пулс

(Видео) Уапсени повеќе од 20 лица, меѓу кои организатори на кобната забава во дискотеката во Кочани

Министерот за внатрешни работи, Панче Тошковски соопшти дека 20 лица се уапсени. Дискотеката имала две нелегални лиценци, кои биле фалсификувани. Истите се издадени во 2024 година.„МВР до овој момент, во врска со овој кривично правен настан има осомничено повеќе од 20 лица. Околу 15 лица се во полициска станица. Дел од осомничените се починати, дел се во болница. Четири лица имаме обезбедено во болница, два члена на бендот, син на сопственик на дискотека, и управител на правното лице кое ја менаџирало дискотеката. Дел од приведените лица кои се во полициска станица, се луѓе кои имаат директна вина во врска со овој крвично правен настан, согласно доказите кои ги имаме собрано. Имаме приведено едно лице кое е организатор на настанот и за кое имаме сомнение дека има директна вина поврзани со овој настан. Исто така, приведени се, поранешен државен секретар во Министерството за економија, поранешен раководител на еден сектор од Министерството за економија. Имаме приведено поранешен директор на Дирекција за заштита на спасување и тројца вработени во рамки на дирекцијата. Дел од приведените во Кочани се луѓе кои биле организатори“, рече Тошковски.Тој додаде дека разговор е извршен со 25 лица, кои биле сведоци. Потоа, кажа и за лиценцата.„Легална лиценца за работа, оваа фирма нема. Не би сакал да откривам детали во рамки на оваа истражна постапка. И оваа лиценца, како и многу други работи е поврзана со мито и корупција. И сакам и напоменам на македонската јавност, дека за разлика од претходно, во овој случај имаат име и презиме сите вклучени во рамки на нелегалното издавање на лиценци и ќе одговараат“, додаде Тошковски.

Македонија | пред 9 месеци

Сара Пројковска, пратечки вокал во ДНК, е меѓу загинатите во кочанската дискотека

Сара Пројковска, е меѓу загинатите во трагичниот настан во кочанската дискотека. Ова го потврдија од Факултетот за музичка уметност во Скопје.„Со длабока жалост и неверица ве известуваме дека нашата колешка, вонр. проф.м-р Сара Пројковска, го загуби животот во невидената трагедија во Кочани. Нашата Сара, полна со љубов, живот и музика, лавица и добрица…“, се вели во објавата на социјалните мрежи.И Андреј Ѓорѓиески од групата ДНК е еден од загинатите во пожарот во дискотеката во Кочани, кој избувна утринава пред 3 часот. Тој, според нашите информации, имал тешки изгореници и се обидувал да им помогне на гостите кога избувнал пожарот кога и го загубил животот.Во пожарот животот го загуби и Горги Горгиев од ДНК, а меѓу загинатите е и Филип Стевановски, клавијтурист во ДНК и директор на Центарот за култура „Ацо Шопов“ и Фестивалот за детски песни „Весело штурче“ и Александар Коларов, гитрист во ДНК.

Македонија | пред 9 месеци

Загина и Андреј од „ДНК“

Андреј Ѓорѓиески, познат Акако ндреј од „ДНК“, е еден од загинатите во клубот „Пулс“ во Кочани. Тој е една од 59-те жртви во страшната трагедија. Има и други лица во многу тешка состојба и за жал, се очекува оваа бројка да се искачува.Владимир Блажев-Панчо има изгореници на лицето и рацете, и е на кислородна поддршка. Тој засега е вон животна опасност.Досега потврдена е смртта и на музичарот Филип Стевановски од Куманово, кој е член на бендот на дуото ДНК.Претходно беше објавено дека загина и тапанарот на групата ДНК.

Македонија | пред 9 месеци

Сочувство од ДУИ: Ова е огромна загуба за семејствата, за Кочани и за целата наша држава

Сочувство за трагедијата во дискотеката во Кочани изрази Демократската унија за интеграција.„ДУИ изразува најдлабока тага за тешката трагедија во Кочани, каде досега 59 лица го загубија животот, а повеќе од 150 се повредени во разорниот пожар во ноќен клуб”, велат од ДУИ и најавија дека ги откажуваат сите партиски активности и собири за една недела.„Ова е огромна загуба за семејствата, за градот Кочани и за целата наша држава. Како знак на солидарност и почит, ДУИ одлучи да ги откаже сите партиски активности и собири за една недела. Ова е момент на жалост и размислување, каде што целото внимание треба да биде насочено кон жртвите, нивните семејства и преживеаните. Во овие тешки моменти, ДУИ стои со семејствата на жртвите и со сите граѓани погодени од оваа трагедија”, стои во соопштението од ДУИ.

Македонија | пред 9 месеци

Петмина повредени од Кочани со воен авион на Бугарија ќе бидат пренесени во бугарските клиники

По наредба на премиерот Росен Желјазков, авионот „Спартан“ на бугарското воено воздухопловство замина за Република Македонија.Авионот од Скопје до бугарските болници ќе превезе пет лица тешко повредени во пожарот во забавен објект во градот Кочани.Во авионот патуваат бугарски медицински тимови, составени од лекари за реанимација и специјалисти за изгореници.Повредените ќе бидат сместени во специјализираните единици за изгореници во медицинските установи во Софија и Варна.Дополнително, итно е подготвена клиничката база во болниците во Софија, Варна и Благоевград да прими повредени лица доколку има потреба. Бугарските болници се подготвени да примат уште жртви по координација со властите на Република Македонија.

Македонија | пред 9 месеци

Уставниот суд изразува најдлабоко сочуство до семејствата на настраданите во пожарот во Кочани

Уставниот суд со длабоко жалење ја прими веста за ужасната трагедија во Кочани. Не постојат соодветни зборови кои ќе ја намалат тагата, во овие тешки и траорни моменти судиите изразуваат најдлабоко сочуство до семејствата на настраданите. Ненадоместлива е загубата, ја споделуваме болката и нашите мисли се со родителите роднините и пријателите на трагично настраданите. На повредените им посакуваме побрзо закрепнување, стои во соопштението од Уставен суд.

Македонија | пред 9 месеци

Папата Франциск изрази сочувство до семејствата на жртвите во Кочани

Преку телеграма потпишана од кардиналот државен секретар Пјетро Паролин, Папата Франциск упати сочувство по пожарот во ноќен клуб во Северна Македонија, во кој животот го загубија речиси 60 лица, претежно млади луѓе.„Папата изрази длабоко сочувство до семејствата на жртвите, како и својата духовна блискост со повредените”, стои во телеграмата упатена до скопскиот бискуп Киро Стојанов.Папата уверува дека сеќавањето на жртвите ќе го задржи во своите молитви.

Македонија | пред 9 месеци

Почина фудбалерот Андреј Лазаров по здобиените повреди од трагедијата во Кочани

Во пожарот во кочанската дискотека почина и младиот фудбалер на Шкупи, Андреј Лазаров. Тој беше меѓу повредените во болницата во Штип, но за жал состојбата му се влошила и тој починал.Според информациите, тој се здобил со изгореници кои на крајот се покажале како претешки за да преживее.Неговиот клуб претходно објави дека тој е надвор од животна опасност, но ситуацијата подоцна се променила и за жал им подлегнал на повредите. Металург, Работнички и Тиквеш беа клубовите за кои настапуваше во Македонија, додека во Хрватска беше дел од Рудеш и Горица.

Македонија | пред 9 месеци

Како дискотеката во Кочани со блокирана сметка организирала концерти?!

Фирмата „ММММ кафе ДООЕЛ“, носител на лиценцата за „Клуб Пулс“ во Кочани, каде загинаа 59 лица, е со блокирана сметка, покажуваат информациите од „Бизнис мрежа“, софтвер кој црпи информации од Централниот регистар. Ова го отвора прашањето, како оваа фирма продавала карти, но и пијачки на присутните во клубот, каде се случи големата трагедија. Фирмата е основана во 2020 година.Според лиценцата издадена од Министерството за економија, објавена од ТВ21, фирмата ја добила лиценцата на 13.03.2023 година, од државниот секретар Размена Чекиќ Дуровиќ. Не се знае дали е истечена или не.Претходно, беше објавено дека објектот каде била дискотеката, порано бил магацин за теписони. Како била направена пренамена - останува непознато. Соодветноста на објектот го проверуваат и од МВР, бидејќи во дискотеката имало стотици гости, а имало еден влез, кој бил тесен и мал.Од кочанската болница веќе известија дека последицата за смртта кај повеќе лица било токму стапедото на излезот од објектот.Министерот за внатрешни работи, Панче Тошковски, кажа дека под истрага се и тие кои ја издале лиценцата за дискотека, како и инспекциските служби кои требало да го контролираат работењето.

Македонија | пред 9 месеци

Tрагедијата во Кочани е резултат на нашето толерирање на опасното живеење, немањето елементарни стандарди, попустливост, бахатост и отсуство на свест за одговорност

Адвокатот и поранешен кривичен судија, Владимир Туфегџиќ, посочи дека трагедијата во Кочани е резултат на нашето толерирање на опасното живеење, прогледување низ прсти од фискални причини на “дивоградби”, немањето елементарни стандарди, попустливост, бахатост и отсуство на свест за одговорност.„Отсуството на професионализам, етика, морал и одговорност не доведоа до состојба што ние воопшто не сме свесни ниту одговорни кон сопствените животи, не умееме да препознаеме опасност поради трка за профит и пари, се е кај нас “ај бе нема везе иам чоек, ќе свршиме работа”.После секоја трагедија нашата реакција освен првичниот коментар “ страшно и трагично“, наредното е “добро е мене не ми се случи”, ќе ти се случи пријателе само не знаеш кога.Од ниту една трагедија не извлековме поука, немаме капацитет за тоа.Од сите трагедии што ни се случиле не ги памтиме жртвите, никогаш не ги дознавме вистинските причини, туку памтиме кој вршел опструкција на постапката, кој политичар што кажал и за кој “кабел” се фатил и за кого ургирал.Се сеќавате на трагедијата во Тетовската болница,одма од политичка говорница беше огласен за виновен “кабелот” и така заврши, а тоа што објектот не е соодветен за болница него за трафика нема везе, битно да го спасиме “нашиот”.Минатото лето во Радишани во див објект за прослави и веселби, со тарифа од 200 евра за 6 часа, нормално со логистика за “кинење” пријави за нарушување на јавен ред и мир, без било какви стандарди и дозвола за работа, пуштајќи музика од струен удар загина младо дете Љупчо Лешко и во опасност беа доведени уште 30-тина деца, никоме ништа, истрагата трае.Јавниот обвинител иако му се доставени докази, нема намера да помисли да спроведе истрага во која ќе ги повика сопственикот и менаџерот на дивиот објект, ангажираниот вештак случајно или не дојде само до “продолжниот кабел”, исто како во Тетовската болница, а тоа што немало заземјување и струја шетала секаде по вода и по земја, нема везе, пиши “несреќен случај” не е мое дете, туѓо е, башка дете на Раде и Кети а не дете на некој “чауш”.Од нас самите зависи дали ќе продолжиме да живееме стихијно по инерција до наредна трагедија или конечно ќе восооставиме ред, сочувство до семејствата на настраданите“, напишпа тој.

Коментари | пред 9 месеци

И Филип Стевановски, член на бендот ДНК загина во дискотеката во Кочани

Музичарот Филип Стевановски од Куманово, кој е член на бендот на дуото ДНК, загина во пожарот во Кочани, јавува штипската телевизија Стар.Стевановски бешее продуцент, пијанист, тромбонист и композитор, магистар по џез науки, а вработен беше како професор во Државниот музички училишен центар (ДМУЦ) „Сергеј Михајлов“ - Штип.Стевановски своето основно образование го завршил во Куманово. Своето школување го продолжува во „Илија Николовски – Луј“ Скопје, а подоцна своето образование го усовршува во Америка.Завршува два факултети вокално инструментален оддел класична музика и џез оддел.Филип Стевановски беше неодамна назначен и за директор на Центарот за култура во Штип.Според последните информации досега загинати се 59 лица откако пожар го зафати клубот „Пулс“ во Кочани.Од него, се прости и пејачката Бојана Скендеровски.[caption id="attachment_324391" align="alignnone" width="699"] Screenshot[/caption]

Македонија | пред 9 месеци

(Видео) Сведоштво на девојка која се спасила: Колку можевме реанимиравме, помагавме, влечевме

Млада девојка која била во дискотеката „Пулс“ во Кочани, за Канал 5 ТВ сведочи како се спасувале откако избувнал пожарот.„За две минути почна да гори. Две минути беше малку за да видиме дека почна чад. Мене не ми се веруваше дека тоа е оган. Во таа паника, не можевме да видиме дали одиме еден на друг, дали газиме или не, туку гледавме само да се спасиме. Сликата позади мене беше страшна. Чадот не престана, врескањето не престана“, рече младата девојка.„Колку можевме реанимиравме, помагавме, влечевме. И другари и другарки, и познати и непознати, колку можевме правевме. Пожарната и амбулантата дојдоа, ама не беше доволно бидејќи имаше повеќе настрадани отколку дежурни екипи“, додаде девојката.„Цел град беше таму, скоро сите блиски ми беа таму. Имам повредени другари и другарки, блиски личности кои не можат да се најдат во живи, повредени, болници“, додаде таа.

Македонија | пред 9 месеци

Цаневска: Бројот на жртви се зголемува, тешко повредени, врисоци, барање здив - да не ја валкаме нивната солза!

„Бројот на жртви се зголемува, тешко повредени, врисоци, барање здив и спас од дискотеката на смртта во Кочани“, напиша новинарката Катерина Цаневска и додаде:Семејствата и блиските обвиени во црнина и болка, тагува Кочани, тагува Македонија. Но, ова не е време за ќарување политички поени и обвинувања во чие време повеќе луѓе погинале, кој како и што градел.Да ги оставиме семејствата да ги исплачат и достоинствено да си ги испратат саканите, да не ја валкаме нивната солза.Потоа надлежните да испитаат и да одговараат виновните за да не ни се повтори. Бевте што бевте и тие што треба и тие што не треба во Кочани, сега назад каде што ви е место.Да дозволиме ова да бидат денови на тагување а не партиска гладијаторска борба“.

Коментари | пред 9 месеци

Струмица се простува од сограѓанинот Ѓорѓи, тапанар на ДНК, кој загина во дискотеката во Кочани

Младиот талентиран музичар Ѓорѓи Горѓиев од Струмица, кој се истакнуваше со својот музички талент, го загуби животот во трагичниот пожар што избувна во градот Кочани.„Ах бре убаво дете, сите списоци сите болници баравме за да те најдеме, само да ни кажат дека си тука… Со неизмерна тага ја примив веста за трагичната загуба на нашиот сограѓанин, Горги Горгиев, кој го загуби својот живот во страшниот пожар во Кочани. Струмица загуби талентиран музичар, пријател и човек со големо срце, кој преку својата музика ширеше радост и емоции. Во овие тешки моменти, моите мисли и молитви се со неговото семејство, најблиските и сите кои го познаваа и сакаа. Нека почива во мир, а неговата музика и споменот за него вечно да живеат во нашите срца“, објави струмичкиот градоначалник Костадин Костадинов.Досега, 59 лица загинаа, над 150 лица се повредени.Од Горѓиев се прости и неговиот брат:[caption id="attachment_324371" align="alignnone" width="625"] Screenshot[/caption]

Македонија | пред 9 месеци

(Видео) Повеќето пациенти починале поради стампедото при евакуација од дискотеката, откри директорката на кочанската болница

Ноќеска во 02:48 часот, кочанската болница го добила првиот повик. За 30 минути биле мобилизирани сите медицински лица и почнале да се носат пациенти.„Пациентите беа на возраст од 16 години до 24 годишна возраст. Најмногу имаше со изгореници и интоксикација на јаглероден моноксид. Потоа, пациенти беа препраќани во Штип. Пациентите беа пренесени во најкус можен период, по тријажата, станува збор за повреда со ентоксикација и изгореници. Тие кои беа со помали изгореници беа задржани во кочанската болница“, рече Кристина Серафимова директорка на општата болница во Кочани.Таа додаде: „Повеќето пациенти имаа повреди од стампедо, особено пациентите кои се починати. Починаа од стампедото кое било направено, при паниката, паничниот напад. Започнале да излегуваат низ влезот, каде не собирало да поминат 1500 лица“, додаде Серафимова.Таа рече дека имало пацинети од Скопје, Штип, Пробиштип, Кочани.

Македонија | пред 9 месеци