Панова: Потребно е да се направи јасна разлика меѓу политичките интерпретации и институционално утврдените факти за Алта банка

На надзорната расправа во Собранието за причините за воведување администрација во Алта банка АД Битола, пратеничката од ВМРО-ДПМНЕ, Ели Панова, побара јасно разграничување меѓу политичките толкувања и институционално утврдените факти.

— реклама —

Таа оцени дека случајот во изминатиот период бил проследен со бројни политички прес-конференции и јавни изјави, особено од СДСМ, со кои, според неа, била создадена загриженост кај граѓаните за стабилноста на банкарскиот систем и сигурноста на депозитите.

— реклама —

Панова нагласи дека станува збор за две одделни правни лица во две различни држави, со различни надлежни регулатори, и дека јавните изјави треба да се даваат одговорно, особено кога можат да влијаат врз довербата во финансиските институции.

— реклама —

Таа упати прашање до гувернерот на Народната банка, Трајко Славевски, дали македонската централна банка претходно добила известувања или сознанија од Народната банка на Србија за можни ризици, неусогласености или надзорни мерки кон Алта банка во Белград, кои би можеле да влијаат врз банката во Битола.

— реклама —

Панова побара и појаснување дали, врз основа на надзорните анализи, постоела реална опасност за стабилноста на македонскиот банкарски систем.