мост беласица

(ВИДЕО) Гаревски откри кога ќе биде готова експертизата за мостот „Беласица“

Михаил Гаревски, првиот човек кој ја анализира состојбата на опожарениот мост „Беласица“ и од кого се очекува изготвување на експертизата, во интервју за „Макфакс“ појаснува дека истата би требало да биде објавена во понеделник а најдоцна до среда, наредната недела. Пуштањето на мостот не може да биде во јули и даде објаснување за кога може да се очекува.Гаревски во разговорот прецизира дека според спроведените анализи, на мостот нема да му биде потребно, како што вели, зајакнување, туку рефреширање или лесна санација.„Еве конкретно, експертизата ќе биде готова најверојатно во понеделник или најверојатно во среда – да биде среќно. Тоа нема ништо да смени, бидејќи однапред е јасно дека според нашите анализи, практично, не треба зајакнување на мостот. Но како што кажав многупати, дури и како што кажа градоначалничката, ќе треба извесно рефреширање, односно лесна санација“,, вели Гаревски.Дава свое гледиште и околу спротивставенитe изјави со градоначалничката на Скопје, Данела Арсовска.Подвлекува дека никој не е крив за тоа што се доцни и дека негов дел не е спроведување на санацијата, тука изготвување на експертизата.Сега како што објаснува, најголем дел од активностите на мостот, зависат од „ЕСМ“ и од тоа за колку време ќе бидат отстранети цевките.Одговарајќи на прашањето кога мостот „Беласица“ би можел повторно да биде пуштен во употреба, Гаревски даде оптимистична најава, па дури прецизираше и датум.Што беше пресудно за да го прифати предизвикот и да ги трпи критиките од неговите колеги, дали Гаревски тезгари преку мостот „Беласица“, зошто даваат конфузни и спротивставени изјави со Арсовска, каква е состојбата со другите мостови во државата, на овие и на слични прашања во интервју за „Макфакс“ одговара Михаил Гаревски од приватниот Институт за сеизмички отпорни градби и климатски промени.

Македонија | пред 2 години

Нема нарушување на структурниот интегритет на мостот „Беласица“, вели Арсовска

Првичните информации говорат дека благодарение на брзата реакција на пожарникарите, оштетувањата на објектот се минимални и не довеле до нарушување на структурниот интегритет на мостот.Ова денеска го изјави градоначалничката на Скопје, Данела Арсовска на прес конференцијата одржана на мостот „Беласица“.-Службите на Градот Скопје и лично јас уште од првата вечер сме на терен на увид во настаната штета при пожарот. Денеска со мене е и еден од најголемите експерти не само во Македонија туку и пошироко професорот Михаил Гаревски кој во текот на изминатата недела изврши иницијални проверки со цел да добиеме потврда и да бидеме сигурни дека во моментот кога мостот ќе биде пуштен во употреба нема да биде загрозен никој.Напоменувам дека заедно со помошта на видни стручни лица од областа, Град Скопје ги презема сите потребни проверки со цел да бидеме сигурни дека никој нема да биде доведен во опасност и затоа се спроведува детално истражување за штетата која би можела пожарот да ја нанесе на мостот „Беласица“, рече Арсовска.Таа апелираше до сите институции да бидат на висина на задачата и прво да се спроведат сите можни испитувања на мостот Беласица, како што, како што рече, тоа го прави Градот Скопје со цел да дојдеме до вистински заклучок кога најбрзо мостот може повторно да биде пуштен во употреба.-Паушалните тврдења како досега кои произлегоа од политичките агенди на групи и поединци, што само шират страв и паника помеѓу граѓаните, не помагаат никому. Жалам што можам да констатирам дека секоја непогода со која се соочува градот резултира со медиумски линч на градската администрација иако на граѓаните им е јасно дека се работи само за очајни обиди за собирање на политички поени, рече Арсовска.

Скопје | пред 2 години

Мостот „Беласица“ ќе биде затворен од два месеца до една година, вели деканот на Градежен факултет

Не е лесно да се направи детална форензика на еден мост, вели деканот на Градежен факултет Горан Марковски, кој беше гостин во утринска на Телма.Според него, доколку истрагата покаже дека е потребна скромна санација, таа би траела најмалку два месеци, а доколку е потребна сеопфатна санација тогаш ќе мине една година.Мостот „Беласица“ беше оштетен во стравичен пожар пред една недела, а како главна сообраќајна артерија, која сега е надвор од употреба, предвика невиден сообраќаен хаос во Скопје.

Скопје | пред 2 години

Час поскоро треба да добиеме одговори и да се почне со санација на мостот Беласица, вели Јанчева

Ситуацијата со мостот во близина на молот Ист геј е за вонредна седница, за да се најдат одговори и да започне неговата санација час побрзо.Ова го исткна советничката во Град Скопје, Љубица Јанчева од редовите на СДСМ во телевизиско гостување на Телма.- Ние побаравме вонредна седница по информацијата дека една од сметките на Град Скопје е блокирана. Тоа е прашање за кое час поскоро треба вонредна седница. Нашето барање, согласно деловникот, беше потпишано од најмалку една третина членови на советот. Доставено беше во понеделникот, а уште нема абер. Таквото однесување е недопустливо, одговорноста тука ја барам од претседателот на Советот - рече советничката во Град Скопје од СДСМ, Љубица Јанчева во „Вин-вин“ на Телма.Таа додаде дека кога има барање за вонредна седница, тогаш претседателот на совет е должен да ја закажа, а оправданоста на тоа барање се гласа дополнително.- Вчера добивме информација дека најран термин за вонредна седница е 27 мај. Тоа се 15 дена од барање, што е период за две редовни седници. Потребна е вонредна седница и за мостот кај Беласица исто така час поскоро - рече Јанчева.Советничката истакна дека Советот на Град Скопје треба да дискутира, да донесе заклучоци и да даде задолженија на градоначалничката во врска со опожарениот мост.- Ваквата ситуација е прашање за вонредна седница. Час поскоро треба да добиеме одговори и да се почне со санација на мостот - рече Јанчева, која додаде дека не може градоначалничката да се обвини за пожарот, но тоа не значи дека Град Скопје не треба ништо да прави.

Македонија | пред 2 години

Арсовска мора да го информира Советот за состојбата на мостот Беласица, властите наместо да го решат проблемот, си ја префрлаат топката, вели ВМРО-ДПМНЕ

Советничката група на ВМРО-ДПМНЕ во Советот на град Скопје очекува што побрзо да биде ставена на дневен ред точката за мостот Беласица, потребна е итна санација.„Арсовска мора да го информира Советот што се случува и зошто со денови нема конкретни информации во врска со состојбата на мостот Беласица.Граѓаните ги интересира што побргу мостот да биде ставен во функција.Скопјани не можат да чекаат на префрлањето на топката помеѓу Владата и Арсовска. Како што се договараат за гласање на финансиските програми, така да се договорат и мостот да биде поправен во најитен рок.Неколку стотина илјади скопјани кои секојдневно се на релација од Центар и Аеродром кон Гази Баба се соочуваат со метеж, затоа што властите наместо да го решат проблемот, си ја префрлаат топката.Оттука Советничката група на ВМРО-ДПМНЕ во Советот на град Скопје побара најитно ставање на дневен ред на точката за барање информација во врска со состојбите, по што ќе може да произлезат и конкретни предлози и решенија“, се вели во соопштението.

Скопје | пред 2 години