(Видео) Страшна несреќа во Турција: Автобус се заби во камион, најмалку 11 загинати и 27 повредени

Најмалку 11 лица загинаа, а 27 се повредени во тешка сообраќајна несреќа во западниот дел на Турција, откако туристички автобус се судрил со камион на автопат во провинцијата Маниса.

Несреќата се случила денеска околу 11 часот по локално време, во близина на наплатната рампа Акхисар, на автопатот Гебзе – Орхангази – Измир, соопштија локалните власти, пренесува Танјуг.

— реклама —

Според информациите, туристичкиот автобус се движел од Бурса кон Измир, кога кај Акхисар се судрил со камион.

— реклама —

По несреќата, на местото биле испратени бројни екипи на итната медицинска помош, пожарникари и полиција. Биле започнати и спасувачки активности, а повредените биле пренесени во околните болници.

— реклама —

Турскиот министер за внатрешни работи Мустафа Чифчи ја потврдил бројката на загинати и информирал дека надлежните служби се на терен и внимателно ја следат ситуацијата.

Засега не се соопштени детали за причините за несреќата. Повеќе информации се очекуваат по завршувањето на првичните проверки.