СЕЈДИНИ

Мети Сејдини оди во притвор

Основниот кривичен суд Скопје соопшти дека, постапувајќи по предлог на надлежното обвинителство, донел решение со кое на поранешниот претседател на Фудбалската федерација на Македонија, Мети Сејдини, му е определена мерка притвор во траење од 30 дена, стои во соопштението на судот.Од Кривичниот суд информираат дека мерката притвор е определена поради основано сомнение дека лицето сторило кривично дело „проневера во служба“, како и поради постоење околности кои упатуваат на опасност од бегство и можност за влијание врз сведоци и докази, наведува судот во соопштението.Од судот додаваат дека ќе продолжат да постапуваат согласно законските надлежности и во интерес на ефикасно и законито водење на постапката.

Македонија | пред 3 седмици

МВР со детали за кривичната против Мети Сејдини

Министерството за внатрешни работи поднесе кривична пријава против М.С., поранешен претседател на Фудбалската федерација на Македонија, поради основано сомнение за сторено кривично дело „проневера во службата“.Како што информираат од МВР, пријавата е поднесена од Одделот за сузбивање на организиран и сериозен криминал во координација со Одделот за криминалистичка полиција до Основното јавно обвинителство Скопје.Според наводите, во периодот од ноември до декември 2024 година, осомничениот како службено лице прибавил противправна имотна корист од околу 660.000 евра за правно лице од Скопје.Случајот е поврзан со средства добиени од УЕФА, наменети за ревитализација на спортска инфраструктура во рамки на програмата „ХетТрик VI“. Се работи за проект за изградба на трибина на стадионот „Билјанини извори“ во Охрид, за кој била избрана понуда во вредност од околу 3,3 милиони евра без ДДВ.Иако таква можност не била предвидена ниту побарана од изведувачот, ниту пак била дел од одлуката на Управниот одбор, осомничениот вметнал дополнителен услов во договорот – авансна исплата од 20 проценти од вредноста на договорот, пред започнување на работите и без обезбедување.На 17 декември 2024 година, со негов налог, средствата во износ од околу 660.000 евра биле исплатени авансно на избраната фирма.Од МВР наведуваат дека со ваквото постапување осомничениот ги префрлил средствата што му биле доверени во службата, спротивно на утврдените процедури и одлуки.

Македонија | пред 3 седмици

Се бара притвор за експретседателот на ФФМ Сејдини: истрага за проневера на 660.000 евра

Основното јавно обвинителство Скопје донесе наредба за спроведување истражна постапка против поранешниот претседател на Фудбалската федерација на Македонија, Мети Сејдини, поради основано сомнение за кривично дело „проневера во службата“.Според Обвинителството, во периодот ноември – декември 2024 година, како службено лице, тој прибавил противправна имотна корист од околу 660.000 евра за правно лице од Скопје.Сомнежите произлегуваат од реализација на проект финансиран со средства од УЕФА, наменети за ревитализација на спортска инфраструктура, во рамки на програмата „ХетТрик VI“. Станува збор за изградба на трибина на стадионот „Билјанини извори“ во Охрид, за која по спроведена постапка била избрана понуда во вредност од околу 3,3 милиони евра без ДДВ.Иако таква можност не била предвидена ниту побарана од изведувачот, ниту пак одобрена од Управниот одбор, осомничениот внел дополнителен услов во договорот – исплата на аванс од 20 проценти од вкупната вредност, пред започнување на градежните работи и без никакво обезбедување.На 17 декември 2024 година, со налог од осомничениот, на избраната компанија ѝ биле исплатени околу 660.000 евра авансно.Обвинителството оценува дека постои опасност од бегство, како и можност за влијание врз сведоци, поради што до судијата на претходна постапка е доставен предлог за определување мерка притвор.

Македонија | пред 3 седмици

Експретседателот на ФФМ Сејдини е успсен за проневера и злоупотреба: детали од Обвинителството

Скопското обвинителство потврди дека е уапсен поранешниот претседател на Фудбалската федерација на Македонија, Мети Сејдини.“Во рамките на предмет оформен во ОЈО Скопје, полициски службеници од Одделот за сузбивање на организиран и сериозен криминал и Одделот за криминалистичка полиција лишија од слобода едно лице поради дејствија кои упатуваат на сомненија  за сторени кривични дела - проневера и злоупотреба”, велат од Обвинителството.Тие посочуваат: Се уште се преземаат дејствија по наредба на јавниот обвинител, а повеќе детали за натамошниот тек на постапката ќе бидат споделени по завршувањето на дејствијата кои се во тек.Претходно, според неофицијални информации, беше приведен поранешниот претседател на Фудбалската федерација на Македонија, Мухамед Мети Сејдини, под сомнение за проневера на околу 700.000 евра средства, наводно добиени од УЕФА за изградба на трибина во Охрид.Според истите извори, сомнежите биле констатирани по промената на раководството во федерацијата, по што случајот бил пријавен во Министерството за внатрешни работи.

Македонија | пред 3 седмици

Приведен поранешниот претседател на ФФМ Мухамед Сејдини – истрага за 700.000 евра

Поранешниот претседател на Фудбалската федерација на Македонија, Мухамед Сејдини, е приведен во акција на Министерството за внатрешни работи, спроведена во координација со Јавното обвинителство, дознава “Скопје1” од извори во истрагата.Според првичните информации, тој се сомничи за проневера на околу 700.000 евра, средства доделени од УЕФА на ФФМ за поддршка и изградба на трибина во Охрид.Неофицијално, сомнежите за злоупотреби биле констатирани по доаѓањето на новото раководство на федерацијата, по што случајот бил пријавен до надлежните институции.

Македонија | пред 3 седмици

Сејдини останува прв човек на ФФМ до 22 декември, кога ќе се бира неговиот наследник

„По 7 извонредни години исполнети со историски достигнувања, решив да се повлечам од позицијата претседател на Фудбалската федерација на Македонија. Оваа одлука е резултат на моето размислување дека дојде момент за промена, по период што ќе остане запаметен како најуспешен во историјата на нашиот фудбал“, објави досегашниот претседател на ФФМ, Мухамед Сејдини и додаде:Заедно со вас, напишавме златни страници за македонскиот фудбал: историското учество на Европското првенство ЕУРО 2020, второто место во квалификациската група за Светското првенство и незаборавната победа над Италија во Палермо, успесите во Лигата на нации со премин во Лига Б и реализацијата на бројни инфраструктурни проекти во соработка со УЕФА и ФИФА. Ја напуштам оваа позиција со гордост и огромна благодарност до сите кои придонесоа за овие успеси: фудбалерите, селекторите, клубовите, инвеститорите, администрацијата, Управниот Одбор и секој љубител на фудбалот.Јас ќе продолжам да ја извршувам својата улога до 22 декември, кога на Вонредно Собрание ќе биде избран мојот наследник.Со целосна верба во иднината на Федерацијата и македонскиот фудбал, од срце ви благодарам за поддршката и соработката во изминатите години“.

Скопје | пред 1 година