ПОРШЕ

Драстичен пад на профитот на Порше

Германскиот производител на луксузни автомобили Порше објави дека неговиот оперативен профит драстично се намалил од речиси 5,3 милијарди евра во 2024 година на само 90 милиони евра минатата година, главно поради послабата продажба во Кина и зголемувањето на американските царини.Оперативниот профит на Порше за 2025 година, кој ги вклучува и финансиските услуги, изнесува 413 милиони евра, што исто така претставува голем пад во споредба со 5,6 милијарди евра во 2024 година.Вкупните приходи се намалени за речиси 10 проценти на 36,3 милијарди евра, додека оперативната маржа паднала од 14,5 проценти на само 0,3 проценти, пренесува германскиот економски неделник „Виртшафтсвохе“.Фолксваген наведува дека главните причини за слабите резултати се „темелно променетата пазарна средина во Кина, американските царини, побавниот премин кон електрични возила и еднократните посебни трошоци“.Падот на профитот делумно бил ублажен преку започнатата програма за штедење и укинување на околу 4.000 работни места, се наведува во извештајот.Во јануари на чело на Порше дојде поранешниот директор на Мекларен, Михаел Лајтерс, од кого се очекува да ги подобри резултатите на компанијата.Порше и во 2026 година очекува намалување на продажбата, но прогнозира дека оперативната профитна маржа ќе се зголеми на повеќе од пет проценти.Компанијата најавува дека ќе се насочи повеќе кон модели со мотори со внатрешно согорување поради недоволната побарувачка за електрични спортски автомобили во Кина.

Магазин | пред 1 седмица

(Видео) Газда на „Поршето“ во Дебар маало е ексамбасадорот Срѓан Керим: Нема потреба од никакви коментари, постапено е според прописите

Поршето паркирано во Дебар маало не е на полицаец, туку е во сопственост на Срѓан Керим, ексминистер за надворешни работи, амбасадор на Македонија во Обединетите нации и во Германија, дознава „Скопје1“. Неговите иницијали се најдоа и во информацијата од МВР, од каде може да се заклучи дека тој го управувал возилото бидејќи стои: „на возачот на возилото С.К. издаден му е платен налог“.„Скопје1“ се обрати до Керим. Откако не ни одговори на телефонскиот повик, ни испрати порака „Ве молам пишете порака“. Па му се обративме писмено. Испративме повеќе прашања, меѓу кои и: „Зошто полицаецот требаше да влезе во кафеаната каде седевте и да разговара со вас, за да може да постапи согласно законот?“. Потоа го прашавме: „Бевте министер, амбасадор во ОН и Германија, имате меѓународна кариера. Зар вака се паркира ширум светот и вака се постапува кога полицијата го спроведува законот?“.На ова, тој не одговори конкретно. До „Скопје1“ испрати став во кој стои: „Нема потреба од никакви коментари. Постапено е според позитивните прописи што важат во вакви случаи“.Снимката со неговиот автомобил наиде на бура реакции од јавноста, особено бидејќи полицаецот се симна, па се повлече со екипата од ПОЦ со намера да не го санкционира Керим. По жестока реакција на граѓани, полицаецот влезе до кафеаната, па го крена возилото. Сега, полицаецот е под истрага од страна на Одделот за внатрешна контрола на МВР за да се утврди дали направил пропусти.

Македонија | пред 11 месец