идризово

Бунт во Идризово, чуварите попладнево на протест

Вистинска драма утринава се случуваше во затворот Идризово откако вчера полицијата влезе во затворот и заплени огромна количина на дрога, ладно оружје како и мобилни апарати од затворениците.Од непознат сторител утринава беше запалено возилото на командирот на затворската чуварска служба во КПУ Идризово.Пожарот бил подметнат во 1:50 часот по полноќ, а возилото било паркирано во кругот на затворот покрај управната зграда на Идризово.Поради настанот денес во 17 часот затворските чувари во Идризово излегуваат на протест пред затворот, како поддршка за колегата кој остана без својот автомобил.

Македонија | пред 3 години

Запален авотмобил на командир од Идризово

Утрово на паркингот пред затворот во Идризово е запалено возилото на командир вработен во затворот.Според изворот на Аваз.мк, возилото било паркирано на паркингот кој се наоѓа пред затворот додека командирот бил на работа.Случајот е пријавен во полиција.Екипите на МВР се на местото на настанот, се врши увид. Фото: Аваз.мк

Скопје | пред 3 години

Апасиев „распука“ по Алтернатива: Имаат директор на Идризово каде најдоа дрога и оружје, па они биле за ЕУ, а Левица проруска?

Лидерот на политичката партија Левица, Димитар Апасиев на социјалните мрежи вели дека партија со тројца пратеници во Собрание држи три минисерства и десетици директори, меѓу кои и КПД Идризово каде вчера беа најдени дрога и оружје.„Алтернатива на Гаши воспостави прекрасна пракса во социјалдемократското слугување на бализмот = "колку пратеници, толку министри"! Замислете, партија со тројца пратеници во Собрание, држи три министерства во Влада и десетици директори, меѓу кои и на КПД Идризово, каде вчера најдоа дрога и оружје. И овие биле за ЕУ, ама Левица била проруска!?“, вели Апасиев.

Коментари | пред 3 години

Исмејување на претресот во затворот Идризово: „Сега овие што претресува, истите најдени ствари, ќе им ги препродаваат на затворениците. Абеее, бизнис“

По вчерашните претреси во КПУ Идризово, јавноста не бара одговорност од затворениците кои поседувале така наречени недозволени предмети, туку од чуварите, управата и Управата за извршување санкции која назначува директор на затворот. За никого не е чудно што биле пронајдени телефони, а посочуваат дека за дрогата треба некој да понесе одговорност. Запленувањето на скоро 50 ножеви, во јавност се коментира: „Сигурно во кујна влегле, нема друго објаснување“.„Полицијата извршила претрес у КАПЕДОМ Идризово. Да се смеам или да плачам е работава“, пишуваат на „Твитер“.„Нема што нема во Идризово“, вели друг твитерџија.„Бизнис центар Идризово“, пишува Царевата ќерка.Други се чудат на изјавата од директорот на затворот дека не е јасно како дрогата и телефоните влегле внатре.„Во Идризово при претрес кај затворениците за диво насеље пронајдени, оружје, дрога и (телефони мање више битно) а што очекувало мвр да пронајде енциклопедија и литература од Хомер?!“, коментираат јавно.Има и исмејување за акцијата.Свој коментар имаше и Црвенокосата: „'МВР го тресеше Идризово за дрога, оружје и телефони' Ехехехехехехехееее, не знам дали да се смеам или да плачам“.Други пак, имаат свое гледиште и велат: „Сеа овие шо претресува у Идризово, истите најдени ствари, ќе им ги препродаваат на затворениците. Абеее, бизнис. Да, врти парата“.„50 телефона и 37 ножа у Идризово а? Уше ли по 100€ од тел. зимаат чуварите, или качено е пошто е криза?“, прашува твитеџија.„Абе во Идризово напраиле претрес изгледа во кујната, друго објаснување за сите тие ножеви немам“, коментираат на Твитер.„Во затворот во Идризово нашле дрога, оружје.. Е не книги ќе најдат“, пишуваат твитерџиите.И други се исмејуваат со акцијата.Некои имаат свој осврт.https://twitter.com/onepickright/status/1536763325492641794 

Коментари | пред 3 години