МЕРИЛ СТРИП

Мерил Стрип откри за која улога со години чувствувала несигурност: „Сакав да бидам поубава“

Мерил Стрип важи за една од најголемите актерки на сите времиња, но постои една улога за која со години чувствувала незадоволство и несигурност.Станува збор за филмот „Жената на францускиот поручник“ од 1981 година, британска романтична драма снимена според романот на Џон Фаулс. Филмот го режирал Карел Рајс, а сценариото го напишал Харолд Пинтер.Стрип во филмот ја толкувала Сара Вудраф – мистериозна поранешна гувернанта која започнува сложен однос со Чарлс Смитсон, лик што го играл Џереми Ајронс.Иако филмот бил одлично прифатен од критиката, а Мерил Стрип добила и номинација за Оскар за најдобра актерка, таа подоцна признала дека никогаш не била целосно задоволна од својата изведба.„Не чувствував дека го живеам тој лик“, изјавила актерката во едно интервју.Таа открила и дека имала проблем со сопствениот изглед во улогата.„Секогаш сакате нешто да поправите кога сè ќе заврши. Не можев да се помирам со тоа, сакав да бидам поубава“, рекла Стрип.Според неа, чувствувала дека физички не одговара на ликот што го играла.„Доаѓа момент кога мора да изгледате како ликот, особено на филм“, објаснила таа.Актерката додала дека во викторијанската литература страста и забранетите чувства често се прикажуваат преку темнина, па затоа се обидела да го приспособи изгледот со потемна коса, но ни тогаш не била целосно задоволна.„Навистина би сакала да сум тип на актерка која може само да стои и со тоа да каже сè“, признала Стрип.И покрај нејзиното лично незадоволство, филмот останал еден од позначајните проекти во нејзината кариера. Покрај нејзината оскаровска номинација, и Харолд Пинтер бил номиниран за најдобро адаптирано сценарио.

Магазин | пред 8 часа

Мерил Стрип: Денешните филмови се здодевни поради влијанието на Марвел

Мерил Стрип отворено проговори за состојбата во филмската индустрија, заклучувајќи дека филмовите на Marvel Studios имале огромно влијание врз начинот на снимање на поновите филмови, поради што приказните станале „толку здодевни“. Своето мислење го сподели за време на промоцијата на новиот филм „ Ѓаволот носи Прада 2“, за кој тврди дека нуди посложени ликови, пишува People.Гостувајќи во емисијата Hits Radio Breakfast Show, трикратната добитничка на Оскар го објасни својот став.„Ми се чини дека денес се наклонуваме кон ‘марвелизација’ на филмовите. Имаме негативци и херои, и тоа е толку здодевно“, изјави 76-годишната актерка.„Она што во животот навистина е интересно е тоа што и хероите имаат мани, а некои од негативците се човечки суштества, интересни се и имаат свои силни страни“, додаде таа. „Затоа ми се допаѓа овој филм. Посложен е.“Стрип истакна дека гледачите во продолжението ќе добијат „реалистичен приказ“ на еволуцијата на нејзиниот лик, Миранда Пристли. Новиот филм ја следи Миранда, сè уште култна главна уредничка на списанието Runway, која повторно се здружува со Енди Сакс (Ен Хатавеј), сега уредничка на рубрика во истото списание.Двете мора да соработуваат за да ја придобијат за рекламирање поранешната асистентка на Миранда, Емили Чарлтон (Емили Блант), која во меѓувреме станала шефица на Диор во САД.Во неодамнешно интервју за People, Стрип се осврна на враќањето во улогата по толку години, опишувајќи го искуството како „прилично лесно“.„Мислам дека тие ликови ги задржувате во себе“, објасни таа. „Уживав во повторното откривање на Миранда.“

Магазин | пред 2 седмици

(Видео) Бакнежот на Мерил Стрип „ги урна“ мрежите: мал гест, голема лекција за стил и човечност

Еден краток момент од интервју во Мексико стана вирален и повторно ја стави Мерил Стрип во центарот на вниманието – не поради улога, туку поради едноставен, топол гест што многумина го нарекоа „вистинска класа“.Актерката, заедно со Ен Хатавеј, се појави на настан поврзан со промоцијата на „Ѓаволот носи Прада 2“, а разговорите со медиумите се одвивале во препознатливо живописна локација во Мексико. Токму таму, во еден миг, член на организацијата ѝ пришол со чадор за да ја заштити од сонцето.Наместо формална благодарност, Стрип реагирала спонтано: со насмевка и бакнеж – мал, но силен знак на почит и човечка блискост. Снимката брзо се прошири на социјалните мрежи и предизвика лавина реакции, каде што корисниците ја опишуваат како „најголемата актерка на сите времиња“, „нормална жена“ и пример дека ѕвездениот статус не мора да значи дистанца.Виралниот момент, иако наизглед обичен, повторно ја отвори темата за тоа што всушност ја прави една ѕвезда голема: не само наградите и улогите, туку и начинот на кој се однесува кога камерите не бараат спектакл – туку само искреност.

Свет | пред 1 месец

76-годишната Мерил Стрип повторно вљубена: Можно ли е венчавка со Мартин Шорт

Кариерата на Мерил Стрип е вонредна, талентот ѝ е легендарен, а приватниот живот обележан со големи љубови, трагедии и развод. Денес, на 76-годишна возраст, холивудската икона повторно е вљубена и, според блиски извори, можно е наскоро да се случи и свадба. Нејзиниот избраник е прочуениот актер Мартин Шорт, со кого љубовта ја пронашла во зрелите години.Стрип и Шорт, кој има 75 години, се зближиле за време на заедничката работа, а нивната врска стана јавна во јануари 2024 година. Според извори блиски до двојката, следниот чекор би можел да биде венчавка. За Стрип, велат, пресуден бил хуморот на Шорт, неговата енергија и интелигенција, како и способноста постојано да ја насмее.Мартин Шорт неодамна за „Ентертејнмент тудеј“ изјави дека она што ја прави Мерил Стрип посебна е нејзината природност и скромност. И покрај 21 номинација за Оскар, таа, како што рече, не се однесува како дива, туку како пристојна, духовита и великодушна колешка.Двајцата актери играат во хит-серијата „Only Murders in the Building“, која последниве години редовно се наоѓа меѓу номинираните за најпрестижните холивудски награди. Доколку дојде до венчавка, тоа би бил втор брак и за двајцата.Мерил Стрип зад себе има брак со Дон Гамер, со кого има четири деца и пет внуци. Иако разводот беше јавно соопштен дури во 2023 година, бракот од 39 години бил завршен уште во 2021, а парот живеел одвоено повеќе од шест години. Долго време успеале да ја сокријат разделбата од јавноста.Животот на актерката е обележан и со една од најголемите холивудски љубовни трагедии. Во 1976 година ја запознала својата голема љубов, актерот Џон Казале. Тие живееле скромно во Њујорк, сè додека не дознале дека Казале боледува од рак на белите дробови во терминална фаза. Стрип останала покрај него до самиот крај, а колеги како Ал Пачино и Роберт Де Ниро помагале и финансиски и морално за неговото лекување.Мартин Шорт, пак, ја загуби сопругата Ненси Долман во 2010 година, по битка со рак на јајниците. Тој е татко на три деца.По децении исполнети со професионални успеси, лични загуби и животни пресврти, Мерил Стрип денес повторно изгледа среќна. Дали таа и Мартин Шорт навистина ќе застанат пред олтарот, останува да се види, но нивната приказна веќе се вбројува меѓу најубавите холивудски љубови во зрелите години.

Свет | пред 4 месеци