панова

Панова: ДУИ денес со гласот против безбеден град покажа дека не ги слуша граѓаните и затоа се во опозиција, а таму треба да останат

„Не сме изненадени од никаква постапка на ДУИ иако беше подадена рака од наша страна и сметавме дека опозицијата треба да научи што е интерес на граѓаните и да ги носат одлуките малце полидерски, тие денес покажаа дека токму поради тоа што не ги слушаат граѓаните се во опозиција и таму треба да останат“, истакна пратеничката и член на ИК на ВМРО-ДПМНЕ, Ели Панова во вечерашното гостување во Тема на денот на Сител телевизија.Панова додаде дека од друга страна ВМРО-ДПМНЕ уште еднаш докажа дека за сите оние проекти кои се во интерес и се поддржани од граѓаните, може да обезбеди двотретинско мнозинство со СДС или без СДС, со ДУИ или без ДУИ, што значи дека ВМРО-ДПМНЕ ќе продолжи да ги имплементира сите оние проекти ветени пред граѓаните и проекти кои евидентно даваат резултати.„Најпрвин морам да потенцирам дека ВМРО-ДПМНЕ покажа разлика во своето владеење од владеењето на власта на СДС и ДУИ претходно. Ние подадовме рака и направивме еден простор за да се оствари еден консензус за прашања вакви како безбеден град особено кога знаеме дека истите даваат резултати и граѓаните генерално го поддржуваат ваквиот проект. Меѓутоа еве денес уште еднаш ние се уверивме во тоа дека таа подадена рака не секогаш значи добра намера и од другата страна. Тезите коишто излегоа денес на говорница апсолутно не држат никаков простор за коментар, заради тоа што генерално на истите веќе ние дадовме и одговори“, рече Панова.Пратеничката Панова резимираше дека со имплементацијата на ваквиот проект се зголемува безбедноста на граѓаните, а со самото тоа се намалува и бројот на човечки жртви од сообраќајни несреќи, истовремено потенцирајќи дека доколку се спаси барем еден човечки живот сите треба да бидеме горди. Воедно, Панова додаде дека резултатите од тест периодот од еден месец со имплементација на овој проект впрочем зборуваат дека се бележи тренд во намалувањето на изгубени човечки животи, сообраќајни незгоди како и повреди коишто се резултат на сообраќајни незгоди во градот Скопје, Тетово и Куманово.

Македонија | пред 2 часа

Панова: ВМРО-ДПМНЕ со Резолуцијата става крај на манипулациите за мигрантите

Пратеничката од редовите на ВМРО-ДПМНЕ, Ели Панова во гостување во емисијата „За или против“ на Алфа телевизија истакна дека ВМРО-ДПМНЕ заедно со пратениците од коалицијата поднеле резолуција во Собранието со која се осудуваат манипулациите и дезинформациите што опозицијата ги шири во врска со прашањето за мигрантите.Пратеничката Панова посочи дека СДС, како обезличена и полураспадната партија без јасна визија и идеи, повторно отвора тема која е целосно немерлива и неоснована.„Несфатливо како може СДС да зборува за било какви црвени линии којшто тие ги прекршија всушност, тие распродадоа име, се согласија на сето тоа што не смееше една влада да се согласи, сега, од друга страна, поднесуваат некаква резолуција“, вели Панова.Панова нагласи дека со цел да се затвори оваа непостоечка, наметната тема за мигранти кои никогаш нема да пристигнат во Македонија, ВМРО-ДПМНЕ заедно со пратениците од коалицијата поднеле Резолуција со повеќе јасни точки, со која се става крај на манипулациите и ширењето страв меѓу граѓаните.„За да ја затвориме оваа непостоечка тема која што се отвори за мигранти, којшто никогаш нема да пристигнат во Македонија, ние денес поднесовме резолуција и во истата се состојат повеќе точки со којшто всушност сакаме да ја затвориме темата“, посочи Панова.Панова истакна дека ВМРО-ДПМНЕ останува посветена на заштита на државните интереси како и водење одговорна политика која е заснована на факти и транспарентност.

Македонија | пред 1 месец

Ниту ДУИ, ниту судиите не се заштитени бели мечки кои можат да бидат на врвот на одреден криминал без да се водат постапки против нив, вели Панова

Најпрво, велите најмалку посакувано за ДУИ, но ова е најмногу посакувано за граѓаните на Република Македонија и пораката која беше упатена од страна на Амбасадата на САД беше дека никој не е над законот и никој не може да се сокрие од законот, изјавува Ели Панова, пратеничката од ВМРО-ДПМНЕ на нејзиното вечерашно гостување на Канал 5 телевизија, во дебатната емисија „Само Вистина“, осврнувајќи се на едно од актуелните прашања поврзано со проширувањето на американската црната листа.Таа појаснува дека ниту, во случајов Артан Груби, ниту пак било кој друг член од раководството на ДУИ или било кој судија не може да му пркоси на законот и правдата, а од друга страна на овој начин се отвара можност органите во правосудството да покажат дека можат и треба да отворат процедури кои доста време беа затајувани.„Пораката којшто се испраќа токму на денот 9 декември којшто е Меѓународен ден за борба против корупцијата, всушност покажува дека некој којшто е далеку 7.824 километри од Македонија, значи толку километри надвор од Македонија, некој увидел и знае дека има сторено криминал  во рамки на судски процеси, со посредство на некој што беше вицепремиер на Република Македонија, а нашите органи не го знаат тоа“, концизна е Панова.Панова јасно потврдува дека пораката е веќе упатена како до ДУИ, така и до правосудството во Република Македонија, односно до судиите коишто треба да знаат дека не се заштитени бели мечки и дека не можат да бидат на врвот од одреден криминал, а да не се води никаква постапка против истите.„Јас би додала дека оваа порака исто така е испратена и до Судскиот Совет, којшто пред неполна година, ми се чини, расправаше токму за овој судија и на крајот излезе дека истиот беше казнет само со 20%, шест месеци од платата. Пораките кои ги испрати Стејт департментот всушност треба да бидат аларм дека мора да профункционира системот, тоа е ветер во грб на нашите институции“, заклучува Панова.

Македонија | пред 1 година