За време на собраниската расправа, пратеникот Цеков упати директни прашања до Весна Бендевска, тврдејќи дека поседува пораки кои, според него, таа му ги испратила на поранешниот премиер Зоран Заев.
„Овој момент го чекав да се јави личноста со интегритет Весна Бендевска. Ајде сега да видиме која Весна Бендевска е. Премиере, слушајте сега“, рече Цеков од собраниската говорница.
Тој ја повика Бендевска да одговори дали на 25 јануари 2021 година му испратила порака на Заев со содржина:
„Ти благодарам многу, ти си душа и срце од човек, ова никогаш нема да ти го заборавам.“
Цеков порача дека, доколку неговите тврдења не бидат демантирани, ќе ги објави пораките за кои тврди дека ги поседува.
„Дали е точно? Одговорете ми, бидејќи ако не ме демантирате, јас ќе ги објавам пораките“, изјави пратеникот.
