ЈАХТА

Пронајдено и телото на ќерката на милијардерот: Крај на потрагата во потонатата јахта

Пронајдено е телото за кое се верува дека е на Хана Линч (16), шестото и последно лице исчезнато откако луксузна јахта потона во бура кај брегот на Сицилија, соопшти италијанската крајбрежна стража.Винченцо Загарола, од италијанската крајбрежна стража, претходно изјави дека потрагата по Хана „не била лесна или брза“, споредувајќи ја потонатата јахта со „зграда од 18 ката полна со вода“.Мајк Линч, неговата ќерка Хана, претседателот на меѓународната банка Морган Стенли, Џонатан Блумер, неговата сопруга Џуди Блумер, адвокатот Клифорд Ченс Крис Морвило и неговата сопруга Неда Морвило беа изгубени кога јахтата потона околу 5 часот наутро во понеделникот.Петнаесет од 22-ца патници и членови на екипажот на јахтата, вклучувајќи ја и сопругата на Линч, Анџела Бакареш, беа спасени од екипи за итни случаи, откако јахтата претрпе катастрофална штета од излевањето.Групата била поканета на бродот да ја прослави победата на Линч на суд, откако тој беше ослободен од обвиненијата за измама во Сан Франциско.Потонувањето на јахтата поради ненадејно невреме кај брегот на Сицилија привлече бројни теории, имајќи предвид дека само неколку дена претходно починаа партнерот на Мајк Линч и неговиот сообвинет во случајот со измама.

Свет | пред 1 година

Демонстранти се обидоа да го блокираат пристигнувањето на јахтата поврзана со Абрамович

Демонстрантите во турското пристаниште Бодрум во понеделникот се обидоа да го блокираат пристигнувањето на јахтата „Мој Соларис“, која наводно е поврзана со рускиот олигарх Роман Абрамович.Демонстрантите, членови на школата за едрење за деца и млади од Одеса, носеа украински знамиња и знаци „Не на војната“.„Одлуката на целиот тим беше да го блокира пристапот до јахтата на рускиот олигарх Абрамович“, изјави тренерот на тимот Павло Донцов за Си-Ен-Ен.„Ние го креваме знамето на нашата земја на многу меѓународни натпревари. Само сакаме на сите да им покажеме која е Украина“, додаде тој.Според Marine Traffic, „My Solaris“ пристигна во Бодрум во понеделникот вечерта. Сè уште е таму.

Магазин | пред 3 години

Пo Црна Гора, суперјахтата на Роман Абрамовиќ лоцирана во близина на турскиот брег

Јахтата „Мој Соларис“, која е поврзана со рускиот милијардер Роман Абрамович, денеска е забележана на неколку километри од брегот на југозападна Турција, откако во последните денови ги заобиколи водите на Европската унија, соопшти сајтот за следење на бродови, пренесува Ројтерс.По дводневниот престој во заливот Тиват во Бока Которска, според истиот извор, јахтата на Абрамовиќ се упатила кон Турција, а денеска била на околу 3 километри од турскиот брег, во правец на одморалиштето Датча.140-метарската суперјахта „Мој Соларис“, која плови под знамето на Бермуди, според сајтот што го следи движењето на бродот „Marine Traffic“, на 8 март го напушти бродоградилиштето во Барселона, каде што беше на поправка.После тоа, таа на 12 март заплови во водите на Црна Гора, откако Обединетото Кралство донесе одлука за замрзнување на имотот на руските олигарси, меѓу кои и Абрамович, кој е и сопственик на фудбалскиот клуб Челзи.Минатата недела Абрамович полета за Москва откако го напушти Истанбул со својот приватен авион. Според податоците од мониторингот на летот, тоа е второ патување со авион поврзан со Абрамович меѓу турскиот град и руската престолнина за три дена, според Ројтерс.

Магазин | пред 3 години