МВР

Крими-Скопје: Дете натепано во Аеродром, две тепачки во Драчево, со пиштол вперен во вработени ограбена обложувалница во Чаир

Дете натепано од три лица кои избегале, обложувалница ограбена во Чаир, тепачки во Драчево, а педагог директорка и вработени во средно училиште во Скопје пријавиле дека родител ги вознемирувал. Ова се само дел од настаните во кои интервенирала полицијата во изминатите 24 часа.На 23.02.2024 во 23.00 часот во СВР Скопје, М.З.(38) од с.Долно Лисиче, скопско пријавил дека околу 19.00 часот во близина на средно училиште на подрачјето на општина Аеродром во Скопје неговиот малолетен син физички бил нападнат од три лица. Се преземаат мерки за расчистување на случајот.На 23.02.2024 во 21.40 часот во СВР Скопје било пријавено дека околу 20.45 часот во спортска обложувалница на подрачјето на Чаир, едно лице со закана со оружје и со употреба на физичка сила искршило дел од инвентарот и од вработениот одзело пари. Се преземаат мерки за расчистување на случајот.Денеска (24.02.2024) во 01.56 часот СВР Скопје било пријавено дека на подрачјето на Драчево пред спортска обложувалница, бил нарушен јавниот ред и мир со физичка пресметка помеѓу Г.Т.(37) и М.Б.(39), двајцата од Скопје. По целосно документирање на настанот ќе следува соодветен поднесок.На 23.02.2024 во 09.00 часот во СВР Скопје, 34-годишна жена пријавила дека на 10.02.2024 околу 14.00 часот во објект на подрачјето на Бит Пазар каде работела, Б.М. ја допирал по телото. Се преземаат мерки за расчистување на случајот.Денеска (24.02.2024) во 03.00 часот во СВР Скопје И.Б.Ј.(31) од Скопје пријавила дека околу 01.00 часот на автопатот Велес-Скопје, атар на с.Идризово, три лица се однесувале агресивно кон неа, а едно од нив го скршило ретровизорот од нејзиното патничко возило „голф“ со скопски регистарски ознаки. Се преземаат мерки за расчистување на случајот.На 23.02.2024 во 20.30 часот во СВР Скопје било пријавено дека на подрачјето на Драчево, бил нарушен јавниот ред и мир со физичка пресметка помеѓу неколку малолетници од с.Горно Количани и с.Долно Количани, скопско. Се преземаат мерки за расчистување на случајот.На 23.02.2024 во 17.50 часот во Полициската станица Центар А.Д., педагог во средно училиште од Скопје, пријавила дека таа, директорката и вработени во училиштето биле вознемирувани од М.К., родител на ученичка. Се преземаат мерки за расчистување на случајот.

Скопје | пред 2 години

Демантирам дека во МВР има неорганизираност, наредната недела стигаат уште 85.000 обрасци, вели Бојмацалиев

Дополнителниот заменик министер за внатрешни работи Митко Бојмацалиев во интервју за Канал77 рече дека не може да стане збор за неорганизираност во МВР, бидејќи во континуитет се извршуваат услугите кон граѓаните.„Не станува збор за никаков хаос, неорганизираност, саботажа или немање обрасци. Ако ги гледате бројките изминатите години колку била заинтересираност за промена на лични документи, а тоа доведе од целата политичка пропаганда од оние кои денес бараат пасош плус повеќе зборувам за политичарите со Северна, ние од отпочнувањето на самиот процес, од јули 2021 со издавање на сите лични документи со Северна Македонија, сме можеле комотно да го завршиме целиот процес. Сме имале обрасци, машините биле спремни, организацијата на МВР била спремна и од јули до месец февруари 2024, сме можеле комотно 2 милиони документи да испечатиме со Република Северна Македонија. Уште еднаш потврдувам дека обрасци има, имало и ќе има. МВР била на висина на задачата и 2021, 2022 кога имало околу 50.000 граѓани, декември-јануари и кога имало 170.000 заинтересирани граѓани биле примени од страна на службите на МВР и таа услуга им била дадена. Уште еднаш потврдувам и ги демантирам сите гласини дека во МВР немало организација, имало хаос, фалеле обрасци. Напротив, има организација, сме излегле во пресрет на секој еден граѓанин. Обрасци имало, има и ќе има”, рече Бојмацалиев, додавајќи дека ги кажува бројките и фактите, при што уште еднаш ги зеде како пример пратките на обрасци.„Јас не кажувам дали некој лаже, јас ги кажувам фактите и бројките. На денот на примопредавање стигаат 50.000 обрасци подоцна 20.000, четвртокот навечер 140.000 обрасци, наредната недела стигаат 85.000 обрасци, или вкупно со тие што ќе пристигнат се 1.734.000 обрасци”, потенцираше Бојмацалиев.

Македонија | пред 2 години

Возач и сопатник се во болница - тешка несреќа во Битола

На 23.02.2024 во 19.58 часот во СВР Битола било пријавено дека на крстосница од ул.„Прилепска“ и ул.„Наум Наумовски Борче“ во Битола се случила сообраќајна несреќа помеѓу патничко возило „фолксваген пасат“ со битолски регистарски ознаки, управувано од С.Т.(68) од Битола и патничко возило „бмв“ со битолски регистарски ознаки, управувано од М.А.(29) од Битола.Во несреќата со тешки телесни повреди се здобил сопатникот од возилото „бмв“ П.Ч.(45), а со телесни повреди се здобиле возачот М.А. и сопатник А.Х.(29) сите од Битола, констатирани во Клиничката болница Битола. Извршен бил увид од увидна екипа од СВР Битола.

Македонија | пред 2 години

Расчистен обид за убиство во Скопје: пукал во кафеана, но не успеал да го убие

На 23.02.2024 СВР Скопје до ОЈО Скопје поднесе кривична пријава против А.К. (36) од Скопје поради обид за убиство. На 22.02.2024 околу 14.20 часот во Скопје, полициски службеници од Единицата за интервентна полиција при СВР Скопје го лишија од слобода А.К.(36) од Скопје, постапувајќи по претходна пријава дека околу 14.00 часот во угостителски објект на ул.„Ќемал Сејфула“ во Скопје пукал во Е.С. и му нанел повреда во ногата.Против А.К. е поднесена кривична пријава до ОЈО Скопје, а судија од Основен кривичен суд Скопје му одреди мерка притвор од 30 дена.

Скопје | пред 2 години

Двојно убиство во Куманово, едно лице се бори за живот - полицијата со детали

Повеќекратно убиство се случи во Куманово, потврдуваат од МВР за „Скопје1“. Според првичните информации, брат пукал во сестра му и нејзините синови.„На 21.02.2024 година во 12.25 часот полициски службеници од СВР го лишиле од слобода Д.Ѓ. (66) затоа што во село Габреш,кумановско поради нерасчистени имотно правни односи пукал од огнено оружје кон неговата сестра Д.Р.(63), и нејзините синови Ж.Р.(36) и Т.Р.(38). Итна медицинска помош констатирала смрт кај Д.Р. и Т.Р., додека Ж.Р.со повреди е пренесен во Општа болница Куманово“, велат од МВР.Жената и 38-годишникот починале, третото лице се бори за живот. Увидот е во тек.

Македонија | пред 2 години

Старица прегазена во Битола - со тешки повреди однесена во болница

На 22.02.2024 во 11.16 часот во СВР Битола било пријавено дека на ул.„Никола Тесла“ во Битола, товарно возило „фолксваген“ со скопски регистарски ознаки, управувано од И.К.(60) од с.Сарај, скопско, удрило во М.Г.(83) од Битола.Во несреќата со тешки телесни повреди се здобила М.Г., констатирани во Клиничката болница Битола.Извршен бил увид од увидна екипа од СВР Битола.

Македонија | пред 2 години

„Во МТВ се земаат возачки на лица кои не доаѓаат лично“ - сведоштво за хаосот во институциите

Сабина Факиќ, сподели искуство од пунктот на МВР во МТВ каде се подигнуваат личните документи.„Во пунктот во МТВ еден работи на издавање возачки дозволи, а документите се послани дел на биро, а дел на под. Доаѓа негов колега и прашува каде се подредени итните возачки и како одат буквите и наоѓа возачка дозвола за извесното лице (кое не е присутно) и мртов ладен се потпишува и ја зема.Го прашувам – како тоа зема туѓа возачка дозвола, на што дрско ми возврати која сум јас да го прашувам и ме упати да се жалам кај началничката. Му реков дека не ми е тоа намерата туку да го засрамам јавно затоа што од таквите како него е созададен хаосот во институциите. Вработениот кој ги издаваше возачките молчеше. Виновни се и двајцата. Случајно или не, по кавгата мојата возачка дозвола не можеше да се најде“, пишува таа.Голем дел од граѓаните не и по еден месец не ги добиваат документите, без разлика дали ги вадат по редовна или итна постапка.

Коментари | пред 2 години

Прилепчанец исчезна пред два дена, пронајден е мртов: „телото е дадено на обдукција“

Прилепчанецот Александар Јошески по кого се трагаше два дена, синоќа е пронајден мртов, објавија членовите на неговото семејство.„Го пронајдовме. Ви благодарам на сите за помошта. Бог да го прости, не е веќе меѓу нас“, напишаа од семејството.Јошески исчезна на 21 февруари, а последен пат бил виден кај автомеханичар „Цуцуло“. Од МВР велат дека телото е дадено на обдукција.„Во ОВР Прилеп било пријавено дека на место викано „Топташ“ во Прилеп бил пронајден починат А.Ј.(46) од Прилеп, за кој истиот ден во 10.00 часот неговата сопруга С.Ј.(47) пријави дека се оддалечил од домот. Смрт констатирал доктор од Итна медицинска помош Прилеп, а увид извршила екипа од ОВР Прилеп“, информираат од МВР.

Македонија | пред 2 години

Дополнителниот министер во МВР на граница ги чекаше обрасците за пасоши

Вечерва, (22.02.2024) дополнителниот заменик министер за внатрешни работи Митко Бојмацалиев на Граничниот премин Богородица, ги пречека новите 140.000 обрасци за пасоши, демонстрирајќи го концептот „МВР за Граѓаните” на дело.Претходно, Бојмацалиев информираше дека покрај денешната пратка од 140.000 обрасци, за многу скоро време ќе пристигне уште една пратка од 85.000 обрасци, со што како што најави Бојмацалиев, бројката од 225.000 обрасци се комплетира.„Досега се пристигнати 1.509.600 обрасци за патни исправи, а со обрасците што ќе стасаат утре и до крај на месецот ќе бидат вкупно 1.734.600. Исто така, за многу скоро време ќе пристигне уште една пратка од 85.000 обрасци. Со тоа, како што најавив, бројката од 225.000 обрасци се комплетира. Досега се пристигнати 1.509.600 обрасци за патни исправи, со овие што ќе стасаат утре и до крај на месецот ќе бидат 1.734.600”, информираше Бојмацалиев.Во оваа прилика, Бојмацалиев упати апел до сите граѓани навремено да ги поднесат своите барања за промена на своите пасоши, а вработените во управните служби се на располагање за сите потребни информации и поддршка во процесот на поднесување, сликање и издавање на новите документи.МВР продолжува со одржување на континуитетот на подготвеност да одговори на зголемената побарувачка и да ги задоволиме потребите на нашите граѓани во процесот на промена на личните документи.

Македонија | пред 2 години

Кошкање во МВР, дополнителниот го критикува министерот: Граѓаните по седум дена не можат да закажат термин

Во разговор за ТВ21, дополнителниот заменик министер за внатрешни работи Митко Бојмацалиев запрашан за гужвите кои се создаваа во целиот процес на вадење лични документи, закажување, сликање и земање, објасни дека принципот на работата на пунктот за сликање „Пролет“ со „прв дојден, прв услужен функционираше.„Знаете дека од октомври, ноември го отворивме пунктот „Пролет“ којшто функционираше без телефонско закажување на принципот „прв дојден, прв услужен“. Го отворивме тој пункт бидејќи во месеците јули, август и септември имавме појава каде што луѓето закажуваат а не се појавуваат на закажаните термини. Дали било организирано или политички мотивирано, не може да се докаже. Тогаш раководството на МВР, јас бев шеф на кабинет, министерот Спасовски, одлучи дека треба да отвориме еден пункт за Скопје бидејќи остатокот од државата се над 99% веќе со извадени документи, се отвори пунктот „Пролет“ со модел „прв дојден, прв услужен“. Со доаѓањето на новиот министер, тој одлучи дека тоа е ужасно решение, го укина и ги врати повторно телефонските закажувања за денес граѓаните по седум осум дена вртат и не можат да добијат за да закажат термин. Јас тогаш а и сега јавно кажувам дека бев против укинување на принципот „прв дојден, прв услужен“ бидејќи сепак ја движеше работата а сега имаме застој. Најголемите гужви беа кога првично дојдоа над 170.000 граѓани наеднаш кога сфатија дека одредени политичари ги лажат со тоа „Никогаш Северна“ и реално дојдоа да ги сменат своите документи. Тогаш се створи ден-два гужва во прием на документи кои ги издававме во законски предвидениот рок, донесовме и одлука дека ќе се носат на домашна адреса. И како што информирав пред некој ден 95% од тие документи веќе се однесени на домашна адреса, луѓето се најдени и ги примиле своите документи. Повелете да проверите во МТВ на пунктот за издавање лични документи дека нема никаква гужва”, рече Бојмацалиев.На прашање како оди сега процесот на закажувње Бојмацалиев потврди дека граѓаните во моментот се жалат дека Call центарот не функционира и дека секојдневно има барања пак да се врати пунктот во „Пролет“ со функционирање „прв дојден, прв услужен“.„Стојам на ставот дека вака не функционира и дека треба да се врати „Пролет“ во режим на работа „прв дојден, прв услужен“, бидејќи граѓаните тоа го бараат. Јас само ги пренесувам реакциите на граѓаните. Call центарот не функционира бидејќи има преголем број телефонски јавувања и граѓаните чекаат по седум, осум дека да добијат на телефон, наспроти тоа што го кажувате дека чекале по седум, осум часа“, дециден беше Бојмацалиев.

Македонија | пред 2 години

Ексшефот на кабинет на Спасовски: МВР не потфрли во нарачката на обрасци

Во вестите на ТВ21 дополнителниот заменик министер за внатрешни работи Митко Бојмацалиев беше запрашан за најавената истрага во врска со обрасците за патни исправи во процесот на промена на лични документи на граѓаните.„Истрагата е побарана од новиот технички министер Панче Тошковски. Можам да потврдам дека не се работи за никаква саботажа во МВР и ќе дадам конкретни примери зошто тоа не е така. На самиот ден на примопредавање стигаат во МВР 50.000 пасоши, минатата недела 20.000 пасоши. Во четврток или петок добиваме бројка од над 100.000 пасоши и наредната недела добиваме околу 120.000 пасоши, тоа што најавив дека наредната недела ќе добиеме огромна бројка обрасци. Имаме информација од Веридос дека ќе биде испорача во два турнуси. Со тие обрасци кои стигнаа и оние кои што ќе дојдат ја задоволуваат потребата на МВР да излезе во пресрет на граѓаните и да им ги издаде документите кои им се потребни, до следната тура на обрасци, која ќе дојде над 300.000 во месец јуни”, информираше Бојмацалиев. Притоа, тој потенцираше дека МВР не потфрлило во нарачката на пасоши, бидејќи биле нарачани приближно 2 милиона.„Ако се вратиме назад, во државата имаме 1.803.000 кои имаат важечка патна исправа. Кога се правела проекцијата за нарачка на пасоши, била направена приближно 2 милиона. Никаде МВР не потфрлило или не предвидело колку пасоши ќе бидат потребни за граѓаните. Јас жалам што во овој период имаше политички партии кои повикуваа ‘Никогаш Северна’, договорот ќе го укинеме, и граѓаните ги доведоа до заблуда да не ги сменат своите патни исправи. Ова го велам зошто имам факти и докази зошто е тоа така”, беше дециден Бојмацалиев, надополнувајќи со статистички податоци.„Во 2021, 2022, ако во короната имаше пик на заболени, ние имаме пик на најмногу побарување на граѓаните за лични документи. Годините кои ги споменав, декември и јануари, имаме просек од 40-50 илјади граѓани кои барале смена на лични документи. Како реториката на одредени политички партии се намалуваше и ја прифаќаа реалноста, бидејќи мислеа дека така ќе добијат некои политички поени во одреден период, се намали таа реторика, и декември, јануари имаме граѓани кои барале смена на лични документи над 170.000 граѓани. Што ми е поенатата? Ако изминатиот период ја немало таа реторика на одредени политички партии и политичари за дневно политички поени, ние досега ќе сме ги сменеле сите пасоши и документи. Бидејќи, капацитетите на МВР покажуваат дека можат да услужат и 170.000 граѓани. Не во тоа дека некој некого саботирал од внатре или го довел до оваа ситуација. МВР и државата ги создаде сите услови кои се потребни за промена на личните документи. Тоа го зборуваат бројките”, рече Бојмацалиев.

Македонија | пред 2 години

Куп тепачки во Скопје: сопруг шамарал сопруга, дете натепано во Центар, скопјанец во Гази Баба

Жена натепана од сопругот, скопјанец добил ќотек од неколку лица, малолетник шамаран од непознато лице, а скопјанец во Центар. Вака од прилика изгледал вчерашниот ден во Скопје. МВР излезе со детали.На 20.02.2024 во 23.20 часот во СВР Скопје, 40-годишна жена од Скопје пријавила дека околу 20.30 часот на подрачјето на Центар била физички нападната од нејзиниот сопруг С.Л.(43) од Скопје. Се преземаат мерки за расчистување на случајот.На 20.02.2024 во 23.40 часот во СВР Скопје, Ј.К.(33) од Скопје пријавил дека пред казино на подрачјето на Гази Баба физички бил нападнат од неколку лица. Се преземаат мерки за расчистување на случајот.На 20.02.2024 во 13.40 часот во СВР Скопје, Г.О.(48) од Скопје пријавил дека на 17.02.2024 околу 22.00 часот на подрачјето на Центар, неговиот малолетен син физички бил нападнат од едно лице. Се преземаат мерки за расчистување на случајот.На 20.02.2024 во 08.30 часот во СВР Скопје, Ѓ.П.(47) од Скопје пријавил дека на подрачјето на Центар физички бил нападнат од едно лице. Се преземаат мерки за расчистување на случајот.На 20.02.2024 во 07.46 часот во СВР Скопје, Н.С. (49) од с.Волково, скопско пријавил дека на подрачјето на општина Аеродром, по претходно недоразбирање во сообраќајот, физички бил нападнат од Н.А.(38) од Скопје, кој употребил и тврд предмет. По целосно документирање на случајот ќе следува соодветен поднесок.

Скопје | пред 2 години

Апсења на три гранични премини

На 20.02.2024 во 18.00 часот на Граничниот премин Табановце, полициски службеници го привеле Т.Ј.(30) од Р.Албанија поради тоа што при извршена пасошка контрола било констатирано дека во неговата патна исправа недостигаат страници. Тој бил предаден на полициски службеници од СВР Куманово за понатамошна постапка.Денеска (21.02.2024) во 01.30 часот на Граничниот премин Долно Блаце, полициски службеници го привеле У.Г.(33) од Косово поради тоа што при извршена пасошка контрола било констатирано дека истиот приложил оштетена лична карта на која се вршени преправки. Тој бил предаден на полициски службеници од отсекот за прекуграничен криминал и миграции Скопје за понатамошна постапка.На 20.02.2024 во 23.30 часот на Граничниот премин Деве Баир, полициски службеници го лишиле од слобода Г.М.Е.(51) од Р.Турција поради тоа што при извршена пасошка контрола и проверки било констатирано дека меѓународната зелена карта за осигурување на товарно возило била фалсификувана. Тој бил предаден на полициски службеници од Полициската станица Крива Паланка за понатамошна постапка.

Македонија | пред 2 години

Двајца стружани завршија со лисици во станица

На 20.02.2024 во 19.15 часот полициски службеници од ОВР Ресен, на ул.„Јосиф Јосифовски” во Ресен ги лишиле од слобода Ш.Т.(43) и И.М.(34), двајцата од Струга, затоа што при преглед на патничко моторно возило марка „ауди“ со струшки регистарски ознаки, управувано од И.М. и сопатник Ш.Т., кај сопатникот била пронајдена кеса со марихуана.По документирање на настанот ќе следува соодветна пријава.

Македонија | пред 2 години

Охриѓанец тешко повреден - уште една сообраќајна несреќа

Во СВР Битола е пријавено дека во 21.15 часот на магистралниот пат А-3 Ресен - Буково кај место викано леворечки мост се случила сообраќајна несреќа во која патничко моторно возило „хонда” со охридски регистарски ознаки, управувано од Д.Н.(38) од Охрид, излетало од коловозот, при што Д.Н. се здобил со тешки телесни повреди и бил пренесен во болницата „Св.Еразмо“ во Охрид.Увид извршила увидна екипа на ОВР Ресен.

Македонија | пред 2 години

Земјите членки на ЕУ изразуваат разбирање за прашањето со македонските патни исправи, вели Тошковски

Комитетот за патни исправи на Европската комисија ќе покаже разбирање за проблемот со патните исправи за македонските граѓани во рамки на Европската унија. Ова денеска го изјави техничкиот министер за внатрешни работи Панче Тошковски во утринската емисија „Ја сакам Македонија“ на ТВ Сител, повикувајќи ги повторно пратениците во Собранието на Република Северна Македонија да покажат разумност и разбирање за нашите граѓани и да ги изгласаат измените на Законот за патни исправи.„Денеска добив писмена информација дека Комитетот за патни исправи на Европската комисија одржал состанок. Ова ми беше најавено и од амбасадор на Белгија. Според оваа информација земјите од Европска унија ќе имаат разбирање за проблемот и ќе бидат максимално коректни и воздржани во однос на нашите граѓани. Ова се однесува на нашите граѓани кои се надвор од Македонија, на пример во Германија имаме 70.000 македонски државјани кои имаат стари патни исправи. Тие без проблем ќе може да отидат во Унгарија и Чешка, ама нема да можат да излезат од Македонија ако дојдат дома. Европскиот комитет дава мислење до земјите да имаат разбирање. А ние што правиме, само Македонија, освен Грција, го крши основно човеково право на слобода и движење, заради тоа што пратениците од владеачката структура од СДСМ и ДУИ не сакаат да стиснат едно копче“, потенцираше Тошковски.

Македонија | пред 2 години

„Вадам пасош по итна постапка, поминав низ голгота и ми ставиле туѓа слика“ - граѓаните се жалат дека им грешат и лични податоци

Велешанецот Игор Смилев тврди дека во пасош кој го вадел по итна постапка, му била згрешена фотографијата. Па наместо од него, изработувачите од МВР ставиле фотографија од друго лице. Поради ова, тој морал одново да се фотографира и чека за пасошот да биде изработен. Но освен него, на неговата објава се јавија и други граѓаните со сличен проблем - грешка во име или презиме.„Северџанија деновиве, губиш ден, се сликаш итно за пасош, минуваш низ голгота, се пцуеш со блиски и туинци и конечно ти закажуваат термин за подигнување на пасош. Доаѓаш на термин, губиш цел ден, го земаат пасошот и.. ти ставиле туѓа слика во твојот пасош. Ох Универзуме, што ти згрешивме“, пишува велешанецот Смилев во јавниот статус.Под него, и други граѓани се јавија со истиот проблем.„Ми погрешија буква во името - судбина или неписмена администрација. И што понатаму ... се одново?!“, пишува друго лице, а се надовржува и друга жена која посочува: „Да се одново. Мене на ќ на презимето, цртичка не ја ставиле, напишале к. Се јово на ново“.За грешките во патните исправи се обративме и во МВР. Оттаму очекуваме одговор дали пасошот на Смилев е заменет, како и, дали често се случуваат грешки при изработка на пасошите, во и онака, малкуте обрасци кои државата ги има на располагање.

Коментари | пред 2 години

Нема обрасци за пасоши, ниту термини, а по готовите документи се води потрага, а во МВР истрага оти се случил хаос со нарачката

Нема термини, но нема ниту обрасци за пасоши, а во Министерството за внатрешни работи се води и внатрешна истрага оти најавените 400 илјади не стигнале поради измена на договорот со фирмата која ги испорачува. Услугата за електронско закажување на работи, укажуваат граѓаните, а телефоните се постојано зафатени и тешко е да се стигне до оператор. Упорноста ретко се исплати, а граѓаните вртат од утро до мрак за да го поминат само првиот чекор: закажување на термин.Според сведочењата, над 200 пати треба да се повика бројот 071 929 292. Но и тоа може да е залудно. Линиите најчесто се блокирани. Кога ќе се стигне до оператор, терминот може да биде и за по летните месеци. За итна постапка, се чека и до месец за фотографирање, со што почнува процесот на изработка. Утрово во МРТВ немаше гужви, термините се почитуваа.Но, оттука почнува голготата. Граѓани кои се фотографирале кон крајот на декември како за пасош, така и за возачка - се уште не можат да дојдат до документите. Тие сведочат дека кога биле на пунктот за подигнување по 15 работни денови, документите не им биле таму. Првото оправдување било дека не биле изработени, за потоа, да им биде кажано дека им се пратени на домашна адреса. И додека одговорноста се префрла, достава нема.Голем дел од граѓаните бараат начини да дојдат итно до пасоши поради неодложни обврски во странство. Но, од првично нарачните 400 илјади обрасци за пасоши, средината на февруари, според Телма, стигнале само 20.000 обрасци. Зошто е волку голема разликата - нема одговор. Внатрешна контрола сега истражува кој и зошто изменил одреден акт во декември, за добавувачот да има можност да испорача помалку обрасци - иако по пунктовите е „тепачка“ за пасоши.„Во врска со договорот за набавка на патни исправи, ве информираме дека за истиот е отворена постапка при одделот за внатрешна контрола, криминалистички истраги и професионални стандарди“, велат од МВР.Уште кога стапи на функцијата државен јавен обвинител, Љупчо Коцевски кажа дека со обвинителите ги следат случувањата со издавање на лични документи.

Македонија | пред 2 години

Најмногу возачи се казнети за брзо возење во Скопје

Секторот за внатрешни работи Скопје во текот на вчерашниот ден (19.02.2024) продолжи со контролите во областа на сообраќајот.„На територија на град Скопје изречени се вкупно 209 мерки, меѓу кои за возење повеќе од дозволената брзина 24 санкции, 19 мерки за возење без возачка дозвола, 11 за користење мобилен телефон при управување, осум мерки за некористење на сигурносен појас...Сообраќајните контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта“, велат од МВР.

Скопје | пред 2 години

И кривична до јавен обвинител за обезбедувачот на Мицкоски кој остана без функцијата

Секторот за внатрешни работи Скопје и Одделот за внатрешна контрола, криминалистички истраги и професионални стандарди преземаат мерки и активности за расчистување на случајот од синоќа, кога околу 00.40 часот во угостителски објект во центарот на Скопје, полициски службеници од Единицата за недозволена трговија при СВР Скопје го лишија од слобода И.Б.(43) од Скопје, полициски службеник кој не бил на должност.„Затоа што физички нападнал полициски службеник кој извршувал службени дејствија. И.Б. е приведен во полициска станица и известен е јавен обвинител, по чии насоки се преземаат соодветни мерки и активности и по завршување на постапката ќе следува соодветен поднесок по насоки на Јавниот обвинител, а од страна на Одделот за внатрешна контрола, криминалистички истраги и професионални стандарди по целосно документирање на настанот ќе бодат преземени соодветни дисциплински мерки согласно колективниот договор во МВР“ велат од МВР.

Македонија | пред 2 години

Немало тепачка, туку турканица: Што се случувало во „Мош“, каде полицаец се „судри“ со колега

Немало тепачка туку турканица во кафе-барот „Мош“, кога полицајци влегле да прават претрес за пронаоѓање на наркотични средства, дознава „Скопје1“. Очевидци тврдат дека драмата се случувала околу полноќ, а сѐ се одвивало на едно од сепареата. Полицаецот Ивица Бисовски кој не бил на должност, во критичните моменти бил во објектот, а лицето кое пријавило дека бил нападнат му се доближил и почнала вербална расправија.Според неофицијалните информации на „Скопје1“ од очевидци, претресот се одвивал непречено и проверувани биле повеќемина од гостите. Кога полицајците се доближиле до сепарето каде бил Бисовски, започнала тензичната атмосфера. Расправијата се преточила во физички подбутнувања, по што Бисовски му ја фатил раката на полицаецот, што бил физички контакт кој МВР во билтенот го карактеризира како „физички напад“.Полицајците дојдени да го претресат локалот му кажале на Бисовски дека ќе го приведат поради неговиот однос, на што, тој не давал отпор. Потоа, следувало и апсењето. Сето ова се случувало пред десетици гости во локалот, а акцијата била прекината, сосе претресите.„Скопје1“ побара информации од МВР, доколку имало физички напад, какви повреди има нападнатиот полицаец, на што очекуваме одговори.Дополнителниот заменик во МВР прв се „пофали“ дека е згрозенМитко Бојмацалиев, дополнителен заменик министер во МВР прв обзнани дека имало инцидент.„Згрозен сум од чинот што се случи ноќеска кога колега полициски службеник нападнал друг колега пред угостителски објект којшто во тој момент извршувал службени дејствија. Напад врз полициски службеник е напад на држава! Истиот е лишен од слобода и повикувам внатрешна контрола и СВР Скопје да постапат соодветно и максимално професионално.Македонската историја не памети ваков случај на поранешен висок полициски функционер да нападне и спречи свој колега во извршување на својата службена должност.Ова е преседан во полициското работење, повикувам максимално професионално да се расветли овој случај во интерес на граѓаните и државата!“, напиша тојМВР со кратка информација за инцидентот Без никакви детали, со кратка информација МВР кажа дека се случил инцидент. „На 18.02.2024 во 00.40 часот во угостителски објект на подрачје на Центар во Скопје, полициски службеници Единицата за недозволена трговија при СВР Скопје го лишиле од слобода И.Б.(43) од Скопје, полициски службеник кој не бил на должност, затоа што физички нападнал полициски службеник кој извршувал службени дејствија“, велат од МВР.Се дозна дека Бисовски е обезбедувач на Мицкоски, а лидерот го тргна од тимотЕкспресно се рашири информацијата дека лицето кое попречило службеник бил обезбедувач на Христијан Мицкоски. Поради ова, од ВМРО-ДПМНЕ веднаш обзнанија дека тој повеќе нема да биде дел од тимот.„Споменатото лице е ангажирано како дел од обезбедувањето, но истото не е шеф на обезбедување на претседателот на ВМРО-ДПМНЕ.  Од она што ни е познато станува збор за лична нетрпеливост меѓу двајцата полициски службеници.По ваквиот настан, истото ќе биде отстрането од обезбедувањето и нема да има никакви работни ангажмани поврзани со Претседателот на партијата.Бараме органите, без задршка да ги преземат сите потребни мерки за расветлување на настанот и најостро да казнат секаков вид на насилство, постапувајќи во согласност со законот“, велат од ВМРО-ДПМНЕ.СДСМ тргна во поход по поениПо 40 минути откако дополнителниот минситер во МВР напиша дека имало инцидент, прес-конференција закажа Дарко Каевски од СДСМ. Тој излезе и кажа: „Еве го ВМРО-МВРО на дело“.„Шефот на обезбедувањето на Христијан Мицкоски тепа полицајци. Ноќеска, пред кафе барот Мош во Скопје, шефот на обезбедувањето на Мицкоски, Ивица Бисовски, физички нападнал полицаец! Иако и самиот е полицаец шефот на обезбедувањето на Мицкоски се обидел да спречи полициска акција за дрога. Затоа е тепан полицаецот, инспектор од НТШ, за борба против дрога. Напад на полицијата, напад на полицајците е напад врз државата. Станува збор за истиот Ивица Бисовски кој во време на ковид пандемијата беше заедно со Мицкоски во теретаната а потоа и во кафана на Боемска улица иако беше забрането.ДПМНЕ секој ден го покажува своето вистинско насилничко и криминално лице. Доволни беа неколку денови откако влегоа во техничката Влада. ВМРО-МВРО е на дело, повторно. Овој скандал отвора многу дилеми за улогата на Мицкоски и ВМРО-МВРО. Очекуваме одговори од министерот Тошковски и од Христијан Мицкоски. Овој скандал мора да биде расчистен целосно. Институциите мораат да постапат и секој инволвиран да понесе одговорност. А Мицкоски да излезе пред граѓаните и да објасни“ рече Дарко Каевски, пратеник и портапрол на СДСМ.

Македонија | пред 2 години

Хаос: Пресметка меѓу полицајци во Скопје пред ресторан, па следувало апсење, објави Бојмацалиев

Полицајци се истепале пред угостителски објект, објави дополнителниот министер во МВР, Митко Бојмацалиев. Тој посочува дека еден полицаец нападнал друг, па бил уапсен.„Згрозен сум од чинот што се случи ноќеска кога колега полициски службеник нападнал друг колега пред угостителски објект којшто во тој момент извршувал службени дејствија. Напад врз полициски службеник е напад на држава! Истиот е лишен од слобода и повикувам внатрешна контрола и СВР Скопје да постапат соодветно и максимално професионално.Македонската историја не памети ваков случај на поранешен висок полициски функционер да нападне и спречи свој колега во извршување на својата службена должност.Ова е преседан во полициското работење, повикувам максимално професионално да се расветли овој случај во интерес на граѓаните и државата!“, напиша тој.

Македонија | пред 2 години

Апсења во Карпош, на Бит Пазар, во Велес: пет претреси, шест лица со лисици

Денеска (18.02.2024) во 03.15 часот на подрачјето на Карпош во Скопје, полициски службеници од Единицата за недозволена трговија при СВР Скопје го лишиле од слобода Б.П.(28) од Скопје затоа што кај него била пронајдена и одземена грутчеста материја. По целосно документирање на случајот ќе следува соодветен поднесок.На 17.02.2024 во 16.00 часот на подрачјето на Карпош во Скопје, полициски службеници од Единицата за интервентна полиција при СВР Скопје го лишиле од слобода С.С.(35) од с.Долно Седларце, тетовско, затоа што кај него била пронајдена и одземена марихуана. По целосно документирање на случајот ќе следува соодветен поднесок.На 17.02..2024 во 23.05 часот на подрачјето на Бит Пазар во Скопје, полициски службеници од Единицата за интервентна полиција при СВР Скопје ги лишиле од слобода А.Х.(23) од Скопје и Н.Ш.(24) од с.Студеничани, скопско. При преглед во патничко возило „фолксваген голф“ со скопски регистарски ознаки, кое го управувал Н.Ш., а сопатник бил А.Х., била пронајдена и одземена бела прашкаста материја. По целосно документирање на случајот ќе следува соодветен поднесок.На 17.02.2024 во 22.00 часот на улица „Алексо Демниевски“ во Велес, полициски службеници од Отсек за недозволена трговија со дрога при СВР Велес ја лишиле од слобода Р.Д.(19) од Велес затоа што кај неа била пронајдена и одземена марихуана. Таа била приведена во полициска станица, известен бил јавен обвинител и по документирање на настанот против неа ќе биде поднесена соодветна пријава.На 17.02.2024 во 22.30 часот на улица „8 Септември“ во Велес, полициски службеници од СВР Велес го лишиле од слобода С.М.(36) од село Доброшане, кумановско, затоа што при преглед кај него биле пронајдени и одземени марихуана, таблета екстази, грутчеста и прашкаста материја. Тој бил приведен во полициска станица, известен бил јавен обвинител и по документирање на настанот против него ќе биде поднесена соодветна пријава.

Македонија | пред 2 години

Експресно отстранет: Полицаецот кој нападнал колега бил дел од обезбедувањеот на Мицкоски

Полицаецот кој нападнал колега што бил работно ангажиран, работел како обезбедување на претседателот на ВМРО-ДПМНЕ, Христијан Мицкоски доделен од МВР. Од ВМРО-ДПМНЕ излегоа со став дека обезбедувачот ќе биде отстранет од тимот на Мицкоски.„Споменатото лице е ангажирано како дел од обезбедувањето, но истото не е шеф на обезбедување на претседателот на ВМРО-ДПМНЕ. Од она што ни е познато станува збор за лична нетрпеливост меѓу двајцата полициски службеници. По ваквиот настан, истото ќе биде отсрането од обезбедувањето и нема да има никакви работни ангажмани поврзани со Претсдателот на партијата. Бараме органите, без заддршка да ги превземат сите потребни мерки за расветлување на настанот и најостро да казнат секaков вид на насилство, постапувајќи во согласност со законот“, велат од ВМРО-ДПМНЕ.Се огласија и од МВР.„На 18.02.2024 во 00.40 часот во угостителски објект на подрачје на Центар во Скопје, полициски службеници Единицата за недозволена трговија при СВР Скопје го лишиле од слобода И.Б.(43) од Скопје, полициски службеник кој не бил на должност, затоа што физички нападнал полициски службеник кој извршувал службени дејствија. Лицето било приведено во полициска станица и по целосно документирање на случајот против него ќе биде поднесена соодветна пријава“, велат оттаму.

Македонија | пред 2 години

Во тетовско: „фолксваген“ излета од пат, повредени две лица кои се во болница

На 17.02.2024 во 10.40 часот во СВР Тетово било пријавено дека на локален пат во с.Челопек, тетовско, патничко возило „фолксваген бора“ со тетовски регистарски ознаки, управувано од С.Б.(41) од Тетово, излетало од патот.Во несреќата со тешки телесни повреди се здобиле возачот и неговата сопатничка М.Б.(36) од Тетово, констатирани во Клиничка болница Тетово.Извршен бил увид од увидна екипа на СВР Тетово.

Македонија | пред 2 години