НЕСРЕЌА

(Фото) Едно лице загина, патнички воз излета од шините по судир со камион во Полска

Едно лице загина, а повеќе лица се повредени во тешка железничка несреќа што денеска се случи во западна Полска, кога патнички воз удри во камион на железнички премин, по што излета од шините.Според полските служби за итни интервенции, загинал возачот на камионот.Несреќата се случи во близина на градот Рогозно, во регионот Велкополска, на железничката линија што го поврзува градот со Познањ.Полицискиот портпарол Кшиштоф Ползин изјави дека станува збор за сериозна несреќа и посочи дека судирот се случил на необезбеден железнички премин во селото Гарбатка.По ударот, камионот се запали, а возот кратко потоа излета од шините.Портпаролот на локалната противпожарна служба Марцин Халаш информираше дека неколку патници се здобиле со полесни повреди, а едно лице било пренесено во болница.На местото на несреќата интервенирале шест екипи на итната помош, 14 противпожарни единици и медицински хеликоптер.

Свет | пред 6 дена

Медицински авион се урна во Ново Мексико: четири лица загинаа, причината сè уште непозната

Четири лица загинаа откако авион за медицински транспорт се урна во американската сојузна држава Ново Мексико и предизвика пожар, соопштија надлежните.Станува збор за летало од типот Beechcraft King Air 90, кое полетало од Розвел, а требало да слета на регионалниот аеродром „Сиера Бланка“ во близина на Рудосо. Инцидентот се случил во раните утрински часови по локално време.Според информациите, авионот ја изгубил комуникацијата и исчезнал од радарот, по што биле активирани протоколите за итни интервенции и започната потрага. Наскоро пристигнале и пријави за пожар во подрачјето на планината Капитан, што подоцна било поврзано со падот на леталото.Надлежните потврдија дека авионот се урнал околу 4 часот наутро по локално време. Во обновеното соопштение, објавено нешто по 10 часот, било наведено дека леталото е лоцирано и дека сите четири лица што се наоѓале во него го загубиле животот. Идентитетот на жртвите засега не е соопштен.„Нашите срца и молитви се со семејствата, најблиските, пријателите и колегите на оние што ги загубија животите во оваа трагична несреќа“, соопштија локалните власти.Истрага за причините за несреќата ќе спроведат Федералната управа за воздухопловство (FAA) и Националниот одбор за безбедност во сообраќајот (NTSB). Причината за падот засега е непозната.Пожарот што избувнал по падот го гаснела Шумската служба на САД, а се проценува дека зафатил помалку од пет хектари.

Свет | пред 2 седмици

(Видео) Гас на сите страни по судир на два камиони на автопат во Србија, сообраќајот запрен во двата правци поради опасност од експлозија

Два камиона денеска, нешто пред 11 часот, се судрија кај Стара Пазова на автопатот Белград – Нови Сад, во правец кон Белград, јавуваат српските медиуми.Според првичните информации, по судирот, пожарникарите го извлекле возачот од едниот камион, но тој веќе бил починат.Едното товарно возило превезувало плински боци, а по несреќата дошло до истекување на гас. Засега не е познато за каков вид гас станува збор.Поради безбедносни причини, сообраќајот на овој дел од автопатот е целосно прекинат во двата правци, а на наплатната рампа кај Стара Пазова и на околните делници се формираа долги колони возила.На терен интервенираат пожарникари и полициски екипи, додека од Патишта на Србија соопштија дека сообраќајот е пренасочен кон клучката кај Стара Пазова и најавија дека јавноста дополнително ќе биде информирана кога состојбата ќе се нормализира.

Настани | пред 2 седмици

Се полеал со бензин и се самозапалил , маж почина во Чачак

Во местото Паковраќе кај Чачак денеска околу 11 часот загинал маж откако се запалил автомобилот што го управувал.Од Полициската управа во Чачак за Танјуг изјавиле дека 68-годишниот маж починал од повредите здобиени во пожарот во возилото.На местото на настанот е во тек увид.,,Пожарникарите пристигнаа на местото и успеаја да го извлечат мажот, по што тој беше пренесен во Општата болница. Неофицијално слушнавме од луѓе што беа таму дека мажот се полил со бензин откако бил пријавен за семејно насилство. Дали станува збор за лажно пријавување или нешто друго, не знаеме“, изјавил еден очевидец за РИНА.Општата болница во Чачак засега не се огласила со информации за здравствената состојба на мажот пред да почине.

Балкан | пред 2 седмици

(Видео) Нови детали: Камионџија од Струмица загина во страшната несреќа кај Славонски Брод

Во тешката сообраќајна несреќа што се случи кај Славонски Брод во Хрватска загинал камионџија од Струмица, кој управувал товарно возило со македонски регистарски таблички и работел за транспортна фирма од Куманово, пренесуваат повеќе медиуми.Според првичните информации, камионот излетал од коловозот, ја пробил централната заштитна ограда, удрил во столб за улично осветлување и потоа преминал на спротивната лента, по што избувнал пожар. Возилото целосно изгорело, а возачот останал заглавен сам во кабината.Од Полициската управа Брод-Посавина соопштиле дека камионот, движејќи се по јужната лента на автопатот А3, изгубил контрола и по излетувањето повеќепати удирал во заштитната ограда и инфраструктурни столбови, по што избувнал пожар кој брзо го зафатил целото возило.Очевидци за хрватските медиуми изјавиле дека пламенот се проширил многу брзо и дека не можеле да пристапат до кабината за да му помогнат на возачот.Причините за несреќата засега не се утврдени, особено затоа што не станува збор за судир со друго возило, туку за губење контрола над камионот. Според дел од претпоставките, можно е возачот да доживеал здравствен проблем пред несреќата, но истрагата сè уште трае.Несреќата се случила на 5 мај околу 14:15 часот кај местото Среданци, во правец кон Брегана, на подрачјето на општината Доњи Андријевци.На местото интервенирале противпожарни екипи, а поради оштетувања на електричната инфраструктура биле повикани и служби на ХЕП. Сообраќајот на овој дел од автопатот со часови бил во прекин или се одвивал под посебен режим додека траеле увидот и санацијата на последиците.

Свет | пред 3 седмици

(Видео) Македонец загина во тешка несреќа на автопат во Хрватска - излетал од патот и при удар во улично осветлување избувнал пожар

Тешка сообраќајна несреќа со фатални последици се случила на автопатот А3 кај местото Среданац, во правец кон Брегана, при што загинал возач на камион.Според информациите од Полициската управа Брод-Посавина, несреќата била пријавена на 5 мај околу 14:15 часот на подрачјето на општината Доњи Андријевци. Камионот, од засега непознати причини, излетал од коловозот, ја пробил централната заштитна ограда, удрил во столбови за улично осветлување и завршил во спротивната лента, по што избувнал пожар.Возилото целосно изгорело, а возачот останал заробен во кабината и го загубил животот на лице место. На местото на несреќата биле пронајдени регистарски таблички од Република Македонија, а хрватските медиуми јавуваат дека станува збор за македонски државјанин.Во гаснењето на пожарот интервенирале противпожарни единици, а поради оштетувања на електричната мрежа на терен излегле и екипи на ХЕП. Сообраќајот на овој дел од автопатот бил во прекин со часови или се одвивал под посебен режим додека траел увидот и санацијата на последиците.Хрватската полиција продолжува со истрагата за утврдување на идентитетот на починатиот и сите околности што довеле до несреќата.

Свет | пред 3 седмици

Две лица загинаа при пад на авион за надзор на пожари во Русија

Во Русија денеска загинаа две лица откако се урна лесен авион кој бил ангажиран во следење на шумски пожари, јави агенцијата ТАСС повикувајќи се на извори. Според првичните информации, несреќата се случила околу 13 часот по локално време во близина на селото Кошкарево, во Азовскиот германски национален округ во Омската област.Се урнал авионот „Аеропракт-22“, со кој управувала компанијата „Авиабаза“, додека извршувал работни задачи во воздух, соопшти Канцеларијата на транспортното обвинителство во Западен Сибир.Полицијата потврдила дека во несреќата животот го загубиле двете лица кои биле во леталото, додека околностите што довеле до уривањето сè уште се утврдуваат.

Свет | пред 3 седмици

Трагедија кај Кванташки пазар: Возач почина зад волан

Возач починал на среде улица во населбата Маџари, на патот кон Кванташки пазар, откако претходно успеал да го запре возилото што го управувал.Според првичните информации, причината, се претпоставува дека е здравствен проблем.Неофицијално, случајот бил пријавен од минувачи, по што на местото пристигнала екипа на Итната медицинска помош. И покрај интервенцијата, лекарите не успеале да го спасат. Неофицијално, лицето има околу 60 години.На местото се очекува пристигнување на полициски екипи и вршење увид, по што ќе бидат познати повеќе детали за причините за смртта.Сообраќајот се одвива поспоро, со оглед дека возилото е на сред улица.

Скопје | пред 3 седмици

Сè повеќе несреќи на работните места: 132 случаи и 31 смртен исход во 2025 година

По повод Светскиот ден за безбедност и здравје при работа – 28 април, се објавуваат нови податоци кои повторно ја отвораат дебатата за состојбата со заштитата на работниците во државата.Според Годишниот извештај за несреќи при работа и професионални заболувања за 2025 година, објавен од Македонското здружение за заштита при работа, во текот на годината се регистрирани 132 несреќи при работа, од кои 31 завршиле со смртен исход.Најголем број несреќи се евидентирани во преработувачката индустрија – 33 случаи. Потоа следуваат градежништвото со 15 несреќи, јавната управа и одбраната со 12, дејности на домаќинства како работодавачи и за сопствени потреби со 11, административни и помошни услужни дејности со 10, како и транспорт и складирање со 9 случаи.Во извештајот се посочува дека посебен акцент е ставен на трагичните настани во текот на годината, меѓу кои и пожарот во дискотеката „Пулс“ во Кочани, кој дополнително ја истакнува потребата од доследно почитување на безбедносните прописи, управување со ризици и засилен инспекциски надзор.Од Здружението нагласуваат дека анализата на повредите треба да служи како алатка за учење и унапредување на системот, а не само како статистички податок. Според нив, секоја несреќа може да се спречи со правилно планирање, соодветна обука и постојана превенција.„Секој работник има право да се врати дома безбедно, а секој работодавач има должност да го обезбеди тоа“, порачуваат од Македонското здружение за заштита при работа.По повод 28 април, во Скопје се одржува настан во организација на Советот за безбедност и здравје при работа, поддржан од проектот „Кон безбедна и здрава работна средина во Северна Македонија“.Проектот има за цел намалување на повредите и професионалните заболувања преку зајакнување на законската рамка, модернизација на инспекциските служби, воспоставување национален информациски систем и унапредување на капацитетите во областа на безбедноста при работа. Тој се спроведува од Меѓународната организација на трудот со финансиска поддршка од Европската Унија и ќе трае до октомври 2028 година.Во рамки на настанот се одржуваат и стручни дискусии и работилници посветени на психосоцијалните услови на работното место, стресот и менталното здравје, со цел создавање побезбедни и поздрави работни средини и унапредување на достоинствениот труд.

Македонија | пред 1 месец

(Видео): Тешка железничка несреќа во Русија – воз излета од шините, десетици повредени

Десетици луѓе се повредени во тешка железничка несреќа во Русија, откако патнички воз излетал од шините. Според првичните информации, неколку вагони се превртеле, а на местото на настанот веднаш биле испратени спасувачки и медицински екипи.Несреќата се случила на линија по која сообраќал воз со повеќе од 200 патници, при што неколку вагони излегле од шините и завршиле покрај пругата. Повредените патници биле пренесени во болници, а дел од нив добиле медицинска помош на лице место.Според руските железници, сообраќајот на пругата бил привремено прекинат додека траела спасувачката операција и расчистувањето на теренот. Властите отворија истрага за причините за несреќата, а како можни фактори се споменуваат оштетување на пругата или лоши временски услови.На социјалните мрежи се појавија и видеоснимки од местото на несреќата, на кои се гледаат превртени вагони и спасувачки екипи кои им помагаат на патниците.https://x.com/Maks_NAFO_FELLA/status/2039973657569644574

Свет | пред 1 месец

(Видео) Трагедија на обиколницата Скопје–Тетово: Возач загина по излетување од коловоз

Едно лице го загуби животот во сообраќајна несреќа што се случила попладнево на обиколницата Скопје–Тетово, во близина на клучката Мирковци.Како што информираат од Министерството за внатрешни работи, во 15:50 часот во СВР Скопје било пријавено дека патничко моторно возило излетало од коловозот.Полициски екипи излегле на местото на настанот, при што било утврдено дека станува збор за патничко моторно возило „бмв“ со скопски регистарски ознаки, управувано од машко лице кое починало на местото на несреќата.Увидот е во тек, по што се очекуваат повеќе информации за околностите под кои дошло до трагичниот настан.

Скопје | пред 2 месеци

(Видео) Страотна несреќа во Тајланд, најмалку 22 лица загинаа откако градежен кран се урна врз воз во движење

Драматична несреќа ја потресе Тајланд откако градежен кран се урна врз воз во движење во близина на главниот град Бангкок. Според првичните информации, загинале најмалку 22-јца патници, а речиси 80 лица се повредени, од кои неколкумина се во сериозна состојба.Несреќата се случила на делница каде што се изведувале инфраструктурни работи поврзани со проширување на железничката мрежа. Во моментот кога возот минувал под конструкцијата, кран поставен на градилиштето изгубил стабилност и паднал директно врз вагоните.Надлежните служби соопштија дека повредените веднаш биле пренесени во блиските болници, додека дел од патниците биле евакуирани на самото место. Очевидци опишуваат сцени на паника и хаос, со искршени вагони и блокирана железничка линија.Министерството за транспорт на Тајланд потврди дека е отворена истрага за причините за несреќата. Првичните сомнежи укажуваат на пропусти во безбедносните процедури за време на градежните активности над активната пруга.Железничкиот сообраќај на оваа релација е привремено прекинат, а властите најавуваат дополнителни проверки на сите големи инфраструктурни проекти со цел да се спречат слични инциденти во иднина.

Свет | пред 4 месеци

Скопјанец паднал од трговски центар под дејство на алкохол — со тешки повреди пренесен на Клиника

30-годишен жител на Скопје бил донесен со тешки телесни повреди во Ургентниот центар при Комплексот клиники „Мајка Тереза“, откако, според првичните информации, синоќа паднал од висина од трговски центар во централното градско подрачје.Од СВР Скопје информираат дека настанот бил пријавен во 20:14 часот и дека лицето И.Д. во моментот на несреќата било под дејство на алкохол.Полицијата презема мерки за целосно расветлување на случајот.

Скопје | пред 4 месеци

Македонски државјанин загина во тешка сообраќајка во Цирих, возачот избегал, па подоцна се предал на полицијата

Маж починал од последиците на сообраќајна несреќа што се случила во швајцарската станбена област Шлирен, Цирих, пишува Blue news.Патник во автомобил – 39-годишен државјанин на Северна Македонија – се здобил со животно-загрозувачки повреди во несреќата што се случила во неделата наутро. Возачот, кој првично избегал од местото, подоцна сам се пријавил во полиција. Друг патник е сè уште во бегство.Кантоналната полиција на Цирих соопшти дека несреќата се случила во саботата околу 23:30 часот. Возач управувал автомобил со повеќе од 500 коњски сили, движејќи се од Енгштрингершрасе кон Грабенштарсе. Во еден момент, возачот изгубил контрола и излетал од патот.Возилото удрило во улично светло, закачило дрво и со предниот дел се забило во фасада од куќа. Повредениот Македонец бил итно пренесен во болница од Итната служба на Лиматал, но подоцна им подлегнал на повредите.Возачот – исто така 39-годишен државјанин на Северна Македонија – и уште една засега непозната патничка избегале од местото на несреќата без да му укажат помош.Полицијата: возачот возел со многу поголема брзинаПолицијата и обвинителството Цирих–Зил отворија истрага. Според траговите, возачот се движел со значително поголема брзина од дозволените 30 км/ч.Кратко пред пладне, возачот сам се пријавил во полиција. Истрагата за непознатата патничка продолжува.

Македонија | пред 6 месеци

Среде концерт во КИЦ паднала вентилациска решетка од таванот, повредена е една жена

46-годишна скопјанка е повредена на концерт кога врз неа се срушила вентилациска решетка.На 20.11.2025 во 23:15 часот во СВР Скопје од Ургентен центар при Комплекс клиники „Мајка Тереза“ Скопје е пријавено дека кај нив била донесена 46-годишната М.И. од Скопје, која се здобила со телесна повреда околу 22:00 часот за време на концерт во Културно информативен центар во Скопје, кога врз неа од таванот паднала решетка од вентилација. Се преземаат мерки за расчистување на случајот.

Скопје | пред 6 месеци

При влез во автобус паднал 85-годишен патник, му се затворила вратата

Инцидент во Центар, постариот маж се здобил со тешка повредаНа 13.11.2025 во 14:30 часот во СВВР Скопје, В.П. – возач на автобус во ЈСП Скопје, пријави дека на подрачјето на Центар, при затворање на вратите на автобусот, Р.У.(85) од Скопје кој влегувал во автобусот, паднал на коловозот и се здобил со тешка телесна повреда, констатирана во Градска општа болница „Св.Наум Охридски“. Се работи на расчистување на случајот.

Скопје | пред 6 месеци

Камион излета од патот кај клучката Хиподром, сообраќајот во прекин

Товарно моторно возило денеска во 9 часот излета од патот Скопје – Куманово, кај клучката Хиподром (обиколница Скопје) кон Куманово, извести АМСМ.Порари неможност за нормалното одвивање на сообраќајот, сообраќајот е во прекин.

Македонија | пред 7 месеци

(Видео) Се урна „Боинг 747“ во Хонг Конг, има загинати

На најголемиот каргоаеродром во светот, Хонг Конг, раноутринава се урнал товарен авион од Дубаи во моментот кога се обидувал да слета. Авионот, практично од пистата излетал во морето.Сите членови на екипажот се живи, но според наводите на локалните медиуми две лица загинале.Станува збор за двајца службеници за безбедност на аеродромот, на возраст од 30 и 41 година. Товарниот авион го турнал нивниот патролен автомобил во морето.„Членовите на екипажот беа спасени и немаше товар во авионот“, се вели во соопштението на Емиратите.

Свет | пред 7 месеци

(Видео) Туристи во шок, хеликоптер се распарчи пред нивните очи на калифорниска плажа

На популарната плажа Хантингтон во Калифорнија, туристите станаа сведоци на вознемирувачка сцена кога хеликоптер што летал над нив одеднаш почнал да се врти и неконтролирано да паѓа. Наместо безбедно слетување, леталото се урнало меѓу палми, скали и тротоар, предизвикувајќи паника меѓу присутните.Според противпожарната служба на Хантингтон Бич, во несреќата се повредени пет лица, меѓу кои и две кои се наоѓале во хеликоптерот. Сите се извлечени од остатоците и пренесени во болница, а нивната состојба засега не е позната.Причината за падот сè уште не е утврдена. Властите започнаа истрага за да се открие што довело до губење на контролата врз леталото и дали се работи за технички дефект или човечка грешка.Надлежните најавуваат дека дополнителни информации за несреќата ќе бидат објавени по завршувањето на истрагата.

Свет | пред 7 месеци

Фатон Љури во судницата призна дека го прегазил дедо Југо, но тврди дека му давал помош

Фатон Љури кој со мотор го прегази скопјанецот Југослав Николовски во центарот на Скопје, денеска пред судот призна дека го сторил кривичното дело.Сепак Љури тврди дека му давал помош на дедо Југо, односно не признава дека вечерта на 1 јули не му укажал помош на повредениот.„Јас се чувствувам виновен за сообраќајката. Не би сакал да се случи тоа, никој не би сакал да се случи такво нешто. Големо сочувство до фамилијата. Јас му давав помош, двајца полицајци беа таму“ – рече Љури.Обвинителството тврди дека Љури го прегазил дедо Југо и избегал од местото на несреќата.Трагичниот настан се случи на 1 јули доцна вечерта. При ударот, Николовски останал да лежи повреден на патеката. Николовски добил тешки телесни повреди поради кои следното утро починал.

Скопје | пред 7 месеци

Трагедија на Дунав - се превртел чамец, 11 Кинези загинале

Во близина на Бачка Паланка ноќеска се превртел чамец во реката Дунав, при што според неофицијални информации на РТС има загинати лица. Станува збор за 11 кинески државјани.Спасувачките екипи продолжуваат со потрага по уште неколку исчезнати лица, додека полицијата, брзата помош и службите за противпожарна заштита се присутни на терен.Надлежните органи најавија дека ќе ги објават деталите и причините за несреќата по завршувањето на истрагата.

Свет | пред 7 месеци

(Видео) Несреќа на аеродрмот во Њујорк, се судриле два авиони, едниот слетувал, другиот требало да полета!

Авионска несреќа во Њујорк, синоќа на пистата на аеродромот Ла Гвардија се судриле два авиона, при што две лица биле повредени, соопштија аеродромските власти и авиокомпанијата Делта ерлајнс.Инцидентот во кој беа вклучени два авиони на регионалната авиокомпанија „Делта“, „Ендевор Ер“, се случи во 21:58 часот по локално време. Едниот авион слетуваше, а другиот се подготвуваше за полетување, соопшти раководството на аеродромот.Делта соопшти дека член на екипажот на еден од авионите претрпел полесни повреди, а хоспитализирано е и уште едно лице кое не е во животна опасност.Аеродромот, еден од најпрометните во САД, не беше затворен поради инцидентот.

Свет | пред 7 месеци

Ученик на пракса паднал од 7 метри на градилиште во Охрид, кривична за сопственикот на фирмата

Ученик на пракса во охридска фирма заврши во болница откако паднал од седум метри височина на градилиште во населбата Бејбунар – сопственикот на фирмата се соочува со кривична пријава за повреда на работничките права и непреземање мерки за заштита при работа, соопшти МВР.-СВР Охрид поднесе кривична пријава против правно лице од Охрид и сопственикот П.С.(48) од Охрид поради постоење основи на сомнение за сторени кривични дела „повреда на правата од работен однос“ и „непреземање мерки за заштита при работа“. П.С. како сопственик на правното лице, не се придржувал кон Законот за засновање и престанок на работниот однос кон малолетник-ученик од Охрид, кој изведувал пракса во правното лице, не се придржувал кон Законот и колективниот договор за мерките за заштита при работа, односно не му обезбедил заштита при извршување на работните ангажмани на практикантот, поради што малолетникот паднал од околу седум метри висина на објект во изградба во охридската населба Бејбунар, вела од МВР.

Охрид | пред 8 месеци

16 години од најтешката бродска несреќа во Македонија – 15 загинати во Охридското Езеро

На 5 септември 2009 година, туристичкиот брод „Илинден“ со 57 бугарски туристи потона во Охридското Езеро, при што животите ги загубија 15 лица. Трагедијата се смета за најголемата бродска несреќа во историјата на Македонија.Несреќата се случила околу 11 часот наутро, на стотина метри од брегот кај кампот Елешец. Бродот, изграден во 1924 година со дозволен капацитет од 45 патници, потонал за само неколку минути. Повеќето од патниците биле постари лица, кои тешко можеле да се снајдат во водата. Жртвите потекнувале од градовите Пирдоп, Златица, Челопеч и Антон.На местото на несреќата најпрво пристигнале малите бродчиња „Александрија“ и „Кристина“, чија екипаж и патници помогнале во спасувањето.Веднаш по трагедијата, највисоки државни претставници од Македонија го посетија местото, а бугарскиот премиер тогаш испрати воен авион „Спартан“ за транспорт на телата на загинатите во татковината.

Македонија | пред 8 месеци

(Видео/фото) Голема трагедија во Лисабон, трамот „Глорија“ излета од шините - 15 загинати, десетици повредени

Португалија е во шок откако 15 лица загинаа кога 140-годишниот трам Глорија, една од главните туристички атракции во Лисабон, излета од шините. Уште 18 лица се однесени во болница, од кои пет се во сериозна состојба, потврдија службите за итни случаи, објави BBC News.Властите соопштија дека меѓу загинатите во несреќата, која се случи вчера околу 18:05 часот, има странски државјани, но нивната националност сè уште не е потврдена.Градоначалникот на Лисабон, Карлос Моедас, ја посети болницата и ја нарече несреќата „трагичен момент за градот“. Португалската влада прогласи ден на национална жалост, а претседателот Марсело Ребело де Соуза изрази „сочувство и солидарност со семејствата погодени од оваа трагедија“.Истрагата е во текПолицијата и службите за итни случаи поминаа часови на местото на настанот, а започнати се неколку истраги за причината за несреќата. Истрагата ја водат компанијата што управува со трамвајот, националниот орган за безбедност во сообраќајот и криминалната полиција.Лисабонската компанија за јавен превоз „Карис“ соопшти дека „Глорија“ ги поминала сите редовни инспекции - голема четиригодишна инспекција, привремена двегодишна инспекција, како и дневни, неделни и месечни инспекции.„Удри во зградата со брутална сила“И покрај редовните инспекции, сведоштвата на очевидци сугерираат дека системот за сопирање откажал, по што жолтиот трамвај свртел по стрмна улица и удрил во зграда.Очевидец изјави за SIC TV дека трамвајот се спуштил по стрмната улица „со полна брзина“. „Удри во зградата со брутална сила и се сруши како картонска кутија, немаше сопирачки“, рече таа.Симбол на ЛисабонТрамот Глорија е еден од најпознатите обележја на Лисабон. Отворен е во 1885 година и е електрифициран три децении подоцна. Неговите познати жолти вагони се клучен дел од транспортот во ридестиот дел на Лисабон.Патот каде што се случи несреќата е долг околу 275 метри и го поврзува плоштадот Рестаурадорес со живописното Баиро Алто. Иако го користат и локалното население, тој е исклучително популарен кај туристите.

Свет | пред 8 месеци