Модриќ ги воодушеви навивачите: „Без зборови сум“
Лука Модриќ неочекувано се врати во составот на Милан само три недели по тешката повреда на лицето што ја заработи на дербито против Јувентус.Хрватскиот фудбалер тогаш доживеа двојна скршеница на левата јагодична коска по судир со Мануел Локатели и беше опериран, а првичните прогнози беа дека ќе се врати дури за Светското првенство.Сепак, Модриќ се најде во составот на Милан за натпреварот против Џенова, кој „росонерите“ го добија со 2:1 во претпоследното коло од Серија А.Тренерот Масимилијано Алегри по мечот откри дека 40-годишниот играч сакал да добие минутажа во финишот од натпреварот, но сепак останал на клупата.Иако не настапи, неговото враќање предизвика бројни реакции кај навивачите на Милан на социјалните мрежи.„Модриќ и со маска на лицето сакаше да влезе во игра. Тој е вистински шампион“, гласи еден од коментарите.Други навивачи истакнаа дека неговото присуство покрај теренот е огромна мотивација за тимот и доказ за неговата посветеност кон клубот.На Модриќ договорот со Милан му истекува на крајот од сезоната, а сè уште не е познато дали ќе ја продолжи соработката со италијанскиот клуб.
Спорт | пред 3 дена
