КРИПТОВАЛУТИ

Binance ги отфрли обвинувањата на „Волстрит журнал“: „Имаме нулта толеранција за нелегални активности“

Binance силно ги отфрли наводите објавени во истрагата на „Волстрит журнал“, според која Иран преку најголемата светска криптоберза префрлал милијарди долари за финансирање на режимот и Иранската револуционерна гарда, и покрај американските санкции.Од компанијата соопштија дека не дозволиле никакви трансакции со санкционирани лица и дека презеле сите соодветни истражни мерки.„Binance има нулта толеранција за нелегални активности на својата платформа, а од 2024 година Binance се трансформираше и изгради најдобра програма за усогласеност во својата класа која ја води крипто-индустријата и продолжува да расте посилно“, соопштија од компанијата.Оттаму додаваат дека тесно соработуваат со органите за спроведување на законот ширум светот во откривање, спречување и борба против финансиски криминал.„Тврдењата на WSJ, како и нивните претходни извештаи, содржат значителни неточности и во врска со фактите и во рамката за усогласеност на Binance. Нивната методологија е штетно погрешна“, наведуваат од компанијата.Претходно, „Волстрит журнал“ објави истрага во која се тврди дека мрежа поврзана со иранскиот бизнисмен Бабак Зањани реализирала околу 850 милиони долари трансакции преку една главна трговска адреса на Binance во период од две години.Според истрагата, дел од средствата завршувале кај организации поврзани со Иранската револуционерна гарда (IRGC), која ги поддржува Хезболах, Хамас и хутите во Јемен.„Волстрит журнал“ објави и дека американското Министерство за правда истражува дали Иран продолжил да го користи Binance за заобиколување санкции и по спогодбата што компанијата ја постигна со американските власти во 2023 година.Binance, пак, тврди дека по 2024 година изградиле „еден од најдобрите системи за усогласеност во индустријата“ и дека изложеноста кон санкционирани субјекти е сведена речиси на нула.

Македонија | пред 2 седмици

Голема афера ја тресе најголемата криптоберза: Иран преку Binance префрлал милијарди долари и покрај санкциите

„Волстрит журнал“ објави опширна истрага во која тврди дека Иран преку најголемата светска криптоберза Binance префрлал милијарди долари за финансирање на режимот и Иранската револуционерна гарда, и покрај американските санкции и внатрешните предупредувања во самата компанија.Според интерни извештаи за усогласеност на работењето, мрежа поврзана со иранскиот бизнисмен Бабак Зањани до декември минатата година реализирала околу 850 милиони долари трансакции преку една главна трговска адреса на Binance во период од две години.„Волстрит журнал“ наведува дека Зањани, кого американските власти го сметаат за клучен оперативец за заобиколување на санкциите против Иран, користел и дополнителни сметки поврзани со неговата сестра, партнерка и директор на неговата компанија.Истражителите на Binance ги означиле овие активности како можен обид за избегнување санкции.Според истрагата, дел од средствата завршувале кај организации поврзани со Иранската револуционерна гарда (IRGC), моќна воено-политичка организација која ги поддржува Хезболах, Хамас и хутите во Јемен.Странски истражители и експерти за финансирање тероризам тврдат дека и оваа година следеле парични текови кои преку Binance завршувале кај ирански субјекти поврзани со режимот, вклучително и трансакции регистрирани овој месец.Според „Волстрит журнал“, иранската централна банка минатата година преку Binance префрлила околу 107 милиони долари во криптовалути.Binance ги отфрли наводите од истрагата.„Binance има нулта толеранција кон нелегални активности на платформата“, соопшти портпарол на компанијата.Од компанијата тврдат дека по 2024 година изградиле „еден од најдобрите системи за усогласеност во индустријата“ и дека изложеноста кон санкционирани субјекти е сведена речиси на нула.Основачот на Binance, Чангпенг Жао, во 2023 година призна прекршување на американските правила против перење пари и отслужи четиримесечна затворска казна. Американскиот претседател Доналд Трамп го помилува во октомври минатата година.„Волстрит журнал“ потсетува и дека Binance во последните години станал важен партнер на криптопроектот „World Liberty Financial“, поврзан со семејството Трамп.Американското Министерство за правда сега истражува дали Иран продолжил да го користи Binance за заобиколување санкции и по спогодбата што компанијата ја постигна со американските власти во 2023 година.

Свет | пред 3 седмици

Сајбер-криминалците украле криптовалути вредни рекордни 2,7 милијарди долари

Сајбер-криминалците годинава украле криптовалути во вкупна вредност од рекордни 2,7 милијарди американски долари, покажуваат податоците на компании специјализирани за следење на блокчејн-трансакции, меѓу кои „Чејналисис“ (Chainalysis) и TRM Labs, како и базата REKT која ги евидентира кражбите поврзани со web3 и DeFi-проекти.Ова претставува значителен раст во однос на претходните години, кога во 2024 година беа украдени околу 2,2 милијарди долари, а во 2023 година приближно две милијарди долари. Податоците укажуваат на континуиран пораст на сајбер-нападите врз крипто-платформи и дигитални паричници, како и на сè поголема софистицираност на хакерските групи.Најголемата поединечна кражба оваа година е регистрирана на крипто-берзата „Бајбит“, од каде што напаѓачите успеале да одземат околу 1,4 милијарди долари во дигитални средства. Според пренесените информации, за оваа масовна кражба се сомничат хакерски групи поврзани со владата на Северна Кореја, наведува технолошкиот портал „Тек Кранч“.Експертите предупредуваат дека ваквите напади претставуваат сериозна закана за довербата во крипто-пазарот и дека без дополнителни безбедносни мерки и меѓународна соработка, ризикот од слични инциденти ќе продолжи да расте.

Свет | пред 5 месеци

Крипто-пазарите нагло оживеаја: Биткоин повторно над 90.000 долари, институциите се враќаат во игра

Криптовалутите денес доживеаја силен пресврт по неделна стагнација, поттикнат од значајни промени во американската финансиска ликвидност кои повторно го насочуваат капиталот кон поризична актива. Биткоинот скокна за 5% и повторно ја надмина психолошки важната граница од 90.000 долари, а Етер првпат по една недела се искачи над 3.000 долари, објави CryptoSlate.Овој долгорочен пад до неодамна ги туркаше портфолијата во длабок минус. Според податоците на Santiment, инвеститорите во Cardano губеле просечно 19,2%, во Chainlink 13%, а дури и водечките криптовалути биле во минус – Етер за 6,3%, Биткоин за 6,1%, додека XRP бележел пад од 4,7%.Според ARK Invest, силниот отскок не доаѓа од крипто-индустријата, туку од структурниот пресврт во американската ликвидност. Шестнеделната блокада на Владата на САД исуши околу 621 милијарда долари ликвидност од финансискиот систем. Тој притисок ја туркаше ликвидноста на најниско ниво со години – сѐ до завршувањето на блокадата.Со повторното активирање на федералните операции започна и постепено враќање на готовината во финансискиот систем. Досега се вратени околу 70 милијарди долари, но државната каса TGA и понатаму држи огромни 892 милијарди – далеку над историскиот просек од 600 милијарди. Тоа значи дека во наредните недели неизбежно ќе се ослободи масовен капитал кој математички мора да се врати во економијата.Истовремено, се случи драматична промена и во монетарната политика: неколку високи функционери од Федералните резерви сигнализираа подготвеност за намалување на каматите. Веројатноста за брзо намалување скокна на речиси 90%.ARK Invest посочува и на клучната временска поклопеност: очекуваното инјектирање ликвидност од TGA се совпаѓа со завршувањето на циклусот на квантитативно затегнување (QT) на 1 декември – што ги отстранува последните структурни бариери за ризичните финансиски пазари.И покрај силниот моментум, пазарот се соочува со два главни ризика:можен пресврт на Fed доколку инфлацијата расте;намалена ликвидност и потенцијална нестабилност во текот на празничната сезона.Аналитичарите предупредуваат и на движењата на големите играчи: доколку се забележи раст на депозитите на берзите, тоа би значело дека „китовите“ го користат растот за продажба, наместо за акумулација.Доколку Биткоин успее да ја задржи цената над 90.000 долари, целта од 95.000 станува реален следен тест. Во спротивно, можно е повлекување кон 84.000 долари.Крипто-пазарот очигледно повторно влегува во фаза на забрзана ликвидност – но останува да се види дали ова е почеток на нов тренд или само краток здив по турбулентниот квартал.

Свет | пред 6 месеци

Мицкоски најави регулатива за криптовалутите, дигитален денар

Премиерот Христијан Мицкоски рече дека Македонија ќе биде прва во регионот што ќе има дигитална банка и дигитален денар. Рече дека се работи на законска регулатива со криптовалутите.„Јас ако се сеќавате уште кога бевме во опозиција зборував за технологии за тргување со криптовалути, дигитални банки, менувачници. Дојдовме до идеја да има дигитален македонски денар, работиме на ова. Не стоиме. Работиме сериозно. Бидејќи полу-легално се тргува од тука. Сакаме да го канализирале во рамките на законот. Но има премногу работи кои треба да се усогласат, за да дојдеме до конечниот производ“, рече Мицкоски.Според него, иднината за развој е токму во дигиталните техонологии.

Македонија | пред 1 година