НЕСРЕЌА

(Видео) Трагичен крај на драмата: Почина фудбалерот кој колабирал на натпреварот

Хуан Мануел Искијердо Вијана, фудбалер од Уругвај, почина откако му се слоши на натпреварот на неговиот национален тим против Сао Паоло во Копа Либертадорес. Искијердо, кој на 22 август на полувремето влезе на теренот против бразилскиот великан, ненадејно падна на тревата во 84 минута.До него притрчаа играчите на двата тима, набрзо му помогна и лекарскиот тим, а 27-годишниот фудбалер потоа беше префрлен во болница.Иако првично беше констатирано дека не се работи за срцев удар, туку за аритмија, шест дена по падот стигна тажна вест од болницата каде што престојуваше. „Со голема тага и шок во нашите срца ја објавуваме смртта на нашиот сакан Хуан Изкиердо“, ја потврди трагичната вест Насион.Во својата кариера, овој 27-годишен фудбалер играше за Серо, Пењарол, Монтевидео Вондерерс, Атлетико Сан Луис, Национал, потоа Ливерпул од Монтевидео пред да го облече дресот на Национал по втор пат во кариерата на почетокот на 2024 година.

Спорт | пред 1 година

8-годишно девојче се удавило додека пливало во Јадранско Mоре

Осумгодишно девојче од Германија се удавило додека пливало во Јадранското Море во близина на одморалиштето Бибионе, источно од Венеција.Малена била на одмор со семејството кога очигледно имала проблем додека пливала и се удавила.Другите капачи, кои биле во близина на осумгодишното девојче, набрзо забележале дека нејзиното тело лебди по водата и дека детето не се движи.Веднаш го вклучиле алармот, поради што на местото на настанот излегле карабинерите.Спасувачите го одвлекле безживотното тело на девојчето до плажата и почнале со реанимација.Хеликоптер долетал на местото на настанот, но по еден час реанимација, била констатирана смрт, пренесува Билд.Според италијанските власти, девојчето било на одмор со родителите и отишло во плиткото да си игра.Сепак, никој не знае како се удавило дете кое знае да плива. Се сомнева дека имала здравствени проблеми, пишува Телеграф.Карабинерите моментално ја истражуваат смртта на девојчето.

Свет | пред 1 година

Драма на Алпите: Се урна авион, се трага по преживеаните

Мал авион се урнал во алпската планинска област во близина на Бранднертал, во западна Австрија, блиску до швајцарската граница.Авионот бил на пат од Италија кога ненадејно се урнал на тешко пристапен терен.Планинските тимови за пребарување и спасување ја пребаруваат областа откако градоначалникот Клаус Бичи го вклучи алармот нешто по 10 часот денеска, јавува Vol.Во тек е итна потрага по преживеани, како и по остатоците од леталото.Околу 100 служби за итни случаи се на местото на настанот, вклучително и планинската спасувачка служба, противпожарната служба и полицијата во близина на местото на несреќата, за кое се верува дека е во областа Доњи Бригел, пренесува Пулс24.Поради густата магла во моментов не е можна потрага со хеликоптер, се вели во соопштението на Итната помош.Останува нејасно колку патници имало во авионот кој е во приватна употреба.Се вели дека авионот е модел со два мотори Beechcraft Baron 58 од 1978 година.

Свет | пред 1 година

Пукање во близина на средно училиште во Црна Гора: Еден ранет и еден уапсен

Едно лице е тешко повредено во престрелката што се случила синоќа во Тузи, во близина на мешано средно училиште „25 Мај“, соопшти Управата на црногорската полиција.Осомничениот за ова кривично дело е приведен, а од него е одземен пиштол магнум 357, кој ќе се вештачи во Центарот за судска медицина при Полициската управа.„Истиот ден во Клиничкиот центар на Црна Гора е примено едно лице со повреди во пределот на левото стапало предизвикани од дејство на проектил испукан од огнено оружје, при што му се констатирани тешки физички повреди - фрактура на коските на стапалото“, се вели во соопштението на полицијата.Во врска со пукањето, додаваат, сослушани се четири лица, а идентификуван е и А.У. (23) кој е осомничен дека употребил оружје.А.У. е приведен поради сомнение дека сторил кривично дело тешко дело против општата безбедност во врска со кривичното дело недозволено држење и држење оружје и распрскувачки материјали, се вели во соопштението.

Свет | пред 1 година

Македонски државјанин загина во сообраќајна несреќа во Грција

Во тешка сообраќајна несреќа која се случила вчера попладне во близина на Килкис (Кукуш) во северниот дел на Грција, загинал 55-годишен македонски државјанин, објавија грчките медиуми.На местото на несреќата пристигнале и пожарникари, кои интервенирале за да го извлечат возачот, кој бил пренесен во болница во Солун, каде што била констатирана смрт.Според информациите, се судриле два автомобили. Автомобилот со кој управувал 55-годишниот директно се судрил со друг автомобил управуван од 44-годишна жена.Причините за несреќата засега не се познати.

Македонија | пред 1 година

(Видео) Прелета преку улицата: Снимка од излетувањето на автомобилот во Вардар, од центарот на Скопје

Снимка од безбедносните камери покажува како се случила страотната несреќа утринава во центарот на Скопје, каде возило „Киа“ ја проби оградата на мостот кај МАНУ и излета во Вардар.Утрово екипа на ЈП “Улици и патишта” Скопје, интервенираше на санација на заштитната ограда на “Мостот на Револуцијата” во близина на Веро Џамбо.„Одбојната ограда на мостот е времено санирана со цел одржување на безбедноста на пешаците и возилата кои движат во овој дел од градот. Оштетувањето на заштитната ограда од мостот беше предизвикано од возило кое утрово излета во водите на река Вардар. По налог на Град Скопје и во корелација со МВР, штетата на оградата навремено е санирана, ЈП Улици и патишта апелира за внимателност во движењето на учесниците во сообраќајот“, велат од ЈП Улици и Патишта.Авомобилот е на скоро 50 метри од местото каде удрил во оградата.„На 24.08.2024 во 07.23 часот во СВР Скопје е пријавено дека патничко моторно возило „киа“ со скопски регистарски таблички, управувано од В.К. (32), ја пробило заштитната ограда на мостот Мајка Тереза и паднало во реката Вардар. В.К. е пренесн во ГОБ „8-ми Септември“ за укажување на помош“, велат од МВР за „Скопје1“.

Скопје | пред 1 година

(Видео) Страотна несреќа во Скопје: Автомобил излета во Вардар, возилото е на 50 метри од оградата во која удрило

Страотна несреќа се случи во центарот на Скопје, каде возило наместо преку мостот кој води кон МАНУ, тоа влетало во Вардар. Авомобилот е на скоро 50 метри од местото каде удрил во оградата.„На 24.08.2024 во 07.23 часот во СВР Скопје е пријавено дека патничко моторно возило „киа“ со скопски регистарски таблички, управувано од В.К. (32), ја пробило заштитната ограда на мостот Мајка Тереза и паднало во реката Вардар. В.К. е пренесн во ГОБ „8-ми Септември“ за укажување на помош“, велат од МВР за „Скопје1“.Местото и натаму го обезбедува полицијата. За страотната сообраќајка сведочи искршената ограда и канделабра.

Скопје | пред 1 година

Пронајдено и телото на ќерката на милијардерот: Крај на потрагата во потонатата јахта

Пронајдено е телото за кое се верува дека е на Хана Линч (16), шестото и последно лице исчезнато откако луксузна јахта потона во бура кај брегот на Сицилија, соопшти италијанската крајбрежна стража.Винченцо Загарола, од италијанската крајбрежна стража, претходно изјави дека потрагата по Хана „не била лесна или брза“, споредувајќи ја потонатата јахта со „зграда од 18 ката полна со вода“.Мајк Линч, неговата ќерка Хана, претседателот на меѓународната банка Морган Стенли, Џонатан Блумер, неговата сопруга Џуди Блумер, адвокатот Клифорд Ченс Крис Морвило и неговата сопруга Неда Морвило беа изгубени кога јахтата потона околу 5 часот наутро во понеделникот.Петнаесет од 22-ца патници и членови на екипажот на јахтата, вклучувајќи ја и сопругата на Линч, Анџела Бакареш, беа спасени од екипи за итни случаи, откако јахтата претрпе катастрофална штета од излевањето.Групата била поканета на бродот да ја прослави победата на Линч на суд, откако тој беше ослободен од обвиненијата за измама во Сан Франциско.Потонувањето на јахтата поради ненадејно невреме кај брегот на Сицилија привлече бројни теории, имајќи предвид дека само неколку дена претходно починаа партнерот на Мајк Линч и неговиот сообвинет во случајот со измама.

Свет | пред 1 година

(Видео) Хорор во Непал: 14 лица загинаа, а 16 се повредени во автобуска несреќа

Во несреќа на индиски автобус кој слета во реката во Непал, загинаа 14 лица, а 16 се повредени, додека се стравува дека има уште исчезнати, соопшти денеска портпаролот на непалската полиција.Вкупно 40 лица се наоѓале во автобусот со индиски регистарски таблички, кој слетал во реката Марсиангди, објави Ројтерс.Автобусот превезувал Индијци од туристичкиот град Покара до непалската престолнина Катманду, изјави портпаролот на полицијата Шајлендра Тапа.Тој додаде дека спасувачите извлекле 16 жртви од надојдената река во областа Танахун, на околу 118 километри од главниот град.

Свет | пред 1 година

Нема фотографија

(Видео) Лесен авион се урна на плажа во Италија

Вчера попладне на плажа кај италијанскиот град Минтурно се урна лесен авион, жирокоптер М22 кој може да лета со брзина од 200 км/ч и има две седишта.Пилотот, 68-годишен маж од Бергамо, не е повреден. Тој вели дека му се расипал моторот и морал принудно да слета.Гирокоптерот создава подигање со ротирање на голем хоризонтален пропелер над трупот. За разлика од хеликоптерот, роторот на жирокоптерот не е поврзан со мотор, туку слободно се врти во воздушниот тек додека моторот придвижува пропелер што го придвижува леталото напред.Поради движењето на роторот низ воздушната струја на роторот, се јавува авторотација, што создава подигање.Италијанските медиуми јавуваат дека во тоа време на плажата имало неколку десетици капачи.Немало повредени.

Свет | пред 1 година

(Видео) Јахта потона за минута во близина на брегот на Сицилија, шест лица исчезнати

Објавена е снимка од надзорна камера која го прикажува моментот непосредно пред потонувањето на луксузната јахта што потона во понеделникот наутро во близина на брегот на Сицилија во Средоземното Море.Според очевидци, бродот потонал за помалку од една минута, а италијанската новинска агенција АНСА потврдила дека не е можно да се спаси.Се уште се трага по шест лица исчезнати по потонувањето на јахтата, додека телото на готвачот е пронајдено.Меѓу исчезнатите се и сопственикот на јахтата, британскиот технолошки тајкун Мајк Линч и неговата 18-годишна ќерка Хана. Сопругата на г-дин Линч, Ангела Бакареш е меѓу 15-те луѓе кои беа спасени.Продолжува потрагата по Џонатан Блумер, претседателот на банката Морган Стенли, Крис Морвила, адвокат во големата компанија „Клифорд Ченс“ и нивните сопруги Џуди Блумер и Нед Морвила.Во тек е голема операција за пребарување, во која учествуваат крајбрежната стража, пожарникари, нуркачи и хеликоптери.

Свет | пред 1 година

Нема фотографија

(Видео) Голема автобуска несреќа во Иран: Најмалку 28 загинати

Најмалку 28 лица загинаа во несреќа на автобус кој превезувал шиитски аџии од Пакистан за Ирак во централен Иран, изјави денеска локалниот функционер Мохамад Али Малекзаде.Во несреќата што во вторникот вечерта се случи во централната иранска провинција Јазд, повредени се уште 23 лица, од кои 14 се здобиле со тешки телесни повреди.Во автобусот во моментот на несреќата имало 51 лице, а причината се истражува, пренесува АП.Аџиите биле на пат за Ирак да го одбележат Арбаин, 40-тиот ден по смртта на шиитскиот светец во VII век.Тие се собираат во Карбала, Ирак, на најголемиот годишен јавен состанок во светот.

Свет | пред 1 година

Загина 19-годишно момче во забавен парк во Пефкохори

Младо момче (19) загинал откако паднал во забавниот парк во Пефкохори, Халкидики. Несреќата се случила кога му пукнало седиштето на уредот на кој седел. Брзата помош пристигнала брзо, но момчето не можело да се спаси.Младото момче дошол со семејството на Халкидики и сите заедно отишле во забавниот парк да се забавуваат. Во еден момент му пукнало седиштето на апаратот на кој седел. Брзата помош брзо реагирала и го пренела момчето во болница, но набрзо по приемот била констатирана смрт.Полицијата веднаш реагирала и го привела сопственикот на забавниот парк, пренесува „Блиц“.Истрагата ќе покаже дали несреќата е резултат на човечка грешка, технички дефект или несоодветно одржување.

Свет | пред 1 година

Настрада српски турист во Бугарија: Телото пронајдено пред хотел

Српски турист (54) се удави во морето во Бугарија, извести полицијата во Бургас, јави бугарскиот сајт Факти.На 18 август телото на српски турист беше извлечено од морето пред хотелот во Обзор.Според локалните медиуми, според првичните информации, на телото на мажот не биле пронајдени видливи траги на насилство.Телото е пренесено во Одделот за судска медицина во Бургас за обдукција.

пред 1 година

Две деца и маж загинаа кај Лазаревац: Возот налетал на автомобилот во кој се наоѓале, таткото е тешко повреден

Момче (12) и девојче (14) загинаа денеска во сообраќајна несреќа што се случи на ниво на премин во градот Петка во Лазаревац кога во автомобилот во кој се наоѓале удрил воз.Во несреќата загинал и возачот Милан Л., додека таткото на децата Милан Д.(38) е тешко повреден, објави Блиц.Во автомобил „ауди“ удрил воз кој сообраќал на линијата Пријепоље - Белград.Од МВР за Нова.рс потврдија дека во сообраќајната несреќа загинале две лица, а едно е повредено.Железничкиот сообраќај беше во прекин.

Свет | пред 1 година

Страшна несреќа: Воз на релација Белград - Пријепоље удрил во автомобил, се стравува дека има жртви

Страшна сообраќајна несреќа се случи денеска кога воз на релација Белград - Пријепоље удрил во автомобил кој минувал на шините.Корисниците на социјалните мрежи јавуваат дека постои сомнение дека има и настрадани, иако нема официјална потврда за оваа информација.Возот моментално стои на шините и на патниците им е забрането да го напуштаат возот.Полицијата и пожарникарите се на терен.

Свет | пред 1 година

Српски туристи доживеале пекол на Халкидики: Мотоциклист удрил во нивниот автомобил

Мотоциклист синоќа од засега непозната причина директно удрил во автомобил со српски регистарски таблички на автопатот Ханиоти-Пефкохори, кај Халкидики во Грција. Од силината на ударот моторџијата се здобил со тешки телесни повреди и со возило на Брза помош бил пренесен во болница.„Не се знае од која причина дошло до ваква страшна несреќа, но во еден момент моторот директно удрил во автомобилот. Бројни очевидци биле сведоци на несреќата, глетката била страшна, а моторот завршил покрај предниот дел на автомобилот Шкода, пишува грчкиот портал EPT News.Судејќи според фотографиите по несреќата, „штетата“ е оштетена на возачката страна во пределот во близина на трепкачот и браникот. Српските државјани се неповредени, а мотоциклистот е повреден.„Патниците во „шкодата“ по несреќата биле вознемирени, нормално биле на својата лента. Луѓето дојдоа на одмор, што сигурно им се сменило по несреќата, но за среќа поминале неповредени“, наведуваат нашите соговорници, пренесува Курир.рс.Екипата за брза помош му помогнала на моторџијата и тој е пренесен на лекување во болница. Грчката полиција истражувала со часови, а понатамошната истрага ќе утврдува како дошло до сообраќајната несреќа.

пред 1 година

Нови детали за трагедијата на Халкидики: Мало девојче се удавило додека било со други деца во базен

Според форензичкиот извештај, стомакот на девојчето бил празен, што значи дека со останатите не отишла ниту на ручекГрчките власти се уште ги истражуваат околностите кои довеле до смрт на девојче (8) во базен на камп на Халкидики.Според информациите на АНТ1, изгледа дека девојчето го загубило животот додека другите деца биле во базенот, а наводно таму биле и спасителот и водачот на групата, пренесува Прототема.Девојчето отишло во кампот со својата сестра. Двете девојчиња наводно влегле заедно во базенот, како и другите кампери, но изгледа дека 8-годишното девојче не излегло од водата. Сестра и после тоа не ја видела ниту во трпезаријата каде оделе на ручек, ниту во студентските домови.Друг елемент што ја зајакнува оваа можност е тоа што, според форензичкиот извештај, стомакот на девојката бил празен, што значи дека со останатите не отишла ниту на ручек.Спасувачите на ЕКАВ кои се обиделе да реанимација на лице место констатирале дека има остатоци од храна, кои најверојатно биле од појадокот.Водачот на групата наводно на полицијата и рекол дека не ги броел децата кога излегле од водата и дека го забележал отсуството на девојчето во трпезаријата и самиот почнал да ја бара, без да го извести кампот.Претходно беше кажано дека „исчезнувањето на девојчето било забележано по ручекот, кога камперите биле во своите соби на одмор. Веднаш бил известен штабот на кампот и група менаџери почнале да трагаат по неа“.Спасителот наводно рекол дека не забележал никого во водата околу 13 часот. Алармот во кампот бил вклучен нешто пред 15 часот, речиси два часа подоцна.„Штом децата завршија со пливањето - околу 13:15 часот според распоредот - погледнав во базенот. Не видов никого во него и потоа ја заклучив двојната влезна врата“, вели спасителот во својата изјава, како што пренесува Стар.Истрагата продолжува, додека семејството на девојчето бара одговори на прашањето како се случила оваа трагедија.

Свет | пред 1 година

(Фото) Се судрија автобус на ЈСП и дрвокрадци на патот Шутка за Оризари

Дрвокрадски се судриле со автобус на ЈСП. Несреќата се случи на патот што оди од Шутка за Оризари.Според првичните информации, нема повредени лица.На патот, испаднаа дрвата кои дрвокрадците ги носеле со возилото, а причинета е поголема материјална штета.

Скопје | пред 1 година

Ужас во Америка: Српски спортист се удавил во езеро за време на кросфит натпревар

Српскиот спортист Лазар Ѓукиќ, кој се натпреварувал во кросфит, се удавил за време на кросфит натпревар во Форт Ворт, Тексас, јавуваат тамошните медиуми.Според наводите кои се појавиле на социјалните мрежи, Лазар изгубил воздух непосредно пред целта, за време на пливачкиот сегмент во локалното езеро и не успеал да исплива на копното.Ситуацијата се развивала брзо, поради што биле потребни неколку минути за сите да сфатат дека Лазар Ѓукиќ не минал низ целта. Натпреварот потоа бил одложен, а гледачите биле замолени да ги напуштат местата за следење на натпреварот. По неколкучасовна потрага, телото на Лазар е извлечено од езерото.На ова натпреварување учествуваат голем број спортисти од 33 земји, а турнирот започна во четвртокот.Настанот во кој се случи немилиот момент има тркачки сегмент по кој следуваше 800 метри пливање во езерото.

Спорт | пред 1 година

Несреќа во близина на Стража го блокираше сообраќајот, во прекин и возењето на патот Штип-Кочани поради сообраќајка

Поради несреќа на патот Гостивар-Стража, сообраќајот е во прекин, а исто така прекин има и на патот Штип-Кочани.Нема информации дали во близина на Стажа има повредени лица. Несреќата се случи утрово (09:30), се судрија три возила, поради што, лентите се непроодни. Несреќата е кај раскрсницата за исклучување кон Маврово.Од 07:40 ч. сообраќајот на експресниот пат Штип – Кочани е исто така во прекин поради случена сообраќајна незгода.

Македонија | пред 1 година

(Фото) Ужасна несреќа во Автокоманда

Тешка сообраќајка се случи на раскрсницата помеѓу булеварот „Александар Македонски“ и „16-та македонска бригада“ во Автокоманда. Засега не се знае состојбата на патниците, од кои, дел се однесени итно во болница со Брза помош.Едно од возилата, од силината на ударот, е превртено на кров. Патниците едвај биле извлечени, а на целата улица има куп остатоци од делови од автомобилите.Закочен е излезот, само према Ќерамидница може да се излегува, према Центар - не.Детали се очекуваат од МВР.

Скопје | пред 1 година

(Видео) Тотална катастрофа: Се преврте воз со 1.000 патници, повеќе од 100 повредени

Според првичните информации, 100 лица се повредени во железничка несреќа кај Волгоград во Русија, кога воз се судрил со камион, пишува весникот „Известија“, повикувајќи се на каналот 112 на Телеграм. Агенцијата ТАС наведува дека возот излетал од шините, а осум вагони се превртеле.И други руски медиуми јавуваат дека возот излетал од шините и дека се утврдува бројот на повредени.Интерфакс пренесува дека во возот имало и до 1.000 патници. По судирот, од камионот останала само кабината.На социјалните мрежи е објавено дека најмалку 2 лица загинале.

Свет | пред 1 година

39 повредени во болниците во Ниш и Пирот: Се обиделе да ја избегнат полицијата, па се превртеле, откриени нови детали од несреќата кај Бела Паланка

Во Универзитетскиот клинички центар во Ниш се примени 22 повредени од утринава сообраќајна несреќа кај Бела Паланка, кога кај автопатот Ниш - Пирот се преврте комбе со мигранти, додека во Општата болница во Пирот се примени 17 пациенти.„Сите се млади мажи, првично никој нема повреди опасни по живот, но додека не се подложат на дијагностика не можеме да кажеме прецизно за степенот на повредите. Од нив 11 засега имаат завршено дијагностика, имаат ортопедски и неврохируршки повреди, сите се свесни“, велат од оваа здравствена установа.Во Општата болница во Пирот се примени 17 пациенти. Едниот поради сериозноста на повредите е испратен во Ниш.До несреќата дошло кога комбето со мигранти, кое се движело од правец на Пирот кон Ниш, поради несоодветна брзина за да ја избегне полициската патрола, слетало од коловозот во ендек. Во таа прилика се преврте на страна. Во тек е истрага, се земаат отпечатоци за утврдување на идентитетот на лицето кое го управувало комбето.

Свет | пред 1 година

Се преврте комбе со 50 мигранти, повеќе од 30 повредени

Комбе со 50 мигранти се преврте на автопатот кај Бела Паланка. Според информации на ПУ Пирот, повредени се повеќе од 30 лица.Повредените се згрижени од екипи на Брза помош од Ниш и Пирот.Потешко повредените се транспортираат во нишкиот клинички центар, а помалку повредените во Општата болница Пирот.

Свет | пред 1 година