Пелистерка бележи значителен раст во првото тримесечје од годинава, при што добивката е зголемена за 48 проценти, а приходите за 26 проценти во споредба со истиот период лани, пишува порталот „Пари“.
Оперативните приходи достигнале 1,6 милиони евра, што укажува на стабилна и засилена продажна активност, додека нето-добивката пораснала на 136,2 илјади евра.
Клучен двигател на ваквиот резултат е силниот раст на странските пазари, каде компанијата остварила зголемување од над 200 проценти, со приходи од 605,3 илјади евра.
Иако трошоците се зголемени, нивниот раст е умерен и значително понизок од растот на приходите, што директно придонесува за подобрување на профитабилноста.
Финансиските показатели покажуваат јасен тренд на експанзија, при што извозната ориентација се наметнува како главен фактор за раст и стабилизација на компанијата.
