Воислав Попоски од СДСМ Вевчани реагираше на начинот на кој, според него, се претставени достигнувањата на Македонија во спотот посветен на 35-годишнината од независноста.
Тој смета дека во видеото се прикажани спортски успеси и други значајни личности и настани од македонската историја, но дека намерно бил изоставен поранешниот премиер Зоран Заев.
Попоски посочи дека во спотот е вклучен и поранешниот претседател Киро Глигоров, како и настапот на Дурловски, за кого вели дека бил дел од политичка кампања, но оти за Заев немало место.
Според него, меѓу достигнувањата во изминатите 35 години се признавањето на македонскиот јазик и идентитет, членството на земјата во НАТО и автокефалноста на МПЦ-ОА.
„СДСМ ја направи Македонија држава и тоа е факт“, порача Попоски.
