ЈП Комунална хигиена-Скопје

Аеродром поднесе кривична пријава против „Комунална хигиена“

Општина Аеродром поднесе кривична пријава против скопското Јавно претпријатие „Комунална хигиена“ поради загрозување на животната средина. Пријавата е доставена до МВР и Обвинителството, откако претпријатието со денови не го собирало ѓубрето низ главниот град.Од Општината информираат дека нивните екипи во изминатите три дена биле принудени самостојно да соберат 24 тони комунален отпад од домаќинствата во Аеродром – работа што е обврска на градското јавно претпријатие.„Свесни сме дека поради оваа вонредна ситуација можеби беа запоставени дел од редовните активности – чистење на плочници и сервисни улици, косење и уредување зеленило, празнење на џебни канти, собирање лисја, гранки и кабаст отпад. Се извинуваме на сите жители за непријатностите и бараме разбирање“, стои во соопштението на Општина Аеродром.

Скопје | пред 2 месеци

Kомунална хигиена-Скопје подигна 𝟣𝟤𝟢𝟢 кубни метри отпад од диви депонии во текот на декември

Во текот на последниот месец од 2024-та година, екипите на ЈП Комунална хигиена-Скопје подигнаа и транспортираа приближно 1200 кубни метри непрописно одложен отпад од јавни и сообраќајни површини на територијата на градот Скопје. Најголем број диви депонии се отстранети во скопските општини Чаир, Ѓорче Петров и Аеродром, извести Kомунална хигиена-Скопје.Во текот на месецов, ЈП Комунална хигиена-Скопје бележи и голем број интервенции на таканаречените „црни точки“ каде што континуирано непрописно се одлага отпад, лоцирани на булеварот Никола Карев (Пластичарска улица) - во општината Чаир, улиците Ѓорче Петров, Лука Геров, Христо Батанџиев и Македонска војска - во општината Ѓорче Петров, улицата Васил Чакаларов - во општината Карпош и улицата Димо Хаџи Димов - во општината Кисела Вода.На овие локации секојдневно се реализираат и интервентни патролни дежурства од страна на Еко-патролата на ЈП Комунална хигиена-Скопје, којашто во текот на месец декември изготви и врачи вкупно 29 едукативно-информативни записници за граѓани и правни субјекти што се затекнати при прекршување на Законот за јавна чистота, соопшти Kомунална хигиена-Скопје.

Скопје | пред 11 месец

Отстранети повеќе диви депонии во скопските општини Кисела Вода и Центар

Во текот на вчерашниот ден, екипите на ЈП Комунална хигиена-Скопје реализираа низа активности за отстранување диви депонии во скопскитеопштини Кисела Вода и Центар.Во општината Кисела Вода е интервенирано на улиците Невена Георгиева-Дуња и Димо Хаџи Димов, каде што се подигнати вкупно 20 кубни метри непрописно одложен мешан комунален, градежен и кабаст отпад.ЈП Комунална хигиена-Скопје расчисти и неколку помали диви депонии во околината на Градскиот стадион, каде што се подигнати и транспортирани приближно 15 кубни метри отпад од јавни површини.Воедно, во текот на изминатава седмица, Еко-патролата на ЈП Комунална хигиена-Скопје изготви седум едукативно-информативни записници за граѓани и правни субјекти затекнати при непрописно одлагање отпад на јавни и сообраќајни површини во скопските општини Центар, Карпош и Чаир.Во рамките на интервенциите на Еко-патролата, од страна на сторителите беа отстранети вкупно 32 кубни метри непрописно одложен градежен отпад, извести Комунална хигиена-Скопје.

Скопје | пред 1 година

Комунална хигиена-Скопје подигна 𝟨𝟢 кубни метри отпад од диви депонии во текот на изминатото деноноќие

Во текот на вчерашниот ден и минатата ноќ, екипите на ЈП Комунална хигиена-Скопје подигнаа и транспортираа приближно 60 кубни метри непрописно одложен отпад од јавни и сообраќајни површини во скопските општини Кисела Вода, Центар, Ѓорче Петров и Чаир.На улицата Димо Хаџи Димов во општината Кисела Вода се подигнати 10 кубни метри непрописно одложен отпад од картонска амбалажа. Во општината Центар се расчистени неколку диви депонии лоцирани на булеварот Партизански одреди и улицата Даме Груев, извести Комунална хигиена-Скопје.Интервенирано е и кај црквата Св.Ѓоргија во месноста Криви Дол, зад скопското Кале, каде што е отстранета дива депонија од самиот влез во црквата.Екипите на ЈП Комунална хигиена-Скопје во текот на вчерашниот ден подигнаа и приближно 20 кубни метри кабаст отпад одложен долж булеварот Македонско-косовска бригада во општината Чаир, како и 15 кубни метри мешан комунален отпад и автомобилски гуми одложени на улицата Борис Сарафов во скопската општина Ѓорче Петров, соопшти Комунална хигиена-Скопје.

Скопје | пред 1 година

ЈП Комунална хигиена-Скопје реализира еко-предавања во скопските училишта и градинки

ЈП Комунална хигиена-Скопје во текот на вчерашниот ден започна со реализација на еко-предавања и работилници во скопските училишта и во предучилишните установи. Првото еко-предавање во оваа училишна година беше организирано во ООУ „Адем Јашари“ во општината Чаир и на истото присуствуваа триесетина ученици од четвртите одделенија.Преку еко-едукацијата, нашите најмлади сограѓани се запознаваат со активностите на Претпријатието, се едуцираат како правилно и совесно да постапуваат со отпадот и на кој начин се врши неговата примарна селекција. Во рамките на предавањата, тие се информираат и за штетноста од создавањето диви депонии, како и за мерките што се преземаат против прекршителите на Законот за јавна чистота, велат од Комунална хигиена-Скопје.

Скопје | пред 1 година

Засилени активности за расчистување на улиците и булеварите по синоќешните обилни дождови

По синоќешните обилни дождови, ЈП Комунална хигиена-Скопје утринава започна со реализација на засилени активности за расчистување на булеварите и поголемите улици во сите скопски општини.Во рамките на активностите се реализира рачно и машинско метење, како и отстранување на паднатите лисја, со цел – непречено одвивање на сообраќајот и движење на пешаците по јавните и сообраќајните површини, велат од ЈП Комунална хигиена-Скопје.

Скопје | пред 1 година