ОГЊЕНОВИЌ

Криминалците на власт лапаат пари од тендери а за младите студенти нема вода и глувци им шетаат по собите, велат од СДСМ

Петар Огњеновиќ, член на Извршниот одбор на СДСМ, на денешната пре-конференција ја обвини Владата дека ги занемарува студентите, додека, според него, троши средства на криминални тендери и партиски интереси.На изјава пред студентскиот дом Студентски дом „Гоце Делчев“, Огњеновиќ рече дека студентите живеат во несоодветни услови, без топла вода, со несоодветна храна и лоша хигиена.„Додека криминалците на власт лапаат пари од криминални тендери, младите студенти се оставени без основни услови“, изјави Огњеновиќ.Тој оцени дека состојбата во студентските домови е резултат на, како што рече, негрижа и погрешни политики на Владата предводена од Христијан Мицкоски.Во изјавата, Огњеновиќ рече дека младите сакаат европски услови за живот, модерни студентски кампуси и перспектива во државата, а не, како што наведе, „распаднати домови и изолација од Европската Унија“.Тој додаде дека младите не прифаќаат, како што рече, „децении чекање“ за европска интеграција и побара повеќе вложувања во студентскиот стандард и условите за образование.

Македонија | пред 2 седмици

Огњеновиќ: Младите се иселуваат, а лажните патриоти во Владата земаат бугарски пасош за ЕУ

На денешната прес-конференција на СДСМ, членот на Извршниот одбор Петар Огњеновиќ упати обвинувања кон владејачката ВМРО-ДПМНЕ, оценувајќи дека дел од нејзините функционери поседуваат бугарски пасоши, додека јавноста се соочува со масовно иселување на младите.Огњеновиќ истакна дека ВМРО-ДПМНЕ одбива да го поддржи предлог-законот со кој би се забранило двојно државјанство за пратеници, членови на Владата и други носители на јавни функции.„Зошто се блокира овој закон? Затоа што, според нас, дел од функционерите веќе поседуваат бугарско државјанство“, изјави тој.Тој на прес конференцијата додаде дека, според СДСМ, министри, пратеници, градоначалници и директори на јавни претпријатија поседуваат двојни државјанства, додека во јавноста настапуваат како заштитници на македонскиот идентитет.„Додека јавно се блокираат европските процеси, приватно дел од нив си обезбедиле европски пасоши за себе и за своите семејства“, рече Огњеновиќ.Според него, ваквите политики придонесуваат за дополнително иселување на младите и за, како што рече, европска изолација на државата.СДСМ оценува дека земјите од регионот напредуваат во евроинтеграциите, додека Македонија, според нив, заостанува во процесот.„Од Македонија се создава слепа точка на Балканот, а младите гледаат само како да заминат“, додаде тој.Од СДСМ побараа законот да се донесе итно и да важи за сите функционери без исклучок.„Потребна е еднаква примена на правилата за сите“, порачаа од партијата.

Македонија | пред 1 месец

СДСМ: ВМРО спроведува организирана кампања за рушење на СДСМ одвнатре

СДСМ денеска на прес-конференција обвини дека власта предводена од ВМРО-ДПМНЕ спроведува координирана и организирана кампања за уривање на партијата одвнатре, со цел, како што беше посочено, да се замолчи објавувањето на наводни докази за криминал и корупција.На пресот зборуваше Петар Огњеновиќ, член на Извршниот одбор на СДСМ, кој рече дека кампањата се интензивирала откако Антикорупцискиот тим на партијата (АКТ) започнал да изнесува сериозни податоци за корупција и сомнителни тендери поврзани со владата на ВМРО.Според Огњеновиќ, станува збор за „целиот еден систем, еден октопод“, кој, како што рече, е инструиран од српската СНС и кој управува со коалицијата ВМРО–ЗНАМ. Тој наведе дека јавноста изминатиот период можела да забележи синхронизирани настапи на поранешни функционери и лица кои повеќе не се дел од СДСМ, а дел од нив, според него, завршиле во ЗНАМ.Како конкретен пример, Огњеновиќ го посочи случајот со Јован Деспотовски, поранешен функционер на СДСМ и поранешен директор на ФИТР и ТИРЗ. Тој тврди дека по објавувањето на текст на Деспотовски во еден релевантен медиум, за помалку од две минути се појавил обемен и, како што рече, однапред подготвен текст на истата тема на порталот на Бранко Героски.„Тоа може да значи само дека текстовите биле однапред координирани или пишувани во директна комуникација“, рече Огњеновиќ, додавајќи дека подоцна истиот портал објавил уште неколку текстови и колумна во одбрана на Деспотовски.Од СДСМ оценуваат дека ваквите активности имаат за цел да ја ослабат партијата и да го запрат објавувањето на информации за наводен криминал на власта.„Нема застанување. Антикорупцискиот тим работи и сè ќе биде објавено. СДСМ нема да се повлече – вистината и правдата ќе победат“, порача Огњеновиќ, додавајќи дека, според партијата, „работата не е завршена“.

Македонија | пред 5 месеци