Во одвоени полициски акции во Гостивар, Кавадарци и Велес биле приведени три лица по судски наредби за издржување затворски казни и мерка притвор.
Во селото Долна Бањица, гостиварско, бил приведен Е.Н. (26), кој се барал за издржување затворска казна од две години, седум месеци и 16 дена во КПУ Затвор Штип, поради бегство.
Во Кавадарци бил приведен Т.Т. (78), врз основа на наредба од Основниот суд Кавадарци, за издржување затворска казна од осум месеци за кривично дело „тешка телесна повреда“. Тој бил спроведен во КПУ Затвор Гевгелија.
Во Велес, пак, полицијата го лишила од слобода Т.И. (25), по издадена потерница врз основа на наредба од Основниот кривичен суд Скопје, за издржување мерка притвор. Тој бил спроведен во КПУ Затвор Скопје.
