ОХРИДСКИ КОМУНАЛЕЦ

И во празничниве денови работно, дежурните екипи на терен за одржување на јавната чистота во Охрид

И во празничниве денови работно, во служба на граѓаните и нашиот Охрид.Уште од раните утрински часови во првиот ден од 2025 година, дежурните екипи на терен за одржување на јавната чистота на градскиот плоштад и други фреквентни локации во централното градско подрачјеЗаради зголемениот број на туристи во текот на новогодишните и божиќните празници, дежурни екипи ќе интервенираат во зависност од наметнатите потреби.

ОО | пред 1 година

Подигнат кабаст и зелен отпад од мапирани диви депонии во село Подмоље

Екипите на Ј.П. „Охридски Комуналец" реализираа активности за подигање кабаст и зелен отпад од три локации во с. Подмоље, каде несовесни граѓани создале диви депонии.За расчистување на локациите ангажирана е специјална механизација и подигнати се 23 м3 отпад

ОО | пред 1 година

Активности на екипите на Паркови и зеленило во Охрид

Екипите на Паркови и зеленило спроведоа активности за чистење обраснато зеленило во село Долно Лакочереј и градски парк, плевење на хортикултурни содржини во бетонската жардињера ул. „Булевар Туристичка“ и тековно одржување на дрворед по ул. „Партизанска“Се интервенира на отстранување на скршена гранка која претставуваше опасност по возилата и пешаците на патот кон месноста Навис.Се продолжи со садење на цветен расад од зимската реколта во бетонските жардињери на пешачката патека од каналот Студенчишта до ГорицаЕкипите задолжени за одржување на јавната чистота секојдневно го одржуваат крајбрежниот појас и кејот од градското пристаниште до Холандски ПаркСе изврши генерално чистење и отстранување ниска вегетација од тротоарите на улиците Галичица, Лазо Трпоски, 8-ми Септември, Живко Чинго и село Велгошти

ОО | пред 1 година

Екипите на Паркови и зеленило на терен своите работни активности

Се продолжува со садење на сезонско цвеќе Виола 🌸 очиња од сопствено производство по кружните сообраќајници, и цветни леи на улицата „Булевар Туристичка“Редовно се собираат сувите лисја од зелените јавни површини на градски парк и ул. „Булевар Туристичка" и тековно одржување на парковските содржини

ОО | пред 1 година

Голем број активности на Оперативните служби

Екипите на Паркови и Зеленило ги оплеменуваат парковите со садење на цветен расад од видот виола очиња кои се отпорни на овие зимски услови и ќе ги красат цветните леи во парковите се' до пролетниот период; Се започна со садење во паркот кај градски плоштад, покрај кејот и зградата на општина ОхридСе уредуваат крошните од дворедот по улицата „Македонски Просветители"Екипите на Ј.П.,,Охридски Комуналец" учествуваа во акцијата која ја организираа ТАВ Македонија и подружницата ТАВ аеродроми Охрид, за садење на дрва 🌳 со припрема на теренот на пешачката патека од плажата Куба Либре до Горица🌳🍀Екипите за одржување на јавната чистота реализираа повеќе активности поврзани со одржување на јавната чистота на локациите каде ќе се одржуваат манифестациите за одбележување на 8-ми Декември - Денот на Св. Климент ОхридскиТемелно се чистеа ул. Лазо Трпоски, Железничка и КленоецСе изврши вонредно миење на ул. АСНОМ заради зголемениот обем на градежни активности на оваа улицаСе чистеше крајбрежниот појас по кејот од наноси од песок, трска и друг отпад, каде беше ангажирана специјална механизација

ОО | пред 1 година

„Охридски Комуналец” во соработка со Општина Охрид ќе започне со доделување на садови за отпад од пластика и хартија за домаќинства од определени 4 улици

Ј.П.„Охридски Комуналец” започна со дистрибуција на 120 литарски садови за депонирање на селектиран отпад и тоа 600 садови (жолти) за депонирање отпад од пластика и 600 садови (сини) за депонирање отпад од хартија за домаќинства од улиците: „Будва”, „Винковачка”, „Прилепска” и дел од ул. „Железничка” (потег од кружна сообраќајница на ул.„Железничка” пресек со ул. „Егејска“ до сообраќајната клучка на влезот од Охрид-петља)Садовите за депонирање селектиран отпад од пластика и хартија, вкупно 1.200 садови, се донација од Министерството за животна средина и просторно планирање. Покрај тоа, министерството донира и 56 контејнери со капацитет 1,1 м3 чија намена е депонирање на селектиран отпад од хартија и пластика и истите ќе бидат поставени на фреквентни локации во градотПридобивките од оваа донација се повеќекратни: селекцијата и рециклирањето на отпадот се најдобар начин да се зачува животната средина, се намалува потрошувачката на нови суровини, се намалува користењето на енергијата, се намалува загадувањето на воздухот и водата, а од друга страна неговата реупотреба продуцира профит и намалување на количествата на отпад кои завршуваат на депонијаНАПОМЕНА: Доколку при доделувањето на садовите за отпад од пластика и хартија, корисниците од горенаведените улици не се затекнат во своите домови, должни се во рок од 15 дена да ги подигнат од Р.Е.Механизација ул. „АСНОМ” бб (работни денови 08:00 часот -13:00 часот и да донесат лична карта и сметка од Ј.П.„Охридски Комуналец”)

ОО | пред 1 година

Активирани дежурните екипи за расчистување на патниот правец од Прентов Мост до село Куратица

По вчерашните снежни врнежи, дежурните екипи на Ј. П. „Охридски Комуналец“ и Ј.П. „Нискоградба“ излегоа на терен со расположливата специјална механизација за интервенција во зимски услови.Се интервенира на патниот правец од Прентов Мост до село Куратица за отстранување на снежната покривка и се нанесуваат абразивни средстваЗа побрзо нормализирање на сообраќајот се врши дотур на абразивни средства.

ОО | пред 1 година

Се чисти мермерниот плочник од чаршијата во Охрид

Дежурните служби на Ј.П. „Охридски Комуналец“ задолжени за одржување на јавната хигиена, денес спроведоа активности за чистење на мермерниот плочник на чаршијата.Со специјални шпакли се отстрануваат наслагите од плочникот на чаршијата на потегот од плоштадот „Крушевска Република“ до плоштадот „Св. Климент Охридски“.

ОО | пред 1 година

J.П. „Охридски Комуналец" го одбележа својот патронен празник

J.П.„Охридски Комуналец" денес го одбележа својот патронен празник „7-ми Ноември“.На присутните им се обрати Директорот м-р Сашо Најдески кој во своето обраќање истакна:„Ви го честитам денот на ослободувањето на градот Охрид, а на вработените воедно им го честитам патрониот празник на ЈП,,Охридски Комуналец” Охрид.Според пишаните документи, првите зачетоци на претпријатието датираат од далечната 1952 година, а по направените статутарни промени денес ЈП “Охридски Комуналец” Охрид претставува единствен вршител на комунални услуги:собирање, транспортирање и депонирање на комунален отпад, одржување на јавната чистота и одржување на градските паркови и зеленило на територијата на општина Охрид.ЈП „Охридски Комуналец” Охрид има задача да обезбеди чист и уреден град и да се грижи за заштита на животната средина. Преку меѓусебна доверба, јасна и отворена комуникација и транспарентност, градиме однос со граѓаните и правните субјекти, а нивното задоволство и исполнување на нивните потреби за здрава и чиста околина претставува успех во нашето работење"„Како благодарност за континуиран допринос и непрекинат работен стаж за 30 години во претпријатието, им беа доделени награди на 7 (седум) наши вработени“.

ОО | пред 1 година

Депонијата Мауцкер привремено затворена заради градежните работи на автопатот Охрид-Кичево кај месноста ,,Св.Еразмо"

Ј.П. „Охридски Комуналец“ ги известува граѓаните и правните субјекти дека депонијата Мауцкер e привремено затворена заради градежните работи на автопатот Охрид-Кичево кај месноста „Св.Еразмо“.

ОО | пред 1 година

По синоќешното невреме во Охрид дежурните екипи максимално ангажирани

По синоќешното невреме кое го зафати охридскиот регион, проследено со силен ветер и обилни врнежи, денес дежурните екипи на Ј.П. „Охридски Комуналец" максимално ангажирани за расчистување и санирање на состојбата на повеќе локации.Се чистат јавните површини и пешачки зони од паднатите лисја, се чисти пристаништето и кејот од наносите на брановите, се отстрануваат паднати гранки и дрвја; И во текот на вчерашниот ден се интервенираше по паднати дрвја на неколку локации.

ОО | пред 1 година

Оперативните служби во Охрид започнаа со подготовките за брза интервенција во зимски услови

На повеќе пунктови во У.З. „Стар Град” депонирани се вреќи со сол и ризла; Овој дел од градот е од највисока категорија по приоритет за интервенција заради специфичноста на теренот, тесни и стрмни улици и сокачиња; На овој начин, во услови на снег и голомразица, ќе се овозможи непречено движење на граѓаните и возилата во стариот дел од градот.Со подготвителни активности за интервенција во зимски услови ќе продолжиме и во другите делови од градот, според претходно дефинирана приоритетна група.Овие активности ги спроведуваме согласно законските обврски кои ги има Ј.П. „Охридски Комуналец” околу одржувањето на јавните површини во зимски услови и „Програмата за зимско одржување на територијата на општина Охрид”.

ОО | пред 1 година

Организирана акција за подигнување зелен отпад од УЗ.14 Радојца Новичиќ

Ј.П. „Охридски Комуналец" организира акција за подигнување отпад од уредување дворни површини, градини и земјоделски површини од УЗ.14 Радојца Новичиќ.Подигнати се енормни количини - 80 м3 зелен отпад, а со акцијата продолжуваме и во наредната седмица

ОО | пред 1 година

„Охридски Комуналец”: Сите физички и правни лица кои ги користат услугите на јавното претпријатие да го исплатат долгот

Известување до сите физички и правни лица-корисници на нашите услуги:Ј.П. „Охридски Комуналец” ги известува сите физички и правни лица на територијата на Општина Охрид кои ги користат услугите на јавното претпријатие дека во периодот кој следи, заклучно до 31.12.2024 година ќе пристапи кон тужење за сите фактурирани, а неплатени сметки.Со таа цел ги повикуваме сите физички и правни лица кои ги користат услугите на јавното претпријатие да пристапат кон доброволна исплата на долгот кои го имаат спрема Ј.П. „Охридски Комуналец”, за истите да не бидат изложени на дополнителни трошоци кои ќе настанат по повод поднесените тужби.Корисниците долгот можат да го подмират и преку системот за електронска наплата со што им овозможуваме на корисниците онлајн плаќање на сметките со кредитна или дебитна картичка без провизија. Со оваа услуга корисниците имаат увид во неплатените месечни сметки и брзо, лесно и сигурно можат истите да ги платат.Линк до веб-страната за електронска наплата

ОО | пред 1 година

Мапирани три мини-депонии со зелен отпад

Во есенскиов период Оперативните служби секојдневно се соочени со проблеми во тековното работење, каде несовесни поединци го депонираат зелениот отпад од своите градини и земјоделски површини каде ќе стигнат.Мапирани се три локации со несоодветно депониран зелен отпад и автомобилски гуми на улици: „Кленоец“, „Марко Нестороски“ и „Ристо Чадо“, каде при расчистувањето е ангажирана специјална механизација; Подигнати се 28м3 зелен отпад

ОО | пред 1 година