илиевски

„Да помислиш дека ќе бидеш поголем од Македонија… црн печат и да се не грлимо“, вели Илиески за Мирковиќ кој го нападна Мицкоски поради Лукас

По приведувањето на српскиот пејач Аца Лукас во Кавадарци, тензиите меѓу дел од српската естрадна сцена и македонската политичка јавност дополнително се засилија. Најостри реакции дојдоа од Саша Мирковиќ, директор на „Хајп ТВ“, кој упати серија провокативни критики кон премиерот Христијан Мицкоски, алудирајќи дека апсењето било политички мотивирано од Цеца која изминатите недели на еден од настапите подигна бугарско наместо македонско знаме, кое го добила од публиката.„Мислев дека Мицкоски е премиер на Северна Македонија, а не Северна Кореја“, изјави Мирковиќ, додавајќи дека доколку постоеле неправилности, институциите требало да реагираат кон клубот, а не кон изведувачот. Тој го повика премиерот да се „откачи од црната вдовица“, алудирајќи на претходни контроверзии.На неговите изјави остро возврати Богдан Илиевски, член на ВМРО-ДПМНЕ и водител на „Вечерното шоу“. Тој оцени дека Мирковиќ шири невистини и го обвини за обиди за манипулација со јавноста.„Да помислиш дека ќе бидеш поголем од Македонија… црн печат и да се не грлимо“, порача Илиевски, обвинувајќи го Мирковиќ дека со години профитирал во земјава, а сега се обидува да ја политизира ситуацијата со приведувањето на Лукас.Инцидентот со турбо-фолк пејачот, настана кога тој беше приведен поради настап без дозвола, а во клубот, МВР кажа дека констатирале неиздавање фискални сметки и надминување на дозволениот број гости во локалот. Ова прерасна во регионална медиумска тема. Истовремено, МВР останува на ставот дека интервенцијата била исклучиво по основ на прекршоци и без политички мотив.

Македонија | пред 1 месец

Илиевски: Приоритет за наредните четири години е градинка во село Челопек и дом за стари лица во Брвеница

Јовица Илиевски, кандидат за градоначалник за општина Брвеница од редовите на ВМРО- ДПМНЕ, на денешниот митинг одржан во рамките на изборната кампања за локалните избори 2025 година, под слоганот „Вистинскиот избор! Твојот човек! Твоето место! За твојата иднина!“ се обрати кон присутните истакнувајќи дека во изминатите четири години општина Брвеница покажа дека чесната, транспарентна и посветена работа резултираа со успех, со реализација на ветените проекти при што се осврна на истите.„Реализиравме вкупно 125 проекти, извршивме комплетна реконструкција на повеќе училишта во нашата општина со термоизолациона фасада, внатрешно уредување, нови кровови, како и изградба на спортски терени со вештачка трева во сите населени места. Изградивме и уредивме рекреативни паркови во сите населени места. Отворивме нов бунар за водоснабдување со нова пумпа и куќиште, поставивме нови автобуски постојки, нова канализациона мрежа во целата општина, покриена е 90 проценти од патната инфраструктура во нашата општина“.Илиевски во продолжение пред присутните ја претстави визијата и програмата кои ќе значат континуитет во изградбата на општина Брвеница во уште посовремена, економски успешна и развиена општина Брвеница во наредните четири години.„Како број еден проект ја нагласувам изградбата на новата градинка во село Челопек, со капацитет од 50 корисници, со чија изградба ќе се обезбеди место за секое дете, особено за оние од социјално ранливите семејства, престојот ќе биде бесплатен. Развојот на индустриската зона „Брвеница“, ќе ја прошириме оваа зона за да донесеме уште повеќе инвестиции и да ја намалиме невработеноста. Нов проект за повеќе населени места кои имаат потреба од довршување на примарната и секундарната мрежа за отпадни води. Изградба на дом за стари лица во Брвеница со капацитет од 50 корисници. Планирани се и нови проекти во културата, спортот, животната средина, здравствената заштита и дигитализација на општината“, рече Илиевски.На крај, Илиевски истакна дека работи за успех на општина Брвеница, со јасна визија и јасен став во насока на подобрување на животот на сите граѓани без разлика на вера или етничка припадност.

Македонија | пред 3 месеци

Илиески: ВМРО – ДПМНЕ во Битола се распарчи на три дела

„На една страна е градоначалникот, Тони Коњановски и неговите приврзаници, на друга страна се советниците од ДПМНЕ и коалицијата, а на трета страна е Општинскиот комитет во Битола.Расколот во ВМРО – ДПМНЕ Битола се случува после дебаклот со собраните потписи за поддршка на Силјановска.И покрај сите притисоци кои ги правеа, не ја добија очекуваната поддршка од битолчани!Два дена подоцна, советниците од ДПМНЕ и коалицијата му свртеа грб на својот градоначалник, Тони Коњановски.Не гласаа за завршната сметка што тој ја предложи, а две и пол години го фалеа дека фантастично работи.СДСМ и коалицијата во советот на општината нема да дозволат Битола да биде заложник на расколот во ВМРО – ДПМНЕ и ќе ги заштитиме интересите на граѓаните.ДПМНЕ не може да донесе никаква позитивна или суштинска промена кон подобро. Иако имаат 2 години локална власт во Битола не направија ништо.Во ДПМНЕ војуваат кој да биде пратеник, а граѓаните на Битола уште војуваат со кал и ископани улици.Со Тони и ДПМНЕ Битола тони! Затоа, битолчани ќе го казнат ДПМНЕ на следните избори“, вели Методија Илиески, координатор на советничката група на СДСМ и коалицијата во Советот на Општина Битола.

Македонија | пред 1 година

Илиевски за изјавата на Ковачевски: И ова ако не е крајот на ваквите помочковци во политиката, ќе биде крајот на Македонија

Ако во минатото се слушал гласот на народот, Македонија денеска ќе била без Рамковен договор и надвор од НАТО, вели премиерот Димитар Ковачевски.„Во 2001 ние ќе немавме Рамковен договор, ако ги погледните анкетите пред Преспанскиот договор, ние денеска немаше да бидеме во НАТО, ако ги погледнете анкетите при прифаќањето од страна на Собранието за заклучоците за европскиот предлог и скрининг процесот, па ние уште ќе го немавме отпочнато скрининг процесот, исто и сега, лидерството е да донесете одлука за сегашните и идните гернерации, а не да се криете позади народот“, рече премиерот Димитар Ковачевски.Богдан Илиевски вели дека ова е најсрамните изјави од македонски политичар„Ова е една од НАЈСРАМНИТЕ изјави од македонски политичар која сум ја чул во мојот живот. Слушајќи го овој труп, ова брсдко гојдо, се осетив бедно и казнето што живеам тука и сега, а во исто време и гордо и охрабрено да продолжам со она што го правам.Бидејќи вакви полу-производи кои 5 гласа на избори не добиле во живот и се МОЧААТ на својот народ, осеќајќи се веројатно одбрани од Бога /црпнати од нива, иста е шемата/ да носеле тешки одлуки, се НАЈЛОШОТО што може да го снајде еден народ. Еј, ги гледа од високо своите сограѓани, комшии, познати и непознати, со сета своја простачка бедотија и во очи ти вика „ме заболе што вие мислите, јас ќе ви кажам“. Тој ќе носел „храбри одлуки“, џанам Мендела после 28 години во затвор ти се обраќа, а не татино бирократко дерле кое било доволно лигаво да наследи еден цреп ко Заев.Ова не е лидерство, ова е антилидерство. Ова не е храброст (да наведнеш глава и кичма пред ветото на „посилниот“) туку е кукавичлук.И ова ако не е крајот на ваквите помочковци во политиката, ќе биде крајот на Македонија. Ако не биде победен до ниво на историски резил ваквиот пристап кон сопствениот народ, ваквото игнорирање на убедливото мнозинство, ваквото потценување на искуството и умот на сите Македонци... не заслужуваме држава“, вели Илиевски.

Коментари | пред 2 години

Зошто Пендаровски нема ист аршин кон другите осудени за 27 април, прашува Илиевски

Богдан Илиевски, еден од лидерите на граѓанската иницијатива „За заедничка Македонија“ што беше притворен, па амнестиран за настаните од 27 април 2017 година во Собрание, реагира за помилувањето (само) на Абдулфета Алими од претседателот Стево Пендаровски.„Ај уште еднаш…Не треба да соопшти Пендаровски детали за помилувањето на Абдулфета Алими. Фета е невин и е неправично осуден за терористичко загрозување на уставен поредок и треба да биде на слобода. ТРЕБА ДА СООПШТИ ЗОШТО нема ист аршин кон другите осудени во политички конструираниот монтиран процес со лажни сведочења на докажани лажни сведоци, осудени со драконски казни од партискиот судија на СДССМ, во процес кој заврши со три гласа за промена на името на државата. Тоа треба да го соопшти Пендаровски“, коментира Илиевски на Фејсбук.

Коментари | пред 3 години