето на Буџетот во 2024 година е насочено кон ревидирање на иницијалните фискални проекции во согласност со макроекономските движења во првата половина од годината, реструктуирањето на буџетските расходи за сервисирање на најприоритетните обврски како и оптимизирање на изворите на финансирање на буџетскиот дефицит.За таа цел за време на вчерашната седница на Владата предложив неколку заклучоци кои беа усвоени, а со кои, се задолжуваат буџетските корисници и единките при склучување на Колективните договори да ги имаат предвид одобрените буџетски средства и да не преземаат обврски за кои немаат обезбедено средства во буџетот за тековната година и утврдените максимални износи на расходи на среден рок.Се задолжуваат јавните претпријатија и Акционерските друштва во државна сопственост при склучување на Колективните договори претходно да побараат мислење од Министерството за финансии. При имплементација на Буџетот, буџетските корисници да не преземаат обврски над обезбедените средства со буџетот за соодветната фискална година.Оние буџетски корисници кои остваруваат само финансирачки активности и имаат неискористени средства во форма на салдо на сметки, тековното работење на институцијата наместо со буџетски средства да се финансира со користење на средства од сопствените сметки. Дополнително се задолжуваат буџетските корисници континуирано да ги спроведуваат активностите за наплата на сопствените приходи. Сите субјекти согласно ЕСПЕО да ги почитуваат обврските за навремено пријавување на доспеани, а не платени обврски согласно законските рокови, бидејќи тука констатиравме многу пропусти изминатиот период.На општините, јавните претпријатија и трговските друштва во државна сопственост им се препорачува да ги консолидираат финансиите, односно да преземат активности за наплата на сопствените приходи како и да ги намалат непродуктивните трошења.Исто така работодавачите од јавниот сектор да преземат итни активности за спроведување на функционална анализа и за истото да ја информираат Владата.Сите буџетски корисници да преземат итни активности во рамки на своите институции, единки корисници во насока на спроведување на вонредни ревизии за утврдување на наменското трошење на финансиските средства на Буџетот, најдоцна во рок од 30 дена до Владата да достават повратна информација.И последно, се задолжуваат Министерството за образование и наука, Министерството за социјална политика, демографија и млади и Министерството за одбрана да достават распределба на наменски блок дотации по општини.”, вели министерката за финансии, Гордана Димитриеска-Кочоска.

Македонија | пред 1 година

„Откажана е еврообврзницата од 600 милиони евра, Тупанчевски не сакал да потпише“, тврди Кочоска

Откажана е еврообврзницата од 600 милиони евра, а причина за ова е смената на министерот за правда кој не сакал да потпише и без негов потпис понатаму не може да се движи постапката, напиша на својот фејсбук-профил Гордана Димитриеска-Кочоска, член на ИК на ВМРО-ДПМНЕ и поранешна заменичка во Министерството за финансии.„Ова е најголем доказ дека и во владата има голем раскол и дека нема капетан на бродот.-Како можевте да дозволите ваков срам на државата и да ја оставите без пари?-Кој ќе сноси одговорност за ваков непромислен потег?-Дали намерно ја втурнувате државата во банкрот?Докторите немаат земено плата а изговор ви е дека ги чекате парите од еврообврзницата. Повеќе од јасно е дека тие пари нема да ги добиеме.Оставка на цела влада веднаш“, стои во објавата.

Коментари | пред 2 години