разбојништво

Со секира присилил вработена да му даде пари : Битолчанец под истрага за разбојништво во казино

Основното јавно обвинителство во Битола отвори истрага против 53-годишен жител на градот осомничен за разбојништво, по инцидент во казино на „Широк Сокак“ во кој, според наведеното, се заканувал со секира и насилно зел пари од вработена.Настанот, што се случил на 15 декември, започнал по изгубени 8.600 денари на слот-машини. Револтираниот маж влегол во вербален конфликт, по што од под јакната извадил секира и почнал да замавнува кон вработената, доведувајќи ја во непосредна животна опасност.Преплашена, оштетената ја отворила касата и му ги предала парите што ги барал, по што осомничениот го напуштил објектот.Обвинителството смета дека сериозноста на делото, начинот на извршување и претходната осудуваност на осомничениот упатуваат на ризик од повторување или бегство, па до судијата на претходна постапка е поднесен предлог за притвор.

Македонија | пред 1 седмица

Во скопски трговски центар: Го следеле, го нокаутирале и му украле 8.800 денари, ојо бара притвор, но едниот избегал

Основното јавно обвинителство Скопје донесе Наредба за спроведување истражна постапка против едно лице за кривично дело – Разбојништво од член 237 став 4 од Кривичниот законик.Делото го извршил заедно со уште едно лице по кое се трага. На 15 ноември, спроти еден трговски центар во Скопје, двајцата следеле еден оштетен. Во еден момент осомничениот со тупаница го удрил оштетениот по главата, а другиот напаѓач му се заканил со боксирач.Претурајќи по јакната на нападнатиот пронашле и одзеле 8.800 денари. Го турнале на земја, го удирале со клоци и се обиделе да му го скршат мобилниот телефон, по што избегале.Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот 43-годишник.

Скопје | пред 1 месец

Планирал љубовна вечер со две жени, но добил ќотек и останал без 200 илјади денари: Поведена истрага против две жени и двајца мажи

Истрага против четири лица – двајца мажи и две жени поведе Основното јавно обвинителство Скопје за кривично дело – Разбојништво од член 237 став 4 во врска со став 1 од Кривичниот законик, бидејќи четворицата во група, со употреба на сила одзеле 200 илјади денари од едно лице.На 30 октомври оштетениот со една од осомничените жени отишле во мотел во Скопје, по што таа му предложила да повика уште една девојка. Оштетениот се согласил и осомничената ја повикала другата жена, па заедно го убедиле оштетениот да одат во “поубав и поевтин хотел”.Излегувајќи од собата, во темниот двор на мотелот, ги пречекале двајцата мажи кои биле во договор со жените и заедно му се нафрлиле на оштетениот. Го удирале со боксови по главата и телото додека не паднал на земјата, а од џебовите му ги одзеле парите, мобилниот телефон и личната карта.Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за сите четворица осомничени, поради опасност од бегство и можност да го повторуваат делото. За една од осомничените жени која е во бегство откако го извршила делото, притворот ќе започне да се применува од нејзиното пронаоѓање и лишување од слобода.

Скопје | пред 1 месец

Нема фотографија

Приведен разбојник во Битола

На 05.03.2024, полициски службеници од СВР Битола го лишиле од слобода А.Б.(28) од Битола поради постоење основи на сомнение за сторено кривично дело „разбојништво” казниво по член 237 од Кривичниот законик.Тој се сомничи дека на 09.02.2024 во спортска обложувалница на ул.„Охридска” во Битола со закана кон вработени одзел пари. По преземени мерки било дојдено до сознанија дека тој е сторителот, по што, подоцна со судска наредба бил извршен претрес во неговиот дом и возило и биле пронајдени предмети за кои постоои сомнение дека се поврзани со делото.Тој бил приведен и во службен разговор во полициска станица го признал делото.

Македонија | пред 1 година

Од три разбојништва неделава, само за најтешкото за осомничените се барало куќен притвор

Од три разбојништва во Македонија за кои обвинителствата покренале постапки во последната недела, само во еден предмет наместо ефективен притвор, побаран и одобрен е куќен притвор. Станува збор за разбојништво кое е извршено во Гевгелија, за кое постапка се води во Обвинителството под раководство на Васка Садикова-Ковачева.Во овој случај, четири лица натепале маж од Неготино, му го одзеле автомобилот, торбичка со 2.500 евра, телефон „Ајфон“ и други лични предмети. Гевгелиското обвинителство покрена постапка за разбојништво, кривично дело за кое е предвидена затворска казна над десет години. Обвинителството било свесно дека осомничените можат да избегаат и да влијаат на сведоци, но сепак, обвинителот побарал куќен притвор наместо ефективен притвор.Интересно е што според обвинителската пракса, како што може да се види и од постапките од изминатата недела, во вакви случаи се бара исклучително ефективен притвор. Можноста за осомничените да избегаат е поголема, а особено ако се земе во предвид фактот дека станува збор за лица на кои им е запретена казна од најмалку десет години затвор. Притоа, Гевгелија е град кој се граничи со Грција, а општопознато е дека може илегално да се помине границата.Овој случај каде осомничените добија куќен притвор благодарение на гевгелиското обвинителство е и најтежок, ако се спореди со остантите два од оваа недела каде осомничените добиле ефективен притвор. Па така, за кражба во Богданци каде маж украл 65.000 денари од казино со употреба на нож и за велешанец кој нападнал две жени и одзел 2.000 денари и 20 литри ракија – осомничените добија ефективен притвор.Нема објаснување зошто обвинителот за вака тешко кривично дело побарал поблага мерка за разбојнишството во Гевгелија.

Македонија | пред 3 години