(Видео) Со јајца по возилото на Еди Рама: Полицијата приведе 12 активисти во Албанија

Група демонстранти денеска со јајца го гаѓаа возилото на албанскиот премиер Еди Рама, додека неговата колона минувала низ Манез, на пат кон заливот Лалз, каде што се одржува седница на Собранието на Социјалистичката партија. По инцидентот, според албанските медиуми, полицијата привела 12 активисти.

На видеоснимките објавени од албанските медиуми се гледа како група млади луѓе стојат покрај патот и фрлаат јајца кон автомобилот во кој се превезува премиерот.

— реклама —

„Рама во затвор, Бериша во затвор!“, извикувале демонстрантите, изразувајќи незадоволство од албанската политичка сцена. Меѓу нивните пораки се слушало и „Дојде вашиот крај“.

View this post on Instagram

— реклама —

Инцидентот се случил додека премиерската колона се движела кон местото каде што се одржува партискиот состанок, на кој се разгледуваат актуелните политички случувања и организациските прашања во Социјалистичката партија.

Според „Балканвеб“, по фрлањето јајца полицијата интервенирала и привела 12 активисти. Засега нема целосни информации за нивниот идентитет, ниту за евентуалните обвиненија против нив.

— реклама —

Албанските медиуми објавија видеоснимки од инцидентот, на кои се забележува моментот кога демонстрантите фрлаат јајца кон возилото.

Ова не е прв ваков инцидент со албанскиот премиер во последните денови. На 11 ноември, за време на неговата посета на Даблин, Ирска, група демонстранти од албанската дијаспора го пречекаа со повици за оставка, а кон него беше фрлено и јајце.

— реклама —

И на тој протест учесниците изразија незадоволство од состојбите во Албанија и побараа поголема одговорност од власта.

Денешниот инцидент во Манез се случува во период на протести против албанската влада, а снимките од фрлањето јајца кон премиерското возило се проширија низ албанските медиуми