Поранешниот премиер Зоран Заев повторно е фотографиран на луксузна јахта во Грција. Фотографиите, направени во туристичкото место Миражио Паљури на Халкидики, ги објави „Нетпрес“, кој, повикувајќи се на свои извори, тврди дека пловилото е во негова сопственост, информација која засега не е официјално потврдена.
Порталот објави дека, според информации до кои дошол, пловилото наводно е во сопственост на Заев, но оваа информација засега не е потврдена.
„Информациите кои стигнаа до Нетпрес велат дека јахтата наводно чини околу 800.000 евра и дека најверојатно е произведена во 2024 година“, наведува порталот.
Заев и минатото лето беше фотографиран на јахта, тогаш во друштво на Венко Филипче. Според објавените фотографии, може да се забележи дека станува збор за истото пловило, што, според медиумските објави, го покажуваат ознаките поставени на јахтата.
„Скопје1“ побара став од Заев во врска со фотографиите и наводите за сопственоста на јахтата. Поранешниот премиер во изминатите години речиси и да не се појавува во јавноста и не извршува политичка функција.
Целата галерија погледнете ја тука.
