ИЗМАМИ

Се праќаат лажни пораки за „Сејф сити“ – не отворајте линкови!

Граѓаните деновиве добиваат сомнителни пораки во кои се тврди дека системот „Сејф сити“ ги регистрирал за сообраќаен прекршок, со линк за наводна проверка или плаќање.Станува збор за класична фишинг-измама, чија цел е да ве наведе да кликнете на линк и да внесете лични податоци или банкарски информации.Ваквите пораки најчесто доаѓаат од непознати броеви или сомнителни е-мејл адреси, со итност и закани за казни – што е типичен сигнал за измама.Се апелира граѓаните:– да не отвораат линкови од сомнителни пораки– да не внесуваат лични и банкарски податоци– да ги пријават ваквите случаиЦелта е јасна – кражба на податоци. Внимание пред клик.

Македонија | пред 3 часа

Внимавајте: Измамници се претставуваат како да се од Банка, за да ви извлечат пари

НЛБ Банка издаде итно предупредување до своите клиенти за појава на лажни СМС пораки преку кои се прави обид за злоупотреба на лични податоци и финансиски средства, при што измамниците се претставуваат во име на банката.Од банката информираат дека станува збор за пораки кои содржат сомнителен линк, наводно поврзан со НЛБ Банка, преку кој од корисниците се бара да ги внесат своите податоци со образложение дека треба да ја ажурираат сметката или да ја активираат услугата NLB Pay.„Забележани се лажни СМС пораки испратени до клиенти кои водат до сомнителен линк, наводно на НЛБ Банка, во кои се бара да ја ажурирате вашата сметка односно да ги оставите вашите податоци на линкот за да активирате NLB Pay“, соопштија од НЛБ Банка.Во пораките, како што посочуваат, е злоупотребено името и логото на банката за да се создаде впечаток на автентичност и да се доведат клиентите во заблуда.„На линкот се злоупотребени името и логото на Банката со цел пораката да изгледа автентично, а клиентите да се доведат во заблуда“, соопштија од НЛБ Банка.Од банката децидно нагласуваат дека ваквите пораки не се испратени од нивна страна и претставуваат обид за измама.„Имајте предвид дека овие пораки не се испратени од НЛБ Банка и дека се работи за обид за измама и злоупотреба на вашите финансиски средства!“, соопштија од НЛБ Банка.Воедно, посочуваат дека единствениот легитимен начин за активација на услугата NLB Pay е преку официјалните продавници за апликации.„Единствениот легитимен процес за активација на NLB Pay е со преземање на апликацијата NLB Pay исклучиво од доверливи извори: Google Play Store, Apple App Store и Huawei AppGallery“, соопштија од НЛБ Банка.Апелираат до граѓаните да не постапуваат по ваквите пораки и веднаш да ги пријават.„Ве молиме, доколку добиете ваква порака, не постапувајте по барањата и веднаш пријавете во Контакт центарот на НЛБ Банка на 02/15600 или на info@nlb.mk“, соопштија од НЛБ Банка.Од банката додаваат дека веќе се преземаат активности за спречување на измамата.„Банката веќе постапува по конкретниот случај и ги презема сите неопходни мерки за деактивација на лажната веб страница“, соопштија од НЛБ Банка.

Македонија | пред 3 седмици

Дури шест обиди за измами вчера во Велес и Неготино: се бараат 35.000 евра за наводни операции на роднини

Шест обиди за измами со лажни лекари се пријавени вчера на подрачјето на СВР Велес, од кои пет во Неготино и еден во Велес, информира Министерството за внатрешни работи.Во Велес, 53-годишна жена пријавила дека непознато машко лице му се јавило на нејзиниот татко и му кажало дека неговата ќерка се здобила со тешки повреди и дека е потребна итна операција, за што требало да донесе пари во болницата во Велес.Останатите пет случаи биле пријавени во ОВР Неготино од лица на возраст од 69 до 78 години. Според пријавите, машко лице им се јавувало и им тврдело дека нивни блиски роднини се повредени и дека за оперативен зафат е потребно да донесат пари. Побараните суми достигнувале и до 35.000 евра.Во дел од случаите, измамникот се претставувал како лекар, а во други како полициски службеник. На некои од оштетените им било кажано парите да ги однесат во здравствени установи во Скопје, а на други во болницата во Велес.Сите пријавители се посомневале во веродостојноста на повиците, ги контактирале своите блиски и утврдиле дека станува збор за обид за измама.Од СВР Велес апелираат до граѓаните да бидат особено внимателни при комуникација со непознати лица и сите сомнителни повици веднаш да ги пријават во најблиската полициска станица. Полицијата најавува засилени превентивни активности, особено насочени кон повозрасната популација, со цел навремено информирање и едукација за препознавање и спречување на телефонските измами.

Македонија | пред 2 месеци

Две измами во еден ден, шемата е иста: Возрасни скопјанки оостанале без пари

На 10.04.2025 во 18.00 часот во СВР Скопје, 74-годишна жена од Скопје пријавила дека била измамена од едно машко лице за сума од околу 2.000 евра. Според пријавеното, лицето ѝ се јавило телефонски и ѝ кажало дека нејзиниот син и неговата сопруга предизвикале сообраќајна несреќа во која прегазиле дете–мигрант и доколку не сака тие да лежат во затвор требало да плати. Како што е пријавено, таа парите ги оставила на договореното место, а откако се вратила во домот и го видела нејзиниот син сфатила дека била измамена. Се преземаат мерки за расчистување на случајот.На 10.04.2025 во 16.00 часот во СВР Скопје, 86-годишна жена од Скопје пријавила дека била измамена од едно машко лице за сума од околу 112.000 денари. Според пријавеното, лицето ѝ се јавило телефонски, се претставило како полициски службеник и ѝ кажало дека нејзината ќерка предизвикала сообраќајна несреќа во која прегазила дете-мигрант кое починало и доколку не сака таа да лежи во затвор требало да плати. Како што е пријавено, таа парите што ги имала во домот ги ставила во кеса и ги фрлила од балконот, како што и посочило лицето. Се преземаат мерки за расчистување на случајот.

Скопје | пред 1 година