Тешка сообраќајна несреќа се случила денеска околу 11:30 часот на патниот правец Поградец – Ќафасан во Албанија, при што животот го загубила 26-годишна девојка од струшкото село Ливада, пишуваат албанските медиуми.
Според првичните информации, во несреќата учествувале автомобил управуван од жителка на Корча и возило со струшки регистарски таблички, кое го управувала државјанка на Македонија од селото Ливада.
Во судирот смртно настрадала 26-годишната Е.Л., која била сопатничка во возилото со македонски регистарски ознаки.
Повредени се двајцата возачи, како и уште двајца патници кои се наоѓале во двете возила. Сите се пренесени во болница каде што им е укажана лекарска помош.
Според информациите објавени од албанските медиуми, повредените се во стабилна состојба и се надвор од животна опасност.
На местото на несреќата бил извршен увид, а надлежните истражни органи работат на утврдување на причините и околностите под кои дошло до трагичниот судир.
