пелистерка

Пелистерка: Не постои одлука на акционерско собрание за продажба на Стопанска банка АД Битола

Пелистерка АД Скопје, заедно со поврзано правно лице ТИМОХ ДОО Скопје, во својство на квалификувани акционери во Стопанска банка АД Битола со 21.85% од акциите, велат дека не постои одлука на акционерско собрание за продажба на Стопанска банка АД Битола.Тие во нивното соопштение наведуваат:„Како носители на 21.85% од акциите на Стопанска банка АД Битола и во својство на квалификувани акционери сакаме да им укажеме на сите други помали акционери, севкупната македонска јавност како и на одредени засегнати страни дека банкарскиот пазар во Македонија е целосно регулиран преку Народна банка на Република Северна Македонија.Сакаме да потенцираме дека секоја информација во однос на било каква трговија со акциите на Стопанска банка АД Битола, а поголема од 5% мора да биде одобрена од Народна банка на Република Северна Македонија. Исто така секој потенцијален инвеститор кој има намера да се стекне со поголем дел од акциите, најпрво мора да добие одобрување од НРБ, па дури потоа да достави соодветна понуда до акционерите.Секоја постапка како и евентуални преговори без следење на оваа законска регулатива и без вклученост на НРБ се во сферата на шпекулативни информации и дополнително укажуваме на постоење на основани сомневања за кривична одговорност.Како квалификувани акционери сакаме јавно да информираме дека до овој момент не постои одлука на Акционерско собрание за продажба на Стопанска банка АД Битола и никој не може да ја донесе истата без согласност на мнозинството акционери.Апелираме до медиумите и засегнатите страни да се воздржат од пласирање на шпекулативни информации до оддржување на Акционерското собрание, бидејќи истите можат да предизвикаат штета на тековното работење на Стопанска банка АД Битола“.

Македонија | пред 8 месеци

„Пелистерка“ започнува нова успешна приказна со Шаховската федерација на Македонија.

На првото „Европското Првенство во Рапид и Блиц Шах“ кое се оддржува во Македонија, со присуство на 400 шахисти, од 40 европски земји промовирано е партнерството меѓу најдобрата македонска вода „Пелистерка“ и Шаховската федерација на Македонија.Проектот за имплементирање на „Шах во училиштата“, добива нов партнер односно на брендот „Пелистерка“ и има за цел да се набават што повеќе шаховски табли за секое училиште. Пелистерката шаховски табли за секое училиште е предвидено да започне со реализација во 2025 година со идеја да се промовира изучување на шаховската игра во секое училиште.Досега преку „Шах во училиште“ се обучени над 100 наставници, а шахот како предмет е веќе имплементиран во педесетина училишта низ Македонија. Во текот на наредната година, преку новото парнерство со „Пелистерка“ ќе бидат донирани шаховски табли низ земјвата со што ќе се овозможи зголемен интензитет на пристап до шаховската игра на поголем број дечиња со што ќе се овозможи подобрување на нивните когнитивни способности.Исто така, на „Европско првенство во Рапид и Блиц шах“ кое се оддржува во Скопје од 6 до 11 декември, започна и реализација на „Пелистерка предизвикот“ преку кој на „официјална“ партија шах ќе бидат предизвикани голем број јавни личности низ Македонија.Со особена гордост го презентираме и тимот на „Пелистерка предизвик“ составен од нашите намлади шаховски шампиони: Даниел Стефановски, Павел Крстевски, Андреја Цветановска и Кристијан Јордановски.Даниел, Павел, Андреја и Кристијан ги предизвикаа велемајсторот од Украина Антон Коробов четирикратниот национален шампион, како и интернационалниот мајстор Ставрула Тсолакиду од Грција најдобро рангиран шахист на нашиот јужен сосед.

Магазин | пред 11 месец

Поделена 25 тони „Пелистерка“: Рекордни 13.400 учесници на скопските улици на „Скопски маратон“

Рекордни 13.400 натпреварувачи од 55 земји денеска ги исполнија скопските улици со спортска атмосфера, натпреварувачки дух и многу ведри и задоволни лица. Ваква беше сликата на стартот на јубилејното 20-то издание на Виз Ер Скопски маратон.Трките започнаа точно во 8 часот пред Собранието на Република Македонија. Тркачите на маратонот, полумаратонот и штафетниот маратон се упатија накај населбата Хром, по улицата Теодосиј Гологанов, по што се вратија назад во центарот на градот, каде продолжија покрај Тутунски комбинат, на Трета македонска бригада. Потоа се упатија лево по улицата Васко Карангелевски, кај Мајчин Дом, па потоа по Булевар Србија десно, каде полукружно се вратија на Тобако 2 и по Булеварот Јане Сандански се вратија на Трета македонска бригада и финишираа на Порта Македонија, на плоштадот во Скопје.Учесниците на 5км својата трка ја започнаа пред Собранието, по што се упатија во правец на населба Аеродром, односно кај Тутунски комбинат лево, по „Трета македонска бригада“ и откако свртеа полукружно кај Супермаркетот Тинекс, по истата траса се вратија назад до целта, на плоштадот „Македонија“.Во генерален пласман, победник во машка конкуренција на годинешниот Виз Ер Скопски маратон е Хилари Чемвено (Hillary Chemweno) од Кенија, со постигнато време од 02:13:28, второто место го освои сонародникот Даниел Кипротич (Daniel Kiprotich) со време од 02:13:53, а пиедесталот го дополни македонскиот атлетичар Дарио Ивановски со резултат од 02:16:26.Во женска конкуренција, во генерален пласман, прва на целта стигна Ирин Џеруто (Irine Jeruto) исто од Кенија со време од 02:37:52, второпласирана заврши нашата Адријана Поп Арсова со време од 02:39:39, додека третото место ѝ припадна на Вивиен Џелагат (Vivian Jelagat) од Кенија со време од 02:44:16.Според резултатите, во конкуренција на македонските тркачи во маратонската трка, први се Дарио Ивановски и Адријана Поп Арсова како најбрзи Македонци на годинешната спортска манифестација, која ги разбуди скопските улици.Тројцата најдобри на полумаратонската трка во машка конкуренција се турски атлетичари. На полумаратонот најбрз беше Џан Хусеин (Can Huseyin) со резултат од 01:05:54, на второ место заврши Мурат Емектар (Emektar Murat) со време од 01:06:40, додека третото место му припадна на Абдуархман Гедиклиоглу (Gediklioglu Abdurrahman) со време од 01:09:47.Победничка на полумаратонот во женска конкуренција беше Бугарката Милица Мирчева (Militsa Mircheva) со време од 01:15:49, а втората и третата позиција ги зазедоа Албанката Греша Бакрачи (Bakraçi Gresa) со време од 01:21:14 и Норвежанката Џули Ларсен (Julie Larsen) со време од 01:22:04.Во машка конкуренција кај македонските атлетичари победник на полумаратонот годинава е Иван Пешевски со време од 01:12:58, на второ место Александар Арсов со време од 01:13:49, додека трет беше Илија Кироски со време од 01:15:27.Победничка во женска конкуренција кај македонските натпреварувачки на полумаратонот е Милјана Ристиќ со време од 01:22:55, второто место ѝ припадна на Фросина Михајловска со време од 01:31:23, додека како третопласирана заврши Теа Божиновска со време од 01:33:44.Победник во најкратката трка на 5 км, беше Гилман Јунузи со време од 00:15:45 во машка конкуренција, втор заврши Григоријан Никовски со време 00:15:54, а третопласиран беше Бојан Чаприќ со постигнат резултат од 00:16:16. Во трката на 5 км кај дамите, прва низ целта мина Ирма Хајдари со време 00:18:31, а место на пиедесталот имаше и за Дарија Крстевска (00:19:38) и Христина Секулоска (00:20:37).Голема помош во организацијата на годинешниот маратон пружија и вкупно 600 пријавени волонтери, кои им поделија 25 тони вода и 2 тони овошје на учесниците, како и 54.000 безопасни игли за прицврстување на натпреварувачките бројчиња. На секои 900 метри беше поставен освежителен пункт со различно освежување за тркачите, а забавниот дел на манифестацијата беше збогатен и со 10 музички точки.Организаторите на Виз Ер Скопски маратон им честитаа на победниците и учесниците, кои оваа година учествуваа на најмасовната спортска манифестација во Македонија, им се заблагодарија на сите волонтери за вложенениот труд и спортскиот дух, кој што секоја година го краси овој настан.„Задоволство ми е кога ќе ги видам скопските улици исполнети со луѓе уште во раните утрински часови. Им честитам на победниците на трките, како и на сите, кои учествуваа и покажаа дека се грижат за своето здравје преку физичка активност. Благодарност до волонтерите, кои со својот труд придонесоа јубилејниот 20. Виз Ер Скопски маратон да биде одлично организиран и да помине во најдобар можен ред“, изјави Кире Синадиновски, спортски директор на Виз Ер Скопски маратон.Главен покровител на 20. Јубилејно издание на Виз Ер Скопскиот маратон е Министерството за спорт, а покровители се Град Скопје и Канцеларијата на ЕУ во Скопје.

Македонија | пред 1 година

Пелистерка АД: Понудата на Комерцијална за откуп на акциите на Стопанска банка АД Битола не е соодветна со вредноста на банката

„Како носители на 21.85% од акциите на Стопанска банка АД Битола, сакаме да укажеме на севкупната македонска јавност, но и на сите други помали акционери дека понудата од страна на Комерцијална банка од 3200 денари по акција е целосно несоодветна и не е ниту блиску до книговодствената вредност на акциите на банката утврдени со ревидираните финансии извештаи и тоа за 2022 година на 4789 денари, а за 2023 година на 4327 денари“, велат од Пелистерка АД Скопје, заедно со поврзано правно лице ТИМОХ ДОО Скопје, во својство на квалификувани акционери во Стопанска банка АД Битола со 21.85% од акциите и додаваат:Оттаму сметаме дека финансиската кондиција на Стопанска банка АД Битола, е исклучително поволна и понудета вредност од страна на Комерција банка за откуп на акциите не ја дава реалната слика за моменталниот, но и за идниот потенцијал на банката.Во јавно објавениот документ наречен „Проспект за преземање на Стопанска банка АД Битола“ се поместени извештаи од меѓународни ревизори кои само ги потврдуваат политиките на добро управување со Стопанска банка АД Битола, укажуваат на транспарентно и успешно работење во интерес на коминтентите и сите акционери. ВО истиот документ понудувачот, Комерцијална банка наведува дека ефектот за нив доколку ги купат сите акции на Стопанска банка АД Битола, ќе изнесува 440 милиони денари односно консолидираната добивка за 2025 со што и самите укажуваат дека реалната вредност на акциите во моментов е далеку над 4000 денари по акција.Како квалификувани акционери исто така укажуваме дека доколку се отфрли понудата на Комерцијална банка, наредната 2025 е година во која исплатата на дивидента од добивка е сигурна за сите акционери во Стопанска банка АД Битола. Извештаите за биланс на состојбата како и оној за сеопфатна добивка само го потврдуваат ова сценарио.Дополнително сметаме дека бројот на вработени во Стопанска банка АД Битола целосно е во согласност со деловните потреби за опслужување на сите клиенти и воопшто не сме согласни како квалификувани акционери дека по евентуалното преземање само дел од вработените би биле преземени, а мнозинството отпуштени. Ова едноставно не е прифатливо како за нас, така и за економијата на пелагонскиот регион и особено за градот Битола од каде што доаѓаат најголемиот дел наши вработени.На крајот сакаме да потенцираме и да укажеме дека Стопанска банка АД Битола е по многу нешта најстабилната и најсигурната банка во Македонија имајќи во предвид дека најголемиот дел од пласманите се до државни обврсници.Апелираме до помалите сопственици на хартии од вредност во Стопанска банка АД Битола при донесувањето на нивната одлука во однос на продажба на акциите да ги имаат во предвид укажувањата наведени погоре, со цел да донесат информирана конечна одлука пред истекот на рокот на дадената понуда на Комерцијална банка АД Скопје.Исто така укажуваме до сите помалу акционери доколку се соочувате со одреден притисок или некоја форма на неетички комуникации кон вас, ве упатуваме да ни ги пријавите истите со цел да поднесеме како квалификувани акционери официјална пријава до Народна банка на Македонија.Контакт телефон: 02/ 3221 019Емаил: [email protected]“.

Македонија | пред 1 година

Панделевски и „Пелистерка“ добитници на наградата „World Vision 2024“

Пелистерка е македонски и регионален бренд кој во наредниве години ќе прерасне во европски, а очекуваме продажбата односно приходите од извоз да ги надминат приходите од продажба во Македонија имајќи предвид дека веќе сме присутни со продажба во 24 земји, истакна Панделевски во неговото обраќање по повод добивањето на наградата во Куќата на Уранија на МАНУ, во Охрид.Наградата на Пелистерка и Панделевски им беше доделена на свечената церемонија во Охрид, каде што оваа година лауреат и добитни на Светската награда за хуманизам, од страна на Охридската академија за хуманизам годинава беше Принцот на Црна Гора Никола Петровиќ Његош.Настанот се одржа во присуство на претседателката Гордана Силјановска-Давкова, претседателот на МАНУ, академик Живко Попов, Градоначалникот на Охрид, Кирил Пецаков, амбасадорот Јордан Плевнеш како и лауреатот Принцот на Црна Гора Никола Петровиќ Његош.Наградата „World Vision 2024“ е од особено значење на мене како стопанственик кој работи во Македонија над 35 години, рече Панделевски во своето обраќање. Панделевски пред присутните гости зборуваше за неговите почетоци со трговијата, па следува инвестициите со купување на „Пелистерка“, а подоцна и ЗК Пелагонија. Посебно сум горд на процесите на производство во ЗК Пелагонија потенцираше Панделевски, односно на заокружување на еден голем економски систем кој покажавме дека може да функционира во Македонија со формирање на првите биогасни централни кои се вистински пример за оддржување на циркуларна економија односно самодржливо производство на житни култури, кои пак се главна исхрана на млечните крави, чиј отпад е основно гориво во биогасната централа од каде се добива електрична енергија од обновливи извори, па се до топлина за стакленици и производство на градинарски култури и ѓубриво кое повторно се враќа на земјоделските парцели задржувајќи го хумусот и зголемувајќи го производството. ЗК Пелагонија е најголемиот производител на стратешки прехранбени производи во Македонија, пченица и млеко.Поздравно обраќање на настанот имаше Претседателот на МАНУ, академик Живко Попов, а наградата на добитникот Никола Петровиќ Његош ќе му ја врачи Градоначалникот на Охрид, Кирил Пецаков.Овој настан се организира во соработка со Институтот за културно наследство и археологија на Македонија, а беа доделени и специјални повелби на хуманизмот на Претседателот на Институтот за уметност од Чикаго, Ролф Ахилес, Амбасадорот на Словачка Н.Е. Хенрик Маркуш, поранешниот амбасадор на Франција Н.Е. Жан-Клод Шлумберже, како и на Панче Велков, директор на Музејот на Град Скопје и на Фондацијата „Македонида“, која објавува значајни дела посветени на македонската духовна историја.

Македонија | пред 1 година