оливер спасовски

Манасиевски: Дали Оливер Спасовски се има добро нафатирано, па затоа не го одзел овластувањето на фирмата од Сарај?

Валентин Манасиевски од ВМРО-ДПМНЕ денеска обвини дека поранешниот министер за внатрешни работи Оливер Спасовски три месеци не презел никакви мерки за одземање на овластувањето на фирмата за технички преглед од Сарај, иако, како што тврди, имал официјален извештај со утврдени неправилности.Според Манасиевски, со непостапувањето, Спасовски овозможил фирмата да оствари противправна имотна корист во износ од над 90.000 евра, што, како што рече, претставува злоупотреба на службената положба.„Спасовски како министер во МВР добил официјален извештај со констатирани неправилности, но три месеци молчел и не го одземал овластувањето. Со тоа директно овозможил фирмата да продолжи да работи и да заработи над 90.000 евра“, изјави Манасиевски.Тој потсети дека токму во истиот технички центар бил извршен технички преглед и на автобусот на компанијата „Беса Транс“, кој во 2021 година се запали на автопат во Бугарија, при што загинаа 45 македонски државјани.„Доколку Спасовски реагирал навреме, трагедијата можеби ќе беше спречена. Овластувањето на фирмата од Сарај било одземено дури три дена по трагедијата во Бугарија“, рече Манасиевски, поставувајќи прашања дали поранешниот министер добивал пари за да не постапи навреме.Манасиевски го нарече Спасовски „црна дамка на СДС“, посочувајќи дека, според него, заедно со други поранешни функционери, е симбол на криминал и корупција.„СДС мора да се дистанцира и јавно да се огради од овие луѓе, доколку сака да опстане на политичката сцена“, порача Манасиевски.Од СДС засега нема официјален одговор на изнесените обвинувања.

Македонија | пред 1 месец

„МВРО-ВМРО се враќа на сцена“ – реакција на Спасовски по поднесената пријава

Поранешниот министер за внатрешни работи Оливер Спасовски реагираше по поднесената пријава против него, оценувајќи ја како политички мотивирана и насочена кон дефокусирање на јавноста од актуелните состојби во државата.„Во целост ги отфрлам наводите во т.н. пријава. Не ме изненадуваат методите, ништо ново, МВРО-ВМРО се враќа на сцена секогаш кога треба да се дефокусира јавноста од реалните скандали на власта. ВМРО-ДПМНЕ бега и сака да го оттргне вниманието од важните теми – трагедијата во Кочани, мигрантите, криминалите и лошата економска состојба“, изјави Спасовски.Тој ја оцени постапката како „класичен обид за политички прогон“ и покажа сомнеж дека целта е да се пренасочи фокусот од аферите поврзани со мигрантите и другите контроверзии.„Само имам лична дилема – дали повеќе им сметаат моите резултати кога бев министер, или пак проблем е мојата посветеност во борбата за вистината како опозиционер“, рече Спасовски.

Македонија | пред 1 месец

Спасовски: „Побарав да ме сменат од координатор во СДСМ поради резолуцијата за Бугарија, а не поради изборите“

Актуелниот пратеник и поранешен министер за внатрешни работи Оливер Спасовски , во госрување во ТВ Сител откри дека одамна побарал да биде разрешен од функцијата координатор на пратеничката група на СДСМ. Тој истакна дека неговото барање не било поврзано со слабите резултати на локалните избори, туку со сосема друга ситуација во партијата.Спасовски објасни дека решил да се повлече во периодот кога во јавноста се подготвуваше резолуцијата за односите со Бугарија. Според неговите зборови, веднаш кога документот требало да се достави во Собранието, тој изразил несогласување со стратегијата што ја туркал дел од раководството — особено со идејата за таканаречените „црвени линии“ во билатералниот спор.Како што кажа, токму поради тој предлог-курс побарал да не ја извршува повеќе координаторската позиција.Спасовски додаде дека со години предупредувал дека во партијата се замолчува реалната слика за состојбите, што, според него, на крај довело до „целосно дно“ на последните локални избори.Тој смета дека СДСМ може да се опорави само ако повторно ги активира луѓето кои се повлекле од партиските активности, а задача на новиот претседател Венко Филипче е да ги охрабри тие кадри да се вратат. Притоа нагласи дека не мисли на оние што преминале во ВМРО-ДПМНЕ, туку на поранешни членови што останале пасивни, но не и политички префрлени.

Македонија | пред 1 месец

ВМРО-ДПМНЕ: Дали Оливер Спасовски ургирал во СВР Штип за да се заштити газдата на дискотеката „Пулс“?

ВМРО-ДПМНЕ бара одговори од институциите поради, како што наведува, сериозни сомнежи дека поранешниот министер за внатрешни работи Оливер Спасовски вршел притисок врз полицијата во Штип и Кочани со цел да се заштити газдата на дискотеката „Пулс“.„Јавноста мора да добие одговор дали Оливер Спасовски, во својство на министер, лично се јавувал во СВР Штип и барал да се изврши притисок врз полицијата во Кочани за да се заштити газдата на дискотеката ‘Пулс’“, стои во соопштението на партијата.Од ВМРО-ДПМНЕ посочуваат дека во јавноста се појавиле телефонски разговори од 17 февруари 2022 година, во кои синот на газдата на дискотеката, Михаил Јованов, наводно се пофалил дека „Оливер Спасовски се јавувал у Штип у полицијата за нас“.Во разговорот, според објавените транскрипти, се споменува и казна од 40.000 денари од Управата за јавни приходи, која наводно требало да биде „средена“ преку политичка интервенција.„И он кажал тој началникот од Кочани утре одма на информативен разговор да дојде кај началникот за Источна Македонија… ќе им с’ржат малку… да се посерат“, стои во дел од објавениот разговор.„Ова е сериозно обвинување за злоупотреба на функција, влијание врз институциите и партиска заштита на блиски бизниси“, велат од ВМРО-ДПМНЕ, прашувајќи дали Јавното обвинителство покренало постапка по овие наводи и дали Спасовски бил повикан на разговор.Партијата бара одговор и дали е извршена контрола во СВР Штип и ОВР Кочани, како и дали обвинителот Коцевски „работи според закон или по партиска нарачка“.„Коцевски и ЈО да не молчат. Ако не е постапено, тоа значи дека обвинителството свесно го прикрива скандалот и штити моќници“, се додава во соопштението на ВМРО-ДПМНЕ.

Македонија | пред 3 месеци

Почина Панчо Минов, еден од најпознатите македонски политичари

Поранешниот градоначалник на Кавадарци и пратеник во македонското Собрание, Панчо Минов починал денеска, на 67-годишна возраст.Минов во два мандати беше градоначалник на општина Кавадарци од 2000 до 2009 година.Поранешниот министер за внатрешни работи, Оливер Спасовски изрази жалење за смртта на Панчо Минов.-Со тага ја примив веста за смртта на Панчо Минов, поранешен градоначалник на Кавадарци, пратеник и уважен човек.Ќе го паметиме по неговата посветеност и човечност. Сочувство до семејството и сите негови пријатели.Нека Господ му подари вечен мир, а на неговите најблиски утеха и сила, напиша Спасовски.

Македонија | пред 3 месеци

Спасовски: Нема да гласаме за интерпелациите на ДУИ, поттикнуваат етнички тензии

СДСМ нема да гласа за интетпелациите на ДУИ. За нив ова е поттикнување на етнички поделби и тензии.„СДСМ и Коалицијата нема да ги поддржи и нема да гласа за интерпелациите поднесени од ДУИ зашто сметаме дека нема потреба да имаме нови етнички поделби и по основ на интерпелациите. Македонското Собрание во ниту еден случај не смее да биде мегдан за поттикнување на било какви меѓуетнички тензии и основ за отворање можности за поделба меѓу граѓаните. Доколку намерите на подносителите биле вистини, причините за интерпелациите во ниту еден случај не смееле да бидат поврзани со етнички контекст туку да бидат единствено со аргументи и со факти за работи на одреден министер или функционер. А за жал, аргументи и факти има колку сакате за да најдете причина за било каква интерпелација”, рече Оливер Спасовски.

Македонија | пред 1 година

Спасовски: Од ’никогаш Северна‘ за Мицковски сега Преспанскиот договор е маестрално ремек-дело

Кога пред граѓаните ќе излезете со став дека договорот со Бугарија ќе биде целосно суспендиран, дека ќе направите промена на преговарачката рамка, а Преспанскиот договор не е завршена работа, сега треба да ги видиме предлозите кои ги ветуваше Владата на ДПМНЕ. Но, наместо тоа, слушаме изјава на премиерот Мицковски кој вели дека Преспанскиот договор е маестрално ремек-дело во надворешната политика, рече пратеникот на СДСМ, Оливер Спасовски, во поткастот на Ора 24 ТВ.-После онаа хистерија која ја креваше ДПМНЕ со ’никогаш Северна‘, сега Преспанскиот договор е ремек-дело во политиката. И јас кога ја слушнав изјавата ми беше многу нејасно и помислив дека е погрешно пренесена. Не ми беше верно дека можам да слушнам дека преспанскиот договор, не само што нема да биде променет, не само што нема да биде вратено уставното име, туку дека тоа е ремек-дело на надворешна политика. И тоа значи признание на надворешната политика која се водела тоа време и признание кон луѓето кој ја водеа тогаш, рече Спасовски.Тој се осврна и на најавата на премерот дека ќе испрати писмо до ЕУ, во кое ќе каже кои се нашите барања како држава и кои се црвени линии, но писмото сè уште никако да го прати. Ако тој има некаков предлог, потенцираше Спасовски, кој ќе ги унапредува нашите позиции како држава, тогаш СДСМ ќе ги поддржи.-Се сомневам во некаков план или решение од ДПМНЕ. До сега јасно се покажа дека оваа Влада нема ниту план ниту идеја за многу прашања кои беа отворени. Во однос на разговорите за преговарачката рамка, тука јасно се пратени сигнали од ЕУ. Овде нема никакво отстапување, но сепак, можеби државниот врв знаат нешто повеќе од нас и тоа треба да го кажат, доколку имаат некаков план или механизам за решение. Затоа и СДСМ побараа затворена седница каде ќе ги изнесат сите аргументи и факти. Во спротивно, ова е чиста лага и манипулација која се случува, рече Спасовски.Тој во поткастот потсети и дека, Мицковски, вети пред граѓаните дека постои механизам за подобар договор со Бугарија од тој што имаше СДСМ, па сега конечно ДПМНЕ треба да каже кој се тие подобри решенија за кој зборуваше пред да дојдат на власт.

Македонија | пред 1 година