Американскиот претседател Доналд Трамп, по средбите со украинскиот лидер Володимир Зеленски и со европските челници во Белата куќа, имал телефонски разговор со унгарскиот премиер Виктор Орбан, јавува Bloomberg.Според изворите на агенцијата, Трамп извршил притисок врз Орбан да го повлече својот вето за започнување на преговори за приклучување на Украина кон Европската Унија.
Свет | пред 5 месеци
Унгарскиот парламент, каде што владејачката десничарска партија на Виктор Орбан – Фидес има значајно мнозинство, усвои контроверзен закон кој овозможува полицијата да забрани ЛГБТ+ маршеви, со образложение дека „заштитата на децата“ има предност пред правото на јавно собирање.Законот, кој беше изгласан во март, ѝ дава овластувања на полицијата да користи камери за препознавање лица за идентификација на учесниците на јавни собири, со цел полесно изрекување казни – јави Ројтерс.Критичарите го оценуваат законот како дел од поширок обид за ограничување на демократските слободи, особено во пресрет на парламентарните избори следната година, на кои Орбан се соочува со засилена конкуренција од страна на опозицијата. Според некои анкети, дел од опозициските кандидати имаат дури и подобри шанси од Орбан.„Сите сме возрасни и препорачувам секој да одлучи што сака, се додека ги почитува правилата... а ако не ги почитува, тогаш треба да се соочи со правни последици“, изјави Орбан за државното радио.
Свет | пред 7 месеци
Унгарскиот премиер Виктор Орбан смета дека лидерите на Европската унија се подготвуваат за воен конфликт со Русија и покрај немањето какво било оправдување за таквите акции. Говорејќи во утринската програма на Радио Кошут, Орбан тврди дека Унгарија нема да учествува во таков конфликт, јави руската државна новинска агенција ТАСС.„Гледам дека Брисел се подготвува за војна. Најстрашно е што се случува во главите на овие луѓе“, рече Орбан, мислејќи на повиците на лидерите на ЕУ до граѓаните да складираат вода, храна и медицински материјали 72 часа во случај на конфликт со Русија. Орбан го опиша таквото размислување во ЕУ како алармантно и смешно, тврдејќи дека тоа ги одразува воените подготовки на Брисел.Додека Европа продолжува да шпекулира дека украинскиот конфликт би можел да се прошири низ целиот континент, Орбан го отфрла тоа тврдење.„Тоа не е вистина“, рече тој. Тој тврди дека таквите шпекулации се појавуваат исклучиво затоа што „Брисел сака да ја продолжи војната“ и продолжува да дава воена поддршка на Украина.„Унгарија остана неутрална во овој конфликт. Ние се залагаме за мир и не испорачуваме оружје и не испраќаме војници во Украина. Сепак, има земји од ЕУ кои со поддршка на Брисел сакаат повеќе да се вклучат во војната и гледам дека во моментов се одвиваат политички подготовки за такви акции“, рече Орбан.Тој нагласи дека затоа на граѓаните на ЕУ им се кажува да имаат при рака вода, храна, лекови и други залихи за 72 часа во случај на конфликт со Русија. "Сакам да ги уверам унгарските семејства дека не треба да преземаат вонредни мерки. Нема закана од војна. Унгарија нема да се судри со никого. Ќе останеме на страната на мирот и ќе ја обезбедиме нашата безбедност. Ако Европа влезе во војна, ние сигурно нема да учествуваме", рече Орбан.
Свет | пред 10 месеци
Лидерите на Европската унија денеска се собираат во Брисел за да најдат одговор на драстичната промена на САД во поддршката на Украина, разорена од војна. Во трка со времето, лидерите на ЕУ се обидуваат да најдат решенија за зголемување на трошоците за одбрана за понатамошна поддршка на Украина и значително подобрување на европскиот одбранбен капацитет. На лидерите на ЕУ ќе им се придружи и украинскиот претседател Володимир Зеленски.Американскиот претседател Доналд Трамп ги објави плановите претходно оваа недела да ја прекине воената помош за Киев, неколку дена по јавниот судир со Зеленски во Белата куќа. Земјите од ЕУ и Украина се загрижени поради можноста САД и Русија да бараат билатерално мировно решение што би можело да обезбеди територијални отстапки за Москва, да ја исклучи Украина од НАТО и да ја затвори вратата за американското учество во идните мировни операции.Лидерите ќе разговараат за планот претставен од Европската комисија за мобилизирање на околу 800 милијарди евра за помош за Украина и одбранбени инвестиции. Комисијата предложи да се обезбедат заеми од 150 милијарди евра за кои се надева дека ќе бидат компензирани со приватен капитал и дополнително финансирање од Европската инвестициска банка.Парите ќе бидат потрошени за ракетна одбрана, артилериски системи, ракети и муниција, беспилотни летала и системи против беспилотни летала, како и за решавање на други потреби, од сајбер до воена мобилност.Германскиот канцелар Олаф Шолц планира да присуствува на самитот. Фридрих Мерц, кој победи на минатомесечните парламентарни избори во Германија и најверојатно ќе го наследи Шолц, се очекува и во Брисел на собир на конзервативни лидери.Во последниве денови, Унијата се надеваше дека ќе избегне единството и солидарноста на ЕУ со Украина да бидат саботирани од унгарскиот премиер Виктор Орбан, кој е пријателски настроен кон Кремљ. Орбан ја објави својата намера минатиот викенд да ги блокира новите напори за воена поддршка за Украина на самитот.Во писмото до претседателот на Европскиот совет, Антонио Коста, кој ќе претседава со денешните разговори, Орбан предложи Европската унија да го следи примерот на САД и да се вклучи во директни преговори со Русија за прекин на огнот и договор во Украина.Коста одговори дека Унијата треба да се подготви да учествува во дискусиите за постигнување праведен и траен мир, но и да придонесе за силни безбедносни гаранции за Украина. Францускиот претседател Емануел Макрон го прими Орбан на разговори во Елисејската палата во средата пред самитот со другите европски лидери. Во вторникот, социјалдемократите на Шолц и конзервативците на Мерц објавија дека строгите правила на Германија за ново задолжување, таканаречената должничка кочница, ќе бидат олабавени за конкретни инвестиции во одбраната.
Свет | пред 10 месеци
Унгарскиот премиер Виктор Орбан го критикуваше самитот во Лондон, обвинувајќи ги европските лидери дека „одлучиле да ја продолжат војната наместо да изберат мир“, нарекувајќи го таквиот став погрешен, опасен и штетен. Независниот унгарски портал Директ36 изминатиот викенд објави дека Орбан испратил писмо до претседателот на Европскиот совет Антонио Коста, барајќи итни преговори за прекин на огнот во Украина.Орбан, заедно со словачкиот премиер Роберт Фицо, кој исто така има проруски ставови, сигнализираше дека може да ги блокира заклучоците на Европскиот совет за Украина кои се очекуваат подоцна оваа недела. Сепак, Коста не покажа загриженост кога беше прашан за заканите со вето на Орбан утринава, за време на посетата на Молдавија. Тој јасно ја отфрли идејата за прекин на огнот по секоја цена, велејќи: „Европската унија е мировен проект, а мирот подразбира безбедност и одбрана како приоритет. Затоа што мирот без одбрана е само илузија“.„Никој не сака мир повеќе од Украинците, и затоа ние ги поддржуваме во нивната борба за трајно решение. Мирот не е само прекин на огнот што ќе и даде шанса на Русија да се реорганизира и да се врати уште посилна. Она што го сакаме е праведен и траен мир“.
Свет | пред 10 месеци
Објавен е бомбастичен извештај во кој се тврди дека унгарската разузнавачка агенција шпионирала претставници на ЕУ кои ја посетувале земјата, ги пребарувале нивните хотелски соби и снимале телефонски разговори, пишува Политико.Заедничката истрага на Direkt36 и De Tijd откри дека Унгарскиот информативен кабинет (IH), еквивалент на ЦИА во Будимпешта, ги таргетирал иследниците на Европската канцеларија за борба против измами (OLAF), кои во еден момент истражувале унгарска фирма во сопственост на синот на премиерот Виктор Орбан.Во извештајот се наведени случаи меѓу 2015 и 2017 година во кои функционери на ЕУ кои работеле за ОЛАФ кои патувале во Унгарија биле физички следени за време на патувања со автомобил и биле прислушувани нивните телефони.Во извештајот се додава дека вообичаена практика е унгарската шпионска агенција да ги пребарува хотелските соби на делегациите на ЕУ кои ги посетуваат и да презема информации од нивните лаптопи.Берталан Хаваси, портпаролот на кабинетот на Орбан, негираше сè за Политико: „Ние не се занимаваме со лажни вести“.Будимпешта долго време беше под притисок поради обвинувањата за хакирање на телефоните на новинари, активисти и опозиционери. Според Политико, унгарски пратеник во 2021 година признал дека владата купила израелски шпионски софтвер. Претходно оваа година, европратеник кој ја критикуваше Унгарија беше цел на сајбер напад.Политико контактираше со портпаролот на ОЛАФ за коментар, но сè уште не е добиен одговор.
Свет | пред 1 година
Унгарскиот претседател Виктор Орбан му честиташе на Доналд Трамп.„Најголемото враќање во политичката историја на САД! Честитки до претседателот Доналд Трамп за неговата огромна победа. Многу потребна победа за светот“, напиша тој на Икс.
Свет | пред 1 година
,,Драго ни е што можеме да бидеме тука во Северна Македонија, благодариме за поканата од македонската Влада и сакам да ви пренесам поздрави од народот на Унгарија, унгарскиот народ на македонскиот народ, бидејќи се работи за две пријателски држави.Новинарите, би сакал да ве известам дека оваа денешна средба ни е 18 средба која јас и господинот Премиер ја реализиравме. И не е тајна дека партијата која ја претставува господинот Премиер и нашата Влада ФИДЕС се во братски односи, но ние никогаш не ги мешаме партиските работи и државните работи, но секогаш е добро да братски партии бидат на власт и заеднички можат да ги разменуваат своите делувања. Заради тоа го поканив господинот Премиер да дојде во Унгарија и следната Меѓувладина седница да ја реализираме во Унгарија.Во оваа држава веќе трет пат доаѓам и тоа во најдобриот момент, затоа што оваа година прославуваме триесетгодишнина од воспоставување на дипломатските односи помеѓу двете држави. И тоа е добра прилика за тоа дека по нашите гледања и двата народи имаат долги историски традиции и двата народи цело ова време е карактеристично за двата народи борбата за зачувување на националните интереси и слободата. Важно е да ги зачуваме нашите идеали и националната гордост и мислам дека и вие ќе се согласите со нас дека за една нација е најважно да ја сочува својата национална гордост.Најважната тема како што слушнавте од господинот Премиер е зачленување на Македонија во Европската Унија и Унгарија како претседавач на Европската Унија, логично беше да ја стави оваа тема и денеска за тоа најмногу зборуваме. Ставот на Унгарија е добро познат, многу е важно стабилност на Западно Балканскиот Регион и интеграција на Западно Балканскиот Регион во Европска Унија.Зачленување на една држава тоа не е проблем и не е предизвик, туку е една огромна можност за сите држави кои се веќе членки на Европската Унија, па така и за Унгарија.Сите видовме дека со зачленувањето сите добивме многу унапредување, но Европската Унија во меѓувреме ја загуби својата динамика и затоа мораме да обезбедиме проширување, затоа што тоа е најдобар начин. Ние не го одминуваме ни фактот дека Украина и Молдавија добиле на некој начин вонредно забрзани постапки за зачленување. Ние мораме да го имаме пред себе и геополитичкиот фактор, но мораме и тоа да го почитуваме дека државите кои веќе долги низ години работат на тоа да се зачленат во Европа, сега се ставени во втор план, а тоа не е чесно од наша страна.И затоа ние од наша страна, како претседавачи на Европската Унија сметаме дека е многу важно да се одржи на дневен ред зачленувањето на Западно Балканскиот Регион во Европската Унија и согласно тоа би сакале да се забрза процесот на зачленување на Северна Македонија во Европската Унија.Доколку господинот Премиер дозволи, само би сакал да кажам неколку зборови за минатите години, народите и државите на Западниот Балкан заслужуваат многу повеќе од она што сега го добиваат од Брисел. Морам да кажам дека овие држави би требало одамна да се членки на Европската Унија, Северна Македонија е кандидат за членство од 2005 година заедно со Хрватска започна. 2008 година заедно со Хрватите добија позитивно мислење, од тогаш Хрватите се веќе членка на Европска Унија, а со Македонија уште не се започнати ни преговорите за зачленување. Ова е огромна грешка од страна на Европската Унија која јас би ја карактеризирал како историска грешка и сега оваа грешка уште ќе може да се стави на квадрат, бидејќи Северна Македонија ќе биде подредена позади Албанија за зачленување, за што не гледам никакви причини. Ова ќе биде огромен предизвик за оваа Влада да се бори со овој нечесен став.Да кажам неколку зборови и за билатералната соработка. Сакам да кажам дека ние во текот на летото веќе сега помогнавме со околу 50 пожарникари, помагавме во гасењето на шумските пожари со сериозна технолошка опрема. Се надевам дека нашите пожарникари добро работеа и успеа да ви помогнат. Ова го нагласувам, бидејќи ова е всушност наш одговор на помошта што ние 2025-2016 ја добиваме од Македонија во однос на мигрантската криза и ние тогаш станавме свесни дека Северна Македонија не е само една пријателска држава, туку има клучно значење за безбедноста на Унгарската држава. Бидејќи вашата држава се наоѓа на мигрантската патека и доколку вие не успевате да се изборите со илегална миграција, тогаш мораме ние сами тоа да го направиме и затоа е многу важно да вие имате успешна Влада која е способна да ја запре мигрантскиот бран и доколку има потреба во тоа имаме волја да ви помогнеме на сите начини. Ние денеска од нашите разговори заклучивме дека 2.004 полицајци досега учествувале заедно со македонските полицајци во обезбедување на јужната граница и 16.000 илегални мигранти биле спречени во влегување во Македонија и ова е убав пример за соработката. И ова е образложение дека Унгарија е подготвена за финансиска соработка и со тоа сакаме да придонесеме кон зголемување на безбедноста во Македонија. Нас ни е многу важно Северна Македонија да има стабилна и силна Влада која е способна да ги завршува своите работи.Ние исто така сакаме да ви помогнеме во процесот на зачленување на Европската Унија, имаме свои искуства и позитивни и негативни и во тој контекст ние бараме од вашата Влада да ни назначи која е таа форма и начин на кој можеме да ви помогнеме. Унгарија располага со свои финансиски средства кои може да ги вложува во Македонија и македонските и македонската Влада е таа која треба да каже каде е потребна таа помош.Унгарија исто така пружа помош и на полето на образованието, Унгарија дава стипендии на македонски студенти да студираат на територијата на Унгарија и би сакале ова да го продолжиме и понатаму.”, изјави премиерот на Унгарија, Виктор Орбан.
Македонија | пред 1 година
Кинески пари не може да ви даваме, но можеме европски пари и тие ќе ви ги даваме, изјави унгарскиот премиер Виктор Орбан денеска од Охрид, одговарајќи на новинарско прашање по заедничката прес конференција со премиерот Христијан Мицкоски.Запрашан за унгарскиoт заем во Македонија и шпекулациите дека парите доаѓаат од Кина, Орбан, нагласи дека парите кои Унгарија ги добива од Кина невозможно е да се дадат на други затоа што има договор тие пари да се трошат на конкретни проекти. Она што се однесува до заемот, ние кинески заем не можеме да даваме, кинески пари не можеме да даваме, бидејќи ние со Кина имаме договор сите тие пари од Кина што доаѓаат, одат на конкретни проекти за развој во Унгарија.Значи кинески пари не можеме да ви даваме, европски пари можеме, и тие ќе ви ги даваме, порача унгарскиот премиер Орбан.
Македонија | пред 1 година
Премиерот на македонската влада, Христијан Мицкоски во Охрид е домаќин на Виктор Орбан, претседател на Владата на Унгарија кој е во посета на Македонија со делегација од неговиот кабинет.Средбата, како што вели Мицкоски, била плодна и пријателска, а Македонија во Унгарија гледа партнер во европската сцена и пример за тоа како една држава може успешно да го балансира националниот суверенитет со глобалната интеграција.„Имав плодна и пријателска средба со унгарскиот колега Виктор Орбан. Историјата сведочи за нашиот заеднички стремеж кон мир, просперитет и соработка. Унгарија во минатото беше еден од првите наши партнери кој ги препозна македонските стремежи за независност и суверенитет. Со години наназад, политичките и економските врски меѓу нашите држави се продлабочуваат, а денешните средби само го потврдуваат нашето стратешко сојузништво. Унгарија не е само наш партнер во европската сцена, туку и пример за тоа како една држава може успешно да го балансира националниот суверенитет со глобалната интеграција“, напиша Мицкоски на „Фејсбук“ по средбата со Орбан.
Македонија | пред 1 година
Премиерот на Унгарија, Виктор Орбан му даде поддршка на поранешниот американски претседател и републикански кандидат за втор мандат Доналд Трамп по пукањето што се случи вчера.Орбан на социјалната мрежа X напиша дека се додека Трамп не победи на изборите за претседател на САД, неговиот живот ќе биде во опасност. ,,Јасно е дека животот на претседателот Трамп е во опасност, до неговата победа. Се молиме за вас, господине претседателе!", напиша Орбан.
Свет | пред 1 година
Унгарскиот премиер Виктор Орбан веќе некое време е во „војна“ со Европската унија, а новото „бојно поле“ е руската нафта, односно фактот дека оваа земја не може да добие нафта од Русија, од која зависи.Словачка и се приклучи на Унгарија во новиот конфликт и тие се единствените две земји во ЕУ кои не сакаат да се ослободат од зависноста од руската нафта, иако поминаа две и пол години од почетокот на руската инвазија на Украина.Украина воведе санкции и го блокираше доаѓањето на нафта од руската компанија Лукоил поради инвазијата на Русија, а најмногу беа погодени овие две централноевропски земји.Други земји од ЕУ најдоа алтернативи за снабдување со нафта, додека Унгарија и Словачка дури ги зголемија своите „нарачки“ од Русија. Токму поради ова, тие извршија голем притисок врз Брисел да ја добие оваа суровина, верувајќи дека ЕУ може да ја „присили“ Украина да ги прекине овие санкции.Притоа, тие потсетуваат на договорот меѓу Украина и ЕУ од 2014 година. Дипломатите од Брисел официјално знаат дека договорот стои и дека Орбан и Фицо, премиерот на Словачка имаат правна расправа, но зад сцената ситуацијата е поинаква.Голем број претставници на ЕУ ги критикуваа Унгарија и Словачка за овој потег, истакнувајќи дека имаат повеќе од две години да го решат овој проблем.„Сите други земји-членки на ЕУ поминаа низ скап, но неопходен процес за да се ослободат од руската нафта, бидејќи мириса на крв. „Се чини дека Унгарија има проблем не само со сетилото за мирис, туку и со нејзиниот начин на размислување и недостатокот на решителност да се ослободи од зависноста“, изјави неименуван дипломат од ЕУ.Украина вели дека санкциите не се „уцена“, туку обид на кој било начин да се урне руското финансирање на воените активности.
Свет | пред 1 година
Високиот претставник на ЕУ за надворешна политика и безбедност, Јосеп Борељ, изјави дека следните состаноци на министрите за надворешни работи и одбрана на земјите членки на ЕУ ќе се одржат во Брисел, а не во Будимпешта, поради позицијата на Унгарија во однос на војна во Украина.Говорејќи по министерскиот состанок во Брисел, Борељ рече дека ја донел одлуката откако повеќето министри рекоа дека се противат на потезите на Унгарија откако таа го презеде претседавањето со Советот на ЕУ на 1 јули, објави Ројтерс.Тој додаде дека нема консензус меѓу членките на ЕУ за тоа дали да присуствуваат на состанокот, планиран за 28-29. август, а потоа и собирот на министрите за одбрана.Полскиот министер за надворешни работи Радослав Сикорски изјави дека предложил да се одржи состанок на министрите за надворешни работи во Украина, но Унгарија гласала против предлогот.Борељ изјави дека повеќето министри сакаат Унгарија да сноси „симболични“ последици откако унгарскиот премиер Виктор Орбан отпатува во Москва на разговори со рускиот претседател Владимир Путин, како дел од, како што ја нарече, мировна мисија за Украина, без поддршка од другите членки .„Мораме да испратиме сигнал, дури и ако тоа е симболичен сигнал“, изјави Борељ за новинарите во Брисел по последниот состанок на министрите за надворешни работи на ЕУ пред летната пауза.На денешниот состанок, многу министри за надворешни работи на ЕУ ја изразија својата силна осуда за ставот на Будимпешта директно до нивниот унгарски колега Петер Сијарт, пренесува Ројтерс.„Ова беше многу јасно и се повтори на начин што не остави простор за сомнеж“, изјави португалскиот министер за надворешни работи Пауло Рангел.Борељ исто така смета дека Будимпешта треба да го означи рускиот претседател Владимир Путин како „провоен“ лидер, а не Европската унија.„Ако сакате да зборувате за воената партија, зборувајте за Путин“, рече тој.Воедно, Сијарто оваа одлука ја окарактеризира како „детска“.Земјите од ЕУ, вклучувајќи ги Шведска, Финска, Естонија, Летонија, Литванија, Полска и Данска, како и Европската комисија, веќе го намалија учеството на министерските состаноци на ЕУ поради унгарското претседавање.
Свет | пред 1 година
Унгарскиот премиер Виктор Орбан испрати писмо до претседателот на Европскиот совет, Шарл Мишел, во кое, меѓу другото, повикува на разговори со Кина за „мировна конференција“ и обновување на дипломатските односи со Русија, објави Билд.Весникот наведува дека Орбан презентира збирна оценка по неодамнешните разговори со лидерите на Украина, Русија, Кина, Турција и поранешниот американски претседател Доналд Трамп за конфликтот во Украина, како и некои предлози за разгледување.Во писмото, премиерот на Унгарија повикува на разговори со Кина за „мировна конференција“, обновување на дипломатските односи со Русија и како што наведува, „политичка офанзива кон земјите од глобалниот југ, чија почит ја изгубивме поради нашата позиција за војната во Украина“, пренесува Билд.Писмото содржи десет точки, а кога станува збор за војната во Украина, унгарскиот премиер оценува дека во блиска иднина интензитетот на конфликтот радикално ќе се засили.Политичкиот советник на унгарскиот премиер во понеделникот изјави дека Орбан писмено ги информирал лидерите на Европскиот совет за искуствата од мировните преговори во Украина, првата фаза од мировната мисија и планот на Унгарија, кој содржи реална проценка на ситуацијата и реални цели, како и соодветен распоред на акции.
Свет | пред 1 година
Унгарскиот премиер Виктор Орбан писмено ги информираше лидерите на Европскиот совет за искуствата од мировните преговори во Украина, првата фаза од мировната мисија и планот на Унгарија, кој содржи реална проценка на ситуацијата и реални цели, како и соодветен распоред на акции, изјави политичкиот советник на унгарскиот премиер Балаш Орбан.„Ако Европа сака мир и сака да има одлучувачки збор за решавање на војната и ставање крај на крвопролевањето, тогаш мора да се направи промена на курсот и да се спроведе сега“, рече Балаш Орбан во интервју за „унгарски Немзет“.Според неговиот советник, унгарскиот премиер испратил предлози до лидерите на земјите членки на Европската унија за начините за решавање на украинскиот конфликт врз основа на исходот од неговата мировна мисија, за време на која ги посети Украина, Русија, Кина и САД.На прашањето дали зборува за планот на Орбан како да се постигне мир, Балаш Орбан одговори: „Да, тоа е всушност планот на Орбан, кој сега е на масата на секој премиер на ЕУ“.,,Нашиот пристап се заснова на реална проценка на ситуацијата, реални цели и соодветен распоред“, рече советникот на унгарскиот премиер.Според него, улогата на Унгарија како посредник не треба ниту да се прецени ниту да се потцени.„Ние точно знаеме за што е доволна силата на земјата, а за што не е, но од првиот ден на конфликтот бевме кредибилни претставници на мирот, единствени сме способни да преговараме со секоја страна. Самиот факт дека овие средбите се одржаа во интервал од две недели укажува на тоа дека „Унгарија може да одигра сериозна улога во посредувањето“, рече советникот на унгарскиот премиер.Тој вели дека Унгарија е способен посредник, што го покажаа изминатите две недели и дека задачата на Будимпешта сега е да се обиде да ги убеди членките на Европската унија во планот на Виктор Орбан.
Свет | пред 1 година
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања