МАЧКА

Што ви „кажува“ мачката преку положбата на ушите?

Положбата на ушите кај мачките може на сопствениците јасно да им покаже во какво расположение е нивниот миленик, но и дали се чувствува сигурно или под стрес.Кога ушите се свртени нанапред, мачката најчесто покажува љубопитност и интерес за она што се случува во нејзината околина. Таквата положба ѝ помага подобро да ги „фати“ звуците и да ги следи случувањата околу себе, дури и кога мирува.Ушите спуштени кон главата или повлечени наназад обично укажуваат на страв или лутина. Во тој момент мачката инстинктивно се штити и се подготвува за можна одбрана, било со бегство или напад.Стручњаците предупредуваат дека и брзото треперење или движење на ушите може да значи нервоза или дури здравствен проблем, особено ако ваквото однесување се повторува или трае подолго.Затоа положбата на ушите се смета за важен показател за состојбата на мачката. Заедно со другите знаци на однесување, ова може да им помогне на сопствениците навреме да ги препознаат промените и да реагираат, по потреба и со совет од ветеринар.

Магазин | пред 2 часа

Планирате патување? Еве колку долго мачката може да остане сама дома

Ако планирате патување, продолжен викенд или посета на роднини, едно од најчестите прашања е што да се прави со мачката и колку долго е безбедно да остане сама дома.За разлика од кучињата, мачките поголемиот дел од денот го поминуваат спиејќи, па неколку часа самотија најчесто не им претставуваат проблем. Тие се навикнати сами да си најдат забава и често пронаоѓаат мирни места за одмор.Возрасна мачка може да остане сама и една ноќ, доколку е навикната на просторот во кој живее. Сепак, експертите предупредуваат дека не треба да бидат оставени без надзор подолго од 24 до 48 часа.Микел Делгадо истакнува дека мачките се чувствителни на промени во рутината, па подолгото отсуство на сопствениците може да предизвика стрес, анксиозност и промени во однесувањето.Таа предупредува и дека во случај на непредвидени ситуации, како здравствени проблеми, истурена вода или нечист песок, нема кој да реагира, поради што оставањето мачка сама повеќе денови не е безбедна опција без редовен надзор.Кај мачињата важат построги правила. Мачиња помлади од три месеци не треба да остануваат сами подолго од 20 минути, бидејќи се многу чувствителни и лесно можат да се најдат во опасност. Помеѓу третиот и шестиот месец можат да поднесат нешто подолг период на самотија, додека дури околу осмиот месец можат да останат сами и до половина ден.Според Микел Делгадо, дури по навршена една година мачките можат без поголем стрес да се справат со целодневно отсуство на сопственикот, но и тогаш е важно постепено да се навикнуваат на самотија.Доколку планирате подолго отсуство, важно е однапред да обезбедите сè што ѝ е потребно на мачката – доволно храна и свежа вода, чист сад со песок, играчки и безбедна околина. Се препорачува и да се отстранат опасните предмети, да се затворат ризичните простории и да се остават предмети со мирис на сопственикот за мачката да се чувствува посигурно.Најдобро решение е да замолите доверлива личност или да ангажирате некој што секојдневно ќе ја посетува мачката, ќе ја храни, ќе чисти и ќе ја проверува нејзината состојба. Така миленикот ќе биде безбеден и спокоен додека не сте дома.

Магазин | пред 1 седмица

Што ви кажуваат ушите на мачката за нејзиното расположение

Мачките не можат да зборуваат со луѓето, но многу јасно комуницираат преку говорот на телото, а особено преку положбата на ушите.Ветеринарите и бихевиористите објаснуваат дека ушите често први откриваат дали мачката е опуштена, љубопитна, нервозна или под стрес.Кога ушите се насочени напред и изгледаат опуштено, тоа најчесто значи дека мачката се чувствува безбедно и смирено. Овој став често е придружен со полуотворени очи и опуштено тело.Ако мачката брзо ги движи ушите лево-десно или напред-назад, таа внимателно ја следи околината и реагира на звуци или можни закани.Постојаното тресење или често движење на ушите понекогаш може да укажува и на здравствен проблем, како воспаление или паразити.Кога ушите се свртени настрана и благо спуштени, мачката најчесто чувствува несигурност или непријатност и проценува дали ситуацијата е безбедна.Најјасен знак за страв или подготвеност за одбрана се ушите целосно спуштени наназад кон главата. Во такви ситуации мачката може да има раширени зеници, накострешено крзно или да шушка.Експертите советуваат во такви моменти мачката да не се форсира на контакт, туку да ѝ се даде простор сама да се смири.Ветеринарите нагласуваат дека за правилно разбирање на расположението треба да се набљудува целото тело – очите, опашката, мустаќите и држењето – а не само ушите.

Магазин | пред 2 седмици

Како мачките го избираат својот омилен човек

Мачките често се сметаат за дистанцирани животни, но експертите нагласуваат дека тие, всушност, се многу селективни во покажувањето на приврзаност. Во домаќинства со повеќе членови, мачката најчесто избира една личност со која поминува најмногу време и кон која покажува најголема наклонетост.Според истражувања, пресудна улога има трудот што човекот го вложува во комуникацијата со животното, односно разбирањето на неговите сигнали и однесување. Исто така, карактерот на мачката влијае на изборот — мирните мачки почесто избираат тивки и смирени луѓе, додека поактивните животни се врзуваат за лица што им посветуваат повеќе игра и внимание.Ветеринарите наведуваат дека за зајакнување на врската со мачка клучни се заедничкото време, прилагодувањето на нејзините навики, разбирањето на говорот на телото и редовната физичка нежност, како галење и држење. Ваквото однесување создава чувство на сигурност и ја зацврстува врската меѓу човекот и миленичето.

Магазин | пред 4 седмици

(Фото) Огласи каде диви животни бараат стан во Скопје осамнаа низ Центар

Огласи „барам стан“ со необични баратели се појавија низ Скопје – рис, волк, лисица и мечка. Зад пораката стои организацијата Еко-свест, која преку креативна кампања предупредува на сè поголемото уништување на природните живеалишта во Македонија.Со симболичниот пристап, организацијата укажува дека сечењето шуми, пожарите, урбанизацијата и изградбата на мали хидроцентрали ги оставаат дивите животни без нивниот природен дом. Наместо во планините и шумите, тие „бараат стан“ во градот – како метафора за губењето на нивниот простор за живот.„Рисот, волкот, лисицата и мечката не се само ликови од народните приказни, туку вистински живи суштества кои опстојуваат заедно со нас“, истакнуваат од Еко-свест, додавајќи дека целта е да се подигне јавната свест за состојбата со природата и биодиверзитетот.Од неодамнешната Меѓународна конференција за природа одржана во Скопје, како приоритет се издвојува итното усвојување на Законот за природата, со вклучување на експерти, институции и граѓански организации во неговата подготовка, со цел системска и долгорочна заштита на природните богатства.

Скопје | пред 3 месеци